.. حرمه في نهار حالك السواد ..

أبي أكتب قصة .... وأبي هالقصة تكون من وسط حرمة الغبراء ...

خل اخنبق .... للتنبية فقط هذا الموضوع للخنبقة من لدن شخصي الكريم ....

==========================

دخلت حرمة متأبطا شنطتي الحمراء ذات النقوش الصفراء المرسوم عليها بدقة متناهية بعض الورود الخضراء وهنا أقف مع بداية ماأكتب لأستطرد في مسألة الورود الخضراء وكيف ان أريد أن ألعن جد ذا الباكستاني اللي راسمها لأنه مافيه امل ورود تصير خضراء .

لاتذكرني تلك الورود الخضراء إلا بشبيهتها في " وسائد صباح الخير " وكأني بها قد رسمها نفس الباكستاني وذلك للدقة اللامتناهية في التصوير والرسم الإيحائي وكأني بالباكستاني يريد أن يرسل رسالة إلى العالم مفادها " أن الزهور إذا لم تسقى بماء نظيف فسترتوي بماء المجاري وأنتم بصركم عاد " , وكأني بالعالم الذي أرسل إليه الرسالة يرد عليه قائلا " على تبن لاتقعد تتذيهن علينا " ...

وكفاني برد العالم على الباكستاني لأنهي حديثي عنه وعن وروده الخضراء . وأعود إلى قصتي الغريبة .

دخلت مع مدخل حرمة القديمة , في حوالي الساعة الـ 12 بعد منتصف الليل ماشيا على قدميّ , ولقد كان الجن يتخاطمون من أمامي بسرعة وخيلاء وينظرون إليه نظرات أوهمتني بأني صفيق أحمق قد غزوت أرضهم . فقلت لهم " تراني ماغزوت أرضكم " , فقالوا أجل مايخالف كمل طريقك .

ولقد أكملت ذلك الطريق الممتد المنحرف إلى اليمين تجاه الحديقة الموسومة بقدر عيناه زرقاوان .. وهذه إحدى الخرافات المتداولة لإبعاد المبزرة عن دخول تلك الحديقة الموحشة تالي الليل .

مررت بجانب الحديقة وأنا احوقل وأسمي خائفا مرتعدا وجلا مضطرب الأعصاب مترنح الممشى , فأوقفتني احدى الدوريات الأمنية ذات السفتي المكسور بحجة إني سكران . ومعهم الحق في ذلك فمن رأى حالتي تلك لايحكم عليها إلا بأني سكران لا وجاي من حرمة القديمة بعد .

بعد أن تأكدوا من أني لست بسكران ولا اعلم حتى الآن كيف تأكدوا فقط نظروا إلى بطاقتي الشخصية ثم قالوا رح ولاعمرك تسكر ...

فأخذتني العزة والأنفة برجال أمن بلدتي الأشاوس الذين يعرفون كيف يميّزون بين السكران والخائف .

أكملت طريقي القصير بإتجاه الساعة المكسورة فدخلت في باب أسفلها يؤدي إلى حجرة تحكم بالية مضى عليها من الزمن الشيء الكثير .

فدخلتها متوكلا على الله ثم انعكفت داخلها فنمت ليلتي تلك ولم أستيقظ إلى على جلبة وضجه تحدث بالخارج فخرجت منها وتمغطت قليلا قبل أن أجد حشودا من الناس تنظر إلي بغرابة وكلن يقول بصوت منخفض " الله لايبلانا " .

هجم علي أحدهم وهو يمسك بتلابيبي ويقول " وش تبي في ديرتنا انت ؟ " , حاولت أن أفهمه أمري ولكنه لم يقبل أبدا إلا ان يسلمني إلى مركز البلدة أو مايسمونه مجازا بالأمارة .

بعد أن تعرف علي المجتمعون هناك وتلك الحشود وعرفوا من انا وأن ماجاء بي إلى حرمه ليس شرا مستطيرا وإنما خيرا فاحشا بإذن الله .. أخذوا يهللون ويكبرون بأصوات عالية .

فأخذت ميكرفوننا وخطبت فيهم خطبة بليغة فحمدت الله وأثنيت عليه وشكرته على فضله الدائم ونعمته التي لاتزول بالحمد .

ثم أخبرتهم بقصتي وما أوصاني به جدي حينما كان على فراش الموت قائلا " يا عبدالعزيز أنت اغلى عيالي , وعشان كذا أبقولك عن سر مايعرفه احد في هالكون وودي إنك تحافظ عليه " , فقلت له مقاطعا " يانجسك ياجدي أنت اللحين في غطات الموت وتبي تسوي فيها اسرار وخرابيط " ... فقال لي بكل عظمة " أنطم " ... ففعلت حانقا عليه , ولكني لاأملك إلا الإنصياع فهو على فراش الموت وأغدي يطلع لي شي من وراه خخخخخخخخخخخخ ...

سكت جدي قليلا , فطال سكوته , ثم طال أكثر فقّفلت معي قلت له " جدي " ... إلتفت إلي قائلا " من فيذا ؟ " ... قلت له " أنا عبدالعزيز الله يرحم امك قبل لاتفقد فهمني وش السر ؟ "

قال لي " هناك عند غروب الشمس من الفتحة الوسطى أمام المنبر العالي أجعل الشمس على حجاجك الايسر ثم توجه شمالا سبعا وأربعون خطوة فتجد الكنز " ...

قلت له " وشو كنزه ؟ "

قال لي " خخخخ وش رايك فيني وانا مسوي فيها سلفر خخخخ "

أخذت الوسادة الجانبية ووضعها على فم جدي محاولا قتله فلتك مصالة لاتغتفر .

اكمل لكم غدا .... <<< وش عنده مشقاص

حيا الله بــو قهر ..

الا جدك تالي ايامه مهب خذرف .. هو صدز اللي قاله .. خلونا بس نجتمع ونطلع الكنز ونتقاسمه بينا ...

بس خوفك يطلع ... علوتس ولا حلاو ابو كور ..

الساعة المكسورة فدخلت في باب أسفلها يؤدي إلى حجرة تحكم بالية مضى عليها من الزمن الشيءالكثير

^^
^^
^^
لا وأنا أختك هذي مابلت من الزمان ... لو من الزمان تسان شفت الساعه اللي عند مستشفى الملك خالد باليه .
بس ذي أخبر عيال حرمه ايام العيد يفقعون فيها شروخه وصواريخ .. عشان يطلع صوت دوي عظيم


الله يرحم والديك ذكرتي بوسايد منول .. تحتسي عندنا ( صباح الخير ) أذكر نتهاوش عليها

والحين جانا (سليب هاي )وربعه

كمل يامشقاص .. كمل .. القصه مشوقه خصوصا ان فيها سلفر حرمه..

هماه يا عزو لاتطول علينا .. أخبرك راعي مغطات

ياله لنا عوده .... ويستاهل التثبيت لين تنقز بالجزء الثاني

عنبو دارك وش ذا ! يسعدلي أيامك

والله إنك ولد عز .. يا أخي أنا جدي قبل مايسلم بالأمر بأسبوع واقفين فوق سريره تزاد يقلبها صالح كامل ويقول لافزن لكم خيشه دنانير تحت كفر الكابرس< ماخلف لكم إلا الضعوي مربع كوسه وجاموس حلوب على طريق مرات وسكاكين ضحايا يقول من احقاب الثلاثينات :00

ساحرناه بمويه ونبوت سيف نبيه يفصح مير مسبط ولامن بشته ومخدته << ذبحه الحب

عزانا الذكرى الزينه بس < فيه شعره في عينك !!

سكت جدي قليلا , فطال سكوته , ثم طال أكثر فقّفلت معي قلت له " جدي " ... إلتفت إلي قائلا " من فيذا ؟ " ... قلت له " أنا عبدالعزيز الله يرحم امك قبل لاتفقد فهمني وش السر ؟ "

^

^

يعدمنيــاك

أما ساعتنا باليه ..ماشاءالله إلا عمري ماشفت صرح محلي يعني بأمور الجميع زي ذا الساعه

أنت بس شفها لا سكرت بقالات حرمه وعيالنا هجدوا ..

ماهنا كتاب لأول متوسط إلا عندها..

وماهنا نعال لعيال تمير إلا وعيالنا معلقينها على عقرب الساعه < أيام العقرب اللحين بالنيه تحسب الوقت

وماتشوف الا طواقي عيال أم سدره مثبتات فالجدار بعلوك < عيالنا لا قفلت قفلت

-

تكف إحتس عن حرمه أكثر فالجزء الثاني ياني ولهن عليها

بتم شهر عن ريحة النعناع لا زبرت أمي حوضه الصبح وهـ

وخل الكنز في جزء ثالث < بينجلد

---

<< في قلبه شلون سلفستر لقى الكنز على رجل من خشب !!

---

دخلت حرمة متأبطا شنطتي الحمراء ذات النقوش الصفراء المرسوم عليها بدقة متناهية بعض الورود الخضراء وهنا أقف مع بداية ماأكتب لأستطرد في مسألة الورود الخضراء وكيف ان أريد أن ألعن جد ذا الباكستاني اللي راسمها لأنه مافيه امل ورود تصير خضراء .

^

^

وينك عني أول ماعينوني في مشذوبه؟

ماخذن معي سامسونايت أول ماطحنا فيها ولازق عليها صور للنعيمه <

تسلم يالذيب ..

أيقظت منابر الإبتسامه لدينا .. < إتزلب وجهك ..

وعلى الله ما يطلع الكنز صكوك أراضي شاريتها الحكومه من جدك ونسى يشقهن )

في شوق لمعرفة دهاليز القصه < سو إضافه رد لا بالنعله

ههههههههههههههههه


الله يرجكـ يالمنقهر

اسمع ترانا نحتريكـ


لا تطول ..