Booking.com

كتكوت

المتميزين
  • عدد المشاركات

    433
  • تاريخ الانضمام

  • تاريخ اخر زياره

كل منشورات العضو كتكوت

  1. ياشين الواحد إذا حط موضوع وراح وسفهه ، والعالم يردون عليه وهو سافههم... المشكله اني قايل خل نقلبها ذكريات وحزن!! يعني ناويها سواليف... يووووووووووه وياخزياااه في اخيتي فتاة.. مكبرتن في واجبي ومثبتن الموضوع وانا مدربيها مدري عنكم!! بس العذر والسموحة ياجماعة ولاعاد اتعودها.. وابشروا بالعوض.. بس والله اني لاهي شوي في ظروف (اعلمكم بعدين) ولااقدر اقطعكم عشان كذا اطل من فتره لفتره.. بس نااااااااشبلكم بقووووووووه.. انتظروني... ياجماعة مدري ليه تجوزلي حتسيات هالبنية (فتاة سوق السبت) هي وبنيتن ثانية ابعلمكم عنها بعد شوي والله (يام البسطات) اني يوم قريت قصيدتس يوم غورقت عيوني وبنت اختي الصغيره جنبي متروعه تقول وش جاه ذا؟؟ <<<< الله من الهول!! بس قسمن بالله ان الصورة اللي تقولينها مالي بها اي علاقة ولاهيب صورتي<<< اشوا المهم لو اكتب واكتب واكتب لن اوفي افلام كرتون منول حقها... بس ولو طيرتيني في العجة (دخت مع المدح) واصبري علي مابعد شفتي شي <<<ماينمدح!! اما اخيي مرتاح مدري ليه ارتاحله مررره والله احس ان قلبه طيييييييييب وعلى نياته.. طيب منيب اعزك؟؟ (كني داري خشتك ماعاد تقوى تصكها مع المدح!!) شكرآ على التخبصات حقتك بس اترك عنك حرككككككه... اما مقروده ههههههههههههههههههههه اي صبا فاتن؟؟ بس ولو مالتس حق على كونان تدرين انه الوحيد اللي اتابعه الحين اما كوالا مدري اذكره والا لأ؟؟ موب غريب عليّ موب هو ذاك ابو اذان.. والله تساني منيب واهم فهو (هو)؟؟ مرحباااااااااااااا مرحباااااااااااا مرحباااااااااااا (ماذكرتو القصبي) هلا بأخيي صدى تصدق ان ردك يعطيني حنااااااااااان؟؟ ههههههههههه الله يرجك يالمنتهي وش جاب حنان الحين!!! مدري احس ان عندك حتسيات واجده بس ماتدري متى تطلعها؟؟ والا؟؟؟؟ اما عن رامي والله انك صادز فلللللللله بس الظاهر انه على ايام المتوسطه!! بس ودي ادري يوم تبلش ابيك تبي تصيد سمك وين ودك تصيد فيه؟؟ شكلك في نقعة حول بيتكم!!! بس الكابتن سيزار الظاهر انه من هالجداد.. عجزت اذكره.. وترى جونقر الظاهر انك مشبه عليه.. موب ديناصور؟؟ هو زي جريندايزر بس يتحرك لحاله بدون محد يتحكمبه؟؟ <<< مافيه امل يوصل معلومه!! شف ابدور صورته واجيبها... وصلنا عااااااااااااد للبنية الثانية اللي ودك تاكلها من زين سواليفها.. بس لو تترك عنها (التفهية) خخخخخخخخخخخخخخخ تصدقين اني شريت اشرطة ماوكلي ونفس لبسه (سروال صغير ومتشقق وخشبه معفوطه) وماغير الزخ في اخواني.. هاه مابعد كبرتي تراي قلت لأمي انها تهبّل وتشبه سالي وتراها تحتريتس تجين مع اهلتس تشوفوني!! يوووووووووووووووه <<<< وش جاه ذا!! العذر من الله ثم منك يابشار والله انتس شقرديه يامفهّية يوم ذكرتيناه.. الله يذكرتس الشهادة.. وترى الأغنية بشار يابشار.. هيا الى العمل.. اجمع ندى الأزهار.. من روضة الأمل.. بس ولو تراجيديه وحزن اذكر ايام حرب الخليج طلعوا حتسي يقولون ان صدام حسين يقول ابطلع من الكويت اذا لقى بشار امه (يعني مافيه امل).. اما اليس في بلاد العجائب قصتها قصه.. انا فيني كبر موب في احد (هذا كبر قلبي من يوم اني بزر) اقول هذي حقت بنات مااناظرها وانا تفرك تسبدي اشوفها.. عاد ارقى في التلفزيون الثاني واناظرها وانا متروع اخاف يكشفوني.. الله من مرة صادتني اختي... هههههههههه الله يرجتس على هالصور حنييييييييييييييييييييييين... شفت صورة يبيب والله ياهو قاهرني ودي يمسكه الذيب ويتوطا في بطنه!! والصورة الثانية حقت قريندايزر يامنيب قايل؟؟ ولو يبيلتس اشرطته تراها عندي كلها من جا للأرض الين جت اخته ورجع معها لكوكبهم.. لاتفوتس تراي ابوزيها لتس!!! اما صورة ذاالبارد يوووووووووووووووه وين طلعتيه منه؟؟ والله عجزت القى احدن يحبه!! بس مدري ورانا نناظره!!! تصدقين انتس تحبين الشر صدز؟؟؟ (هذي كلير موب صوفيا) ياشينتس بعض الأحيان... بس ولو معلوماتس الكرتونيه ثرية وتشفع لتس اني اقول (غصبن من علي) يامال العاااااافية... صدز الحتي عن افلان الكرتون ذو شجون <<< احلى،،، ولو ابربر اليييييييين بكره مانيب خالص.. شكرآ لكم جميعآ على المشاركة معي وشكرآ على الردود السنعة وان شاء الله ان الموضوع جاز لكم.. واعذروني على التأخير ووووووووو القاااادم مذهل اكثر ((عاد في ذمتكم ماانفع رسمي))
  2. اي والله طابين فينا حش؟؟؟ لاياجليلين الحيا!! <<< على قولت مانع اخو دواس في (الحيّاله) شوفوا اولآ الموضوع طلع من مساره اللي هو اعتقد يشمل الرجل والمرأة ، هل يفضلون الزواج ام العزوبية؟؟ صار الموضوع كله مافيه رجال والرجال خلصوا ؟؟ اجل وين رحت له!!!! المهم انا اعتقد الزواج هو اكمال نصف الدين وهو ضروري.. لكن متى ماحس الرجل انه قد المسؤولية وانه بيسعد بنت الحلال معه وش بيمنعه؟؟ خاصه ان الزواج الله ييسره.. اما البنت غير الرجل يعني الرجل مافيه مانع يأخر زواجه شوي اما البنت تأخيرها للزواج يعني عنوستها.. والرجال شايل عيبه اما الحرمه كل العيون عليها.. اهم شي هو أن الزواج ضروري ضروري ضروري وليس هناك عاقل يفكر في العزوبية وامرأة تريد ان تكون عانسآ...
  3. كتكوت

    الردار

    انا بسم الله على قلبي!!! هههههههههههههه اقووووووول ابو عمار اللعبه والله فللللللللللللله بس المعلومات شوي عامة ياليت لو تخصص او تذكر ميزه في كتابات هالغريب وابشر باللي ينتقه!! بس كذا احس انه صدى الذكريات..
  4. خخخخخخخخخخخخخخخخخخ طيب ماانقهرن مفهّية وام السعسعة؟؟ بس ولو مفهّية تجيب العلم...
  5. اس.. اس.. السلامووووو عليكم آآآآآآآآه يازمان مضى آآآآه ياطفولة ويابرائه ويامراهقه ويااااااقهر عالايام الحلوه <<<<<<<<<< الحمد لله ؟؟ خمته ذا!!! .... داري انه لايكثر بس خل نخش في الموضوع مع ان مافيه موضوع بس الدعوه سواليف قريت موضوع قبل فتره عن ايااااااام منول وخاصة ايام افلام الكرتون واكييييييييييييييد.. كلنا كنا نتفرج عالتلفزيون وكلنا حافظين الافلام كرتون كلها واسمحولي اذا ماكنت تناظر افلام كرتون اجل تراك منتب سعودي وخلووووووووني اشرح لكم بالتفصيل .. كيف وليش ومين مااحد مناااا ينكر سيسم ستريت او شارع السمسم تراني للحين حافظ الاغنيه حقتها مره شفت الاصفر ابو ريش حقهم بغيت اصيييح ويجونك ذوليك الامريكان يغنووون وحنااا ندربي دميجاتنا معهم .. ملاحظه لجيل ابو 12سنه.. يمكن استبدال سيسم ستريت ببارني <<--خلق وفرق ذوليك وش ملحهم وبارني يجيب البلا شوفوا الفرق اهم واحد اللي ساكن في الزباله شوفوا وش ملحه ذا الاصفر ياحبيييييييييييييله وهذاااا بارني الماصل عاد حنا طبعا يالسعوديين حب الخبر لازم نحتك في الامريكان يقالك مانبي عياالنا يشوفون شي مستورد قامت ماقصروا وسوو افتح ياسمسم ولفقوا لهم 4 دببه نعمان وميسون وقالوا يالله هذا لكم يالمبزره اهم شي بدر وانيس .. يوسعون الصدرررررر نروح للافلام كرتون .. او الكراتين كما يحلو لجدتي ام صالح اذكر تقول .. كتكوت تعال شف التلفزيون فيه كراتيييين<<--يقالك جمع كنا نشوف الكراتين بالهبل.. وخصوصا عمي.. كان يجيب لنا في بيت جدتي الاشرطه ونتفرج .. صحيح اننا نتظاق عالمكان الاقرب للتلقزيون ودايم صياح وقرقه بس سعة صدر .. لها طعم ثااااااااااااااني <<--شوي ويصيح عليكم من سالي .. لهايدي .. لجونقر .. لسانشيرو .. الرجل الحديد .. عدنان ولينا الخ الخ وفيما يلي التفاصيل سانشيروو هلا ياهلا بسنشيرو البطل المغوار .. تعالوا تعالوا نشاهده هيا ياصغار بطل مغوار احببنااااه صغار وكبار.. سانشييييييروو <<--تحمس شوي اعذروه طبعا والشخصيات جومارووو <<--جومارووووووو جاااااااهز <<--طيب اهجد شوي بس ولا ذاك الدب نسيت اسمه اللي دايم يكرهه والحرمه اللي تلبس اسود مو معقول نسيت دايم كنت اذكرهم .. تذكرون ذيك الاجهزه اللي معهم ويحركون الدمى <<--قوية كلمة الدمى كان صديقي يقول لي ابوي جايب لي واحد من امريكا <<--كل شي من اول كان في امريكا بس ..وفي مصطلح آخر امريكيـــا عاد تراه للحين ماجاب حقي اللي انا موصيه عليه من ذاك الوقت المهم عندنا بعد سالي. ياملحها اذكر اني اذا كبرت بتزوجها بس الله المستعان ولا العجوز اللي معها .. الانسه منشن (دابلتن تسبدي) ماانسى حلقة وحده اذكرها للحين .. شباب عادي اقول السالفه مافيه احراج طيب كان عيد اضحى .. وطبعا قايمين من صباح الله خير وكل الشعب نايمين عند بيت جدتي ويجي عمي ومعه ساااالي .. توه نازل الشريط .. وزحمه وخرفان وحلقه جديده قمة المتعه الحلقه والله لو اشرحها الحين اذكرها بالتفاصيل عموما اللي يعرفها يقول واعطيه ريال ترا كان فيها قرد وواحد جاي من الهند يعرف ابوها <<--لمحت لكم وش تبون بعد هايدي: هايدي الجميله هايدي اللطيفه هايدي البريييييييييئه هايدي البريييئه وبيتر راعي الغنم وجدها الاطخم والعمه صوفيا <<--بدا يزيد اشياء من عنده!! سنبل كل الوقت هممم هممممممم همممم اوووو هممم همم اوووه آآه اووو والله اللي يشوفه الحين يقرف عمره كله هممم همم اممم اوووه ولا ذاك ابو شمسيه سنبل ماغيره يامصله ؟ منيب اداني ذا ابد يععع مملللل عدنان ولينا: ياحبني لعبسي مملوح هو شعيراته البرتقاليه .. والبكله اللي يحطها يعني ياشباب اذكر واحد من ابناء العمومه كنااا نسميه عبسي ودي اقولها له الحين عشان يصفقني!!! بس الكرتون هذا قوي من قلب يعني يقولك في البدايه هذا الكلام في عام 2008 <<--وصلنا هالسنه ولا صار شي الرجل الحديدي: هذا عااااد لاااحد يتكلم اعذروني شباب قمة المتعه والاثاره فللله من جددد.. خصوصا اذا جاك لميس مع كمال ... وزاعقوا الىىىىىى الرجل الحدييييييييديييييييي هنا تبدا السعادة الحقيقه واللي ينقز يخش في الشاشه.. واللي ماتلقاه الا ناشب مع الشريط جوا الفيديو .. ازمه حقيقيه من جد.. للحين حافظ الاغنيه احد يبيني اسمع له ولا الديناصورات اللي فيه ... مدري وشلون كنا نصدق .. من جد دلاخه.. عطونا شي ثاااااااني.. سندبااااد: ايه ياحبني له ذا الشخص من جد اقدره كان عندي ملابس زي حقته ومعاااه سيف بعد كنت اقول لابوي يبه ابي اروح بغداد كخ كخ كخ كخ ساندي بل: هالمملوحه اذكر انها كانت حلوه شباب بشروا لقت امها ولا للحين تدورها؟؟!! امااا الزهره ام اربع نفلات.. والله اني كنت متحمس معها هي وسيارتها الفله ذيك!! مب سياره قصر افراح!!!!! ايه ناخذ كابتن ماجد: وخروا عنه ذا حقي وياسين هو احمد <<--ولد عمه لازم حنا الاثنين ثنائي!! واي واحد ضدنا هو الشرير (بسام) ابو كتوف؟؟؟!!!! أهم شي ضربة النمر.!! ليدي ليدي.. اوووه والخيل حقها مدري وش اسمه ذاك.. هذي مرة احمد مرة=زوجة والله انها شي وولد جيرانهم ذاك اللي مشبكها والله هذا اذكر اختي كان عندها كل الاجزاء حقته!! جوووونقر: هههههههههههههههههههههههههههه من زين الاسم بس كل واحد يتطاق انا جونقر .. لا انا جونقر قراند دايزر: علي علي بطل فليت.. هيا طر ياقرندايزر بعزم علي حمما ارسل.. افتك بالاعداء كافح شرااا عطل مكرا.. في حزم واباء امنع طمعا اردع جشعا.. فالخطر كبيـــــــــر لو تسمع اغنيته وانت من المتابعين له اصفقني ان ماخنقتك العبرة!!! نينجا كامارو: الله يرجه ذا القوي.. صدقي ابو الكراتيه والله.. الاغنيه حقته اذكر منها شرس يحب طعام الشومن ياكل ياكل ولا يشبع.. اصلن فيه احد في الدنيا مايحب طعام الشومن... شومن .. شومن <<--عاجبته الكلمه شباب .. وشو الشومن؟؟ السنافر: اموت فيهم ذووووووولي.. يوسعون الصدر حاط اغنيتهم نغمه جوالي ؟؟ بقى فلونه: هذي اللي ضايعه مع اهلها مدري وش قصتها؟؟ والشجعان الثلاثه: مدري ليش مستحقرهم انا؟؟ يمكني كبرت شوي؟؟ ووقت تنيفخ؟؟؟؟ باقي افلام كرتون الصبح.. كلها ياتوم اند جيري ... موب حقت هاليومن توم اند جيري كدز .. لا توم اند جيري الصدقيين بنك بانثر.. وود بكر .. <<--نقار الخشب .. الله يرجه ذاك كان يهبل بهم كلهم هييييي وتساب دوود:<<--ياكل جزر ... ياحليله ذا القطو.. البطه السوداء خويته ام سعابيل.. العصفور الاصفر.. وثلفثتر <<--سلفستر اللي يلاحقها دايم.. باباي <<--احلاهم مرة باباي .. زيتونه الحب كخ كخ كخ ولا ذاك يييييي ياباااااااااي <<--الدب والنحيف نسيت اسمهم وابو طاقيه مشققه يطلع منها عيونه عشان يشوف.. وهذولي الصور لقيتهم وقعدت اضححك فوق البيعه مدري وش دخلهم... وبس اللي عنده اي سواليف زياده يالله خل نقلبها ذكريات ملاحظة:جيل سبيس تون يبعد شوي .. اجل بوكيموون اجل اقععععد بس... تحياتي: كتكوووووووووووووت والقادم مذهل اكثر..
  6. اس.. اس.. السلاموووووووو عليكم.. كتكووووت يسير بوابة الأسره ويلقى مسلهمة مرتزة عند الباب لحالها..؟؟ ودار هالنقاش الصغير: -مسلهمة (ماصدقت على الله يجيها احد): هلا.. هلا.. هلا بضيف الرحمن << متأثره بالمسلسلات البدوية!! - كتكوت : اوووووووه معليش معليش!! كنت ابي الساخر بس الظاهر اني ضيعت؟؟؟ - مسلهمة: الله يرحم والديك تعال حط موضوعك اللي في الساخر عندنا!! تكفا.. طالبك!!!! - كتكوت (رحمها وقرر يحط موضوع) : خلاص خلاص.. انثبري منداخل!! وابكتبلتس موضوع والفزه تحت الباب!! هههههههههههههههههههههههههههههه لا عاد تبون الصدق ماشاء الله متوقع مافيه احد يكتب في منتدى المرأه بس والله لقيته مليااااااااان وحبت اشارككم.. المهم كلكم يعرف يوم الخطبه أو العرس بالنسبة للرجال والحرمه << قروي ذا!! وبالخصوص الحريم تلقاااااااهن ياعميري ودهن الأرض تبلعهن مع الحيا.. عاد قلت خل نجمع كم من موقف من اللي اذكره بس عاد عاونوني ... تعالوا نشوف : 1- وحده جاب زوجها لها تمر وجلس يُأكلها حبة حبة ... طبعا ً البنت استحت منه تطلع نواة التمر قدامه قامت تبلع وهو يعطيها واختنا في الله تبلع الى ان انتهى بها الموضوع في المستشفى..! 2- وحده جا خطيبها يشوفها وطبعا هي خجولة جداً.. وفيها حيا كثييير! المهم دخلت عليه وابوها كان موجود فجأة دخل خالها وبعدين عمها وشوي يدخلون خوانها كلهم _يا حبيبي _ صار المجلس مليان ناس وكلهم عيونهم عليها ومن يوم شافتهم المسيكينة متجمعين وكان يغمى عليها...!! 3- وحده جات بتخطب صديقتها لاخوها عزمتها في بيتهم وقالت لاخوها طل عليها من الشباك وشفها اذا اعجبتك نخطبها لك .. وافق اخونا ما كذب خبر ولما جات البنت عطتها شوكولاته والبنت رفضت تاخذها وهذي تلزم عليها والبنت مصرة ما تاخذ .ولما طلعت تسأل اخوها عن رأيه في البنت .. الاخ شاف البنت وهي تخش الشوكولاتة في شنطتها ..ولما سألته اخته وش رايك؟ قال موافق على طول وتم الزواج ..! وفي ليلة العرس يسأل الزوج البنت : وين الشوكولاتة اللي خذيتيها من بيتنا؟؟؟ "ما ترضين واحد ياخذ من بيتكم شي وما يستأذن"..!! 4- واحد في ليلة عرسه جالس في زاوية وزوجته في زاوية يكلمها وهي مستحية وتطالع الارض .. ينطل نكتة (يستهبل) عليها .. البنت ماش تطالع في الارض ولا كن فيه احد جالس جنبها...!! الولد من كثر ما يكلم نفسه وبنت الناس ساكته ..قال ياولد خلني اطنش واسكت شوي .. فجأة اصدقاء الرجال قالوا لازم ننكد عليه ليلة زواجة (والله الغثاثة) ونحرجه قدام زوجته .. المهم قام واحد منهم وأخذ حصاة وحذف بها الشباك ...عاد تخيلوا سكون البنت وصمتها وصوت ضربة الشباك _قوية_ كانت مفاجأة للبنت اللي يوم سمعت الصوت ومن الخوف والرعب طمرت وضمت زوجها من الخوف ...الرجال استانس واعجبته الحركة ترك البنت على جنب وطالع من الشباك لقاهم اخوياه صاح لهم وقال :ثانية شباب ثانية..الا وحدة حصاة في راسه ...ويا ليل ما اطولك ....وصارت البنت هي اللي تداويه ذيك الليلة وتنظف جروحه راح الحيا وراح الخجل .. والسبب حصاة....!!! ووووووووووووووووووووو اذا ذكرت شي زياده ابسجله... ومثل ماقلت اللي عنده موقف جديد يحطه خلونا نضحك شوي... تحياااااااتي : كتكوووووووووووووووت والقادم مذهل اكثر..
  7. الأستاذ : محمد بن عبدالعزيز الفهد.. رجل مثقف واعي ، رجل افنى حياته في البحث عن العلم وكتابة الأبحاث ونشرها وتوزيعها والرقي بمستوى الإشراف التربوي الى اعلى المجالات، رجل لن توفيه الكلمات حقها.. فعلآ هو واجهة مشرفة لمنطقة سدير جميعآ... تمنياتي له بمزيد من التقدم والنجاح... وفقه الله وسدد خطاه..
  8. الحديث في هذا الموضوع فعلآ ذو شجون.. عندما نقول أنه يوجد من (يريد) ان يكون القائد المنتظر .. فهو يريد وهو من حقه وحق اي شخص لأنه طموحه وطموحه ان يكون القائد والشيخ لأمته وهدفه رفعتها وعلو شأنها ، ويسنده بذلك علمه وسعيه وراء العلم وبذله الوقت والجهد والمال في سبيل تحقيق طموحه ومبتغاه... ونحن نريد له هذا... اما عندما لايستند لا الى علم ولم يسعى له بل مثل ماقلتم سابقآ متكئآ وممددآ ساقيه ويريد أن يكون عالم الأمة وشيخها وقائدها ، ويعتقد ان رأيه هو الصحيح ورأيه هو السيد وآراء غيره وافكارهم تزول ،يشتم شيخآ ويسب آخر .. فهذا طامته في نفسه اعظم من طامته على غيره.. نفعنا الله بالعلم الصالح والعمل به واعان الله علماء امتنا ومشائخنا وقاداتنا لما فيه خير لنا (لأتباعه) ورزقهم الله البطانة الصالحة.. ملاحظة بسيطة: وبخصوص المثل الذي ذكر سابقآ (إذا طاحت البقرة كثرت سكاكينها) اعتقد انه خطأ والمثل الصحيح (إذا طاح الجمل كثرت سكاكينه).. تقبلوا فائق احترامي...
  9. بسم الله : راعي حرمه = 29 مسفهل = 28 سهم = 28 فتاة سوق السبت ومسلهمة (مفهّية) = 18 دخلو الـ 19 <<< كاشفكم!! صدى الذكريات = 22 القروي = 37 حميان بيتش = 23 ليالي نجد = 24 ابو عبدالله = 29 ياســـ ابو عبدالرحمن ـــر = 20 ابوسعد + ابوذعار = 18 او 19 متكيه = 21 امي حرماويه = 18 مرتاح = 25 عاد اللي نسيته ابرجع له بعدين!!!
  10. اولآ : اهلآ بك أخي سائق الليموزين عضوآ جديدآ يشرفنا تواجدك معنا.. وكم نحن سعيدين بهذه البداية القوية والموضوع الرائع والذي لن يجيده سواك ولن يتحدث به احد مثل ماانت تتحدث عنه وبإسهاب.. احيي فيك صراحتك واحيي فيك حرصك على توفير لقمة عيشك من خلال عمل شريف كعملك هذا.. وياليت جميع الشباب السعودي بمثل عزيمتك واهتمامك... وفقك الله وجزاك خير الجزاء... ثانيآ : شدني فعلآ الكلام الذي قلته بخصوص ابتعاد وتحاشي الناس من الركوب مع الرجل السعودي ، ولقد حدث معي موقف مماثل أو مع قريب لي حيث قام بالركوب مع رجل يلبس مثل لباس الأجانب ظنآ منه انه اجنبي (غير سعودي) وعندما قام بالتحدث معه شك في كلامه وقال هل أنت سعودي..؟؟ فقام الأخ بشتم والتلعين للسعودي - والعياذ بالله - وعندما قال له استغفر ربك قال : استغفر الله ولكن هم من اجبرونا على لبس مثل هذا اللبس؟؟ والتنكر لوطنيتنا؟؟ بالفعل هذه مشكلة كبيرة تواجهنا وليس في مجال الليموزينات والقيادة فقط بل في اغلب المجالات ... مثلآ التجارة فـ عند تواجد الرجل السعودي في المحل لالتدخل المرأة اما إذا وجد الأجنبي فتجد النساء يتوافدن من كل الأقطار... لمااااذا؟؟؟ لااعلم...!!!! ثالثآ : بالنسبة للموقف الذي ذكرت عن المرأة التي تخون زوجها.. فأنا انكر على الزوج اولآ السماح لزوجته بالذهاب بدونه الى السوق.. والشئ الآخر الا يتم تعويدها على الذهاب اليه... والشئ الضروري والأهم هو انه يجب عليه ان يملأ حياتها بالحنان والعطف والمعامله الحسنه منه حتى لاتذهب لغيره (وهذا ليس بعذر لها) ولكن المرأة ضعيفة وتنخدع بالكلام المعسول الذي يقوله لها بعض الذئاب البشرية... وفي الحقيقة اعتقد ان مثل هذه المرأة تعتبر من الحالات النادرة والشواذ... وقانا الله واياكم شرها... اخيرآ : كل الشكر لك اخي سائق الليموزين على هذا الطرح الرائع والبداية الموفقة... تمنياتي لك بالتوفيق والنجاح وبإنتظار مواقفك الأخرى,,, تقبل تحياتي....
  11. اخي : ققح أون لاين.. هل اثرت بك التقنيات الحديثة والتطور السريع؟؟؟ هل تتغير الأحكام بتغير الأزمان؟؟ اخي هذا هو الغزو الفكري.. وهذا ماارده اعدائنا لنا؟؟ في وقت الأندلس (اسبانيا حاليآ) اراد اعداء الإسلام احتلالها لما رأوا من ضعف فيه فقاموا بإرسال جواسيس للإطلاع عن وضع الشعب وتفكيرهم فوجدوا شابآ يانعآ يبكي.. قالوا مايبكيك؟؟ قال ان امير المؤمنين لم يقبله في جيشه للجهاد في سبيل الله... فقالوا لأ والله لاندخل الأندلس الآن وقاموا بغزو الأندلس أو شبابهم بالمحرمات والغواني وغيرهم وبعد مرور فترة ليست بالقصيرة ارسلوا جواسيسهم مرة اخرى فرأوا شابآ يافعآ يبكي فسئلوه: مايبكيك؟؟ قال : لقد هجرتني حبيبتي... فقالوا آن لكم الآن دخول الأندلس؟؟ اما مايعرض من مهزلة بإسم الحجاج : فقد كان العلماء في القديم وفي الوقت الحاضر يتجنبون الحديث عن الفترة التي قتل فيها الصحابة بعضهم البعض ولايخوضون فيها فما بالكم بتجسيد شخصياتها مع مانجده من (تحريف) و(تزييف) للتاريخ ومبالغة فيه أو طمس لحقائقه... هذا هو الغزو الفكري يااخواني.. نجد الصحابي الجليل يقطع رأسه ويعلق ليكون عبره لغيره... انا لله وانا اليه راجعون.. اخي : الحديث ليس فيه اخذ للرأي ورد عليه ؟؟؟ الحديث هنا عن حكم شرعي وتغييره؟؟؟ هل يتبدل الحرام حلالآ بمرور الوقت؟؟؟ اخي هناك طرق اخرى -ان كان قصدك الفائده الدينية - غير ماتطالب به من تمثيل وتجسيد لشخصيات لسنا بكفء لها... اخي : إن سيرة المصطفى صلى الله عليه وسلم واصحابه نجدها في (كتب مدونة) أو في (اشرطة دينية) راجعها ودققها وصححها علمائنا ولسنا بحاجة لأن نمثلهم ولسنا بكفء لتمثيلهم.. اللهم قنا شر الفتن ماظهر منها ومابطن... وجزاك الله خيرآ...
  12. ريال <<<<< كنت شاري ببسي ورجعته وخذت ريالي!!!
  13. خخخخخخخخخخخخخخخخخخ كتكوت : مانيب فاكك؟؟ بوش : الله يرحم ابوك وامك طيب شوي شوي!! كتكوت وهو ماسكه مع اذنه : انت ورى ماتصير رجال وتترك عنك هالخنبقه اللي مسويها!! بوش : اي خنبقه يابن الحلال؟؟ كتكوت يترك اذنه وفي لمح البصر ينقض على خشمه : ماخليتا هالمسلمين في حالهم ياكلب؟؟ تارك يهودك يذبحون على كيفهم <<< ياسلام على الأسلوب!! بوش : خلاص فكني .. فكني.. وطلباتك اوامر!! وكذا انتهى الحوار اللي صار بيني وبين ((بوشوه)) بعد ماعذبته واخذت وعد انه يترك المسلمين في حالهم!! عاد الا سوى شي ثاني حطوا عندي خبر وابشروا باللي يوقفه عند حده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
  14. هذا الشعار انا اللي مسويه؟؟ تراي ماسرقته من مرتااااااااااح ابد؟؟؟؟؟؟؟؟؟؟؟؟؟؟؟ هههههههههههههههههههههههههههههه
  15. هلااااااااااااااااااااااا بأم السعسعة؟؟ وش ذا الطريقة الجديدة في صيد الضببه؟؟ والا الحرب خدعه والأسلحة تتطور))؟؟؟ اللي اخبره اننا نترس جحر الضب بالماء اللين يفيض بعدين نترزز عند الجحر والا طلع قضبناه مع راسه والا إذا صار جبان وطلع عكس قضبناه مع عكرته (مع التنبيه الى احتمال خروج الخادمه عقرب او السائق برصي قبل خروج الضب) والا اذا ماصار فيه مويه نحفر الجحر الييييييييييين ناصل آخر الجحر ونطلع الضب بس يضير مقطوع شوي من عكرته (مع الحماس في التحفير) هذا اذا ماانشق بطنه!!! والا بالشكمان حق السيارة ندعس في الجحر اليييييييين ينكتم الضعيف ويطلع بالعاده يطول الا الا صار فيه ربو يطلع بسرعه!!!! بس هذي طريقة جديدة وزينه؟؟ وانا اشوف الضب مستنكر هالطريقة في الصورة؟؟؟ تسنه فاق اثمه مستغرب!!! الدزميري ابطمره مااعرف فيه شي ولادزد ذقته!! ابسأل عنه وارجع لكم؟؟؟ <<< يالخكري!! اما البنادق صرااااااحة فهييييييييت عندهن ؟؟؟ منتيب عاقلة يافتاة يطلع منتس حركات ولو راعية بر شكلتس يالخبيثة؟؟؟ صراحة الأجزاء حقت الصيد حلوووووووووووووووووووووووة مرررررررررة وتسلميييييين عليها... جهد تشكرين عليه.. ياااااااااامااااااااااااااال العاااااااافية بس....... يالله.. فمان الله....
  16. انااااااااااااااا كوجود ياصدى!!! خير ان شاء الله!!! <<<<< جاي بيطق ذا!! والله فكرتك زينه بس ماش مابعد سمعنالهم حس!! وتراكم ناسين منقولة... مدري وين غطستله!!! يالله... مع السلامه......
  17. انا لله وانا اليه راجعون... اللهم اغفر له وارحمه .. اللهم اكرم نزله ووسع مدخله واغسله بالماء والثلج والبرد.. اللهم والهم اهله الصبر والسلوان...
  18. أنا ماادري وش اللي ناقصنا؟؟ صحيح فيه اخطاء .. لكن حلها مايكون بهالطريقة وبهالأسلوب!! وثانيآ اللي طلع برا السعودية وشاف الفقر وقل الأمن والله ثم والله انه بيرجع يحب ارض ارض السعودية من الحدود للحدود.. ياجماعة والله انحن في نعمة.. ولكن بعض العقول الله يكفينا شرها... اللهم قنا شر الفتن ماظهر منها ومابطن...
  19. هلاااااااااااااااااااااا مرتاح؟؟ شوفوا عاد (وخروا عنه) ابقولكم شي؟؟ مع اني مابعد طيحت الميانه مع هالرجال الا اني احس ان فيه طيبة قلب ميب في احد (هذا اللي مخليني اركد واستحي منه).. والرجال ردوده ممتازة وخفيفة دم ومن افضل الأعضاء (الله واكبر على هالشهادة).. بس حبيت اشارككم في المدح وتكفون اللي بيجي بعدي يمدحني في صفحة كاملة والا لايكتب شي!!!!!<<< يازين الثقة!!
  20. كككككككككككككككككككككككككككككككككككككككك <<<<<<<<< عشان تقولون متميز في ضحكته!!! والله ان امه رهيبه؟؟ شكلها خفة دم!!! اما الغسالة حقتهم حركة؟؟؟؟ وغير كذا يعجبني عمه مناور؟؟ قاوم اللي بينقذونه بكل بسالة ومات!!! ملاحظة : تصدق نويت اكتبلك الله يعطيك العافية على الموضوع بس (رصيت) اضافة تعقيب قبل اتذكر!!!!!!!!!!! <<<< نصاب من جد!!
  21. ومازالت الردود تتوالى والظاهر أني ابعللللق في ذا الموضوع (طفران به) بس حبيت اقول لمفهية في مسيل التسلبي انها ماجهلتني ونتفاهم بعدين إذا سيرت عليها في منتدى الحريم!! وابشكر ابوعمار واقوله مثل ماقلت لغيره وبكل تواضع انتظر ابداعاتي (امحق تواضع!!!!!!!!!!!!!!!!!!!!!!) ههههههههههههههههههه وفي الختام لايسعني الا شكر كل من اتحفني برده وفعلآ ردودكم و (وسع صدري) <<< بدا يخور!! فعلآ شكرآ لكم جميعآ والى لقاء في موضوعات جديدة... تحياتي : كتكوووووووووووووت.. والقادم مذهل اكثر...
  22. ياااااااااااااااسلااااااااااااااااام على الإنشراح اللي يجيني كل مادخلت ولقيت تعليق جديد ، تجيني نشوة واحس اني ملكت الدنيا <<<<<<<< يعاني من عقدة!! ابوعبدالله : ذكرني باسمك؟؟ معليش المعجبين كثار ولاقدرت اميز الظاهر انهم بيرزحوني بوز!!! وش دعوى يابوعبدالله؟؟ وعلى قولت الرسالة اللي توها جايتني : كل مانسيتك اشعل الطيب ذكراك... الله الله.. صح لساني!! الا مار ياااااااازين يااخزياه على اثيمك .. ودي آكلك تسلمممممممممممممممممممم... مقرودة : اقووووووول تراتس قردتيني من اولها ونشبتي في حلدزي اما عن النت ومادخلته الا عقب ماتصفقت.. الظاهر ان اغلب التمحيط جا على راسي.. والظاهر على كلام الدكتور اني كتن منيب كتكوت منول وناسيكم .. ويوم رزحني ابوي مع راسي وارجع كتكوت واذكركم اما الشئ المهم وانتس تسمعينبي من زمان.. فهذا شي موب غريب (ايه مايخالف) تسمعين يامسلهمة وتسمعين يافتاة سوق السبت وياصدى تسمع؟؟ مقرودة تسمعبي يعني انا مشهور يامنيب قايل وانتم قبلكم محطميني ودافنين موهبتي شكرآآآآآآآآآآآآآآآآآآآآآآآآآآآآ مقرودة........................ صدى الذكريات : صدى الذكريات؟؟ مدري ماقد سمعت بهالإسم؟؟؟ خخخخخخخخخخخخخخخخخخخخخخخخخخخخخخخخ هلا صديقي؟؟ اقووووووووووووووول ماشاااااااء الله طاق سبرنت ماامداني اغفل عنك الا طامرت (ن) مشاركاتك الف وزود...؟؟؟ اهب ياوجهه والا الحين ماتترك حركاتك لازم تجيب الوان الطيف كلها في كتاباتك وردودك!!! اما المصارحة أنا ماعندي مانع (حشى بنت وبتعرس) والله يعطيك العااااااااااافية................... مفهية : اقوووووووووووول القراطيس ناسيت (ن) تحطين فيهن التمر <<< حقنه بيعقدها!!! الا مار وش اخبار منتدى الحريم؟؟ يقولون انوااااع النصب والصواريخ فيه.... لاقيتهم يامنيب قايل؟؟ تفلشين عليهم!!! بس اسمعي ابسير عليتس (زيارة مفاجئة) ونتسذب جميع تحيااااااااااااااتي واواصل شكرآ شكرآ شكرآ شكرآ شكرآ شكرآ شكرآ.... الخ
  23. خخخخخخخخخخخخخخخخخخخخخخخخخخخخ <<<<<<<<<<<< هذا والله اللي ماله قلب!!!! اقول والله انتس منتيب سهلة ياشعلة <<<< معلّق!!! والله عجزت اخصص مقطع بعينه لأن كل جملة ازين من الثانية!!! بس والله أن ام محماس شقردية؟؟ ليت كل حريمنا يضحن مثلها!!! <<<<<<<< موب يلعب راعي دقات!! تسلميييييييين اخيتي فتاة سوق السبت وفعلآ الموضوع متعوب علية ورهييييييييييييييب... وبإنتظار الجزء الثالث...
  24. <<<<<<<<<<<<< والله ياخشته مفتوحة مترين طول ومتر عرض يوم قرا المدح اللي في الردود!! هههههههههههههههههههههههههههااااي انبسط !!! [align=center] سما النسيان : الله ينور ايامك ويبارتس فيك... اما عن الإبداع فلا تخاف!! اصلآ الشباب يسموني منول (ابو الإبداع) هههههههههههههههههههههه يعطيك العافية اخوي وتسلم على ردك..... مفهّية : هلااااااااااااااااااااااا والله وسهلاااااااااااااااااااا يعلم الله اني مشتاق لمحارشتس؟؟ بس ماش اخاف تفصليني يوم صرتي مشرفه <<<<<<<< مرتاع الا نسيت اباركلتس بالإشراف ، وابارك للمنتدى بوجودتس مشرفة فيه... عاااااااااااد ماودي امدحتس زود اخاف تموقين علينا؟؟ عاد انتي مايبيلتس شي اما بخصوص التنويه فـ مايحتاج بس ترى هذي مداعبة <<<<< منتب عاقل يامداعبة!! وماااااااااااعليتس (ابهظل) عليتس في منتدى الحريم وابخط لتس من ابداعاتي وصح عليتس أنا اكتب باليمين وشكرآ على القهوه بس وين القدوع يالمايقة؟؟ ابي تمر مابي بساكيت وكاكاو!!! <<<<<<<<< طرار ويتشرط!! على كل حال اشكرك بعنف!!!!! GOLDEN-EYE: والله من زمااااااان ودي اعرف وش معنى اسمك؟؟ ياااااصعبه!!! بس والله انك رهيييييييييب.<<<< مالقى حتسي!! اشكرك كل الشكر على تعليقك... يعطيك العافية................. فتاة سوق السبت : هلاااااا والله الا ناسي اباركلتس اشرافتس على الساخر... تستاهلين... لأنتس فعلآ شعلة نشاط؟؟ (( احلى ياشعلة؟؟)) احــــــــــــــــــــــــــلى....؟؟؟؟ على طاري الساخر وين اخوياتس في العمل (القروي وحميان) مالهم حس؟؟ وتسلميييين يااااااااااااااشعلة.... مرتاح : الله يحييك ويعطيك العافية اخوي مرتاح ، والأهم من هذا ان الموضوع جازلك..... تسلممممممممممممممممممممم.... ليالي نجد : مامثلك ليالي تسلمييييييييييييييين والله يااخيتي ويعلم الله اني مشتاقلكم اكثر... اما بخصوص بيت الشعر؟؟ اتوقع أن جوابه المفتاح <<<<<< فاهم خطأ!!! الف شكر على ردك وعلى ترحيبك الحار (يوووه حار)!!! فلسفة زايدة 7 7 7 وفي ختام هذه الحلقة لايسعني الا أن اتقدم بالشكر الجزيل لكل من (علّق) رده في (معلاق) موضوعي والأهم من هذا كل من عذرني.. <<<<<<< سمعتها في التلفزيون وقلت خل اتبيعر عند الجماعة في منتدى حرمة!! وشكرآ لكم شكرآ شكرآ شكرآ شكرآ شكرآ شكرآ شكرآ...... الخ [/align]
  25. ههههههههههههههههههههههههههههه الله يرجتس يافتاة سوق السبت!! معليش توني اقرا الموضوع بس والله قلت موضوع ذالبنية ماينتفوت خل ابقراه ثم ابرقا اكمل الجزء الثاني.......... بس صراحة الجزء الأول خيااااااااااااااالي .... يامال العافية..........