كتكوت قام بنشر November 11, 2003 ارسل تقرير Share قام بنشر November 11, 2003 اس.. اس.. السلامووووو عليكم آآآآآآآآه يازمان مضى آآآآه ياطفولة ويابرائه ويامراهقه ويااااااقهر عالايام الحلوه <<<<<<<<<< الحمد لله ؟؟ خمته ذا!!! .... داري انه لايكثر بس خل نخش في الموضوع مع ان مافيه موضوع بس الدعوه سواليف قريت موضوع قبل فتره عن ايااااااام منول وخاصة ايام افلام الكرتون واكييييييييييييييد.. كلنا كنا نتفرج عالتلفزيون وكلنا حافظين الافلام كرتون كلها واسمحولي اذا ماكنت تناظر افلام كرتون اجل تراك منتب سعودي وخلووووووووني اشرح لكم بالتفصيل .. كيف وليش ومين مااحد مناااا ينكر سيسم ستريت او شارع السمسم تراني للحين حافظ الاغنيه حقتها مره شفت الاصفر ابو ريش حقهم بغيت اصيييح ويجونك ذوليك الامريكان يغنووون وحنااا ندربي دميجاتنا معهم .. ملاحظه لجيل ابو 12سنه.. يمكن استبدال سيسم ستريت ببارني <<--خلق وفرق ذوليك وش ملحهم وبارني يجيب البلا شوفوا الفرق اهم واحد اللي ساكن في الزباله شوفوا وش ملحه ذا الاصفر ياحبيييييييييييييله وهذاااا بارني الماصل عاد حنا طبعا يالسعوديين حب الخبر لازم نحتك في الامريكان يقالك مانبي عياالنا يشوفون شي مستورد قامت ماقصروا وسوو افتح ياسمسم ولفقوا لهم 4 دببه نعمان وميسون وقالوا يالله هذا لكم يالمبزره اهم شي بدر وانيس .. يوسعون الصدرررررر نروح للافلام كرتون .. او الكراتين كما يحلو لجدتي ام صالح اذكر تقول .. كتكوت تعال شف التلفزيون فيه كراتيييين<<--يقالك جمع كنا نشوف الكراتين بالهبل.. وخصوصا عمي.. كان يجيب لنا في بيت جدتي الاشرطه ونتفرج .. صحيح اننا نتظاق عالمكان الاقرب للتلقزيون ودايم صياح وقرقه بس سعة صدر .. لها طعم ثااااااااااااااني <<--شوي ويصيح عليكم من سالي .. لهايدي .. لجونقر .. لسانشيرو .. الرجل الحديد .. عدنان ولينا الخ الخ وفيما يلي التفاصيل سانشيروو هلا ياهلا بسنشيرو البطل المغوار .. تعالوا تعالوا نشاهده هيا ياصغار بطل مغوار احببنااااه صغار وكبار.. سانشييييييروو <<--تحمس شوي اعذروه طبعا والشخصيات جومارووو <<--جومارووووووو جاااااااهز <<--طيب اهجد شوي بس ولا ذاك الدب نسيت اسمه اللي دايم يكرهه والحرمه اللي تلبس اسود مو معقول نسيت دايم كنت اذكرهم .. تذكرون ذيك الاجهزه اللي معهم ويحركون الدمى <<--قوية كلمة الدمى كان صديقي يقول لي ابوي جايب لي واحد من امريكا <<--كل شي من اول كان في امريكا بس ..وفي مصطلح آخر امريكيـــا عاد تراه للحين ماجاب حقي اللي انا موصيه عليه من ذاك الوقت المهم عندنا بعد سالي. ياملحها اذكر اني اذا كبرت بتزوجها بس الله المستعان ولا العجوز اللي معها .. الانسه منشن (دابلتن تسبدي) ماانسى حلقة وحده اذكرها للحين .. شباب عادي اقول السالفه مافيه احراج طيب كان عيد اضحى .. وطبعا قايمين من صباح الله خير وكل الشعب نايمين عند بيت جدتي ويجي عمي ومعه ساااالي .. توه نازل الشريط .. وزحمه وخرفان وحلقه جديده قمة المتعه الحلقه والله لو اشرحها الحين اذكرها بالتفاصيل عموما اللي يعرفها يقول واعطيه ريال ترا كان فيها قرد وواحد جاي من الهند يعرف ابوها <<--لمحت لكم وش تبون بعد هايدي: هايدي الجميله هايدي اللطيفه هايدي البريييييييييئه هايدي البريييئه وبيتر راعي الغنم وجدها الاطخم والعمه صوفيا <<--بدا يزيد اشياء من عنده!! سنبل كل الوقت هممم هممممممم همممم اوووو هممم همم اوووه آآه اووو والله اللي يشوفه الحين يقرف عمره كله هممم همم اممم اوووه ولا ذاك ابو شمسيه سنبل ماغيره يامصله ؟ منيب اداني ذا ابد يععع مملللل عدنان ولينا: ياحبني لعبسي مملوح هو شعيراته البرتقاليه .. والبكله اللي يحطها يعني ياشباب اذكر واحد من ابناء العمومه كنااا نسميه عبسي ودي اقولها له الحين عشان يصفقني!!! بس الكرتون هذا قوي من قلب يعني يقولك في البدايه هذا الكلام في عام 2008 <<--وصلنا هالسنه ولا صار شي الرجل الحديدي: هذا عااااد لاااحد يتكلم اعذروني شباب قمة المتعه والاثاره فللله من جددد.. خصوصا اذا جاك لميس مع كمال ... وزاعقوا الىىىىىى الرجل الحدييييييييديييييييي هنا تبدا السعادة الحقيقه واللي ينقز يخش في الشاشه.. واللي ماتلقاه الا ناشب مع الشريط جوا الفيديو .. ازمه حقيقيه من جد.. للحين حافظ الاغنيه احد يبيني اسمع له ولا الديناصورات اللي فيه ... مدري وشلون كنا نصدق .. من جد دلاخه.. عطونا شي ثاااااااني.. سندبااااد: ايه ياحبني له ذا الشخص من جد اقدره كان عندي ملابس زي حقته ومعاااه سيف بعد كنت اقول لابوي يبه ابي اروح بغداد كخ كخ كخ كخ ساندي بل: هالمملوحه اذكر انها كانت حلوه شباب بشروا لقت امها ولا للحين تدورها؟؟!! امااا الزهره ام اربع نفلات.. والله اني كنت متحمس معها هي وسيارتها الفله ذيك!! مب سياره قصر افراح!!!!! ايه ناخذ كابتن ماجد: وخروا عنه ذا حقي وياسين هو احمد <<--ولد عمه لازم حنا الاثنين ثنائي!! واي واحد ضدنا هو الشرير (بسام) ابو كتوف؟؟؟!!!! أهم شي ضربة النمر.!! ليدي ليدي.. اوووه والخيل حقها مدري وش اسمه ذاك.. هذي مرة احمد مرة=زوجة والله انها شي وولد جيرانهم ذاك اللي مشبكها والله هذا اذكر اختي كان عندها كل الاجزاء حقته!! جوووونقر: هههههههههههههههههههههههههههه من زين الاسم بس كل واحد يتطاق انا جونقر .. لا انا جونقر قراند دايزر: علي علي بطل فليت.. هيا طر ياقرندايزر بعزم علي حمما ارسل.. افتك بالاعداء كافح شرااا عطل مكرا.. في حزم واباء امنع طمعا اردع جشعا.. فالخطر كبيـــــــــر لو تسمع اغنيته وانت من المتابعين له اصفقني ان ماخنقتك العبرة!!! نينجا كامارو: الله يرجه ذا القوي.. صدقي ابو الكراتيه والله.. الاغنيه حقته اذكر منها شرس يحب طعام الشومن ياكل ياكل ولا يشبع.. اصلن فيه احد في الدنيا مايحب طعام الشومن... شومن .. شومن <<--عاجبته الكلمه شباب .. وشو الشومن؟؟ السنافر: اموت فيهم ذووووووولي.. يوسعون الصدر حاط اغنيتهم نغمه جوالي ؟؟ بقى فلونه: هذي اللي ضايعه مع اهلها مدري وش قصتها؟؟ والشجعان الثلاثه: مدري ليش مستحقرهم انا؟؟ يمكني كبرت شوي؟؟ ووقت تنيفخ؟؟؟؟ باقي افلام كرتون الصبح.. كلها ياتوم اند جيري ... موب حقت هاليومن توم اند جيري كدز .. لا توم اند جيري الصدقيين بنك بانثر.. وود بكر .. <<--نقار الخشب .. الله يرجه ذاك كان يهبل بهم كلهم هييييي وتساب دوود:<<--ياكل جزر ... ياحليله ذا القطو.. البطه السوداء خويته ام سعابيل.. العصفور الاصفر.. وثلفثتر <<--سلفستر اللي يلاحقها دايم.. باباي <<--احلاهم مرة باباي .. زيتونه الحب كخ كخ كخ ولا ذاك يييييي ياباااااااااي <<--الدب والنحيف نسيت اسمهم وابو طاقيه مشققه يطلع منها عيونه عشان يشوف.. وهذولي الصور لقيتهم وقعدت اضححك فوق البيعه مدري وش دخلهم... وبس اللي عنده اي سواليف زياده يالله خل نقلبها ذكريات ملاحظة:جيل سبيس تون يبعد شوي .. اجل بوكيموون اجل اقععععد بس... تحياتي: كتكوووووووووووووت والقادم مذهل اكثر.. رابط هذا التعليق شارك More sharing options...
فتاة سوق السبت قام بنشر November 11, 2003 ارسل تقرير Share قام بنشر November 11, 2003 قـــــــضــــــــى عمــــــــــــر الطــــــــــفوله ... .. من زمان ومـــــــــــــــرت ايــــــــــــــامه. ولو عمري قضــــــــــــى كلـــــه طفوله .... .. كــــــــــــان مــــــــــا مــــــــــــله. قسمن بالله الا اااااش اصيـــــــــــــح يازين افلام كرتون زيناه.... والله الى الحين وانا اترتز عندها بس الحين غيروا عن منول منول اذا قمنا الصبح نحتري بس متى يجي نقار الخشب الدعله ولا بابي والدبي وزيتونه <<< من زينها يطاقون عشانها ولا شسماه ذا الي كنه هو كلب هو ذيب مدري اللي مع النعامه اللي دايما تقول ( بيبيبي بيبي بيبي ) وقبلها مهبلتن فيه وش اقول وش اخلي . الحين جو هزيم الرعد والبكومونات وابطال الدجتال وانا واخي والمحقق كونان <<< يهبل ذا كنه افلام صدزيه بس كلها ماتجي زي حقاتنا منول........... احلى شي كنت صدق اموت فيه ^ ^ والله والله الى اليوم وانحن ندهر ونعيد الحلقات فيه بس اللي صدز ماواطنه هههههههههههههههههههههه افتح ياسمسم حق القناه الثانيه ياني اكرهم كررررررررررررره خاصه اذا جابوا هالمبزه مع هالا صفر اللي وش كبررررررررررره يوم شفت الصوره حامت تسبدي الله يررررررررجك ياكتكوت بس وانت حاطن هالدقات وتغني مقدمه الكراتين شــــــــــي <<< خذها الطرب وقامت تغني عدناااااااااان ولينااااا ركبوااااااا السفــــــــــينه معهم عبــــــــــسييييييييي يشرب ببسيييييييي تحت الكرسييييييي ^ ^ ^ كنه محلوفن علينا منول اذا شفنا بدايه الحلقه وعدنان شايل لينا وطامر بها فوق عودان السفينه لازم نغنيااااااااااااااااه كتكووووووووووووت الله يوسع صدرك بالعافيه والله طلعت طاقتنا اليوم في الكراتين مع اني مابعد طلعت حرتي كلهاااااااااااااا بس والله سواليف تلوووووووووووووووولش بس مدري فيه شي ودي اسال عنه اللي في الصوره هذولي مهب كنهم ^ ^ انت والمدام ككككككككككككككككككككككككككككك ياحليلك ايام التعجيز خخخ الهم اخلي الفرصه لغيري من الاعضاء يتفاعلوا مع هالكراااااااااتين <<< اما هاحتسوه تجوز لي هههههه ودمتم سالين وهماه يا كتكوت نبي من المواضيع انت عندك طريقه اسلوب من جد مفهيـــــــــــه <<< ياشين التقليد يستــــــــــــــاهــــــــل التثبيت رابط هذا التعليق شارك More sharing options...
مرتـــــــــــــــاح قام بنشر November 11, 2003 ارسل تقرير Share قام بنشر November 11, 2003 ياحبني لعبسي مملوح هو شعيراته البرتقاليه .. والبكله اللي يحطها ^ ^ ^ ياحبيله انا بعد سندبااااد: ايه ياحبني له ذا الشخص من جد اقدره كان عندي ملابس زي حقته ومعاااه سيف بعد ^ ^ ^ الله يرج عدوك المهم عندنا بعد سالي. ياملحها اذكر اني اذا كبرت بتزوجها بس الله المستعان ^ ^ ^ للمره الثانيه على التوالي الله يرج عدوك كتكوت تسلم يمينك والله ذكرنا بالذي مضى >>>> مسوي شايب ألف شكر وزيدنا من هالابداعات .. تخبصـ ـ ـ ـاتي رابط هذا التعليق شارك More sharing options...
مقـروده قام بنشر November 11, 2003 ارسل تقرير Share قام بنشر November 11, 2003 ا لى ليت الطفولة تعود يومن ..... فأخبرهاا بأنيي ودي اني بزر<<=====بيت شعرر مدري وش يبي يازين ايام اول موب اللحين كونان وربي اني ارتاع وانا اشوفه بس اذكر اكثر كرتون احبه كان كوالا واذكر اغنيته انا انا كوالا انا سعيدٌ جدا انا الواد كوالا سأظل سعيدٌ جدا ..... هل تعرف ما ذا احب كلعبه.؟؟ ورق سحريوون طابعون جميييييييييل ............... لا ليس هذا لا ولاهذاااااااااااا بل انت انت الجميل انت انت الجميل<<==يازينه شكرنااااااااااااااااااااااااااااات كتكوت حلو موزوعك ذكرني بصباي الفتان رابط هذا التعليق شارك More sharing options...
صدى الذكريات قام بنشر November 12, 2003 ارسل تقرير Share قام بنشر November 12, 2003 موضوع كذا مثلك انا خشيت جووووو وذكرتني باشياء ناسيها مثل جووووووونقر الديناصور الكستنائي مدري اخضر الي اخويا قبلهم يتزلجون ولا يطيحون اذكر من يوم ماكنت اشوفه ونا بالسكيت الين ماطحت وانكسرت يدي ياحياتي واللي كان اكثر شي ينرفزني ويسوي لي قلق مع اني غصب اشوفه الدب الي يقول ياااااباااااااااااااااااااااااااااااا لان ماكان فيه الا غصب واحد وثنين وعندك واحد ماذكرته حق المتطورين على قولتهم الي هو رامي الصياد الصغير كنت كلما روح ديره فيها بحر يبااااااه ابي اصيد سمك اعرف اصيد زين حتى شف اسوي كذا وثمين كذا وابوي ياذن من طين ومن عجين مدري وشو وعندك برضو حاجه بذكرك فيها اللي هي رامي الي يلعب بيسبول الي فريقهم اسود لونه هذاك الي كان يلعب مع وحده وبعدين بالكوره براسها وتطيح الطاقيه ويطلع الشعر وعرفوا انها بنت ووووو عندك الكبتن رابح سيزار رمية اكيلا فريق نبولي والحارس الدب الي يخاف من الكوره مدري وشوله حاطينه حارس اظنه يلحق كور وياكل وفيه واحد اسمه رامي بعد بس هذا يلعب كوره وفريقهم دايم يخسر ماعمره فاز الا بالغش بدى يولف الاخ بس اترك عنك موضوع يعطيك حنااااااااااااااان وتقبلوا خالص تحياتي لكم اخوكم صدى الذكريات رابط هذا التعليق شارك More sharing options...
مسلهمه في مسيل الكلبي قام بنشر November 12, 2003 ارسل تقرير Share قام بنشر November 12, 2003 بشار يابشــــــــــــار هيا الى العملي نسيت باقي الاغنيه يالله الى العملي << توهقت جد ..... ماعندك سالفه ياكتكوت ولابشار ماتذكره ... اذكر منول نصف عنده تقل من علم .. وبتسا وبتسا .. حتى اذا جت الدراسه ازمل انا الحق عليها الساعه 12 ولالا .. واتقضى من المقصف علشان افلها عنده ... بس ولو يقطع القلب هو واميمته ... وكللللش ولاذيك الخنفسه القشرا من كرهي لها نذرت مااشوف خنفسه الااقيم عليها الحد ^ ^ ولا ذا الطرقه وش خليتوا من زينها هي وارنبها ... اليس في بلاد حرمه .. بلاد العجائب صراحه وناسه تنام انتسانها على خبري << تصرف وتقوم عند ملكتهم البلووتولاحارسها الجوكر ... قسمن بالله لاقينا عـــــــــــــــــــــــــــــــــــــــــــــــــــــــــــاد يجي احسن كرتون والافضل the beast مــــــــــاوكلي صراحه .. اقدره هالانسان احس انها راعي فزعات ومسؤليه ومايخاف وصار لي مثل الاخ كتكوت ( الديتس ) نويت اخطبه من امه اذا كبرت ... ياملحه هو وشعيراته ولا قذلته اللي على وجهه والخنافس اللي على جنب وكله كوم وشيرخان هالاقشر كوم وذيك الضبعه ذا النجسه .. بس ولو يعجبني اكيلا وباقيرا واخوانه الذروقين ولالا اللي تحبه ومصع .. ^ ^ طايرين في العجه تقل من علم --------------------------------------------------------- واخيرا وليس اخرا ............. هذي مقتطفات تتذكرون بها يام الصبا .... ايييييييييييييييييييه ايام ملاحق القعاسي وتحريقهن << راعيتها الكابتن ماجد .. نجم الملعب ياحبيله بيب بيــــــــــــــب .......... طععععععععععع والله مدري هو سنشيرو ولاجراندايزر << مالحقت عليهم توي قعنمه الله ياخذه على ماحطيت صورته سبحني بالتفال ياثقــــــــــــــــــــــــــــــــــــــــــــــــــل دمه ذا البارد هو بالطوه .. بالطوه = جكيته صاحب الظل الطويل .. ياماعت تسبدي لين عرفت منهو هايدي .......... وماادراك ماهايدي رفيقه هايدي كلير مو صوفيا اخ الديتس << ياحبها للشرمن جاب طاري صديقتها واخيرا.. تشــــــــــــكرات اخ الديتس على الماضوع اللي يهبل من جد وناسه ذكرت ايام الصبا ...... يعطيك العافيه .. ^ ^ ^ كتكـــــــوت ( الديتس ) ------------------------------------------------------ مفهيه .. رابط هذا التعليق شارك More sharing options...
صدى الذكريات قام بنشر November 13, 2003 ارسل تقرير Share قام بنشر November 13, 2003 الا ما قلتي لي يامسلهمه منهو صاحب الظل الطويل؟؟ زين شين يستاهل من يناظر ثلاثين حلقه علشانه ولا ما يستاهل ترا انا طفشت وقلت خلنا على كبتن ماجد هييييييي وتس اب دووووووود وبس. . . رابط هذا التعليق شارك More sharing options...
فتاة سوق السبت قام بنشر November 20, 2003 ارسل تقرير Share قام بنشر November 20, 2003 انتهت فتره التثبيت انهج علينا بموضوع اخر مصرقع مثله .. هماه لاطول ياكتكوت رابط هذا التعليق شارك More sharing options...
كتكوت قام بنشر December 2, 2003 الكاتب ارسل تقرير Share قام بنشر December 2, 2003 ياشين الواحد إذا حط موضوع وراح وسفهه ، والعالم يردون عليه وهو سافههم... المشكله اني قايل خل نقلبها ذكريات وحزن!! يعني ناويها سواليف... يووووووووووه وياخزياااه في اخيتي فتاة.. مكبرتن في واجبي ومثبتن الموضوع وانا مدربيها مدري عنكم!! بس العذر والسموحة ياجماعة ولاعاد اتعودها.. وابشروا بالعوض.. بس والله اني لاهي شوي في ظروف (اعلمكم بعدين) ولااقدر اقطعكم عشان كذا اطل من فتره لفتره.. بس نااااااااشبلكم بقووووووووه.. انتظروني... ياجماعة مدري ليه تجوزلي حتسيات هالبنية (فتاة سوق السبت) هي وبنيتن ثانية ابعلمكم عنها بعد شوي والله (يام البسطات) اني يوم قريت قصيدتس يوم غورقت عيوني وبنت اختي الصغيره جنبي متروعه تقول وش جاه ذا؟؟ <<<< الله من الهول!! بس قسمن بالله ان الصورة اللي تقولينها مالي بها اي علاقة ولاهيب صورتي<<< اشوا المهم لو اكتب واكتب واكتب لن اوفي افلام كرتون منول حقها... بس ولو طيرتيني في العجة (دخت مع المدح) واصبري علي مابعد شفتي شي <<<ماينمدح!! اما اخيي مرتاح مدري ليه ارتاحله مررره والله احس ان قلبه طيييييييييب وعلى نياته.. طيب منيب اعزك؟؟ (كني داري خشتك ماعاد تقوى تصكها مع المدح!!) شكرآ على التخبصات حقتك بس اترك عنك حرككككككه... اما مقروده ههههههههههههههههههههه اي صبا فاتن؟؟ بس ولو مالتس حق على كونان تدرين انه الوحيد اللي اتابعه الحين اما كوالا مدري اذكره والا لأ؟؟ موب غريب عليّ موب هو ذاك ابو اذان.. والله تساني منيب واهم فهو (هو)؟؟ مرحباااااااااااااا مرحباااااااااااا مرحباااااااااااا (ماذكرتو القصبي) هلا بأخيي صدى تصدق ان ردك يعطيني حنااااااااااان؟؟ ههههههههههه الله يرجك يالمنتهي وش جاب حنان الحين!!! مدري احس ان عندك حتسيات واجده بس ماتدري متى تطلعها؟؟ والا؟؟؟؟ اما عن رامي والله انك صادز فلللللللله بس الظاهر انه على ايام المتوسطه!! بس ودي ادري يوم تبلش ابيك تبي تصيد سمك وين ودك تصيد فيه؟؟ شكلك في نقعة حول بيتكم!!! بس الكابتن سيزار الظاهر انه من هالجداد.. عجزت اذكره.. وترى جونقر الظاهر انك مشبه عليه.. موب ديناصور؟؟ هو زي جريندايزر بس يتحرك لحاله بدون محد يتحكمبه؟؟ <<< مافيه امل يوصل معلومه!! شف ابدور صورته واجيبها... وصلنا عااااااااااااد للبنية الثانية اللي ودك تاكلها من زين سواليفها.. بس لو تترك عنها (التفهية) خخخخخخخخخخخخخخخ تصدقين اني شريت اشرطة ماوكلي ونفس لبسه (سروال صغير ومتشقق وخشبه معفوطه) وماغير الزخ في اخواني.. هاه مابعد كبرتي تراي قلت لأمي انها تهبّل وتشبه سالي وتراها تحتريتس تجين مع اهلتس تشوفوني!! يوووووووووووووووه <<<< وش جاه ذا!! العذر من الله ثم منك يابشار والله انتس شقرديه يامفهّية يوم ذكرتيناه.. الله يذكرتس الشهادة.. وترى الأغنية بشار يابشار.. هيا الى العمل.. اجمع ندى الأزهار.. من روضة الأمل.. بس ولو تراجيديه وحزن اذكر ايام حرب الخليج طلعوا حتسي يقولون ان صدام حسين يقول ابطلع من الكويت اذا لقى بشار امه (يعني مافيه امل).. اما اليس في بلاد العجائب قصتها قصه.. انا فيني كبر موب في احد (هذا كبر قلبي من يوم اني بزر) اقول هذي حقت بنات مااناظرها وانا تفرك تسبدي اشوفها.. عاد ارقى في التلفزيون الثاني واناظرها وانا متروع اخاف يكشفوني.. الله من مرة صادتني اختي... هههههههههه الله يرجتس على هالصور حنييييييييييييييييييييييين... شفت صورة يبيب والله ياهو قاهرني ودي يمسكه الذيب ويتوطا في بطنه!! والصورة الثانية حقت قريندايزر يامنيب قايل؟؟ ولو يبيلتس اشرطته تراها عندي كلها من جا للأرض الين جت اخته ورجع معها لكوكبهم.. لاتفوتس تراي ابوزيها لتس!!! اما صورة ذاالبارد يوووووووووووووووه وين طلعتيه منه؟؟ والله عجزت القى احدن يحبه!! بس مدري ورانا نناظره!!! تصدقين انتس تحبين الشر صدز؟؟؟ (هذي كلير موب صوفيا) ياشينتس بعض الأحيان... بس ولو معلوماتس الكرتونيه ثرية وتشفع لتس اني اقول (غصبن من علي) يامال العاااااافية... صدز الحتي عن افلان الكرتون ذو شجون <<< احلى،،، ولو ابربر اليييييييين بكره مانيب خالص.. شكرآ لكم جميعآ على المشاركة معي وشكرآ على الردود السنعة وان شاء الله ان الموضوع جاز لكم.. واعذروني على التأخير ووووووووو القاااادم مذهل اكثر ((عاد في ذمتكم ماانفع رسمي)) رابط هذا التعليق شارك More sharing options...
كايدهم قام بنشر December 17, 2003 ارسل تقرير Share قام بنشر December 17, 2003 السلام عليكم ازين من ايام الطفوله مافيه انصح اخواني الاطفال ان يتهنوفي طفولتهم رابط هذا التعليق شارك More sharing options...
القروي قام بنشر January 1, 2004 ارسل تقرير Share قام بنشر January 1, 2004 أيييييييييييييييييه يا أيااام الطفولة ايييه يا أياام الدنانة وأيام العسيب اللي نحطة بين رجولنا ونمشي نطير أيييييه يا أيام ترم ترم << أبو ذنب .. ويوم كبرنا سميناه بنك بانثر أيييييييييييييه يا أيام القناة الثانية مالحقت عليها ايام الطفولة أنا أيام عدنان ولينا اول ماعرضوها كانت أمي تفطمني من الرضاعة <<< أسم الله عليك يالبزر وكله كوووم وبشاار يابشاار كوك <<< أثر بعض الناس لاحقين عليها مشكووور على الموضوع المتعوب عليه سواءاً من الكاتب أو الردود الرائعة كنت أتمنى أحط صور بس أيامنا كله أسود وأبيض رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان