مجنون حصه قام بنشر July 27, 2004 ارسل تقرير Share قام بنشر July 27, 2004 نكمل موضوعنا مع انه طويل وهذا رابط الاولى والثانيه http://harmah.org/index.php?showtopic=6671 اقنعت امي وتزوجت ندى وعطيتهم حدود السبع الاف ريال مهر وبثلاثه شريت لها شبكه وسكنا في الشقه مع امي انا اول ليله مدري جاني شعور كأني ما امشي على الارض كأني خفيف مرررره او اني مستخف احس رجليني معد اوطى عليها دخلت عليها في الغرفه وكانت معها امي قامت امي وصرفت نفسها وقالت امي : سم بالله ياوليدي قلت ليش يمه وانا اباكلها واشوفها تبتسم جعلي اموت قبلها انشالله واقرب من عندها وقلبي يدق تقل مرواس وكل ماقربت دق زيارده واجي ابقعد جمبها ماااار اوطى رجلها وقالت أييي ونتذكر البقس ونقعد نضحك انا من الضحك طحت عليها وهي مواصله ضحك جلسنا نسولف شوي همين طفيت النور <-- مستعجل ابو الشباب ممممممممممممم نكمل القصه دخل الصبح ابو عنتر وهو معصب يسأل امي وين المجنون قالت نايم في غرفته قال لو تكرمتي ناديه لي جت امي وطقت الباب وطلعت عليها بصروال السنه قلت هلا يمه صباح الخير وش فيه على الصبح قالت ابو ندى يبغاك ضروري طلعت له قال انا جاي اخذ ندى لانك مزعلها قلت تخسى والله انت وعشره من اشكالك تاخذ حرمتي مني على هالصبح طلعت ندى وسألها ابوها جعله للعمى : زعلك مجنون في حاجه قالت لا مازعلني بس ماعطاني هدية الصباح ( صباحه ) <0000 توهقنا حتى هم يبون صباحه قلت : تونا بدري ترى صباحنا الظهر في الرياض نصحى الساعه وحده وانت جاينا بدري تكفى لاتأخذ ندى مابعد تهنيت ................................ وبعد مرور ايام عشت في سعاده وفرح انا وامي وندى بدت ندى تغار من امي لدرجة انها طلبت مني اني ارجع امي للسعوديه واجلس انا وياها لحالنا وفي تصرف غريب مني جاريت ندى وصرفت امي قلت لها يمه لازم نسافر للرياض امي ضاق صدرها تبي البراد والفاكهه وسعة الصدر خصوصا ان رجيلاتها على كلامها طابت رجعت للرياض مع الوالده وبعد يوم قلت لامي عندي انتداب تابع للعمل ابروح لجده ورجعت لسوريا جلست 15 يوم وبعدها رجعت للرياض وحاولت اني اجيب امر زواج من سوريا والداخليه رفضو دبرت عمري وقابلت الامير نايف الامير : وش عندك انا : ابي تسمحون لي اتزوج من سوريا الامير نايف : بناتنا فيهن عيب شرعي انا : لا !! بس خطبت عشر مرات مايبوني يبون جامعي الامير : وش يردك كمل دراسك توك شباب انا : عقب ماجربت العمل كرهت الدراسه الامير : بناتنا في البيوت بالخمس والست وانتم تزوجون من برا انا : تكفى طلبتك توافق على خطابي الامير : اقول اذكر الله وفكر زين ترى الزواج من الخارج مشاكل ولو تطلبني عشر مرات منيب موافق <000 ماسكه على عشر انا : شكرا وطلعت من عند الامير نايف وانا افكر في كلامه ........................................................ صرت اتردد لسوريا كل خميس وجمعه الين فلست وصرت اتسلف من ربعي وكثرت ديوني ان رحت لها لازم هدايا لها ولابوها ولحارتهم كلهم صديقاتها وقريباتها ومع ذلك اروح لهم وانا شفقان تقل مسحور وبعد كم شهر حملت ندى ومع مرور الاشهر صادقت ولد خالها وصرت اشك ان اللي في بطنها مهوب من صلبي لعب بي الشيطان وفي ساعة غضب اتهمتها بالخيانه مع ولد خالها هي بدت تكرهني وانا بديت اكرها طلبت منها تروح معي المستشفى نحللها نتأكد من اللي في بطنها من ابوه صاحت واتهمتني بالجنون وبعد ماولدت جابت بنت قمر ومملوحه خذت البنت منها وهي في المطبخ وطرت بها للمستشفى وحللتها وخذو تحليل مني قالو هذي بنتك طبعا انا طاير من الفرحه ومن دخلت الشقه طلبت مني الطلاق وانا انصدمت بطلبها خصوصا اني ما اخطيت لان الجيران كلهم شاهدين ان ولد خالها يدخل لها في الشقه اخر الليل ( وش يسوون ماندري ) . وبعد ثلاث ايام استخاره طلقتها بالثلاث ورجعت للسعوديه وبدت مشكلة الحضانه من يفوز بالبنت انا ولا هي وابوها لازال للحديث بقيه رابط هذا التعليق شارك More sharing options...
أبو حسن قام بنشر July 28, 2004 ارسل تقرير Share قام بنشر July 28, 2004 ههههههههههههههههههههههه مشكور اخوي مجنون حصه على القصه الرائعه عنك وعن الحرمه وعن ابو عنتر بس اكيد صدقيه هههههههههههههههههههه ااما جاك على هالصبح ...... الله يخرجنا تحياتي لك ابو حسن رابط هذا التعليق شارك More sharing options...
مجنون حصه قام بنشر August 12, 2004 الكاتب ارسل تقرير Share قام بنشر August 12, 2004 هلا ابو حسن القصه نص واقعيه بس في النهايه ابكتب اللي صارت له القصه مع اني خايف يزعل مني بس بكيفه لانها للاستفاده والعبره واخذ الحذر <--- حشى برنامج سلامتك اقول اقول ورى الردود كثيره باين ان الجماعه منشدين مع القصه ولا لقو وقت يردون اقول اقول ابكمل القصه بس مالقيت تشجيع نبي تصفيق عشان انفعل واكمل رابط هذا التعليق شارك More sharing options...
الهمام قام بنشر August 12, 2004 ارسل تقرير Share قام بنشر August 12, 2004 هلا بمجنون حصه عاد وعادة إبداعاته المعهوده في سرد القصص بشكل مشوق ((((( لا تغتر علينا ))))) من جد سعودي ما شاف عيشة ما الومه ............. وبس نهايتها طلاق وبالثلاث وراحت الدراهم عليه ليش ما حللها مظبوط وعلقها لا هي مطلقه ولا متزوجة ........... بس وش تقول قل دبره ويا حرام الصغيرة اللي توها جايه في هالدنيا وش مصيرها ما له حق مندفع يبي يحسن النسل باللي هيبه ......... مزدي فيه الأمير نايف يوم يقوله لا هاه شف نهاية الزواج من الخارج ,,,,,,,,,, تبي الجد يستاهل أيه يستاهل أجل يصرف أمه ويرجعها للسعودية عشان وحده ماتستاهل حتى ولو كانت زوجته لا وينصب على هالضعيفه إنتداب عاش مصرف يبي ينفرد فيه ((((((حوبة أمه)))))) حقه وما جاه أهنيك ومشكور في النهاية على قدرتك في ربط الأحداث في القصة وتستاهل هالتصفيقه قلش تحياااااااااااااااااااااااااتي لك رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان