يمه تعالي!! وش بقى يمه تعالي


Recommended Posts

احبابي الغالين الطيبين

اول مشاركه لي معكم

ولا أدري كيف ابدأ وكيف أشارك

فقلت مالك الا بالقصيد ياولد منها تسلم ومنها تقصد

ولا لقيت ابدأ إلا بقصيده في أغلا شي بحياتي

وآخر ماكتبت أتمنى ان ينال استحسانكم ياحلوين

يمه تعالي!! وش بقى يمه تعالي

شوفي شموخي من غيابك طاح يمه

لك وحشةٍ ماشالها روس الجبالي

ولك الغلا اللي لو شكى يرتاع دمه

ابرسم الدنيا ولو ماهي ببالي

لجلك حفضت الشوق يمه ويش همه

ياحبي اللي زاد في راسي هبالي

ناديتك بدمعي ودمعي زاد جمه

أنا بكيت البعد ياحالي وحالي

أنا بدونك شاربٍ من كاس سمه

ماضن عقلي دالهٍ عنك وسالي

ياصْدَق شعورٍ كل مافيني يزمه

يالساجده يالعابده ياحلو فالي

انتي البخور اللي يفوح وطاب شمه

وش لون انام وجهك الصافي طرالي

ياللي عطيتي الوصل وصلٍ فيك لمه

فيك الحكي شهدٍ وضحكاتك زلالي

وليمن سكتي يبكي لسانك بفمه

أمرك ترى نافذ وجيك بلا نعالي

أجيك حافي لابسٍ دنيا المذمه

وحب يدٍّ تبذل اللي مايطالي

ياحض (حنَّا) وسط كفينن تضمه

إذا ذكر خيرٍ على الألسن تقالي

أمٍ تفرج كل من يشقى بهمه

أمٍ عطاها فوق ماتصور خيالي

هي الشرف

هي الشرف

هي الشرف

هي الشرف

هي الشرف

كلي شرف لاقلت يمه

وسلامتكم

حرطاوي wink.gif

رابط هذا التعليق
شارك

  • 2 weeks later...

هلا ومرحبا بالاخ كتكوت المبجل

انت اروع وأجمل واحلى ياغالي تسلم وماقصرت

وبالنسبة للأسم فمعناه واضح للجميع؟؟؟؟ واللقافة؟؟ متعودين عليها يارجال

هـــــــــــات الملــــيون اللي عندك ثم اعلمك اسمي

امزح مابي مليون أبغى عشرة آلاف بس

حر = مشتقة من حرمة أي انني من أهل حرمة

طاوي= اني أموت بالأرطاوية وشمة هواها

اتمنى ان المعلومة وصلت

رابط هذا التعليق
شارك

يمه .. أنا مالي في هالزرع مقيال ... يمــــه ربيع الكون ماهو بعيني

ماشاقني طفلٍ وأنا صرت رجال ... وأطلقت بـــــــالأيام مهرة سنيني

يمه رضيت بكل مايرضي الحال ... بس الزمــن بــالحيل يلوي يميني

نوّخت فكري لــلتواضع ولا زال ... وجعلت فـــــي وكر الكرامه جبيني

ومديت كفينـــي عطا تشعل اشعال ... أصابعي شمـــــع لمن هو يبيني

وجعلت فــي قلبي للأحباب منزال ... وسكنتهم رغــــــم علي عاذليني

طبعي كذا ، ماخالطه خبث واهبال ... أشـري الذي في خاطره يشتريني

يمه ، أنا في عالم الحب مرسال ... تكـــــفيني من نار العذاب ادركيني

كنت أذكر البسمـه على شفاة الأطفال ... كانت تحرك كل الأفراح فيني

صمتي قتـــــل في داخلي كل الآمال ... وتبـــــــخرت أحلام أول تجيني

كنت أحسب الـــــدنيا قصيدة وموال ... موالها فــرح ، وفرحها هجيني

لكن نـغمها ماطرالــــي على البال ... ان اللـــــــــيالي بطبعها تكتفيني

يمه ، جهلت اسنين ، وسنين أطوال ... أمشي وتصفق في هواها يديني

أطرد سراب وداخل الأرض زلزال ... آه الـــــــظما يقتل سنابل حنيني

يمه كفوف البرد ماتدفي الشال ... أرمـــي الزمان وبالحنان احضنيني

يمه شكيت ومابغيت أشكي الحال ... صوت انهتف في داخلي سامحيني

رابط هذا التعليق
شارك

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان