صدى الذكريات قام بنشر May 23, 2003 ارسل تقرير Share قام بنشر May 23, 2003 اول شي السلام عليكم ورحمة الله وبركاته ثاني شي سكر النت يبيله قعده الرجال... هم نصف المجتمع .. أبوي أخوي خالي عمي ولد جيرانا سواقنا .... مالنا غناةٍ عن الرجال ولا لهم غناةٍ عنا لحكمة يعلمها الله سبحانه و لذلك فهم يستاهلون من يكتب فيهم مو بس موضوع.. إلا منتدى كامل موضوعنا اليوم يتكلم عن حال بعض شباب مجتمعنا السعودي الطموح و ذلك مما رأيت و سمعت و قرأت ... نبدأ نتكلم عن مرحلة الطفولة .... اي طفوله هو العيال لهم طفوله يجيك البزر توّ طوله شبرين و يخشّـن صوته يعني إني رجّـال (وش أنت طاير عليه الله يرحم حالك) لو تدخل غرفة عيال وش تلاقي اللهم ياكافي منقلبة بقدرة قادر إلى " مقلب قمامة " والجميع بكرامة مافيه مكان نظيف إلا إن كان زبالتهم تكرمون شراريب منـّطله هنا وهناك و خلاقين مجدّعة التكميلة في ناحية والبوت فردة في المخزن مدري وش وداها هناك والثانية عند باب المطبخ و الشعر منكوش و السباحة في الأعياد إن بغت أمه ترتـّـبه قعد ينافخ ويقول منيب بزر تلبسّـيني (طيـّب ياالكبير) و أحلى شي لو ناظرت تحت السرير تلقى قراطيس كت كات وسفاري و شكولاطه الأسد (إنقرضت هذي ماعاد تنلقى) موزّيها عن أمه لا تدري إنه مهرّبهم من غرفتها و عايش عليهم و بذلك قدر يضحك على إبوه اللي حارمه من المصروف بزعمه ما يبيه يشتري شي يردّه عن الغداء لو تشوف عيال اي بلد ثاني وش حليلهم أدب و أخلاق معتمدين على أنفسهم و يسمعون الكلام موب عيالنا اللي لسانهم يلوط أذانهم لو تقول لطفل سعودي : حبيبي كيف مدرستك اليوم ... تفل بوجهك وقال شايفني بزر تقول لي حبيبي معليش البزران ما ينشره عليهم بكره يكبر ويعقل (إبئآ آبلني) إذا كبر شوي و كمّـل الخمسطعش على خير صار أكبر همه متى ينام أبوه علشان يسرق مفاتيح سيارته و يروح يتمرمر على ربعه شوفوني كبير (ذابحه الكبر) ------------ يووووه و شف المصالة الصدق إذا بدا يخطّ شاربه و" ينبـحّ " صوته ... يصير يستحي يتكلم متفشل من صوته اللي كنه صوت دباب خربان (هماك تخشـّن صوتك يومك صغير وش جانا) و عاد حركات " أبشـّركم صرت رجـّال" اللي حتى أمه ما تسلم منها يالله لا تبلانا لو يدري إن وحدة من خواته ردّت بالتلفون على واحد من أخوياه قوّم الدنيا ولا قعّـدها على باله غِـيره يا شيخ رح الله يصلحك و الأخلاق خاربة (هي توّها تخرب) لو عزم الشباب و تأخرت القهوة قعد ينافخ على أمه فشلتوني عند ربعي يقطع بليسك هو رَبعك ألزم من أمك ؟؟ و المسيكينه تسكت ولا ترد تخاف تضيّـق صدره يا ناس على قلب الأم وللا الدراسة .. الله من النصب قال وينك رايح قال عند صديقي أذاكر وهو يطلع يتصرمح مع الشباب في الشلال و غيره (الشلال ذا يختلف عن شلال ملاهي الروضه بس تراه إسمٍ على إسم ) الولد يرجع تالي الليل خشته سوداء من التعسيل و عيونه حمراء ما يدري وين الله حاطه فيه و أمه ياعمري تداري عليه لو سألها أبوه وين الولد قالت له نايم في غريفته الله يعينه تعبان من المذاكر و الأخ ما جاب خبرهم ياخذ السنة بسنتين وحدة دراسة والثانية خبرة والسبب طلعاته مع ربعه اللي يذاكر فيها عاد شباب هذي المرحلة ينقسمون إلى قسمين لا ثالث لهما : 1- العرابجة 2- الخكاريا و هم متناقضين مية و ثمانين درجة لكن يشتركون في شئ واحد ألا وهو :- تربية شعر الرأس أما الخكاريا فيطوّلون شعورهم من قدّام و بالعادة يكونون من أصحاب الشعور الناعمة فينسفون بالقذله على عيونهم (ياااي) و عادة يتقضّون هم وخواتهم من نفس المحل الوحدة صدق تحتارمابين إنها تكشف أو تتغطى عنهم ... وأما العرابجه على عكس الخكاريا فإتجاه نمو الشعر عندهم من وراء ، شوي و توصل شعورهم مرافقهم و ألعن ألعن ألعن شئ .. لا من لبسوا الشماغ و تركوا الشعر " منقوظ " و كني بهالشعر بيئة صالحة لتهجين القمل من نظافته وعععععععععع الله يحوّم " أمعاؤهم الدقيقة " قولوا آمين عاد ودّك تسمع سواليف شلـّة خكاريا :: واحد خكا : يا الله شعرك اليوم مرررة حلو أكيد تستعمل فير آند لفلي واحد ياي :إهي هييي إهيييي (<-- ضحكه) لا سراحه بس غيـّرت الجل إيش رايك الخكا : سحيح ما قلت لي إيش أخبار سيارتك بعد الحادث إللي سار ؟ الياي : إسكت يا أخي لا تفـوّر دمّـي... أبوي الغبي تنازل عن القضية (ترى هذي إنقالت صدق ) الخكا : طيـّب طيـّب وسـّـع سدرك .. تعال ميعي نروح نشوف آخر ألبوم لريكي مارتن نزل وللا لسـّا الياي : لأ معليش خليـّها وقت ثاني... خلاص أنا دمـّي فار ( موب سلحفاه ) يا ربيـــّـه بس ------------ ما يخفى عليكم مواقف هالمماليح البطولية في الأسواق والشوارع لو يشوفون بنات في سيارتهم مع السواق أخذتهم النخوة و راحوا يلاحقونهم لين يوصـّلونهم لباب بيتهم خايفين عليهم في الطريق من السواق لحالهم و كـ ردّ لهذي الوقفه الشجاعة لابد يتركون الرقم لو إحتاجن البنات لأي وقفة شجاعة أخرى و الشوارع أيام المباريات شي ثاني .... وصلني من مصدر موثوق إن وحدة كانت مسويّـة عزيمة في بيتها يوم فوز المنتخب على الكويت و الحرمة موصّـية على صينيّـة شوكلت من باتشي و أرسلت السواق يروح يجيبها... السواق واقف في زحمة الشارع ولا يدري إلا كومة شباب يفتحون عليه السيارة و يباركون له (وش علاقة الهندي بالمنتخب) و أخذوا الصينية و إلتفتوا يوزعونها على الناس اللي في الشارع !! مدري عاد وش قدّمت الحرمة لضيوفها إلا إن كان حلاو بقر !! آه لحضه لحضه آ آآآآ آآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآ آآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآ آآآآآآآآآآآآآ آآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآ آآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآت شوووووووووووو يرحمني الله يهديني الله ويصلح بالي هالحركة واصلتني مسج يوم إن المسجات ببلاش الله يذكر ذيك الأيام بالخير على طاري المسجات يا إن بعض هالشباب رايقين صدق الوصل ذابحهم يرسلون مسجات لله في الله .. خبط عشواء أي رقم يدقونه والسلام عاد أنا كانت توصلني مسجات غريبه تطلع عندي طلاسم ما تنقرا و انا أعرف جهازي مقربع مايقرا عربي ولا يشوف رسمات .. يفك المسجات الإنجليزية باليالـّـله يقرا سطر و يترك سطر بعد كنت على نياتي أرسل لصديقاتي هالمسجات "الطلاسم" وانا مدري وش فيها من باب شئ ببلاش ربحة بيـّـن لكن للأسف صديقاتي كانوا يقطعون علاقتهم فيني بدل ما يشكروني على وصلي .. [/color] ----------------- نرجع لموضوعنا ... بعض الشباب تفكيرهم منحصر في تغيير الجوال و السيارة أوّل ما ينزل آخر موديل ..و تقولون الموضة للبنات بس أما شفت لكم شوفة ..... شر البليـّة مايضحك صج (<-- فاتح على قناة الكويت ) سيارة صغنطوووطة أقصر مني (متخيلين الوضع) نسيت وش يقال لها الخنفسانة مدري البرصي المهم اللي داخلها ماينشاف من هالبلك اللي مظلل به سيارته ، يوم نزل منها تدرون وش طلع؟؟ عادي طلع شاب طبيعي بس إنه من أصحاب الوزن الثقيل الله يسـهل علينا وعليه إن شاء الله ماعلينا موب هذا الموضوع... بس أبعرف وشلون يقدر يتنفس في هالسيارة لما يصك الدرايش الله لا يضيّـق علينا في قبورنا قولوا آمين عاد اللي يبي مشروع يكسب من وراه ذهب أنصحه يفتح محل إكسسوارت سيارات متخصص في التضليلات والأناتل (جمع أنتل تكسير سالم) أنواااااع التضليلات متوفرة لهواة الموضة يتخيـّرون أما مرايات وللا ألوان قوس قزح وإن بغى بلاط مطبخ كل النقشات موجوده حسب رغبة الزبون و للا العبارات اللي يكتبونها على سياراتهم : إللي كاتب رقم جوّاله و إللي من شطارته في الرياضيات كاتب معادلة من الدرجة الثانية بأكثر من مجهول : S+U-T*(2E/Q)=L واللي كاتب I am the best MAN in the word <---حتى السبيلنق غلط بعد خلف الله على من جابك خذوا بعد هالموقف ...لو تكـرّم الولد و راح يجيب إخته من مشوار ..الكليّـة على سبيل المثال...وهو يعرف إن البنت بتوقف مع صديقاتها برا ينتظرون سياراتهم ... و توقف ال BMW قدام البوابة والبنت كنها مشبـّـهه على أخوها داخلها... اللي ينزل و يمشي على حبه حبه إلين ما يوقف جنبها و يناديها بقولة " يا بنت " لحظتها تكتشف البنت ان اللي واقف هذا هو أخوها فعلا.... و تمشي معه إلين السيارة و تسأله ماشاء الله وش هالمفاجأه الحلوة سيارة جديدة وحركااااات يقول لها : لا هذي سيارة صديقي خربت سيارته قمت عطيته الكرسيدا حقتي و عطاني هذي علشان أمشـّـي حالي فيها يا عقدة النقص اللي فيهم صدق مشكلة.... --------------------- والسفر للي ربي فاتحها عليه....و حتى لو مافتحها الله يخلي بوك أميمته !! لو كان الأبو شديد و صاكّ على عياله... يقول لأبوه يبه أبروح أكشت مع الشباب في الثمامة... أبي الجواز لاهنت !!! و إذا صارت سالفة الثمامة قديمة ماعاد تمشي على ابوه..أسهل ماعليه قولة يبه:أبروح الشرقية .... إلين ما تشوّهت سمعتها لو تقول لشايب ماقد تحرك من حارته اللي ساكن طول عمره فيها : ورا ما تروح " تـّـنـَـفـَّـه " في الشرقية بيقول لك : وشو....الشرقية ؟.........أسأل الله السلامة !!! و إن كان الأبو سبور و معتبر إنه مخلـّف "رجـّال" و خلّـى الجواز في عصمة ولده أوّل محطـّة يوقف عندها الولد هي (المغرب) لجمال طبيعتها ولا شك !! نقول ما بعد كبر ...؟ أوكي... ننقز لمرحلة ماقبل الزواج أجل:- -------------------- سهر إلين قبل الفجر و نوم إلين أذان العصر (هذي في كل المراحل مو بس قبل الزواج) ولو أحد قوّمه للصلاة لعن أبو خيـِّـره .... ولو إنه مواعد أحد تلقاه يقحص قبل الموعد بساعتين علشان يمديه يتحمم و " يتسـَـكـْـلـَـب " تعال شف الشروط اللي يبيها في زوجة ال (LBC) <-- موب المستقبل لا تقل جمالاً عن كاميرون دياز على أقل تقدير جسم رانيا برغوت (<--ياقدمي) طول سكيورتي مدخل أسواق الفيصلية عاد كلِّـش ولا هالشرط:: إنها بعمرها ماكلّـمت عيال ----> بالله مو أنانية كونك إنت تتزوج ، وتحرم البنات اللي كلمتهم من الزواج لو باقي الرجال إشترطوا هالشرط نجي لكفاءته للزواج من عدمها : طبعاً المسؤولية شي مو غريب عليه أبداً... والدليل إنه دائماً مسؤول عن القـطـّـة حقت الإستراحة الإنضباط ... غالباً مُـنْـضـَبِـط .............. من قـِـبـَل أبوه لما يدخل عليه و يلقاه يكلـّم بعد نص الليل نقول للحين طفل؟ يمكن لأن الرجل ما عاش طفولته ببراءتها و بساطتها.... يحنّ لذيك المرحلة و يقرر إنه يحمل "على الأقل" مخه لما كان بزر و نتيجه لذلك نلقاه يتمسك برأيه لو كان غلط..... بالضبط كأنه بزر !! هذي بعض الملاحظات اللي في بعض الشباب السعودي الله يصلحهم و ماخفي كان أعظم عاد اللي عنده إضافه لا تستحون أفيدونا أفادكم الله وتحياتي صدى الذكرياااااااااتووووووووووووووو لعيوووووووووونك رابط هذا التعليق شارك More sharing options...
بـحـــر قام بنشر May 24, 2003 ارسل تقرير Share قام بنشر May 24, 2003 ابداع ما بعده ابدااااااااااااااااااااع بس لو الموضوع على حلقات << مهوب عجاااز ابد بس انا جاز لي مررررررررررررره يتكلم عن ذكرياتي وحرام مثل هالموضوع ما يرد عليه يبي له فصفصه بكمله واقراه اكثر من مره بس ماشاء الله عليك خياااال رهييييييييييييب يسلمووووووووووووو على الابداااااااااااااااااااع رابط هذا التعليق شارك More sharing options...
القروي قام بنشر May 24, 2003 ارسل تقرير Share قام بنشر May 24, 2003 تسن فيه حش لنا !!!!! ابقراه وارجع لك .. هالموضوع يبي له فصفص وكراث وزمزمية شاهي .. انتظرني اسبوع وراجع لك ههههه .. دقايق بس !! رابط هذا التعليق شارك More sharing options...
القروي قام بنشر May 24, 2003 ارسل تقرير Share قام بنشر May 24, 2003 موضوعك جداااااا رهيييييييييييييييييييبب وأتمنى أنه من خيالك وكتاباتك مايكون ملطوش منا والا منا روعة في السرد والخيال .. تصدق أني يوم كبرت حاولت اكون ولد خكى نااعم وعجزت اوخر المشق الي في يديني طالع جدلي كنه عكرة ضب ومرة حبيت اروح انا وأخوياي للعقارية الاولة أيام زماان يوم ان لها حنة ورنة وحطيت جل في شعري وياليتني ماتوهقت !!! انتفشت الشوشة ووقف شعر راسي ونشب في سقف الغرفة ... وصار كنه عسبان نخلة خضري ومن زود البثارة ... شوشت كل تلفزيونات الحارة ولا عاد تطلع عندهم ولا قناة (( طلع هالشعر تقل أناتل تشويش )) وماتحسنت الاحوال الا يوم حسنوا راسي وخلوني أقرع موضوع يستااهل القراءة بس ياليتكم تترجمون لي أسم الشامبو الي يستخدمونه الخكى الي ذكرته فوق (( فير آند لفلي )) ودي أستخدمه بدل الشامبو الاحمر ودااايم يخلص علي تاخذه أمي تغسل فيه عباتها من زين الطبايع ياااحبيلك انت وهالموضوع وبتربع عند قزازة الكمبيوتر انتظر موضوع جديد من كتاباتك رابط هذا التعليق شارك More sharing options...
صدى الذكريات قام بنشر May 24, 2003 الكاتب ارسل تقرير Share قام بنشر May 24, 2003 يسلمووووووو حباااااااااااايبي عالمشاركات بحر هذا من ذوووووووووووقك حبيبي فصفص عليه وخذ راحتك نبي رد الله يسلمك تمام والله قروي صارت الدقايق مثل الساعات جييييييييييييد قروي هذا الموضوع الله يسلمك كاتبه انا وواحد من اصدقاي تمام هو نشره بمنتدى وانا بمنتدى الله يعينك كلنا مرينا بكذا مواقف ككككككككككككككككككككككك تمام اجل انت الي ذاك اليوم مطلعينك بدعاية فير اند لفي جيييييييييد لا بأس منتااااااااااااز وتقبل خالص تحياتي لك حبببببي صدى الذكريات رابط هذا التعليق شارك More sharing options...
كتكوت قام بنشر May 25, 2003 ارسل تقرير Share قام بنشر May 25, 2003 ههههههههههههههه والله من جد مبدع ياصدى الذكريات... خاصة بعد ماعرفت أن الموضوع من كتاباتك... الله لايضرك ... شكرآ لك وبالتوفيق............. رابط هذا التعليق شارك More sharing options...
صدى الذكريات قام بنشر May 25, 2003 الكاتب ارسل تقرير Share قام بنشر May 25, 2003 هلا بك كتكووووووته عامله ايه كتابتي انا وصديق لي ومشكوووووووووور اخوي وهذا بتشجيعكم لي وتحياتي لكم رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان