كتكوت يعود ويعتذر ويبرر غيابه وسبب عودته؟؟

جيت..

كلللللللللللللللللللللللللللللللووووش ... كللللللللللللللللللللوووووووووووش

يااااااااااااااالله انك تحييهم... والله لا يبارك في عدوينكم تدرون عاد اني (وله عليكم) يااااااااااااوك <<< (انّه تخرج من شدة الوله!!)

دااااااري دااري مايحتاج تقولون انتم ولهين علي اكثر؟؟ داااااااااااااري واغلبكم بغى يترك المنتدى عشاني انقطعت شوي

عاااد تبون الصدز اني ولو؟؟ احس اني ماعاد امون عليكم بلاي ابطيت عنكم << حياوي من حينه بسم الله على قلبه!!

وش قصة القطعة؟؟ وش قصتها..

والله الصدز مالها قصة بس مدري وش جاني الظاهر اني نظلت في الإنترنت كله ولاعاد فتحته من الإختبارات النهائية الا نااااااااااادر وكلها اشيك على المنتدى.. الا على طاري التشييك اوجه شكر (سبيشل) لمفهّية قصدي مسلهمة على سؤآلها عنّي وصدز حسيت اني موجود وان فيه (ناس) تسأل عني

ناس؟؟ كلها رسالة من مفهّية الله يجزاها خير والظاهر جاية بالغلط !!!

القصة ميب قصة الغيبة القصة هذي :

هذاك اليوم قاعد في البيت على العويده ماعني وعن الشر طاري.. واميمتي كل شوي تويدز علي داريت (ن) اني مااال وتسني دااري انها تقول في نفيستها الله مار يشفيه ويزوجه ومثل ماجا نصيب اخوانه الله يجيبله بنت الحلال الله (تضفه) و(تزقلبه) <<(للسديراويين فقط) ثمين تهون تقول وش ذنب ذالحريمة تآخذ هالمريض اللي مادزد طلع من البيت حتى الخبز (مايسطي) يجيبه..

انا والله حز في نفسي هالحتسي؟؟ ماش حسيت اني دبشة؟؟؟ قلت لازم اجدد شي في حياتي؟؟ وش اسوي؟؟ وش اسوي؟؟ وتجيني ذيك الفكرة واطمر لأميمتي واحب راسها واقول توصين شي؟؟ امي : (هو؟؟) << استفهام انكاري ماشاء الله بتطلع من البيت؟؟ ايه.. ولدي رح تمش ورح جبلي بعد ذا المقاضي من البقاله والله اني فشلت من (نومار) الهندي حق البقالة قبلي كارفته مايجيب مقاضينا الا هو الظاهر اني ابمشيله راتب؟؟ تصدق ياوليدي انه يقولي مسكينه ماما مافيه رجال.. بابا فيه شغل كثير.. ماما مافيه رجال عشان يجيب مقازي!! ومايدري ان عندي رجال اسمه كتكوت؟؟ (وامي الله يهديها ترفّع بي) المهم قلتلها : وش مقاضيه أنا الحين ابساااااااااااااااافر؟؟ أمي : وشو؟؟ تسافر مرت (ن) وحدة!! ووين تبي تروحله بسم الله عليك <<< تعطيني على قد عقلي!! وتجس النبض تقول يمكنه انهبل!! قلت ابروح للخارج!!!!!!!!!!!!!!!!!!!!!!!!!!!!!! أمي : والخارج وشو ذا؟؟ وينه عن حرمة؟؟ قلت : لأ لأ ابروح برا السعودية!! أمي : وجع (ن) بلا يوجع العدو!! ووش يطلعك يا(سندباد) <<< اكتشفت أن امي تتابع افلام كرتون!! الحيييييييييين (والحتسي لأمي) ماطلعتا من مجلس الحريم تبي تطلع للخارج اربض ربضت عليك العافية قلت اقول تراي ابطلع وانا علمتس عشان ماتقولين ان ولدي ماقالي وان ولدي عقني؟؟ واول مايجي ابوي من الدوام ابقوله : قالت : الله يهديك بس؟؟ بس اسمع ترا ابوك مهوب يحب ذا الحتسي وقبله يتطنز من ابوعزوز بلاه مخلي ولده على كيفه كل يوم في ديره!! قلت : وأنا هذا اللي (حارني) أنا ابحط عنده خبر وابمشي وابوي ديموقراطي ومتفهم وبيوافق!!<<< مدري مو وين جاني هالحتسوتين!!

المهم حفظت لي كم من كلمه وكل شوي اتخيل أن ابوي دخل واحتسي والا انادي امي واقولها تسنتس ابوي وابحاتسيتس وهي ماغير>>

يوم جت الساعة حول ثنتين ونص واول ماسمعت قرقعت الموتر يبي يوقف وانا اللي ازهب شنطتي وانفضها واجمع صراويلي وعدتي واحط المشط في المخباة والبس ذاك الثوب واطق الغالوقة واشخص (بنت البكار) والعادة يتنحنح ابوي توه داخل البيت ويتبعها بكلمة (ياولد!!) مير اللي تطقني (النفاضة) ويضيع كل حتسيي اللي حافظه؟؟ واول ماشافني ابوي ومير اللي يتبسم : ماشاء الله مابغيتا تطلع من مجلس الحريم؟؟ لاااااااا وكاشخ بعد؟؟ من أنت رايح له؟؟ قلت : ابد مارحت لأحد!! بس ابروح!! قال ماشاء الله ايه رح وسع صدرك وتمش بس عاد الحين وأنا ابيك (قايله) تغد والا بردت الشمس رح تمش؟؟ قلت : ابروح اتمشى بس بعيد؟؟ <<< ياسلام على اسلوب التدريج!! قال : مايخالف اعطيك الموتر ورح تمش؟؟ قلت : لاااااااااا ابروح للخارج!! قام يناظرني ابوي وقال : للخاااارج؟؟ قلت : اي والله ودي اروح اتمشى فيذاك!! والله ضاق صدري من القعده في البيت وقالوا لي ان في الخارج ساعة صدر؟؟ وثانيآ وش زود عزوز ولد جيرانا؟؟ قال : ايييييييييه والله انك صادز ياوليدي؟؟ ابو عزوز موب احسن مننا؟؟ رح ولم شنطك وتعال للغرفة عشان اعطيك دراهم.. والا ماتبي؟؟ قلت وأنا فاق خشتي مع ساعة الصدر: الا والله مالنا غناة؟؟

ولاي مثل ماقلتلكم مولم عدتي مبطي مار اضف الشنطة واتجه للغرفة.. واطق على ابيي قال : ادخل.. يوم دخلت وشافني قال : ماشاء الله امداك؟؟ قلت: ايه مولمها مبطي.. قال : اييييييييييه كم تبي وأنا ابيك.. وقمت اتميلح وانكت واسفهليت قلت اللي تبي ماعلى كريم تشرط؟؟ قال ييزيك ثلاثه؟؟ والا تبي خمسة؟؟ قلت : والله خمسة ازين؟؟ ماامداني اقول خمسة الا ويجيني ذاك المخمس اللي بغى ينشبني في المعلاق؟؟ و(يمردغ) فيني ويمحط وهو يقول : لا والله حتسوه؟؟ يبي يسافر؟؟ هذا اللي خذناه من طنزتنا في ولد ابو عزوز!! لا وللخارج بعد؟؟ منتب عاقل يا (رحال الصغير) <<<< في هاللحظة اكتشفت بعد أن ابوي يتابع افلام كرتون!!!

المهم مدري من اللي جا وانتشلني من تحت انقاض ابوي بس الظاهر انها امي لأني مادريت الا اللي يبتسي فوق راسي وانا طايح في الفراش... زين ماخذت الا 12 ساعة مغمى عليّ

عاد عقب ماقمت وعقب هالطق وعقب هاللي صار جاني شي (ن) من ربي وخلاني اوله عليكم واشبك الجهاز مرت (ن) ثانية وارجع اكتب...

______________________________________

معاني الكلمات :

الكلمة : معناها

وله عليكم : مشتاقلكم بالحيل..

تزقلبه : اي تحتويه أو تعتني به

مايسطي : اي لايتحمل أو لايقدر

حارني : اي قاهرني

بنت البكار : تشخيصة بالشماغ كانت في السابق موضة مثل ماهي الآن الكوبرا..

ياولد : كلمة تعبر عن القوة والرجولة وهي مثل زئير الأسد وتعني باختصار (أنا جيت)

قايلة : وقت الظهيرة حرارة الشمس لاتحتمل..

يمردغ : اي يضرب من كل مكان وبضراوة...

_____________________________________

اتمنى اني ماطولت عليكم واتمنى اني ماحومت تسبدكم.. ويعلم الله اني تعبت على هالموضوع تعب اتمنى انه يحوز على بعض رضاكم,،،

تقبلوا عودتي واعتذاري على الغياب وفائق تحياتي :

كتكوووووووووووووووووووت...

والقادم مذهل اكثر

وبذلك يرجع المهاجرون الى ارض وطنهم .. ونحن الان نستقبل الجيلوجي الاخ كتكوت << ماتجي وهو يهبط لارض الوطن منتدى حرمه << سافر ولالا

--------------------------------------------------------

وراء الكواليس

______________________________

حيـــــــــــــــــــــاك الديتس << الله يالدنيا مبطين عنها

وين الغيبات ؟؟ عسى المانع خير << ماقرت القصه

مره ثانيه ...

حياك الف .. ومن الان رجع المنتدى الى سابق عهده .....

ننتظر ابدعاتك ... وجميل ماتخطه يمينك << ونتسانه يكتب باليسرى اها

ولاتنسانا في بوابه الحريم والعايله نبي الهمه هناك

وهذي قهوك من اعضاء منتدى المرأة

ولايهون بدون حلى

دمتم بعويفه ..

مفهيـــه

<< غدت مشرفه منحب على منول

ملاحظه :

الرساله ماجت بالغلط كانت دعوه للبوابه وسؤال عن الغياب << تنويه

اهلا بك من جديد اخوي كتكوت (من طول الغيبات جاب الغنايم)

WeLcomE baCk ^CatCot^

اهليييييييييين كتكوت..تبي الجد لك فقــــــده..وفقدنا ابداعاتك...

(عطني دليلك بالجفا يوم تجفى..ان كان عذرك في محله عذرتك...)

بس اهم شي رجعتلنا ...الله يحييك ونـــــــــــــــــور المنتدى...

تحياتي .........اختك ليالي نجد

عذر اقبح من ذنب .... اجل تبي تسافر للخارج .. ياخزياه بس

حياك الله اخي الغالي كتكوت ... وغيبه طويله جدا ................ عسى ما نسيتني

سما النسيان :

الله ينور ايامك ويبارتس فيك...

اما عن الإبداع فلا تخاف!!

اصلآ الشباب يسموني منول (ابو الإبداع)

هههههههههههههههههههههه

يعطيك العافية اخوي وتسلم على ردك.....

مفهّية :

هلااااااااااااااااااااااا والله وسهلاااااااااااااااااااا

يعلم الله اني مشتاق لمحارشتس؟؟ بس ماش اخاف تفصليني يوم صرتي مشرفه <<<<<<<< مرتاع

الا نسيت اباركلتس بالإشراف ، وابارك للمنتدى بوجودتس مشرفة فيه...

عاااااااااااد ماودي امدحتس زود اخاف تموقين علينا؟؟ عاد انتي مايبيلتس شي

اما بخصوص التنويه فـ مايحتاج بس ترى هذي مداعبة <<<<< منتب عاقل يامداعبة!!

وماااااااااااعليتس (ابهظل) عليتس في منتدى الحريم وابخط لتس من ابداعاتي وصح عليتس أنا اكتب باليمين

وشكرآ على القهوه بس وين القدوع يالمايقة؟؟

ابي تمر مابي بساكيت وكاكاو!!!

<<<<<<<<< طرار ويتشرط!!

على كل حال اشكرك بعنف!!!!!

GOLDEN-EYE:

والله من زمااااااان ودي اعرف وش معنى اسمك؟؟

ياااااصعبه!!!

بس والله انك رهيييييييييب.<<<< مالقى حتسي!!

اشكرك كل الشكر على تعليقك...

يعطيك العافية.................

فتاة سوق السبت :

هلاااااا والله الا ناسي اباركلتس اشرافتس على الساخر... تستاهلين... لأنتس فعلآ شعلة نشاط؟؟

(( احلى ياشعلة؟؟)) احــــــــــــــــــــــــــلى....؟؟؟؟

على طاري الساخر وين اخوياتس في العمل (القروي وحميان) مالهم حس؟؟

وتسلميييين يااااااااااااااشعلة....

مرتاح :

الله يحييك ويعطيك العافية اخوي مرتاح ، والأهم من هذا ان الموضوع جازلك.....

تسلممممممممممممممممممممم....

ليالي نجد : مامثلك ليالي

تسلمييييييييييييييين والله يااخيتي ويعلم الله اني مشتاقلكم اكثر...

اما بخصوص بيت الشعر؟؟ اتوقع أن جوابه المفتاح

<<<<<< فاهم خطأ!!!

الف شكر على ردك وعلى ترحيبك الحار (يوووه حار)!!!

فلسفة زايدة

7

7

7

وفي ختام هذه الحلقة لايسعني الا أن اتقدم بالشكر الجزيل لكل من (علّق) رده في (معلاق) موضوعي والأهم من هذا كل من عذرني.. <<<<<<< سمعتها في التلفزيون وقلت خل اتبيعر عند الجماعة في منتدى حرمة!!

وشكرآ لكم شكرآ شكرآ شكرآ شكرآ شكرآ شكرآ شكرآ...... الخ

[/align]

حياااااااااااااااااااااك انور المنتدى

وانا من زمان وان اشوف ذا الكتكوت بس ما اقرى له شيء

وانا اقول وين ذالف له ذا الكتكوت اشوى انك عودت<==يقاله تسمع باعربي الفصيح

عاد عقب ماقمت وعقب هالطق وعقب هاللي صار جاني شي (ن) من ربي وخلاني اوله عليكم واشبك الجهاز مرت (ن) ثانية وارجع اكتب...

(اللحين مادخلتا النت الا بعد ماتصقعت اها بس)

الله يخلف عليك بسسسسسسسسس

شكرناتتتتتتتتتتتتتتتتتتت مقاريدوووووووووووو

وين مار علي هالاسم كتكوت؟؟؟

<< جــحــد

لا والله ونا اقول وش ناقصنا وقول وش ناقصنا اثره انت يالقطووووع ولا تدق بيجر زي اول احم جوال قصدي

ياحلييييييييييلك حليلاااااااااااااااه

وخبار علوووووووووم انشاء الله الستر دووووووووووووم

عمب شتألك كتير كتير أد بعلبك كلها ولبنان وبلاد الشام وبلاد الفرس

بيني وبينك ترا السبّه مب زينه منطق فبيتكم تقول موسوس

مايصلح ونا خوك وبعدين معاني الكلمات حاط الكلمات السهله

والكلمات الصعبه الظاهر تسمع فيها كثير وكتبتها

اما من ناحية طولت عليكم

نترك الكلام للشوط الثاني من المباراه

تصدق كنت اكتب اشعار وتوني ادري انهن لك

لاني ما اكتب الا اذا اشتقت

شكلي بصارحك ياكتكوت بس بقابلك بمكان يأهل شوي وقولك كل الي فقلبي ياقلبي

ياحبيلك حبيلااااااااه

احس انك دب بس شكلك عصقول

المهم وسع صدرك انت مع صدى وما ادراك ما صدى

وتقبل خالص تحياتي لك اخوك صدى الذكريات

لاحووووووول ينقالكم اتكيت جايبين حلى مادرينا ان ماعندك احد << بدينا نمن

هذي التميرات علشان تكمل القهوه ولايركبنا حق

^

^

تمر بقراطيس بعد .. اكشخ .. لا وفي علبه تلصف << توهقت وجابت صوره يقولون انها تمر وانا عني ماظنيته

دمتم بعافيه ..................... مفهيه

الا مار وش اخبار منتدى الحريم؟؟ يقولون انوااااع النصب والصواريخ فيه....

افااا ياذا العلم ؟؟ وشذا الحتسي !

هلا والله بكتكوت

ننتظر ابداعاتك وانا اخوك مشتاقين لها

ومازالت الردود تتوالى والظاهر أني ابعللللق في ذا الموضوع (طفران به) بس حبيت اقول لمفهية في مسيل التسلبي انها ماجهلتني ونتفاهم بعدين إذا سيرت عليها في منتدى الحريم!!

وابشكر ابوعمار واقوله مثل ماقلت لغيره وبكل تواضع انتظر ابداعاتي (امحق تواضع!!!!!!!!!!!!!!!!!!!!!!) ههههههههههههههههههه

وفي الختام لايسعني الا شكر كل من اتحفني برده وفعلآ ردودكم و (وسع صدري) <<< بدا يخور!!

فعلآ شكرآ لكم جميعآ والى لقاء في موضوعات جديدة...

تحياتي :

كتكوووووووووووووت..

والقادم مذهل اكثر...