فتاة سوق السبت قام بنشر July 1, 2003 ارسل تقرير Share قام بنشر July 1, 2003 مسيكم بالخيرر... وصبحكم بالخير << لكل نفر داخل صباح او ليل هلا11111111 وغلا111111 بالطش والرش والغضار المنقش لكلبوا احدن يقرى ..ها الحتسي والخربيطاااات عن ذكريات طفولتي وايام هجهجتي مع اميمتي للعروس.. انا مار ياوحدتن في صغرتي امـــــوت على شي اسمه عـــرس هابلني هبل عساي بس اسمع طاري عرس لاحد قريب ولا بعيد انشب بحلتس (حلق ) اميمتي لين توديني معاها... وهذاك اليوم زي الروتين العادي اليومي جاي ابوي من الدوام حطت امي الغداء وصفوااا كل اخواني على السماط (سفره ) الا طبعا انا << معروفه يافي المراجيح يافي غرفه الشغاله (مدري ليه احب اسولف مع شغالتنا ) يالعب بالطين في حوض النخله وتبداء امي تشوت اخواني واحد وراى الثاني عشان ينادوني عاد انا تدرون مهمه عند اهلي مايسقمون عني وعن خفة دمي << ايه هين كل المصاله فيتس عاد انتم اخبر بها العيال الله من الجفاسه والتميلح فيهم انواع العنف عندهم ضد البنات واحد من اخواني ماعنده شي اسمه تصويت ولا منادى ولا منادى بالاسم اذا يبي شي ماعنده غير تشويت تسنا كور عنده جاني ها المطفوق وانا بكل براءه العب في الطين واعجن وانحوووق ومندمجه مررررره ويجي ويعطني هذيك الشوته على اثرها فنقست في وسط الحوض حق النخله في الطين والله دخت دوخه ونقلب راسي وقمت وهو يهوش جعلتس للموت الناس يتغدون وانتي في ها القوايل تلعبين وانحن هاذي حالتنا كل يوم كود ناديتس ماتعرفين حزه الغدى واقوم وازلب به ولاعطيته خبر <<< لازم عشان احره تدرون حريم انواع المواحن (العناد ) اصلا انا صار راسي عادي الشمس ماتاثر فيه ولاحتى الاسشعه فوق البنفسجيه كه كه كه قلت : طيب طيب ياخي لاتشوت بغيت اغص بسعبولتي من شوتك (عاد ماجهلكم اذا كنا نلعب لازم نفق خششنا خاصه اذا كنا مندمجين وها السعابيل تدهر ) واقوم واغسل واجيكـــــــــم مدررررررررعمه بكل برود وطفااااقه للمقلط وادخل وتقابلني امي باانوااااااااااع التهزيء والدعاااااااااء عاااادي لاتستغربون تعودت كل يوم كذا قالت امي :: ابد ابد جت التاااليه <<< هذي حتسوه تنقال للي يجي متاخر دايم اتوقع تفسيرها كذا المهم اجلس ونتغدى ماتسمعون الا صوت المواعين وقرقعتاها مع الملاعتس << ترانا مطورين منول ناكل بملاعتس وصوت اخوي البلبل اذا جاء يشرب لبن تقل بلاعه كابين فيها جيلون مويه نااار<< الله من زين التشبيه واثناء ماانحن نتغدىىىىى ويرررررن الجرس حق الباب وانقز من مكان بس جا الفرج لاني احتري اي شي عشان بس يقومي من الغدى لان امي الله يهديها ويسلمها من اجلس على السماط لازم اكون جنبها وعلى الجهه اليسار لها تدرون ليه ؟؟ عشان تعرف تزغط فيني صح بيدها اليمين وماتتركني ليييييين يطلع الاكل مع خشمي اذا هذيك الساعه شافته قالت خلاص شبعتي قومي غسلي يدينتس ولاعيوني متفنجله هذا لونها ماصار اكل ذا اغتثيت والمشكله ليته يفيد عصاقيل قاضين لاانا ولااخواني لاني سمعت نظريه تقول ان الطفل اللي هو البزر اذا اكل اكل وهو مايشتهيه استحاله يفيده << اتمنى تفيدون وتستفيدون الهم واقوم مكاني وركككض للباب طربق طربق طربق طرربق طرببق طربق طربق طرااااااااااااااخ <<< هذي انا يوم عثرت في باب المدخل المهم فتحته وانا اضحك وفاقه خشتي عاد من زينها كلها رز وشوارب لبن من فوق وعععععع ولا ولد تقريبا عمره في الخمسه والعشرين مرتزن عند الباب وكاشخ يوم شافني ضحك بس مدري ليه ؟؟ <<< بلى من زينتس انتي وجهتس قالي: وين بابا ياشاطره ؟؟ قلت: وشوووو قال : وين ابوووتس << ايه فهمتها يوم ترجمها قلت : ايييييييه ابوي ابوي من داخل يتغدى قلت : ليه وش تبي فيه ( وانا عيوني على البطاقه اللي في يديه لت اكييييييد عرس) قال : خلاص روحي وعطيه هذي البطاقه لاتنسين قلت : وفي هذه اللحظات انا فاردتن خشتي من قوي الفرحه وامسح خشتي بطرف كم قميصي قلت: طيب ازهلها لايهمك المهم عطاني اياه عاااااد انا من طبعي اذا جت بطايق عرس ولاشي لازم افتحها قبل اهلي وعيوني على اخر سطر اذا صار مكتوب فيه 1- ممنوع اصطحاب الاطفال << افلقوني ان اهلي شافوا البطاقه راعي السياره يحرك من هنا وانا احط البطاقه في الزباله من هنا ولا دفعا للبلى اقوم والفزها (اي اوزيها) تحت الفرشه لين يفوت موعد العرس واذا فات طلعتها عشان لو قالوا شي اهل البطاقه تقول امي ماشفناها الا مصيفين يمكن احد ها البزور اخذها ونسى يعطينياها مادروا اني انا الدعله موزيتها عنهم هه هه هه 2- اما اذا ماكتب فيها شي طاااااااااااااااااااط تعالوا شوفوا مصارخ وزعاااق وهبال ولجه وحنه ورنه لييين يطع ابوي ويخليني احضر العرررررس المهم وافتحها وانا قلبي يرررتجف اخاف يصير مكتوووب فيها شي يضيق صدريري يوم فتحت ولا مافيه شي يعني عااااادي هيتونااااااا انتم ومبزرتكم لا والعرس في المجمعه هلا هلا عز الطلب يومني بغيت اتشقق من الوناسه واجيييكم ماااااااغطه واحط الخاااامس وعلى طول للمقللللط وانا الوووح (اهف هف ) بالبطااااقه هيييييه هييييه هيييييه جانا عرس جانا عرس هييييييييييه هيييييه وفيه بزران هيه هيييه قال ابوي : وجع وش فيس يا الخبله قالت امي : هه ولااااااااقوط يلقطتي قطنننننننننس مقروصه قلت : لااااااااااااا يمه جت بطااااقه عرس فلان الفلاني اللي في حرمه مااااعلي ابي احضرها ماعلي ابي اروح معتس وانواع الازعاااج <<< اسلوبي لازم اتبعه عشان يوافقون ابوي عاد الله من زين النفس جاي من الدوام والظهر وقافلتن معه يبي بس يسكتني باي شي واعطي ابوي البطاقه يبه تكفىىىى واحبب رويسه جعلك في الجنه جعلك ربي يوفقك يبه وجعلك وجعلك ابي ارووووح انا وامي يبه تكفىىىىىىىى يبه تكفى ودنا للمجمعه تكفىىىى قال ابوي : وانتي بس هذا اللي فالحتن فيه ماهمتس الا العروووس يصير خير توه العرس باقي عليه اسبوع وزود اذا الله احيانا يصير خير واشوى ركدت شوي وماتتصورون وشلون مررررررر ها الاسبوع وزود علي من الفرحه كل يوم افتح الولاب واويزززز على فستاااااااني النفااااااااااااش وشراباتي الكش كش ونعاااالي الذهبيه ام صنقل وتاجي الذهبي ابو ورد وعلى هالحاله لين جا يوم العرس ويوم جاء يوم الاربعاء على اساس ابوي بيودينا قال مافيه ابوديكم يوم الخميس وبنرجع في نفس اليوم ويضيق صدري ودي نجلس الخميس والجمعه عشان اشوف صيته ونوير<<< ماعليكم منهم ذولي يقربون لي رضيت بالامر وقلت ياله اهم شي احضرررعرس ويوم الخميس الصبح قاحصتن من يوم اذن الفجر بس ماقمت من مكاني قصدي مرقدي عشان ابوي مايشوفني وياهوشني ويوم جت الساعه سبع الصبح واقوم واتروش المهم واكد شويشتي عشان تركد قبل مااروح للعرس لان شعري ذاك الوقت اللهم يكافي لو ينرش عليه مويه قب ويوم كديته والبقه مرره مظبووط على حد الخشم واجيب شيله امي المنيخل والفها على راسي دااار ماداااار واروح واجلس في الشمس عشان ينشف <<<< ماكنا نستخدم تكنلوجيا الاستشوار يوم جت الساعه 9 وتقوم اميمتي ويوم شافتني قالت شااطره بنيتي ملبقتن شوشتها خليها تسذاااا ولاتفكينها الين يذن الظهر وعاد يومنه اذن الظهر وصلت امي وتناديني وتجيب الاستشوار ^ ^ ^ ^ تستغربون صح لاني قلتلكم مانستخدم تكنلوجيا ابدا طبعاا استشوارنا هذا غيرر هو مو استشوار استشواررر هو مكوى حق الثيااااااب تجيبه امي وتفرش السجاده على الارض واقوم انا وانبطح وافرش شعري على السجاده وتقوم امي بعمليه الكوي ^ ^ ^ مالوم شعورنا يومنها تخرب اثره من الكوي حق انها تسذا وتستمر امي بهذه العمليه لين يهبط شعري ويغدي مرررررررره سايح ويهف هف عشان اتميلح به قدام البنات في العرس واذا اذن العصر ولا انا كاشخه ومرتزه في المرجيحه وانواع الاغاني مره طلع البدر علينا ومره الله رب الخلقي امدنا بالرزقي ومره فتاحي ياورده سكاري ياورده وعلى هالحال لين تنزل امي وهي كاشخه بثووب كرته وكله يتلااااصف وروج احمر وكحل هذاك القديم اللي ينغط غط والشعر مفرووق وملبق بقوه مرررره وكعكع مع وراااا ويجي ابوي ويضفنا للعرس ( اذكره كان في قصر الجزيره اللي فيه ساحه مفتوحه في الوسط) ونركب في الوانيت حق ابوي كللله تبن غنم وريحه بن غنم وععععععع ويوم اركبت امي قامت تدهر على ابوي بالهواش وجع يابو.... وشذا وراك مانظفت السياره وريحتها مخيسه الحين اروح للناس وريحتي تسذاااا تبي الحريم ينقدون علي قال ابوي: وانا وش اسوي لقيتي رفيقي ابو فلان ولامعه خروف يبي يوديه للمصلخ وفزعت معه تبيني اقوله لا اما انا راكبه في الصندووق حق الوانيت ومتقضبه في الحديده اللي فوق عشان اذا دعس ابوي يطير شعرري مع الهواء ويصير يتهف هف زي اللي يجون في التلفزيون ويكرشني ابوي وينزلني ويركبني في الغماره واقعد اصيحححح لا يبه ودي في الصندوق قال تفشلينا انتي اذا وصلنا للمجمعه انزلي واركبي في الصندوق اما وانحن في الرياض معصي تبين الدوريه توقفني ورانا خط المهم من يوم ماسكنا طريق المجمعه وانا حااااطتها نومه ماقمت الا عند محطه وقف ابوي فيها عشان امي تزين وتهبط شوشتي وشوشتها بعد الطريق ونزلنا وتكددنا وتزينا ورحنا للقصر وننزل انا وامي عند باب القصر ولا الدرج مليان عيال جذاعين كلهم عليهم طواقي زري وسديريات سووود مطرزه بذهبي ويتميلحون عند كل بنت تمر من عندهم <<< ترانا كنا صغار لاتفهمون غلط عااااااد انا انواع المواقه محد قدي امشي وانا ماسكه عباة امي وجارتها مع وراااا ومدخله اصبعي في خشتي وانا مبتسمه<< تدرون عاد تميلح البزران والعيال مطيرين عيونهم فيني بسم الله علي <<<عاد من زيني والبواب عند الباب ولا ابن ابوه ولد يدخل معه عجراء هذا لونها يوم دخلنا عاد وتقعد امي تسلم ياشين العروس اشين مافيه التسليم وكل وحدتن تسلم على امي لازم تجغفني بقوه لين يطبع الروج على احد خدودي الله من الاوان على خدي شي احمر شي بني شي فوشي مع شوي سعابيل وعععععع وعاد هالحريم هذي بنيتس يام فلان ماشاء الله كبرت والثانيه مهيب عليست تغيرت اشباهها قطنها على اهلها الي هم عماني والثالثه عاد هاذي الي مولودتن مع ولدي محمد ايه مابينهم الا يوم وعاد تحت ها السؤال عشر طعش سوال الساعه كم ولدتي واي حزه ومتى بدتس الطلوووق وياله الحريم سواليفهم تحيب المر والرابعه مشاء الله متى وصلتوا ومتى مشيتوا ؟؟ وطاع ابوكم يجيبكم من الرياض تحضرون ؟<<< يعني لو ماطاع بتشوفنا جايين اسئله غبيه وامي متشققه من الفرحه بازتن بي قدامهم <<< مثل قديم القرد في عين امه غزال المهم ويوم جلسنا وركدنا عن التسليم قلت :يمه ابي روح عند جهير في الحوش ابي العب معهم<< جهير كانكم تذكرونها هي نفسها حقت سوق السبت بس يوم كبرنا تزاعلت انا وياها قالت امي : بس لاتبطين ولاتهاوشين مع احد ولاتطلعين براااا خابرتني امي مايمر عرس الامفلوقه ولامطقوقه المهم يوم رحت والقى جهير وشلتها واقعد معهم ونشرب عصير من الترامس المصفوفه منول مافيه عصير وحركات لا بس يخلطون ها العصير والفيمتو في ترامس ويحركون السكر بمعصاد الجريش وها الحريم لطط وتشفيط عاد البزران اول مايشوفون بعض يستحون لاننا مابعد دربنا على بعض وعاد لاصرنا نمون مانركد نقعد ندهر ويوم خذنا على بعض وبدينا ندهرررر وتفحيط في ها القصر وتكبيب في العصر والمويه وتشويت في بزران هالعالم ونجلس عاد عند باب وعتبة غرفه العاروس عشان اول مايجي المعرس ندخل معه ويوم جاء المعرس بدوا الحريم يوخرونا ياله روحوا العبوا مناك لاشوف احد فيذا المشكله شيون ولا نقرب لا للعاروس ولا المعرس يعني صداقه بس ويدخل المعرس واحنا وراه ونجلس تحت رجلينهم عشان نطلع في التصوير اذا جوا يصورون المعاريس والمعرس عاد انواع التميلح عند العاروس هذولي اخواتس ولايقربون لتس قالت بكل براءه : لا << قايلتها من قلب المعرس احس انه وده يطيرنا مع الباب وانحن انواع التزلب ضحك وتقشيم والخشش مليانه شوكلاطه وتجي ام المعرس وتجر كل وحدتن فينا مع شوشتها وهي تهوش وجعتن توجعكن بلى ياله براااا مرتزاتن فيذااا وش تزينن يامال الحااااصد ونطلع وبكل براءه الاطفال وانحن نكر كر ونسمع الطقاقات بدوا يدهرن وركض للصاله الثانيه عشان يمدينا على الرقص ولاهذي امي تدورني وجع يابنيتي وينتس فيه وين رحتي له عسى ماحسرتيهم بخبالتس يالدعله قلت : لا يمه هم دخلوني يبوني اصور مع المعاريس الت امي : مشاء الله اجل شفتي العاروس هي زينه ؟ من ازين هي ولا المعرس؟ وش لابسه ؟ وش حاطه ؟ << امي سديراويه وتدرون ها الاسئله مايسقمن عنها الحريم وانا بصفتي بنتها واكيد سديراويه خريت الي عندي مع بعض الارانب والتشليخ هه هه هه هه هه المهم وتجي امي وتلبق شعري وتقولي ياله عشان ترقصين خليهم يشوفون رقصص وتنصى امي المنصه وتحديداا لطقاقه الدبه اللي معها الميكرفون وتنقطها امي بخمسين ريال وتقولهاغني في عائلةالفلان عاااد ماجهلكم عروس منول ماهنا عرس مافيه مدح وتنقيط ياخي ها العاده قاهرتني احسها قمه القراوه <<< ترى مااعاني بعض المشرفين (القروي ) المهم وتقوم امي وتزبعني بكل امومه : وترفعني على المنصه وتقول الطقاقه في الميكرفون شوط خااااص شوووط خاااص لاحد يطب على المنصه وتفسخ امي جزمتي عشان اعرف ارقص زين <<<< مدري ليه لاهن كعب بس لازم لزوم الاتكيت ههههههه واوقف على المنصه وانا مستحيه كلن مطير عيونه فيني وتبدا111111 الطيراااااااان طنبـــــق طنبــــق طنبــــق طقــــــط طقـــــــط والطقاقه : وكل الفلان .. مشفر كلــــــــــــهم طنبق طقط طنبق ططنططن وكــــــــل الفلان كلهم طنبق ططق طبق لافرق الله شمللللللللللللهم طططقط ططقط وانا ماغير ردحي على ها المنصه وامي تصفق ايه جيده ايه جيده بنيتي وماش كني بديت اشيش وادهر واحط الخاااااامس وادهر على المنصه يوم سمعت عائلتنا واجيب اللي وراي وقادمي وارفع في ها اليدين وانزل وانفش الفستان ومرتن ارقص بشعري ومرتن ادق رقبه وعاشوااا والطقاقه تشجع والناس مطيرين عيونهم فيني وانا خلاااص ماعاد صرت اشوف اللي قدامي وامي مغير تبوسم ومستانسه والطقاقه : طنبق طقط ويازين فلااان بينهم ؟؟؟؟ <<< قالت اسم اخوي الاقشر الاشهب اللي دايم يشوت هي قاله بسس واوقف واصنج العبراااات تجيبني وتوديني والطقاقه تدهر يازين فلان بينهم طنبق طنبق وامي تصفق وتغمز وتبحر فيني <<< تسني بها تقول وش جاها بنتي عسى مانضلت واحطهااااااااااااااا صيحه ومشااااااااااهق لالالالالالالالالاااااااااااااااااااااا لالالالالالالالالاااااااااااااااااااااااا ماااااااحبه لالالاااااااااااااااااااا تقووووووووول اسمه واااااااااااااااااااع واااااااااااااااااااااااااااع وانزل من المنصه وانا حااافيه ونعالي في يديني <<<< عرابجه والطقاقه سكتت والناس يناظروني مايدرون وش السالفه وامي تلاحقني وانا اركض ويوم جلست على الكرسي واقعد البس نعالي واصيح دموووووووووووووع وامي ورااااااي وجع وجع مالت عليتس وراتس ماكملتي وش فيتس وانا اصيح : ليه ليه تخلينها تقول اسم اخوي فلان وانا ماتقول اسمي من زينه ولدتس ها الاشهب الشين المخيس ابو قذله واااااااااااااع <<<<< مبزره وامي تهوووش وتدهر على صديها متحسفه بالخمسين ريال اللي عطتهم الطقاقه حقت الشوط الخاص ههههههه وامي تهوش علي وانا صياااح وتنكدددد هذااك العرس استغفر الله وانا مشفيتن عليه ويضيق صديري ولاتعشيت واخنفسسسسسس ( اي ازعل ) لين جاء ابوي وخذناااا وراحت على الوناسه والبسطه اللي كنت متزهب لها وطول الطريق وانا صياح وعبرات وشرهات واحلفت علي امي اني ماعااااد اطب عرس اذا ماصرت اطاوعها ولا تاخذني معها مرتن اخرى وارضىىىى بالامر الواقع وارضى بخووي ثقيل الطينه الشيفه واصير فتاة مطيعه تحب امهااا وابوهااا واخوانهااا وترقص على كل اغنيه فيها مدح لخوانها ولعائلتهااا <<< كه كه كه كه كسروا خشمي بنقطة ضعفي وصاااااااار كل من شافني قال لاهلي بنتكـــــــــــــــــــــم تسنهااااااالبخت ملح وقبله وركاااااده <<< امحق ستوووووووووب خلاص قب مي فايف <<< اقول ضفي وجهتس اتمنى تعذروني على الاطااله واستروا ماوجهتوااااا تحياتي لكم اختكم القشرى فتاة سوق السبت رابط هذا التعليق شارك More sharing options...
صدى الذكريات قام بنشر July 1, 2003 ارسل تقرير Share قام بنشر July 1, 2003 ههههههههه حلوه شكرا تكلف مره هههههههههههههههههههههههه بس موضوع حلووو بس مدري احس انك تنصبين علينا شوي تقولين ليه اقوولك ليه كيف سمعتي هواش ابوك وامك بالسياره وانتي بالصحن؟؟ سؤال يحتاج اجابه شافيه راويه ومتكامله اذا وهقتك عادي لا تجاوبين وبعدين كل هذا شايلته على اخووك الوديع اللطيف يذكرني بشركة عبد اللطيف واخوانه بس خلاص تصالحوا وكل واحد يسلم عالثاني وسلملم رابط هذا التعليق شارك More sharing options...
فتاة سوق السبت قام بنشر July 2, 2003 الكاتب ارسل تقرير Share قام بنشر July 2, 2003 ههههههههههههههههههههههههههههههه صدى تدري شلون لان الدرايش مفتووحه كه كه كه وامي وابوي مايقصرون صوتهم واصل الجيران طيب هو اخوي وانا قاهرني وش اسوي شيفه لو هو اخوك تبريت منه ههههههههههه ام عبد اللطيف حلووووووووووووه خلاص تراضين وغصب عني تدري ليه عشان اقدر احضر عروس مره ثانيه بس بقول شي ترى اخوي خلاص الحين طلع مملوح يوم صار يزين ويهتم في نفسه تحياتي على ردك رابط هذا التعليق شارك More sharing options...
حميان بيتش قام بنشر July 2, 2003 ارسل تقرير Share قام بنشر July 2, 2003 السلام عليكم هلا بفتاة عرس السبت اخسي يالمهمه .... تشوت اخوانتس علشان ينادونتس اجل كنتي مشفوحه ... بس والله ما تودين لعروس .... الله يخلف على امتس وهالتاج اللي فوق راستس.. في كل صوح لابسته ...(( طالعة الملكة فكتوريا على غفله )) (( طربق طربق طربق )) .... يا هوه يا مهره اصلا انا صار راسي عادي الشمس ماتاثر فيه ولاحتى الاشعه فوق البنفسجيه كه كه كه متعوووده ديماً ___________________ تسلمين يا فتاة العروووس ... من ذا واكثر .... موضوع جاي في وقته ... اتعضن يا بنات رابط هذا التعليق شارك More sharing options...
القروي قام بنشر July 2, 2003 ارسل تقرير Share قام بنشر July 2, 2003 بعد خشم ياحميان أبفضي حبل الغسيل اللي في السطح من واحدن من هالهدوم المعلقة وابنشر هالموضوع فوق في السطح مابعد قريته كامل .. بس من قريت أن راسها غاطس في حوض النخلة وشارقتن بسعبولتها وانا غاسلن يدي من دميجتها وبد ا نهر الابداع يتدفق من دمايج << ( جمع دميجة ) بنات حرمة وعيالهم << لا أحد يسبر بعيونه روحوا أكتب خبالكم زي هالخبلة << تراي أمدح المهم أبنكس لم هالموضوع مرتن ثانية .. رابط هذا التعليق شارك More sharing options...
مسلهمه في مسيل الكلبي قام بنشر July 2, 2003 ارسل تقرير Share قام بنشر July 2, 2003 اللـــــــــــه يمحا قصيرتكم أم حضيض ... وجعل عدوتس تحت كفر كامري ... وش هالزين وش هالزين .. بس فيه شي يقرقع في قلبي على الطاري ... اساسا ماعندنا الاقصرين قصر سدير للاحتفالات بحرمه والثاني قصر الجزيره بالمجمعه .. وشوله يحطون كروكي مع البطايق ؟؟ ولا يعنـــني عند اللي عازمينهم من الرياض وجوي والحاير ثمين يخيتي على زمنتس .. كان اسمه قصر الشـــايع مهب الجزيره .. وبعدين تعالي .. انتي خابره ان شوفي شوف شجر .. وشوله تطولين موضوعتس .. وعارفه انه على الله وعلى هالنظارات ... ولاسان اشوف الحرف حرفين .. لا.. ويسلمون على بعض ويتقهوون .. عموما موضوع يهبل ويفتخ وينن .. (ينن = يجنن عند اخوانا الكوايته ) سلهوووووووووووومه .. أم عباة تلصف رابط هذا التعليق شارك More sharing options...
لين قام بنشر July 2, 2003 ارسل تقرير Share قام بنشر July 2, 2003 ههههههههههههههههههههه حسبي الله عليتس يا بنت سوق السبت قولي آميـــــــــــــــــن الله يرجتس إليما تغدين لبن القصه خرافيه فظيعه و خبله زي راعيتها بس تدرين مشالله عليك المصطلحات عندك خطيـــره من جد خلينا نتعلم منها و احلا شي انك تشرحينها عشان اللي فهمهم على قدهم مثلي <--- يا فشيلتها عند العربان اذا ما فهمت كلمه ! الا على فكره حبيبتي فتاة تكفيييييييين عندي طلب لا ترديني .. طلبتك .. ابي شرح دقيق و مفصصصصصصصصل لفستانك النفاش ويسلمو على هالقصه الحلوه اللي وسعتي صدورنا فيها و تستاهل التثبيت رابط هذا التعليق شارك More sharing options...
.. متكيّه عند بقاله التركي .. قام بنشر July 4, 2003 ارسل تقرير Share قام بنشر July 4, 2003 ووووووووه تعبت ..... يا كثر هذرتس يا سوق السبت بس موضوعتس يهبل .. وازين شي فيه المصطلحات الحرمااااااويه البحته ..... الكذب خيبه قريت نصه بس ... لكن ابكمله باتسر انشا الله ..... تمسّين على خيرررررررر .. رابط هذا التعليق شارك More sharing options...
راعي الفزعات قام بنشر July 5, 2003 ارسل تقرير Share قام بنشر July 5, 2003 افففففففففففف ثار نفسي وانهد حيلي وانا اقراء وش اسوي اذا الموضوع حانط لازم نكمله بس ارفقي علينا خليه على اجزاء تخبرين العجز متشربنا مهوب اذا بديتي تكتبين تمرسين بنا والا فق اثمك يرزقك الله وامي تهوش علي وانا صياااح وتنكدددد هذااك العرس استغفر الله وانا مشفيتن عليه ويضيق صديري ولاتعشيت واخنفسسسسسس ( اي ازعل ) يسلموووووووووو يا رضاحت العبس ههههههههه رابط هذا التعليق شارك More sharing options...
مغترب الشرقية حبيب حرمة قام بنشر July 7, 2003 ارسل تقرير Share قام بنشر July 7, 2003 ذكرتيني مرة رايحن مع امي نبي نزور العصر كنت اصغير وتخاف تتركني في لبيت لا يجيني شي بزر شقي وخايفة علية المهم رحت معه وجلست عندهم في الحوش تتقهوا وان كالعادة مع البزران رقينا لطاية وفجأة الحبيب طاب فيشليل امة متدربي مع درجة الطاية تخيلو وما وقفت ألا في الفرشة الي جالسين فيه الحريم مباشره ماخذتني لا يجيني شي بس الحمد للة ماجاني ألا كسر فيدي وفلقتٍ في في الجهه اليمنى من الجبهه لو فية فيفا دول مثل هلحين كان مخمدتني منبعد صلاة العصر ولا صلر الي صار قصص منول واللة اذا تذكرته اقول الحافض اللة ولا وشرايكم رابط هذا التعليق شارك More sharing options...
حرماويه قام بنشر July 9, 2003 ارسل تقرير Share قام بنشر July 9, 2003 فتاه سوق السبت ما اقول الا الله يعين امك عليك بس صراحه كنتي خطييييييره رابط هذا التعليق شارك More sharing options...
دلوعة حرمة قام بنشر July 18, 2003 ارسل تقرير Share قام بنشر July 18, 2003 يابثرك اثرك من يومك صغيرة وانتي ثقيلة دم تئبريني على هايدا الموضوع شوا جنان على صاحبتة وتشكرين الف على هذا الموضوع اختك دلوووووووووعة حرمة رابط هذا التعليق شارك More sharing options...
فتاة سوق السبت قام بنشر July 24, 2003 الكاتب ارسل تقرير Share قام بنشر July 24, 2003 المشرف حميان بيتش وراك ياخوي حستنا وش عرس فتاة السبت ماهنا عروس بسوق السبت ايه ليش مااصلح اصير مهمه عند اهلي ولا مافيني زود عن اللي مهمين عند اهلهم ههههههههههههههههههه الملكه فكتوريا تخسى عندي انا وتاجي مشكور على ردك وابشروا بالمواضيع الزينه ـــــــــــــــــــــــــــ المشرف القروي تشكرات كثيرات على ردك وتعليقك للثوب قصدي للموضوع في حبل الغسيل وعقبال ماتنشرون مواضيععي الجايه اذا جازت لمعاليكم وترانا نحتري نكستك ههههههههههههههه تحياتواا لك ـــــــــــــــــــــــــــــــــ اختي الغاليه مسلهمه في مسيل الكلبي يابنت الحلال هذالونا اهل سدير يحبون يتميلحون اذا بغوى يعزمون ناس مثلنا لازم كروكي الشايع الجزيره هو هو هماه اسمه يابنت الحلال انا مطولته عشانتس لاني خابرتن شوفس ماش ودي شوي تطلعين كثير عشان يزين كوده عاد من كثر وطول القصص يزين وماعاد تتقهوى عيونتس مع بعض كودهن يتزاعلن بس مو واجد يعني يصير في وضعهن الطبيعي اخاف يتزاعلن وتصير وحدتن في الشرق والغرب ههههههههههههه ياحبيلتس كفين ياام عباه لاماعيه ياهوه تحياتي لك وردك اللي يهبل مثلك ــــــــــــــــــــــــــــــــــ لين <<<<<< اشتهت لبن الله يرجتس هههههههههههههههههههههههههههههه تسلمين الذوق ذوقك والله اتمنى تكون معجبه الجميع اما بالنسبه لوصف الفستان فمااقدر اخاف احد يفصل زيه اذا تبينه تعالي بيتنا واستاجريه اما اشرح لا مااقدر اخاف يتسرب الخبر وكلن يفصله زيه <<<<<< لو تشوفونها تحرمون تفصلون خلاقين على العموم مشكور على ردك والله يسلمك ويسمنك ـــــــــــــــــــــــــــــــ متكيه عند بقالة التركي هلا وغلا فيتس تدرين ياخي تراي حرمه مثلتس هذرنا واجد وش اسوي الله يسلمتس وتشكرين على مرورك واتنمى تكملينه تحياتي لتس ــــــــــــــــــــــــــ راعي الفزعات هلا يابو الفزعات وش اللي حانط ههههههههههههههههه مرقوق ولاجريشششش تسلم والله وابشر اذا صار موضوعي طويل بقسمه على اجزاء ياعجازين هههههههههههه تحياتي لك بس سؤال وشي رضاحت العبس؟؟<<< سبه ولامدحه ولا مهيب ذي ولاذي ــــــــــــــــــــــــــــــــ مغترب الشرقيه هلا بالاقشرررررر اثرك بثر مثلي يعني مهب انا لحالي يابن الحلال الفلوق تطيب والكسور تتجبر لاكن المخوش وش يروحها باقيه مدى الزمن ههههههههههههههههههههههه والله انك صادق منول الحافظ ربي تحياتي لردك ــــــــــــــــــــــ حرماويه اميييين الله يصبر اميمتي علي ويصلحني ويخليني حرمتن عاقله تحياتي لك ـــــــــــــــــــــــــــ دلوعة حرمه بسم الله عليتس جعلتس تقبرني على هيك رد <<<< ياحبي لسوريا تكفووون ماش مايصلح علينا الله يسلمك وانا اشكرك مليون شكر على ردك تحياتي رابط هذا التعليق شارك More sharing options...
جالس متربع قام بنشر July 25, 2003 ارسل تقرير Share قام بنشر July 25, 2003 احم احم متأكده انه ايام طفولتك موب الحين الا وش كان غداكم ؟ مشالله عليتس غطيتي على المصاريه بكثر الحتسي موب كن ودي انطق ؟ بصراحه موضوعك راعئع واكثر من رائع ياريت كلن يعطينا سوالفه ايام الطفوله يعطيك الف عافيه بايزون رابط هذا التعليق شارك More sharing options...
فتاة سوق السبت قام بنشر July 25, 2003 الكاتب ارسل تقرير Share قام بنشر July 25, 2003 هلا متررررررربع ايام طفولتي مهيب الحين ياااااااااليتها ترجع يازينهاااا مشكور كثير كثير على هيك رد بس بعد انت اكتبلنا عن طفولتك عشان نعرف هبالك صح هههههههههههههههههههههههه تحياتي لك ولردك رابط هذا التعليق شارك More sharing options...
جالس متربع قام بنشر July 25, 2003 ارسل تقرير Share قام بنشر July 25, 2003 ههه ابشري قريب في الاسواق جالس متربع .. كيف نشأ وايام طفولته .. وكيف تصرقع ولا يهمك .. غالي والطلب رخيص .. بس مالي دخل ان كثر بقصتي سوالف السروال المكسر والفنيله البنيه الصوف مشكور وبايزون رابط هذا التعليق شارك More sharing options...
فتاة سوق السبت قام بنشر July 25, 2003 الكاتب ارسل تقرير Share قام بنشر July 25, 2003 هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه بس مالي دخل ان كثر بقصتي سوالف السروال المكسر والفنيله البنيه الصوف ماعليك كثر اهم شي بنولم التعليقااات عليك انت وطفولتك تحياتوا رابط هذا التعليق شارك More sharing options...
جالس متربع قام بنشر July 26, 2003 ارسل تقرير Share قام بنشر July 26, 2003 الله يحييتس .. و وعلقوا عادي ( ليه الاخ دولاب ) عادي عادي علقوا يهمني النقد البناء واشجعه انا .. (وش عندي فتى الجزيره على سوالف النقد البناء ) ... بايزون رابط هذا التعليق شارك More sharing options...
فتاة سوق السبت قام بنشر July 26, 2003 الكاتب ارسل تقرير Share قام بنشر July 26, 2003 كركركركركركركركركركر اما دولاب هع هع هع حركـــــــــه تراي حاجزه اذنك اليمين بعلتس (اعلق )فيها عباتي والاذن اليسرى للشيلتي ههههههههههههههههههههههههه بس عندى سوعال وراك ياكافي تقول بايزون<<< وش معناه لاهي باي ولا هي مع السلامه <<< اقول كيف الحال ؟ عليتس اسئله قود باي <<< عنقليزي ^ ^ ^ ^ ^ على فكره يقولون انك عليمي في حط الالو حبيت اخبرك ترى الون اللي فوق يقاله ازرق ملكي <<< جايزن لي الملكي تحياتواا رابط هذا التعليق شارك More sharing options...
جالس متربع قام بنشر July 26, 2003 ارسل تقرير Share قام بنشر July 26, 2003 احلى ملكي ... لايسمعونك بس ايه غشيم وكلنا غشمان يا بيبي بلووو ( قال ازرق ملكي قال ) اهم شي تكوين العبايه مكويه ماعلق شي معفس بايزون <-- لحجي ومسوي حركات وشدراني وش معناها بايزون طيب رابط هذا التعليق شارك More sharing options...
فتاة سوق السبت قام بنشر July 29, 2003 الكاتب ارسل تقرير Share قام بنشر July 29, 2003 انا غشيمه هو هو هو اقول كلن يتكلم عن نفسه لو سمحت <<<< ودها تتهاوش فيه عبايه معفسه ماقد خبرت العبي كل اقماشهن مايتعفش ياكريب ياقماش غير قابل للتعفيط = اتعفس <<<< ياحبها لتفشيل اما لحجي ياخي وراك دايم محطم روحك ههههههااي بايزون << تقلد رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان