كتكوت

جيت.. كلللللللللللللللللللللللللللللللووووش ... كللللللللللللللللللللوووووووووووش يااااااااااااااالله انك تحييهم... والله لا يبارك في عدوينكم تدرون عاد اني (وله عليكم) يااااااااااااوك <<< (انّه تخرج من شدة الوله!!) دااااااري دااري مايحتاج تقولون انتم ولهين علي اكثر؟؟ داااااااااااااري واغلبكم بغى يترك المنتدى عشاني انقطعت شوي عاااد تبون الصدز اني ولو؟؟ احس اني ماعاد امون عليكم بلاي ابطيت عنكم << حياوي من حينه بسم الله على قلبه!! وش قصة القطعة؟؟ وش قصتها.. والله الصدز مالها قصة بس مدري وش جاني الظاهر اني نظلت في الإنترنت كله ولاعاد فتحته من الإختبارات النهائية الا نااااااااااادر وكلها اشيك على المنتدى.. الا على طاري التشييك اوجه شكر (سبيشل) لمفهّية قصدي مسلهمة على سؤآلها عنّي وصدز حسيت اني موجود وان فيه (ناس) تسأل عني ناس؟؟ كلها رسالة من مفهّية الله يجزاها خير والظاهر جاية بالغلط !!! القصة ميب قصة الغيبة القصة هذي : هذاك اليوم قاعد في البيت على العويده ماعني وعن الشر طاري.. واميمتي كل شوي تويدز علي داريت (ن) اني مااال وتسني دااري انها تقول في نفيستها الله مار يشفيه ويزوجه ومثل ماجا نصيب اخوانه الله يجيبله بنت الحلال الله (تضفه) و(تزقلبه) <<(للسديراويين فقط) ثمين تهون تقول وش ذنب ذالحريمة تآخذ هالمريض اللي مادزد طلع من البيت حتى الخبز (مايسطي) يجيبه.. انا والله حز في نفسي هالحتسي؟؟ ماش حسيت اني دبشة؟؟؟ قلت لازم اجدد شي في حياتي؟؟ وش اسوي؟؟ وش اسوي؟؟ وتجيني ذيك الفكرة واطمر لأميمتي واحب راسها واقول توصين شي؟؟ امي : (هو؟؟) << استفهام انكاري ماشاء الله بتطلع من البيت؟؟ ايه.. ولدي رح تمش ورح جبلي بعد ذا المقاضي من البقاله والله اني فشلت من (نومار) الهندي حق البقالة قبلي كارفته مايجيب مقاضينا الا هو الظاهر اني ابمشيله راتب؟؟ تصدق ياوليدي انه يقولي مسكينه ماما مافيه رجال.. بابا فيه شغل كثير.. ماما مافيه رجال عشان يجيب مقازي!! ومايدري ان عندي رجال اسمه كتكوت؟؟ (وامي الله يهديها ترفّع بي) المهم قلتلها : وش مقاضيه أنا الحين ابساااااااااااااااافر؟؟ أمي : وشو؟؟ تسافر مرت (ن) وحدة!! ووين تبي تروحله بسم الله عليك <<< تعطيني على قد عقلي!! وتجس النبض تقول يمكنه انهبل!! قلت ابروح للخارج!!!!!!!!!!!!!!!!!!!!!!!!!!!!!! أمي : والخارج وشو ذا؟؟ وينه عن حرمة؟؟ قلت : لأ لأ ابروح برا السعودية!! أمي : وجع (ن) بلا يوجع العدو!! ووش يطلعك يا(سندباد) <<< اكتشفت أن امي تتابع افلام كرتون!! الحيييييييييين (والحتسي لأمي) ماطلعتا من مجلس الحريم تبي تطلع للخارج اربض ربضت عليك العافية قلت اقول تراي ابطلع وانا علمتس عشان ماتقولين ان ولدي ماقالي وان ولدي عقني؟؟ واول مايجي ابوي من الدوام ابقوله : قالت : الله يهديك بس؟؟ بس اسمع ترا ابوك مهوب يحب ذا الحتسي وقبله يتطنز من ابوعزوز بلاه مخلي ولده على كيفه كل يوم في ديره!! قلت : وأنا هذا اللي (حارني) أنا ابحط عنده خبر وابمشي وابوي ديموقراطي ومتفهم وبيوافق!!<<< مدري مو وين جاني هالحتسوتين!! المهم حفظت لي كم من كلمه وكل شوي اتخيل أن ابوي دخل واحتسي والا انادي امي واقولها تسنتس ابوي وابحاتسيتس وهي ماغير>> يوم جت الساعة حول ثنتين ونص واول ماسمعت قرقعت الموتر يبي يوقف وانا اللي ازهب شنطتي وانفضها واجمع صراويلي وعدتي واحط المشط في المخباة والبس ذاك الثوب واطق الغالوقة واشخص (بنت البكار) والعادة يتنحنح ابوي توه داخل البيت ويتبعها بكلمة (ياولد!!) مير اللي تطقني (النفاضة) ويضيع كل حتسيي اللي حافظه؟؟ واول ماشافني ابوي ومير اللي يتبسم : ماشاء الله مابغيتا تطلع من مجلس الحريم؟؟ لاااااااا وكاشخ بعد؟؟ من أنت رايح له؟؟ قلت : ابد مارحت لأحد!! بس ابروح!! قال ماشاء الله ايه رح وسع صدرك وتمش بس عاد الحين وأنا ابيك (قايله) تغد والا بردت الشمس رح تمش؟؟ قلت : ابروح اتمشى بس بعيد؟؟ <<< ياسلام على اسلوب التدريج!! قال : مايخالف اعطيك الموتر ورح تمش؟؟ قلت : لاااااااااا ابروح للخارج!! قام يناظرني ابوي وقال : للخاااارج؟؟ قلت : اي والله ودي اروح اتمشى فيذاك!! والله ضاق صدري من القعده في البيت وقالوا لي ان في الخارج ساعة صدر؟؟ وثانيآ وش زود عزوز ولد جيرانا؟؟ قال : ايييييييييه والله انك صادز ياوليدي؟؟ ابو عزوز موب احسن مننا؟؟ رح ولم شنطك وتعال للغرفة عشان اعطيك دراهم.. والا ماتبي؟؟ قلت وأنا فاق خشتي مع ساعة الصدر: الا والله مالنا غناة؟؟ ولاي مثل ماقلتلكم مولم عدتي مبطي مار اضف الشنطة واتجه للغرفة.. واطق على ابيي قال : ادخل.. يوم دخلت وشافني قال : ماشاء الله امداك؟؟ قلت: ايه مولمها مبطي.. قال : اييييييييييه كم تبي وأنا ابيك.. وقمت اتميلح وانكت واسفهليت قلت اللي تبي ماعلى كريم تشرط؟؟ قال ييزيك ثلاثه؟؟ والا تبي خمسة؟؟ قلت : والله خمسة ازين؟؟ ماامداني اقول خمسة الا ويجيني ذاك المخمس اللي بغى ينشبني في المعلاق؟؟ و(يمردغ) فيني ويمحط وهو يقول : لا والله حتسوه؟؟ يبي يسافر؟؟ هذا اللي خذناه من طنزتنا في ولد ابو عزوز!! لا وللخارج بعد؟؟ منتب عاقل يا (رحال الصغير) <<<< في هاللحظة اكتشفت بعد أن ابوي يتابع افلام كرتون!!! المهم مدري من اللي جا وانتشلني من تحت انقاض ابوي بس الظاهر انها امي لأني مادريت الا اللي يبتسي فوق راسي وانا طايح في الفراش... زين ماخذت الا 12 ساعة مغمى عليّ عاد عقب ماقمت وعقب هالطق وعقب هاللي صار جاني شي (ن) من ربي وخلاني اوله عليكم واشبك الجهاز مرت (ن) ثانية وارجع اكتب... ______________________________________ معاني الكلمات : الكلمة : معناها وله عليكم : مشتاقلكم بالحيل.. تزقلبه : اي تحتويه أو تعتني به مايسطي : اي لايتحمل أو لايقدر حارني : اي قاهرني بنت البكار : تشخيصة بالشماغ كانت في السابق موضة مثل ماهي الآن الكوبرا.. ياولد : كلمة تعبر عن القوة والرجولة وهي مثل زئير الأسد وتعني باختصار (أنا جيت) قايلة : وقت الظهيرة حرارة الشمس لاتحتمل.. يمردغ : اي يضرب من كل مكان وبضراوة... _____________________________________ اتمنى اني ماطولت عليكم واتمنى اني ماحومت تسبدكم.. ويعلم الله اني تعبت على هالموضوع تعب اتمنى انه يحوز على بعض رضاكم,،، تقبلوا عودتي واعتذاري على الغياب وفائق تحياتي : كتكوووووووووووووووووووت... والقادم مذهل اكثر

اخسي يالدافورة؟؟؟ <<<<<<<<<<<< عزّ الله اللي راحت فيها!!!! ماشاء الله.. ماشاء الله.. ماشاء الله.. والله تستاهلين كل خير يامسلهمة وان شاء الله ترتقين وتصلين لأعلى مراتب العلم.. وواضح ماشاء الله من طرحك واسلوبك وردودك انك على مستوى عال من التفوق العلمي والحصيلة اللغوية.. اقووووووووووول : لاتقعدين تموقين علينا يامفهّية؟؟ <<<< مايصبر لازم يخربها..!!! الف الف مبرووووووك وعقبال الدكتوراة.............

ياقروي قريح؟؟ كني اشوفك تدق!!! والا ترمي منا والا منا!!! احل وشي مخبر ومفصفصه ووسيع الصدر؟؟ <<<<<<< يدور حرش!!! اما عن كم عمري وش تبيبه؟؟ تبي تزوجني؟؟<< جواب دبلوماسي.. بس انا اقصد المراكض نفسه منوووول ايام الشتاء تشوف الثياب يالله المستعان؟؟ الله يجزي اميمتي الجنة... اما عن العيد ابشرك ماقد لحقته في مربعانية.. يعني ابشرك عمري ادون من الـ 60.... يالدقاق!! يالله.. فمان الكريم...................

الذيب: هلا وسهلا... والله لو درا سيباويه عننا كان قام من قبره وكفخنا.. ورجع؟؟ شف حبيبي : كانك تقصد اسم حرمة فالكتابة الصحيحة ((حرمة)) ولاتقولي ليش؟؟ بس بناء على القاعدة اعتقد انها صح... <<< أنت وقاعدتك!! معليش اخوي بس اذكر ان عندنا ايام الدراسة مدرس معلمنا هالطريقة وفعلآ مشت معي صح؟؟ لاتحوقني!!! اما عن نورة <<<اعتقد انها تكتب كذا!! واعتقد بعد أن (جلاله) في الأولى تختلف عن (جلالة) الثانية لأن الكلمة الأولى الهاء ضمير يعود على الله سبحانه وتعالى اما الثانية فهي حرف تابع للكلمة... اذآ الكلمة الأولى تختلف عن الثانية لفظآ ومعنى.. قل مثلآ : اتى جلالته.. ولكن لاتستطيع أن تقول اتى جلاله هذا دليل على أن التاء في (جلالة) تابعة للكلمة وليست ضمير كما في (جلاله) ماودي اتفلسف زيادة بس ابسأل عنها وارجع لك............................

فعلآ قصيدة رثاء رائعة.. ورحم الله اموات المسلمين اجمعين..........

مفهّية الدافورة؟؟ وش قصدتس : ((مأسآة ولا مأســــــــــــــــتآة الديتس وبنات المذن ................. الله المستعان )) وش دخّلأ الديتس في السالفة!!! <<<<<<<<< وش يبي ذا!! اقووووووووووول : والله .. والله.. والله.. انك مبدعة.. فعلآ خيال واسع وتصوير رائع وسرد اروع يامفهّية المنتهية!! هههههههههههههههه ((والخشــــــــــــــــــــــــــــــــــــــــــــــــوم ساحت )) <<<< خسائر مادية هههههههههههههههه الله يرجتس الييييييين تطيشين يالمفهّية.. والشئ الثاني : قطع العلاقات السياسية روووووووووووووعة .. قسم بالله خياااااااااااااااااااااااااالي.. تسلميييييييييييييييين .. ولو اكتشفت انه يطلع منتس حركات بس يبيلتس شوي صقل؟؟ << منتب عاقل!! الا مار نسيت اهنيكم على اسم الشغالة اللي قبست ((مس لا لا )) هههههههههههه بس بعد شكل الشغالة حريصة ومنصحة بالحيل والدليل يوم قبست في رويحتها عشان تنور عليكم.. <<< ايه يقولونه!! الله يعطيتس العافية اخيتي مسلهمة.. ويالله عاد.. فمان الكريم.......................................

معليييييييييش أخوي.. اعتقد انك جانبت الصواب؟؟ الإسم المكتوب هو الصحيح .. وبدون أن تقرأ لوحات أو نحوها.. ابعطيك قاعدة : بتعرف تحط جملة هي (ة) أو (ه) كمّلها؟؟ يعني نآخذ مثالك : ذهبت الى حرمة العريقة.. <<< انطقها وبتجي معك التاء.. لكن مثلآ لفظ (الله) جل جلاله : لو وضعته بجمله ونطقته لاتأتي معك التاء: الله جل جلاله.. <<<< انطقها ولن تأتي معك التاء.. إذن اذا اتت معك التاء تكتبها تاء مربوطة واذا لم تأتي تكتبها هاء مربوطة.. ................................................... شكرآ لك.......

طرح رائع كعادتك اختي مسلهمة.. بصراحة لاادري ماذا اقول ولكن هل يدخل هذا في التبذير المحرم ام يخف قليليآ ويصل لمرحلة الإسراف المحرم ام يكون حلالآ.. ان كان حلالآ فأعتقد انه لايوجد مانع في أن يدفع رجل هذه القيمة الكبيرة من اجل شراء شئ معين (إذا كان مقتدر ماليآ) اما التبذير وهو : انفاق المال بزيادة في شئ محرم فلااعتقد انه تبذيرآ.. والإسراف وهو : انفاق المال بزيادة في امر حلال.. إذآ الأمر متوقف فهل يكون اسرافآ محرمآ أم يكون حلال.؟؟؟ اعتقد أن الشرع هو الفيصل في هذه القضية... شكرآ مسلهمة...................

وانااااااااااا بعد علي حلف ماالعتس يام شرين؟؟ انطقي؟؟؟؟؟؟؟؟؟؟؟؟ ياااااااااحبي لفزعاتي صدى الذكريات وليلك.. ومافيه خطأ ابد ياصدى في المثل ؟؟ انت قلت ( من اعذر فقد انذر) والا؟؟ الا الا........ ههههههههههههه مع السلامة نووووووووووف قريح!!

الف الف الف مبرووك للغالي عبدالله المدلج.. فهذا الرجل يستحق كل ماحصل عليه ويستحق كل خير .. به من دماثة الخلق وسعة البال وطهر ونقاء القلب الشي الكثير.. يحبه الصغير والكبير.. بارك الله فيه ووفقه الله.. والى الأمام.........

اللهم اغفر لها وارحمها .. وعافها واعف عنها.. واكرم نزلها.. ووسع مدخلها.. واغسلها بالماء والثلج والبرد.. ونقها من الذوب والخطايا كما ينقى الثوب الأبيض من الدنس.. اللهم ابدلها دارآ خيرآ من دارها واهلآ خيرآ من اهلها .. وادخلها فسيح جناتك... وجزاك الله خيرآ راعي حرمة..

والله انه يستاهل ذا الرخمة؟؟ خللللللللللللللله؟؟ معطيها وجه!! والله لوني في محله كان براشدي يعدل ............................ <<<< المآخوذه جنبي!! <<<<<< لاوالله اللي بتعطيها راشدي!! القروي : تسلممممممممممم صديقي على الموضوع الراااااااااااااايق........ يالله.. فمان الله...............

هههههههههههههههههههههه حلووووووووووووووووووة .. مشكوووووووووور حليب خلفات.. ماجا على بالي خطاك أنت بالذات؟؟ 8 8 8 اللي فوقي ذكرني بالأغنية يوم قال (يجي منك اكثر) يالله فمان الله.....................

هاه حبيبي صدى؟؟ خير ان شاء الله؟؟ <<<<<<<< بدى يخربها!! شف آخر رسالة عندي رقمها 46 تقوووووووووووول : صعب انسى.. واخشى مع الوقت تنساني.. مالي شواطئ ولامرسى.. ان كان موجك تعداني.. طيب عطوني رقم واحـــ 1 ــــد..

خييييير ان شاء الله؟؟ اشوفكم كلكم عليّ!!! وش ذا الحقد يامنيب قايل!!! والله مردي طالع طالع واوريتس يانوووووف قريح اصبري عليّ بس.. اصبريّ.. <<<<<<<< منقهر مايدري من يبدّي فيهم!!!

ماشاء الله ياراعي الشوم الموضوع مايحتاج تثبيت؟؟ الموضوع مثبت نفسه... واعتقد فعلآ أن للوالدين دور مهم يجب عمله في الإجازة واعتقد أن الفراغ سئ وله آثاره السلبية خاصة للمراهقين.. إن الشباب والفراغ والجدة ... مفسدة للعقل ايّ مفسدة رأيت وقرأت البرامج والأفكار التي اقترحتها واضاف أخي القروي ايضآ لها.. وبالفعل افكار رائعة وتستحق أن يعمل بها الوالدين وليس بالشرط أن يتقيدوا بها بل يمكن أن يستفيدوا منها... وحتى من عنده افكار اخرى تشغل اوقات فراغ الأبناء حتى ولو الذهاب لمزرعة تمتلكها توجيه الأبناء نحو القيام بعمل ما أو المساعدة في الزراعة تفيد جدآ من جهة ملء وقت الفراغ وتعليمهم الخشونة وحياة الرجولة.. وغيرها وغيرها من الأفكار... شكرآ لك راعي الشوم وموضوع يستحق الإشادة...................

فعلآ الإجابة على السؤآل بعدة نقاط لايمكن حصرها .. لايمكن حصرها ابدآ.. اعتقد ان بها سحرآ يجذبنا لها كلما ابتعدنا عنها.. فعلآ لااعرف لماذا احبها.. لكن الأهم انني احبها.. وافتخر بإنتمائي لها.. لك ياحرمة : أنا احبك واحبك من صغر سني ... ماابالغ ان قلت لك من يوم ميلادي.. اكبر ويكبر غلاك اللي مجنني ... غصب عن عيون حسادك وحسادي.. شكرآ لك يالبزم...................

هههههههههههههههههههههه ياويلييييييييييييييييييييه... يازين عيشة منوووووووول والله انها حنيييييييييييييييين... والله انك منتب صاحي يالقروي.. يمينآ بالله ودي اشوتك من حبي لك!! والله سرد رووووووووووعة.. اما عن الصورة الأولى : ((وإذا زعق بهالكلمة يسمعونه اللي في الرياض وأهل المجمعة يقولون هذا صوت عبيد الخريف خلاص أعلنوا العيد)) الله من الهول يالقروي.. هههههههههه ((وحنا من الحماس ماتدري ننشق والا نمش !!! )) اما هذي كني اشوفها قداااام عيوني!! وياشينها إذا صار الثوب شتوي!! الصورة الثانية : ((كل عجوز والا حرمة منول تحصلها حامل من زود الحرص على البقاء)) قسم بالله اني ماعاد اقوى من الضحك.. تدري اني طبعته وابقراه على ابيي واميمتي باتسر!! الصورة الثالثة: ((بس الورطة أن أبوي يوم دخل ولقاني راكع بالجلال ( على أني أميمتي ) قام وشاتني بوز ... وقال هماني قايلتس يأم سليمان أقربي لمي أمس بعد التراويح وتقولين : ترى ماعلي صلاة .. يابوسليمان ؟؟ تلعبين علي والا عايفتني !!!!!!! )) والله منتب صاحي ياقروي المنتهي.. لازم تدخل هالأمور بس تصدق اني قاعد احتريها..؟؟ موب الموقف؟؟ التصوير هذا ماعاد اسقم عنه!! الصورة الرابعة: ههههههههههههههههههههههههههه كني داري ان شغلك منول مثل شغلي؟؟ أنا منول مايركد شعري ولافيه أمل؟؟ جربت السعابيل كحل اخير ولافاد وش السواة : حطيت الطاقية فـ الأرض وتويقعتها وطبيت عليها سباحي (على الراس) وبهذا تدخل وتستقر بكل سهولة لكن وش الطريقة في تطليعها : اروح واجمّع اخواني كلّهم.. ويالله (قوم تعاوني ماذلوا) وناس يجرون الطاقية من جهة وناس متمسكين في الراس عشان يثبت من جهة وفي الأخير ماتسمع الا صوت كنه شناكير متعلقة في الطاقية وتخرج بسلااام .. صدز يوم قالوا (فكر في الخروج قبل الدخول) <<< انواع التحريف!! الصورة الخامسة: صادز والله ماعاد تلقى مثل نفوس منول.. بس الشكوى لله.. الصورة السادسة: والا معاد فيه؟؟ بقي اقولك الله يعطيك الف عاااافية ياقروي قريح وقرقح.. <<< قاعد يمدح الحين!! والله انك ماااقصرت وصفت لنا عيد منول وعشناه وكأننا نشوفه قدامنا.. صدق عرض روووووووعة.. الله يعطيك العافية مليوووون مرة.. وشكرآ ماتكفي.. عاد شف ماودي انفخك زود وتموق علينا بس عاد الله الله بمثل هالمواضيع وماشاء الله عليك ماتحتاج توصاة!! يالله.. فمان الله.........................

ياسر

صدى ماتلاحظ انك صكيتا السماعة بوجهي؟؟ طيب اكمّل.. ليلك قالت الو وأنت تبي المآخوذ.. اقوووووووووول غلطان يالغالي..

مبسووووط أنت وخشتك يامنيب قايل؟؟ وأنا مطلعك يوم دخلتك مفهّية!!! اصبر خل اطلع.. اصبرررررررررررر <<<<<<< احلى ياقويّ؟؟

كتكوت؟؟؟؟ هههههههههههههههههههه لالا حليب خلفات.. طيب مفهّية تراتس اعميتيني باللي حاطته بين الحروف.. المهم.. ط ف ع ن ا م ل

احم احم.. والله بعد ماتم تعيين اعضاء معينين مشرفين..؟؟ أنا هنا اشجب واستنكر من تعيين العضوين حويلان بيتش و المتمدن... هل اقول أن للواسطة دور في ذلك؟؟ هااااااااااااااااااه صدى..؟؟؟ كذا صح؟؟ اكمّل؟؟؟ <<<<<<<<<< غرير ذا!! وده ينتسحت!!!! وبصراحة ارى أن هناك عدة مواضيع افتقدتها في مكتبي وتشبه الى حد كبير موضوعين قد تم تثبيتهما في الأعلى... بنفس الإسمين السابقين... هااااااااااااه اكمّل!!! خخخخخخخخخخخخخخخخخخخخخخ اقوووووووووووول : الا الله يعزهم ولا يعز علااااااااااااااااهم (( على قولت بدوي في طاش ماطاش)) وتستاهل الحب نجديه.. <<< أدخل أي منتدى وأكتب موضوع لا يمت بصله>>> ههههههههههههههههههههههههههههه

خخخخخخخخخخخخخخخخخخخخخخخ تصدق اني اناظر ردي وعجزت افهم وش قلت؟؟ ههههههههههههههههههههاااااي .. معليييييييش ابوذعار بس قمت اتفلسف ابآخذ من كلامك واتبيعر اني اعرف اقتبس؟؟ بس شكلي حقتها!!! يالله : هي تجربة عدت ولاهزت اعصاب .. عزمي كبير وماانخفض يوم باسه!! <<<<<<<<< وش يبي ذا!!! اقووووووووول الظاهر اني بديت اخربط!! يالله.. فمان الله.................

الف الف مبروووووووك اخوي بلاك هورس.. والله انك مبدع وتستاهل.. والله يعينك على المسؤلية...