القروي

أختي ليلك سلمت يمناك هذا شخص مريض نفسي والانترنت عالم مليء بالصالح والطالح ... ولا يؤخذ كل مايكتب على أنه صحيح أو كاتبه أصلا من السعودية . عموما البنت السعودية وش حليلها بس لو ماتحنقط معنى الكلمات : تحنقط : تتأجج غضباً على غير سنع

الله يصلكحم هذولي مهنب ملاعق ... هذولي مغارف المرقوق خن نجرب ناكل بهن << حلوة كلمة خن

الا المشق وشقوق الرجلين واظافر الرجيلين المعفطة وش يوخرهن << أمزح وعموما موضوع متعوب عليه وربي يوفقك ويخليك لعين ترجيك << قام يكاكي الرجال تحياااتنا ا ل ق ر و ي << م ن و ل وهالحين >> ت م د ن

موضوعك والله في متسانة أنا ياواحد والله ماعاد اروح للفيصلية ولا المملكة لان البوهه تطير ومغير صدم في قزاز المحلات لين تشققت جبهتي من هالحريم هاللي غدن تقل صوافي ببسي ودك تشربها << أقصد الببسية أنا ياواحد والله اتعمد أبحلق وقدام زوج المرة والا ابوها علشان أقهرة واذا قال لي شي .. أقوله : لاتطلق عنزك يجيها تيسنا << الله من زين الحتسي مشكووووور والله واسف على النخابيق بس أقرأ مابين السطور علشان تطيش

مشكور أخوي المرتاح على مواضيعك وردودك المميزة وبالنسبة للأصوات أبسمعها باتسر ان الله أحيانا لان السماعات خربانه ^ ^ ^ ^ نصاب نايم في المزرعة لحالة وخايف يجيه حاقص واقص

تصدق أنا تسني سمعت بخدمة (( أضغط هنا )) بس مابعد أشتركت فيها يقولون غالية << ضف وجهك مشكوووووور

توقيع أمي حرماوية تسنة جريدة منطولة بحوش ولاعبتن بها مواطي الدجاج وتوقيع بائعة الفصفص حلو وفعلا تراي محتاج زيها مثلك بالزبط ولو ان بوهتها طايرة

يثبت لين نشوف مع هواجيسك صرفة

حلوة أبو سريع ... جالس 40 سنة متوزي والله الفاضي شكرا

هلا حياتس الله وشلون اللي جيتي منهم <<< مهوب ملقوف أبدن

ودي أصير فلاح ودي بمزرعة في حرمة وتكون جنب الديرة وتشتهر المنطقة بالموية الطيبة << أبحط مسبح ومن يرغب في بيع الاقطاع الزراعي يرد هنا الموضوع جاد !! واذا كان ممكن يعطوني اقطاع زراعي في الديرة في هالوقت فكيف أحصل عليها ؟ مشكوووور لكم

شوفي محاسن الصدف أنتي أمتس من حرمة وانا أمي من حرمة .... مااشاء الله أجل أخوات <<< دلخ صدز تبين عاد احشتس منيب ... << ماصل على اخواله ( اخواله من الديرة اللي جنبنا )

يقولون مرتاااح انه باع الحمام كله اللي عنده في العشة ويبي يصلح مشروع دخل <<< توه ماكل دخل شكرا يا اللي أمتس حرماويه وانا اعرفك بنفسي أنا أمي من حرمة وبرضوا ابوي من نفس الديرة أي من حرمة بس يقولون اذا صارت البصيرة تبع المجمعة بنصير كلنا من الارطاوية مشكوووووووووووور كتير على هيك فكرة

اااايه يا مرتاااح تذكرت حميان يوم انه بزر اعجبني الفلاش واعجبني أكثر جملتك (( أرق التحايا )) << ولو أني ماعرف انقلينزي بس فهمتها

أبرد نكس لهالموضوع امسكوا محلي لاياخذونه لانهم يقولون (( لاتقوم وعندك سديراوي ))

منتب صااحي أنت وهالموضوع يا مذكرات رودينت بترولفو << منهو ذاا والله يا أنك شرشحت الذكريات وفضحتنا حسبي الله عليك تذكر اذا ردفتك بالسيكل مايخرب الاتجاه الا شعرك هاللي يغدي تقل اناتل مرتزة والا صواريخ تعجز امك تربصة بموية وتربصة بصمغ ولا فيه فايدة صورايخ أتذكر ان أحسن أكله لك في الفسحة تونه مع شطة حسبي الله عليك مبدع كعادتك وبرستيجك يوم تلبسة في المربعانية ذيك الايام كان مشقوق <<< مايدري وش البرستيج وجلس يألف لاتبطي علينا بموضوع ثاني انت توحي

حيا الله الجماعة والله اني متشوق لكم وفاقدكم صدز كنج السهيلات : اشكرك خيو << جاي من بيروت على هيك رد وزحقاتك بتفتح العين << أقول ضف وجهك شكرا لردك الكايده وراتس عاد يا كافي معصبة قط أنتس ماكلتي كراث ولاحطيتوا حبحر في الغداء مشكور لمرورك ابونقط جناااان ........ ياحبيلك انت واسمك مدري وشلون مختارة تشكراتي ملك النت مشكووووور لهذا الاطراء << حلو الاسلوب وانا ابتجول في المنتديات أدور مواضيعك مع السلامة

فتاة سوق السبت شوووكرااان لردك وتعليقك .. وثناءك .. وطبخك << هذي الاخيرة مالها سنع مسلهمة أنتي تقولين (( منيب معلقه على الذرنوح الين اعرف وراه مبطي مانشوفه )) وش تقصدين بالذرنوح عسى مهوب أنا والله ظروف يا خيتي ودعواتك مشكوووور لمرورك مغترب الشرقية حبيب حرمة وتخيل أن معي الدخون أقدمة للذرنوح والقعاسي هم المشات ههههه والذر هن الطقاقات مشكووور لتعليقك حميان بيتش هلا والله بمشرفنا الغالي والله هالاسبوعين خلها على ربك و مشكوووورن جدن على ردك وتثبيتك للذرنوح قصدي الموضوع حلوة رجل أمي .. جازت لي صرت أدق على أبوي ههههه فتى حرمة ؟ ياشيخ اقصد يدي اذا كنتا قريت الموضوع هههههههه صرفتني بهالكلمتين << أمزح يالحبيب مشكووور جدن جدن على مرورك هواوي تسلم على ردك ولو أني حاس أنك مثل اللي فوقك ماقريتوا الا العنوان << أمزح ربي يخليك ومنتظرين مشاركاتك يالغالي

أولاً مبروك الاشراف يا مسلهمة وربي تستاهلين كل خير وأسف على التأخير بس ماكنت موجود وثانيا الاسامي : حصة ، لطيفة ، منيرة ، شيخة أتحدى تحصلون بيت في حرمة مافيه وحده من هالاسامي أما الاسامي اللي تعجبني هي : مي >> على أسم خالتي حصة سارة الجوهرة نجوى >> على أسم جدتي موضي تحياتي لمن ألبس هالمنتدى بلباس الفكر الراقي ( صار شيلة )

السلام عليكم ورحمة الله وبركاته والله مشتاق لكم مرة ولكن هي الضروف منعتني عن ملاقاتكم هنا ولو برهة << ضف وجهك الموضوع لم يدر بخلدي قط بأن أكون في هذا اليوم أسيراً للحب.. ولم أكن مصدقاً لما يدار أو يحاك في مجالس العائلة بأن الحياة تعيسة وتكون أتعس عندما تعيش قصة حب .. وعندما تكون أسيراً لهذا الكابوس فأنت تسلم مفاتيح حرية فكرك وعقلك وهيامك إلى من أختارها قلبك !! وعندها هيهات . هيهات أن تعيش وحيداً فقد كبلت كيانك وحرية خيالك التي دائما ما تحلق في فضاء فسيح لتتذوق طعم الجمال هنا وهناك من كل بحر قطرة !! ولكن ... هاهي مكبلة بأغلال الحديد .. إذا .. لا فائدة من حياة هذا المكبل .. فالموت راحة له !! توقيع أخوكم ذرنوح نعم .. هذه كلمات قرأتها من ذرنوح عاش قصة حب مع جعابة .. وكانت نهايته مأساوية فلنخوض ( حشى نخوض في سيل ) معاً في بحر قصته : القصة : كنت جالس أنا وأمي في البراحة ( البراحة فناء داخل المنزل ليست مزروعة بمسطح أخضر مثل الاجانب أو كراث مثل القصمان .. بل مسمتينها بسميت ) وبينما نتبادل أنا وأمي حبيبات القريض .. وهذا القريض حقاق جايبته عمتي حصة من الحج لعام !! وكان الحديث مثير جدا مع القريض وكنت أنا أقرض بقوة وأمي تقرض مصدرة صوت قوي وأسنانها تطحن في هالقريض تقل خلاطة سمنت .. ويطيح مع هالاكل فتات القريض ( الفتات يعني القريضة اذا تكسرت إلى أجزاء متفرقة ) وبعد شوي بدأ النمل يتجمع حولنا وياخذ فتات القريض .. ولكن جذب نظري منظر جعابة جميلة ورشيقة القوام .. حاولت أخذ نصف قريضة وبتشيلها فوق ظهرها .. ولكن محاولاتها بائت بالفشل .. لين أقبل عليها ذرنوح كان متوزي وراء المجرفة ( المجرفة كنها طوفرية بس مفتوحة مع جهة علشان يدخلون معها القمام ) ورأيت العجب .. شفت الذرنوح يدور حول الجعابة كنها يغازلها والا بيرمي رقمه عليها .. ولكن بادرها بسؤال حول إمكانية مساعدتها في حمل القريضة .. فأجابته بالايجاب .. وعندها قام الذرنوح بحمل القريضة والجعابة تمشي جنبة وكل شوي تنسف قرونها على وراء .. ومروا من قدامنا .. وأمي مادتن رجيلتها وفجأة رفعتها ولا درت إلا وهي ضاربة رجل الذرنوح .. ومن عصبية الذرنوح قام وطلع ريحة قوية خربت مزاجي ومزاج أمي ... والجعابة داخت وطاحت صفرة ( يعني فقدت الوعي ) ومع حركة الذرنوح السريعة والريحة القوية المخيسة قام وسحب الجعابة وراح يتوزى وراء المجرفة يبي يزبن لين تهدأ الحركة ويروح الخطر عنهم .. وأمي قامت وقالت وين راح له هالذرنوح .. أهوف النعلة خل نتستله ( يعني عطني الحذاء لأقتله ) وقامت أمي تلفت يمين ويسار ولا شافته وانا عارف مكانه .. بس رحمت الجعابة اللي مغمى عليها . جلست أراقب الذرنوح .. وقام يسحب في الجعابة لين الحمام وجلس يرش عليها موية ويوم حست بالرطوبة بدت تنتعش مرة ثانية وقالت للذرنوح : يوه .. ويني فيه ؟.. وش جاني ؟ .. ولكن الذرنوح مستحي من فعلته وهاجد ماقال شي .. !! بس بدأ يفك ويهلس عليها ( يعني يكذب ويتجمل ) وقال لها: والله أن هالعجوز بغت تلحتس ( أي تمحطك ) بالنعلة بس سحبتس وأنقذت حياتس والا كان أنتي من صيد أمس !! . . ردت الجعابة وقالت : يووه ياحبيبي والله مدري وش أجازيك به .. أحس أن فيك رجولة .. وشهامة مهيب عند أحد ياذرنوحي الغالي ( ذرنوحي أسم الدلع ) ممكن بس تعلمني وشو سلاحك اللي تستخدمة في حالة وقوع الخطر .. أحس أنك شجاع وكل أنثى أحس أنها تشعر بالأمان بقربك !! فكر الذرنوح ملياً وقال : أنا من عيوبي ياعيوني أني لا أتنبأ بما أفعل عند وقوع الخطر ولا أدري وش أزين ... أقوم واطلع ريحة تسمم المنطقة اللي حولي . وبفعلها صار لي شخصية جذابة عند الجميع ... وبعد الهدوء .. طلع الذرنوح من الحمام وهو شايل القريضة وشايل الجعابة فوق ظهرة وطلع ومر من قدامي وأنا أراقب الموقف .. وفجأة شفت جعاب أسود كبير جاي طاير يدور الجعابة وصرخت الجعابة وقالت للذرنوح : هااااو .. هذولي أهلي جايين ياخذوني .. تكف لايشوفوني معك وبعدين تصير فضيحة بجلاجل ... تقدم بكل شموخ الذرنوح لأهلها وقال لهم : أنا أنقذت الجعابة وودي أتزوجها .. فرد عليه أخو الجعابة الكبير وقال : مايهبا إلا أنت .. ماعاد إلا هي نزوجك أختنا يابطقاع << (عيارة الذرنوح ) .. وقال الذرنوح عموما فكروا بالموضوع .. ولكن .. راحت الجعابة مع أخوانها وجلس الذرنوح يدور عند رجل أمي << لأنه أول مكان ألتقى فيه بمعشوقته وكل ماراحت أمي لمكان لحقها الذرنوح ... حتى في غرفة النوم إذا نامت عند أبوي قال الذرنوح : اااه بس .. متى يجي اليوم إلي يجمعني مع الجعابة زي ماجمعكم << ماتحسون أن الولد خش جو وحش أمه وأبوه .. يازينك ساكت هههه . المهم .. في اليوم التالي .. جلسنا نفطر وناكل خبر وطحينية .. والذرنوح متوزي وراء المسند معه دربيل يشوف فيه رجل أمي ويذكر لقاءه بالجعابة ... وبعد ماخلصنا فطور وشالت أمي السفرة طاح منها فتات في المقلط وعلى أثره تجمع النمل وجت الجعابة تدور فتات خبيزات .. وطلع علينا الذرنوح من وراء المسند وجاها طاير .. وقال لها : صباح الخير ياعيوني وين الغيبات .. فردت مبتسمة خجلة .. وشال عنها كل الفتات وشالها فوق ظهرة وهو طالع .. تقابل مع أخوان الجعابة وصار بينهم قتال عنيف ... مما اضطر على أثره الذرنوح لأن يطلع ريحه قوية هزت أركان المكان .. مما جعل الجعاب يتساقط واحداً تلو الأخر وفر الذرنوح هارباً !!! وعندها أدرك أنه لا يستطيع الزواج من معشوقته الجعابة ففكر ملياً بطريقة للتخلص من هذا الكابوس والشعور الغريب ... وبعد يومين كنت جالس ألعب بالطرطعان وشروخة ومر من عندي الذرنوح ودخل في وسط طرطعانة مرمية في الأرض ( الطرطعان عبارة عن شريطة حمراء ملفوفة ) وتحزم بها وراح طاير ... وجلست أتابعه ولا دريت إلا الماخوذ داخل في وسط جخر عائلة من الجعاب .. وقرض بطرف أسنانه الطرطعانه اللي متحزم بها وتفجر المكان وأحترق عدد من الجعاب وفجر الذرنوح نفسه انتقاماً واحتجاجاً للعادات والتقاليد التي حطمت قلب الكثيرين !! وبعدها بيوم .. شفت ذرنوح شايب ماسك ورقة وجالس يقرأ وصية الذرنوح إلي كتبتها مقدمة لهذه القصة والدموع تنهمر من عينيه ..... وهو يصرخ ويقول زاد وش طيحك بالحب يا وليدي .... وبعد مرور شهرين من هذه القصة .. شفت الجعابة اللي كان يحبها الذرنوح حامل وجالس رجلها يدور في البراحة يتشوف لأي ذرنوح .. تدرون ليه ... يقولون أن الجعابة متوحمة بريحة ذرنوح !! ما يستفاد من القصة ... العادات والتقاليد .... وتأثيرها السلبي على المجتمع !!

وش ذا الزيييين .. لغة عربية وحركات .. ومقدمات ذكرتني بالطالب لؤي كان معنا في فصل رابعة جيم دائم يتكلم زيك بالزبط ... ((( ذهب للمستشفى ليتأكد فوجد ان المرض زال منه وكأنه لم يمسسه قط ....... ))) والله أنك صادز ماتمسك القطاوة شي الا وتخربة <<< ماقد تعود على لغة عربية هههه والله موضوعك قمة بس النهاية يبيلها ملح وبهارات .. شكلك عجل مرة ولاهنا صبر مليتا وقلتا بالنهاية خطافية ههه أنت تراك بتصير كاتب جيد <<< قل قسم

المهم .. سميرة .. مايجيكم عنها أخبار <<< فاك مع سميرة منول قصتك حلوة صراحة وتسلم يمينك وكالعويدة يا راعي النزية يازين سويليفاتك .. << مخطط يطلع معك لبر تسولف عليه هههههه حميان : لاتزعجنا ياااااخي ... خلنا شوي نريح

موضوع وايز عليه منذو مبطي بس مارديت مدري وش ردني !! ذكرتينا بعيال منول .. من ندخل الفصل نتطلطل على اللي قدامنا ( دافور ) ونقوله : معك مساحة .. معك براية .. معك قلم زايد وهو يرد بكل براءة : لا .. أستنا شويا لما خلص حديك أياها << وأنا اذا سمعته يقول أستنا !! أقول أخس ياهالدافور يعرف أنقلينزي تسلم يمينك

يالله حيهن بائعة الفصفص : تسلمين على فصفصة الموضوع ماباقي إلا قشامة ههههه ربي يسلمتس متكية عند بقالة التركي وين الغيبات ؟ عسى ماشر ؟ الحمد لله على سلامتس وشكرا على ردك ومرورك ومدحتس لي

<<< يابو الذرانيح .. وهناك قول من بعض الجيران وهو .. يابو صواريخ .. والراجح هو القول الأول !!!!!