فتاة سوق السبت قام بنشر January 2, 2004 ارسل تقرير Share قام بنشر January 2, 2004 .....جهيـــر ام برقع مشقوق والرز ابو هديه ..... احبائي اعضاء وزوار بوابه الساخر.. سوف اسدح بين ايديكم قصيصه وليست قصه عن صديقتي وغاليتي وشقيقتي في سوق السبت (جهير ام برقع مشقوق ) طبعا القصه مفروض تعرض في رمضان .. فنظرا لخراب جهازي وكانت هي مكتوبه عليها فما قدرت انزلها .. يوم عاد زان <<< قصه الحياه قلت خلنا نزلها معن هالحزه امتحانات بس ياله اعذرونــــــــا ... طبعا هذه الفتاه ليست بغريبه عليكم فلقد سبق ان عرفت بها في موضوعين سابقين ايام الشباب وايام الطفوله (رحلتي الى الخنافريه _ وطفولتي وعشقي لحضورالعروس) والان اترككم تسبحون مع دعاسيق القصيصه ( رجاء اللي مامعه لاستك لا يقرى اخاف يغرق ونبحل به لان هنا مافيه خفر سواحل اسفه قصدي سيــــول ) كاعادتها جهير المطفوقه تقهوى الضحيوه وتقدع من هالتميرات ومعه سحله دخن ماتاكل التمر الابدخن تقول اطعم... وطبعا بجانبها بنتها اللي اظاهر مهيب عاقله ابد حتى لو كبرت(شكل امها وهي حامل فيها شايفتني وتوحمت فيني ) طالعه علي واسمها (سوزي ) <<< مدري وشلون سموها ماعلينا .. واثناء ماهي تتقوى وبنتها تحوق القهوه معها .. ترن ترن ترن ترن <<< هذا صوت التلفون ترد سوزي <<< الله يعين اللي ترد عليه قسمن بالله ان يطلع في راسه عبــــــــريه ماعطتها علم صاحي.. وتقعد سنه وتحتسي حتسي مهوب لم سنع واشوى ان جهير جنبها وتقوم وتاخذ السماعه منها وترد.... ولاها اخت جهير ... نوير : الو وجعه تمصع سووزي ياختي بنـتس ذي لاعاد تقضب السماعه وه منها. جهير : امم امم (تاكل تمر ) ياختي بزر وانتي بسم الله علي سلمي قبل مهب مطلعتن بلاعيمتس علي .. وجعه توجع جدي ديفيــد. نوير : اقول بس اسمعي ترى اليوم جايتني دعايه بنده يقولون عندهم تخفيضات تهول وتفتسر بمناسبه حلول رمضان.. جهير : صدز ياحليلهم .. اجل خلينا نروح اليوم لا ياقضي عنا الزين.. نوير : اجل انا وشوله محاتسيتس يالخبله الا ابي امرتس عقب المغرب تزهبي وهماه بنت سوزي لاتروح خابرتها بثره وكلشن تحوقه وتفسده. جهير :ياوياتس من حسيبتس في بنتي والله ان كل الملح والقبله فيها ( اكيد هماه طالعتن علي ) خلاص .. بعد المغرب بعد المغرب. نوير : ياله نشوفتس على خااار جهير : مع السلامه نوير : طلرااااااخ <<< صكت السماعه جهير : طراخ طراخ طراخ طراخ <<< تبي تصك السماعه وسوزي بنت تبي تكلم وطلعت هوشه وصار فيها معط شوش بس الاصابات بسيطه 150 شعره من جهير سقطت اما سوزي يقولون ماطاح الا شعره وحده منها طبعا الابقى للاقوى. بعد المغـــــرب .......... الساعه 7 مســــــــــــــــاء تقريبا قبل التراويح... بيـــــــــب بيـــــــــــب بيب بيب ططاط طططططططاط طططططططططططططططططططاط <<< معصب ولد اختها نوير وتطلع جهير وهي موزيه بنتها سوزي في عباتها.... ويوم ركبت السياره وتطلع سوزي من تحت عباه امها ... وهي فاقه الخشــــــــــه. نوير: ياجعل هالخشه تنصك ولاعاد تفتح ... الحين ذي وش مركبها ووجع جهير : وش اسوي نشبت فيني .. ورحمتها .. تبيني اخليها لحالها ياويلاه . نوير : شوفي اجل حطي يد بنتتس في يديتس ترى ماعلي منها وان خربت ولافسدت انتي المسؤوله. جهير : طيب ولايهمتس اصلا هي عاقله ومؤدبه وشاطره بنيتي ماتخرب صح سوزي سوزي : لايكثر يا دهــــــيــر (جهير ) يقولون ابو طبيع مايغير طبــــــعه <<< والله الملسونه خخخخخ لبقوا عند بنده ودحــــــدروا .. طبعا بنــــــده ملياااااااااانه عالم اكيد .. تخفيضات واعلانات.. طبعا كل وحده في جهه تعبي القش اللي تبيه...واثناء ماجهير تدور وتلقى خيش رز وحاطين اعلان فوقها ... ))))))انه في الكيس دراهم تصل الى 500 ريال في الكيس الواحد(((((( وهي اللي تطير عيونها ... وتشر لاختها نوير نوير نوير (تشر بصبعها على الرز ) فيذااا دراهم وتلمس جهير الخيشه من فوق ولا فيها شين يخررررررررررررررررررفش قالت بس هذي الفلوس وتقوم نوير وتقولها اقول امعطي لنا خيشتين بسرررررررررعه. ويوم جت تاخذ جهير الخيش ....... وتجي جنبها حرمه تناظر الرز.. يقالك عاد جهير من زود الذهانه ماتبي تفشل روحها عند الحرمه انهم شارين الرز عشان الفلوس وهي اللي تقوم انتي ياجهير وتلتفت على اختها نوير وتقول: اخــــــتي .اخـــــــتي. مايصلحن ذولا فطـــــــــــــر .. الا بلى هقوتي يصلحن ( ياشين التصريف ) وتحط جهير الخيشه اللي فيها شين يخرفش في سلتها وتعطي اختها الخيشه الثانيه وتفحط بسلتهااااااااا للكاشير واختها وراها .... وتحاااشب بسرعه وتـلقط خيشه الرز وتخلي باقي الاغراض يجيبهن ولد اختهااااااااااااا... مستعجله تبي تفتح الخيشه كود يصير فيها فلوس ترجع لبنده وتشتري زود اغراض <<< حريم اهب عليهن وتركب السيااااااااره وتحاول تفتح في الخيشه مافيه فايده... وتقوم وتقرض الخيط بسنونه وتفتح وتمعط بها الضروس عجزت وتاخذ المفتاح حق السياره وتحااااااول قال ولد اختها : اقول لاينكسر بس المفتاح خليها اذا رحتي للبيت افتقيهاااا واذا طلع فلوس رجعناك تشترين .. وهي اللي ترجهن ... ويروحن للبيت ومن يوم مادخلت مع الباب وهي اللي تصوت للشغاله بسرررررررررعه جيبي قدر كبير وسكين بسرررررررررعه وتجي الضعيفه ماااااااااااااغطه من المطبخ وتعطي جهير القدر والسكين ( من الطفاقه حتى العباه مافصخت ) وتمعط الخيشه وتفتقها وتكب الرز كله في القدر وتحوق تدور اللي يخرفش على اساس انه فلوس وتدور وتدور وهاليدين مدخله في القدر وتدوووووووور واخرتها وش طلع اللي يخرفـــــــــــــــــــــش...؟؟ طلـــــــــــع كتاب وصفات (طبخ ) جاي مع الرز هههههههههههههههههههههههههههههههههههههههههههههههههههههههههههههههههههههههههههههههههههههههه وهي اللي تتحطم ... وتطير كل افكاره اللي مخططها لها اذا طلعت الفلوس .. وتحسفت على ضروسه اللي تخلخلن من مكانهن بسسب الخيشه وتقريمها لسلوتسها بضروسها.. طبعا هذا دوى اللي يتابع الدعايات والله ان ماورهم الا الخنبــــــــــــــــــــقه .....القصه من الواقع وترها مسحبوه من مجالس الحريم وسواليفهم بس طبعا السناريو والحوار : فتاة سوق السبت تحياتي لكم اختكم فتاة سوق السبت رابط هذا التعليق شارك More sharing options...
القروي قام بنشر January 2, 2004 ارسل تقرير Share قام بنشر January 2, 2004 ما أقول إلا حسبي الله على الاختبارات إللي حارمتنا من طلعة بلاعيمتس علينا وش هالحتسي ... والله تسني قدام جدتي وهي تهوش على جدي الله يرحمهم والله يااهي قصيصة مهيب قذيلة .. ذكرتني بقصيصة ذيل حصان اللي تحطونها منول ومثل ماقلتي هذا دواء الخرشة والروجة اللي مالها سنع ... بس تصدقين انا مشتااق أبي أشوف وش زينت سوزي في بندة عادة فتاة سوق السبت في سرد السباحين الزينة اللي مايبيلها الا حزمتين كراث مع خبز الله لا يحرمنا من سواليفس رابط هذا التعليق شارك More sharing options...
قلب نجد قام بنشر January 2, 2004 ارسل تقرير Share قام بنشر January 2, 2004 ررررررررررررررررررررررئعه رااااااااااااااااااااااااااااااااااائعه رائئئئئئئئئئئئئئئئئئئئئئئئئئئئئئئئئئئعه رائعععععععععععععععععععععععه رائعههههههههههههههههههه عاد الزبده انها رائعه رابط هذا التعليق شارك More sharing options...
مرتـــــــــــــــاح قام بنشر January 2, 2004 ارسل تقرير Share قام بنشر January 2, 2004 يالله حيهم .. طبعا القصه مفروض تعرض في رمضان .. ^ ^ ^ أجل حقين مسلسل الحجاج يحمدون ربهم ماطيحتي سوقهم طبعا هذا دوى اللي يتابع الدعايات والله ان ماورهم الا الخنبــــــــــــــــــــقه ^ ^ ^ الله لايلوم بعض الحريم والله بعض الاعلانات والدعايات تقلب الراس وتدوخ العيون المهم ياخاله فتووو تسلمين على هالقصه ,,, قسم بالله جاني شد عضلي في خشتي من كثر ماضحكت مشكووووره كتييير .. ختامــاً .. تقبلوا أرق التحايا .. رابط هذا التعليق شارك More sharing options...
حميان بيتش قام بنشر January 3, 2004 ارسل تقرير Share قام بنشر January 3, 2004 السلام عليكم صز اننا مشتاقين لجهـــير وسوالفها اجل بنيتها ...وش اسمها ؟؟ سوووووزي ... والله من الطفاقه ياسوووزي دايم خشتها منتفخه اجل اخرتا (( طلـــــــــــع كتاب وصفات ( طبخ ) جاي مع الرز )) ياحسافت تصريف جهير المشرفه : فتاة تسلمين والله على هالسبحونه تحمست مع السالفه بس نهايتها محزنه كثري لنا من جلسات الضحى ..ترى يجي منها سوالف بعض النوبات المهم ماعاد الا خير على الامتحانات و شدو حيلكم رابط هذا التعليق شارك More sharing options...
المنقهر قام بنشر January 5, 2004 ارسل تقرير Share قام بنشر January 5, 2004 (معدل) هلا والله ...... والان اترككم تسبحون مع دعاسيق القصيصه ( رجاء اللي مامعه لاستك لا يقرى اخاف يغرق ونبحل به لان هنا مافيه خفر سواحل اسفه قصدي سيــــول ) الله من الملح وش ذا المصالة حسبي الله على بليسك ومعه سحله دخن وشو الدخن ذا ؟ قسمن بالله ان يطلع في راسه عبــــــــريه خخخخخخخخخخخخخخخخخخخخخ هذي عيارة واحد عندكم في حرمة مدري المجمعة خخخخخخخخخ ( عبريه ) نوير : اقول بس اسمعي ترى اليوم جايتني دعايه بنده يقولون عندهم تخفيضات تهول وتفتسر بمناسبه حلول رمضان.. جهير : صدز ياحليلهم .. اجل خلينا نروح اليوم لا ياقضي عنا الزين.. ^ ^^ هالمقطع تسني سامعة في الإف إم والله أعلم خخخخخخخخخخخخخ جهير : طراخ طراخ طراخ طراخ <<< تبي تصك السماعه وسوزي بنت تبي تكلم وطلعت هوشه وصار فيها معط شوش هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههه ياربيه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههه وربي هذا أطلق مقطع قد قريته في حياتي تذكرت عجوز الله يرحمها ماتعرف تصك السماعة أبد ماغير تصبيخ لين يجي أحد يصكها عنها ( الظاهر تحسب السماعة لازم تموت عشان يتسكر التلفون خخخخخخخخخخخخ ) تم تعديل January 5, 2004 بواسطه المنقهر رابط هذا التعليق شارك More sharing options...
فتاة سوق السبت قام بنشر January 9, 2004 الكاتب ارسل تقرير Share قام بنشر January 9, 2004 المشرف القروي ايييه والله حسبي الله على هالاختبارات ... ازمه ولا أزمـــه الكويت مااقول الا يالله تحررنــــــــــا سوزي .. وش سوت في بنده سوت هوايل .. ابد كنك حاطن (فار) مع خيش رز .. انواع الفساد. الف شكر على اطراءك يابيه الساخر رابط هذا التعليق شارك More sharing options...
فتاة سوق السبت قام بنشر January 9, 2004 الكاتب ارسل تقرير Share قام بنشر January 9, 2004 قلب نجد الله يسلمتس ... الرائع ردك..والزبـــــــــــده عاد انتس انتي الاروع <<< زبده ولا لبـــات الف شكر رابط هذا التعليق شارك More sharing options...
فتاة سوق السبت قام بنشر January 9, 2004 الكاتب ارسل تقرير Share قام بنشر January 9, 2004 مشرف الرياضيه مرتاح خالتوا فتو <<< طموحي اكون جــده <<< هذي خشتك مع الشد العضلي .. ينصح باستخدام الفقس والكريمزان الف شكر على ردك .. رابط هذا التعليق شارك More sharing options...
فتاة سوق السبت قام بنشر January 9, 2004 الكاتب ارسل تقرير Share قام بنشر January 9, 2004 المشرف حميان بيتش الله مير يسلمك ... وتسنك داري عن سواليف الضحى شكلك يومك صغير تسعسع مع امك ابشر والامتحانات راح الكثير لم يبقى الا القليلاتوااا الله يسهل شكرا على اطراءك وهذا بعض مما عندكم رابط هذا التعليق شارك More sharing options...
فتاة سوق السبت قام بنشر January 9, 2004 الكاتب ارسل تقرير Share قام بنشر January 9, 2004 الكاتب الساخر المنقهــــــــر اما العبريــــــــــه << مدري ليه لاذكرتها ضحكت ههههههههههههههههه اثره موب انا لحالي خ خ خ خ الله يسلمك الدخن ذى انا مادري وشو بالضبط بس اللي اعرفه انه ينوكل مع التمر ولونه زي الطحينه او اغمق<<< الله من زين الوصف تشكر على ردك واطراءك .. وتشريف للموضوع رابط هذا التعليق شارك More sharing options...
دلوعة حرمة قام بنشر January 9, 2004 ارسل تقرير Share قام بنشر January 9, 2004 حسبي اللة علي بليستس وش ذا الحتسي اللي يقطع المصران من الضحكه هههههههههههههههههه والا انا مستغربة من شي وشلون افلت جهير تسمي بنتها سوزي حدها حصة والامنيرة وان شخصت نورة مااقول يافتاة هاذا ماعهدناك عليك ولانرضي بااقل من ذلك اختك دلووووووعة رابط هذا التعليق شارك More sharing options...
فتاة سوق السبت قام بنشر January 9, 2004 الكاتب ارسل تقرير Share قام بنشر January 9, 2004 دلوعه وجعه من وين طلعتـــــــــي من تحت الانقـــــــــــــاض <<< حشى محنب في ديرتنا في ايران ههههههههه منورررررررره الموضوع يابعدهم... يااعز صديزاتــــي ... من يوم ولادتي الى يوم ما ماتي << بعد عمرن طويل سلمت يمينك واصابيعتس اللي خطت هالحتسيوات .. ياجعلي ماذوق يومتس وتشكرين لى تفاعلك اخيتك وصديزتس فتاة رابط هذا التعليق شارك More sharing options...
سهيل قام بنشر January 20, 2004 ارسل تقرير Share قام بنشر January 20, 2004 ^ ^ ^ ^ بلع لسانه من الضحك << وجع وش هالدرر الزينه ووش هالصدَفـات المبدعه وحلاو العصو < خبط يقطع سوالفك اقول من جد إبداع..ومخيله كذا من حلاوة و زيـن هالموضوع صرت ألعب حبّله << هاااو تعرفين يعني ينقالك متحمس ومستانس أمتعينا تكفين ولا تبخلين يختي هاليومين طالعلي دمل في جبهتي مع الطفش ومع السنع وصيت اختي الصغيره تلبدلي عجينه وتلزقها عليه (وصفه هنديه) واااصلي تميزك.....وياجعل الدراسه ماتربح لا حرمتنا من فتاتنا هي وكورتها<<يرسم على الكوره يبي ينسمها من زود التحشيم ثـابري حفظك الله ^ ^ متخاشر مع أستاذ محجوب..(هذا واحد الله يحفظه يدرسني عربي وبيده حجار ريموت يرجمني بهن لا تنحت عنده..أشوف فيه يوم انشالله ) يلا..لا عدمناك تحياتي المتـواضـعه رابط هذا التعليق شارك More sharing options...
فتاة سوق السبت قام بنشر January 24, 2004 الكاتب ارسل تقرير Share قام بنشر January 24, 2004 سهيل ^ ^ احس ان شكلك كذااا الله يحييك .. ويسلمك والله يشفيك من دملك (بين وبينك يمدحون الكرمزان للدمامل ) اسعدني تشريفك للموضوع.. ياحبحر الساخر ثابر حفظك الله .. ياوليد امك تحياتي .. فتاة سوق السبت طن طن طن << لزوم الدقه رابط هذا التعليق شارك More sharing options...
منتصه عند النصله قام بنشر January 26, 2004 ارسل تقرير Share قام بنشر January 26, 2004 صراحه القصيصه من جد تفتسر تقطعت مصراني من الضحك ( يمدحون خياط خلود) اما جهير وبنتها سوزي حكايه من جد ولا عاد يوم قلتي ""تهول وتفتسر"" غشيت من الضحك ورجعت رقبتي لورى بغيت انفهق ذكرتيني بحرمه "مره"قبلها تقولها هي واميمتي رابط هذا التعليق شارك More sharing options...
فتاة سوق السبت قام بنشر January 28, 2004 الكاتب ارسل تقرير Share قام بنشر January 28, 2004 ياجعل ضحكتس توم مامنتصه تسلمين انتي واصيبعاتس على هالرد وسلميلي على امتس ______ بصراحه توقيعـــــــــــــــك رااائع يازين النصله _____________ تحياتي فتاة رابط هذا التعليق شارك More sharing options...
المحيوسة - المرجوجة قام بنشر January 28, 2004 ارسل تقرير Share قام بنشر January 28, 2004 ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه يا خف دمكم المرجوجة - المحيوسه رابط هذا التعليق شارك More sharing options...
فتاة سوق السبت قام بنشر January 29, 2004 الكاتب ارسل تقرير Share قام بنشر January 29, 2004 المحيوسه .....ز ياحف دمتس انتي وياملح ضحتس الله زبرقت الموضوع الله يعطيتس العافيه على هالرد وتشريفك اختي فتاة رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان