القروي قام بنشر May 23, 2003 ارسل تقرير قام بنشر May 23, 2003 ذكريات الويك إند في حرمة !! النهاية : <<< ( ماعمره كتب موضوع منسق والي هذا اوله ينعاف تاليه ) احب اني انزل لكم فيذا اول مشاركة لي عبارة عن موضوع جاد شوي عن ذكرياتي قبل خمسة وعشرين سنة أيام الخميس والجمعة وخصوصا اذا علمنا ابوي ان حنا بنروح لحرمة في الاجازة الاسبوعية اذا صرنا شاطرين ونسمع الكلام ... علشان نزور جدي وجدتي ونشوف عماني وعماتي ... الخلاصــة : عند إشراق شمس يوم الأربعاء وتأتي أمي لتطل علينا في الغرفة التي تجمعني وأخواني الخمسة لتقومنا للمدرسة وتقول لنا بلهجة هادئة يملأ أثمها التثاؤب ولكن في هذا اليوم بالذات نكون مستيقضين وشاترين من زود الفرحة بالروحة لحرمة !!! تشهق أمي مستغربة هذا النشاط وتقول : هاااو !! وش مقحصكم بدري ؟ يرد عليها أخي الأكبر ويقول علشان تجي روحة حرمة بسرعة وجالسين نجمع المصاقيل إستعداداً للروحة يا ماما <<< ماعمره قال الا يمه ( بضم الياااااي والميم ) بس علشان الاسلوب يطلع سنع !! بعد نهاية الحصة السادسة يجمع أخي قواه ليطلق صرخة الفرحة منادياً لنا بأن ننهج ونطلع بسرعة لننتظر أبي ليأخذنا مباشرة إلى حرمة .. نتجمع أنا واخواني في السيارة البيجو البكس لتأخذ أمي المقعد الأمامي وفي حضنها أخي الرضيع << ( من عرفت أمي ودائما في حضنها طفل رضيع مايمديها تفرح المسيكينة بأن الولد الصغير ارتفع وارتاحت منه الا وتجيب ثاني ... كانت أمنيتها في الحياة الزوجية انها تركب قدام ويدينها حرة طليقة هههه بس ابوي مايمهلها دايم مشغلها بهالمبزرة هههه ) اخوي الكبير يجلس جنب الدريشة واخوي الثاني في الدريشة الأخرى وأختي مبوبزة في الوسط وانا واخوي الي اصغر مني نجلس في حوض السيارة وكل مالف أبوي بقوة نجلس نفر في هالحوض كن حنا مصاقيل مرمية في بانيو هههههه وكل شوي صامختني القزازة مع جبهتي ومرة تصكني جبهة أخوي واذا ضرب ابوي فرامل بقوة مايردني الا التعشيق ناشب في خشمي !! المهم .. اذا أقبلنا على حرمة نبدأ بالنشيد المتعارف عليه (( حرمة(ن) تنادي .. هيا يا أولادي )) وبصوت مرتفع وعالي تعبيراً عن فرحتنا بالوصول لهذه المدينة الزاهرة !!! عند الوصول .. عادة اكون مشخص بلبس رياضة ( أخر حصة في يوم الاربعاء رياضة ) ويجلسون يعيروني العيال بالدافور مما يزيدني إصراراً على تغيير ملابسي وألبس ثوب فيه كبك ( مافيه ولا ولد في حرمة منول يلبس كبكات ههه ) اشخص عليهم وألبس كنادر بدل النعال (( أشخص للبنت الي عاشقها والي أشوفها دااائما في استقبالنا عن بيتهم لان اهلها جيران جدي والباب نطح الباب )) .. عادة نوصل وتكون مخابي الملابس مليانه بالمصاقيل وأخذ بكلة أختي وأشيل منها الفص والخيوط وأمسك كندرة أمي وأقشع منها أي حديدة والا فص مدور علشان أجمعه وأعطيه بنت الجيران عشيقتي تلعب فيهن دبق مع البنات <<< أبوك يالرومنسية .. تبدأ رحلتنا مع عماني وعيال حرمة باللعب مصاقيل حيث يحتوي حوش جدي بحفرة نعتبرها الملعب الداخلي او المحلي وفيه حفرة في حميان ( مكان يجي فيه السيل ) والحفرة الي في حميان نعتبرها الملعب الدولي وهي للحريفين ... ( يعني للقشيطين لغير الناطقين بالسديراوي هههههه ) نلعب في الملعب الدولي بحميان واجيب معي اجمل المصاقيل الملونه والمائية وعادة يتمتع عيال القرية بالقوة الجسمانية والعضلية ومنهم طيب الذكر عبيد الحلوان الذي أتعامل معه عادة بسياسة ضبط النفس أثناء اللعب أو المحارش خوفاً على تغير ملامح وجهي إلى غضارة معدن هههه . نعود لبيت جدي بعد أن أرهقنا من لعب المصاقيل ولعب الكورة ونروح للنادي الفيصلي نلعب تنس طاولة والا فرفيرة !! نجلس قدام التلفزيون وكل واحد معه علك ننتظر تمثيلية اجنبية أسمها ستيف أوستن ونصف قدام التلفزيون ونمدد رجليننا وتغدي هالسيقان تقل كتكات << سوداء من المشق هههه وبعد أن ينتهي المسلسل الاجنبي ستيف اوستن تجي امي وتحصلنا كلنا نايمين قدام التلفزيون مفتحين هالفناخر ومشنترين الاذان من الحماس .. وتبدأ اميمتي الضعيفة تشيلنا واحد وراء واحد وتحطنا فوق المطرحة وتلحفنا ... وننام في جو هاديء !!! في الصبح اذا قمنا حصلنا روسنا ناشبة(ن) في المطرحة ولاصق الشعر في العلك ولا يفكنا منه الا قاز أو مقص يجز خصلة من الشعر وتصير شعورنا مثل الفرشة الي طايح(ن) عليها مكوى حار وغادية(ن) سوداء نمشي والتوازن معدوم جهة فيها شعر والأخرى مقصوصة علشان نتخلص من العلك << (( علشان كذا لاتنومون عيالكم وفي أثمهم علك )) ... ونمشي ونترنح نحس جهة ثقيلة وجهة خفيفة .. بعد هذا المنظر الغريب لروسنا نخرج للشارع ونشاهد الفتيات يلعبن الدبق عند عتبة بيبانهم واتابع عشيقتي بكل أهتمام وأسرق بعض الخواتم والتعليقات واعطيها << أبوووك يالاخلاص والتضحية .. وفي يوم الجمعة نبدأ في تجهيز عفشنا استعداداً لرحلة العودة للرياض وتكون نفسياتنا محيوسة وكل واحد ماد(ن) بوزة شبرين وأخوي من زين الطبايع اذا صار مبلم والا منرفز تشنتر أذانه علشان كذا يضطر أبوي أنه يفتح الدريشة علشان يطلع اخوي اذنه برى الدريشة توسع لنا في السيارة ههههه وأمي مالها خلق على أخوي الصغير وكل ماصاح علقته في المراية الجانبية تقل قربة ههههه وأنا أجلس متمدد في الحوض واصبعي في خشمي أستعيد الذكريات . البداية : <<< (( أفلقني اذا أنت ناجح في التعبير )) وتنتهي رحلة الويك إند في حرمة وعلى فكرة معشوقتي الفتاة بنت الجيران تراها طلعت أختي من الرضاعة هههه لا تجلسون تصجوني هههه !! <<< المخرج عاوز كده هههه قصدي أمي !! عموما أختصرت لكم صفحتين وخرطت الموضوع لكم بسرعة ما ادري وش ترغبون مواضيع طويلة والا نختصر ؟ أخاف أطول ما احد يرد ولا يقرأ !!! هذا الموضوع جس نبض أبشوف وش يجوز لكم من مواضيع وسلامتكم أخوكم القروي <<< أحلف
القروي قام بنشر May 23, 2003 الكاتب ارسل تقرير قام بنشر May 23, 2003 انقز فوق في اعلى الصفحة ياموضوعي .. عز الله الي جحدوك !! عاد اليوم الجمعة مدري وش مشغلهم في هالليلة
مسلهمه في مسيل الكلبي قام بنشر May 23, 2003 ارسل تقرير قام بنشر May 23, 2003 ههههههههه .. مشاركه جدا ممتعه .. بس بيني وبيني <= الله من زين الحتسي الاربعا معروف عند العموم أنه روحه للأخوال مجتمعين .. الخميس رايحين لحديقه حرمه والجمعه عاد للسباحه .. وغسل الترنقات واللأبات شكرا لك .. تحياتي العذبه ..
ريحة الماضي قام بنشر May 23, 2003 ارسل تقرير قام بنشر May 23, 2003 والله انك منتب سهل ياقروي ويك اند ولا عنه 000 لا وفي حرمه بس تبي الصدق موضوعك رجعنا عشرين سنه وراء شكرا لك
فتاة سوق السبت قام بنشر May 23, 2003 ارسل تقرير قام بنشر May 23, 2003 هههههههههههههههههههههههههههههههههههههههههههههه ياااااااااقلبيه على الويك اند قسمن بالله ذكرتني بايم اول يازيناه زيناه ويازين حرمه فيها والله مشكورررررررررر قروي تحياتي لك اسلوب ولا احلى منه اختك فتاة سوق السبت
القروي قام بنشر May 24, 2003 الكاتب ارسل تقرير قام بنشر May 24, 2003 ماااشااااء الله .. من الي نشر موضوعي فوق وعلقة ؟ ذكرتوني بأميمتي منول إذا علقت صروال أبوي في الطاية وصار بلحالة معلق يهفهف كلن يشوفه << والله تشبيه كنه وجهك مسلهمه في مسيل الكلبي : مشكور لردتس وذكرتيني بحديقة حرمة وخصوصاً البحيرة الي تشبه الهيدبارك << صفقني اذا قد شفتها !!! شكراً لك أختي / تحياتي العذبه .. << ماشااء الله عائلة العذبه حمولتن سنعة في حرمة << ياشيخ ضف وجهك >> طيب لاتدف صريعة حرمة : أجل رجعتس عشرين سنة وراء << جلس يهوجس كم نعطيك من العمر مشكور لردك والله يخليتس لحرمة وأهلها فتاة سوق السبت : أيام أول مافيها سوق سبت وأنتي قلتي ذكرتني بأيام أول يازينها زيناه !!!! أحس أنتس من بنات أول الي كانن يلعبن دبق وتسريحتهن دايم ذيل حصان والي شعرها قصير تحط ذيك الشرايط البيض حقت المدرسة ومشنترة من راسها دنقورين تقل مضرب اتاري <<< قديييم أتاري مشكور لردتس حبينا نمزح لا أكثر << مسروقة هالجملة من بعض الناس
7armawy قام بنشر May 24, 2003 ارسل تقرير قام بنشر May 24, 2003 هههههه القروي ..شعور متبادل .. بس الان ما تفرق ....قبل كممممممم 25 سنه شكلك شااااااااايب ..حرمه ما تزين الا اذا جينا ذاك اليوم وعلى طوووول على البقالة ومل جيبك علووووك ايااااااااااام ....القروي يا ماااال الثانكس والله
القروي قام بنشر May 24, 2003 الكاتب ارسل تقرير قام بنشر May 24, 2003 7armawy : قسمن بالله جالس ساعة احاول انطق أسمك بالانقلينزي عجزت !!! الا ياخي وشسمك ماله داعي الاحراج !!!!! مشكور لردك يالشااايب ههههه والله ياشكلك من الاولين قبل لايجي الشارع الي قص وسط الديرة الي حطوا عليه حديقة حرمة هههه وأول مازرعوا فيه شجرة جلسنا تحتها حنا وعيال حرمة ومعنا شاهي ونلعب بنت السبيت على بالنا جلسة رومنسية تحت ظلال الاشجار ( هي كلها شجرة وحاطين عليها شبك عن الغنم لاتاكلها ههه ) . والله اني احس انك رهيب انت وهالاسم الي عقدني والله الله بالمواضيع لاتبطي عنا بس !!! درب درب ياجماعة أبطلع وخروا
منتهي قام بنشر May 24, 2003 ارسل تقرير قام بنشر May 24, 2003 هلا والله بالقروي صديقي يخوي علمنا ان في حرمه ويك اند نروح له ترى مابعد قريت موضوعك بس حبيت اسلم وباتسر اقراه وارد حنا يخوي ندور متسان نتمشى فيه في حرمه ولا لقينا انتسان علمتني بالويك اند قبل خمس ايام عشان اروح اشرب سفن هناك زين ان لقيت متسان اروح له منيب معلمك مثلك ماتعلمني بشي
كتكوت قام بنشر May 25, 2003 ارسل تقرير قام بنشر May 25, 2003 الله من الصرقعة والرجة يالقروي.......... بس ولو منسم تصلحلي؟؟؟؟؟؟ ابصادقك؟؟؟؟؟؟؟؟؟؟؟؟؟؟ على كل حال القصة اثبتت انك منتهي ولاتخلينا باجديد من ذكرياتك........ شكرآ لك...........
عرق الأثلة قام بنشر May 25, 2003 ارسل تقرير قام بنشر May 25, 2003 القررررررررررروي في راسك فتق عظيم الله يرجك ههههههههههههههههههههههههههه هههههههههههههههههههههه ههههههههههههههههههههههههههههههههههه ذكريات حركات مشاعري نحو الماضي تراي وانا اكتب ردي هذا جالس انشق وامسح في تسمومي خخخخخخخخخخخخخخخخخخخخخخخخخخخخ يامن الهبال والله ماخليت شي دمرت الدنيا وصف قمه في الروعه من شدته كني مشخص معكم في البجو ورى هههههههههههههههههههههههههههههههههههههههه ياليتني معكم ياخي انت مبدع انت المفروض نخصص لك حجره بالحالك اسف قصدي منتدى بلحالك بس اعجبتني حكمة العلك اجل لا ترقد والعلك في اثمك هههههههههههههههههههههههههههههههههههههههههههههههههههه وين كتاب الامثال لبن جهيمان ياحبي لك ياالقروي كل هذا كوم والدبق والمصاقيل كوم ذكرتني ايام الديره منول الله المستعان والله كنك معنا .. منول ايام المصاقيل مانيب افوز ابد دايم مقشط هههههههههههههههههههههههههههههههههههه وكان من امنياتي افوز بالمصقال الكويتي ابو ست مدري سبع طقات ههههههههههههههههههههههههههههه انت مميز ومبدع وكل شي الله لا يخلينا منك ومن مواضيعك استمر نحن من خلفك لو نمشي حافين هههههههههههههههههههههههههههههههههههه لك تحياتي يالمنسم
القروي قام بنشر May 26, 2003 الكاتب ارسل تقرير قام بنشر May 26, 2003 ^ ^ ^ ^ زاد قايله من زماان هالي فوقي مهوب صاحي أبد منتهي : او the end الاماتسن كثيرة في حرمة تصدق لو تروح تحت النخل والمكينة تشتغل وتسمع صوتها وهي تغرد وتقول تك تك تتك تك تتك تك قسمن بالله تنسى كل همومك ومعك شاهي وتاكل جرجير وكراث وخس من المزرعة << تصير كذا ياشييخ شكرا لمرورك دجاجة صغيرة << يدلعك يا كتكوت قلش عاد كتكوت صديقي << اتخيل وانا حاط ذراعي على رقبك وانت حاط يدك على رقبتي وتباشر علي تسلم على مدحك << يحسن هالي قاله مدح مرورك موفق << مرورو والا شرطة والا امن الطرق << ضف وجهك عرق الاثلة : يااخي انت وين جابوك منه الربع << الربع والا النص هههه الا انت عرق الاثلة والا صنان عبدة ههههه تصدق والله الموضوع برمته << (( حلوة هالكلمة لاتجحدها )) مازان الا يوم حطيتا بصمك الخاصة بصمة ستة ههههه وربي يالغالي يالحبيب يا اللبيب اني فرحاان مرة بردك والدليل اني تزوكنت من الفرحة وخروا ابطلع
عطيب قام بنشر May 26, 2003 ارسل تقرير قام بنشر May 26, 2003 هلا والله بالقروي ههههههههههههههه ههههههههههههههههههههههههههه ههههههههههههههههههههههههههه ^ ^ ^ كنها سحابات تنانير بنات منول هههههههههههه هههههههههههه موضوعك متعوب عليه تسلم والله اجل يفتح ابوك الدريشة علشان تطلعون اذن اخوك معها توسع لكم ههههههههههههه ههههههههههههه ننتظر المزيد يالقروي
القروي قام بنشر May 27, 2003 الكاتب ارسل تقرير قام بنشر May 27, 2003 هلا اخوي عطيب شوووكرن على هالسحابات ههههه تصدق انك صدز ذكرتني بسحابات التنانير حقت منول هههه سلام وخر السحابات ابطلع ههههه
القروي قام بنشر March 7, 2004 الكاتب ارسل تقرير قام بنشر March 7, 2004 قريبا الجزء الثاني من هالذكريات : بس فيه كم عضو ماعاد له حس وينهم : عرق الأثلة كتكوت منتهي 7armawy وين أيامكم ؟ عسى المانع خير ؟ وغيركم كثير غايب أتمنى رجوعهم قريبا
فتاة سوق السبت قام بنشر March 7, 2004 ارسل تقرير قام بنشر March 7, 2004 ننتـــــــــــــظرها بفارغ الصبر عجــــــــــل بهالذكريات والاعضاء والله انك صادز واحب اضيف صدى الذكريات المشاغب والله له فقده هنا وكتكوت المفهي وقولدن اي دانه حرمه لين حرماويه والكثيـــــــــر ممن لاتحضرني اسمائهم نتمنى عودتهم
المحيوسة - المرجوجة قام بنشر March 7, 2004 ارسل تقرير قام بنشر March 7, 2004 هههههههههههههههههههههههههههههههههههههههههههههه موضوع جناااااااااااااااااان ونتظر الجزء الثاني بفارغ الصبر >>>> حلوه الكلمه خخخخخخخخ هههههههههههههه المرجوجه المحيوسه
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان