Booking.com

مجنون حصه

الأعضاء
  • عدد المشاركات

    42
  • تاريخ الانضمام

  • تاريخ اخر زياره

السمعه بالموقع

0 عادي

عن العضو مجنون حصه

  • الرتبه
    عضو جديد
  1. هلا بالجميع سمعت في الصيف ان فيه وظايف فرحت لمكتب العمل وقدمت وحطوني في السرا <----- متأثرين بالبلوت مكتب العمل قالو نتصل عليك معك جوال قلت ايه معي قال المظف تشتغل حتى لو دهان وسباك قلت ايه اهم شي ما اسرق يعني ماتشغلوني حرامي قال الموظف وشششششو !!!! قلت لالالا امزح معك قال ابرن عليك دقه واسكر وانت اتصل علي وشف ةظيفتك وشي !!!! بخيل المهم بعد ساعه اتصل وسكر التلفون سريعين مرررره اسرع توظيف في العالم اتصلت عليهم ورد باكستاني قال الوووووووووو انا فيه كفيل يبغى دهان انت فيه شغل دهان ؟؟؟؟ قلت ليش ما اشتغل دهان واتعلم مثل الهنود والباكستانيه وهي شغله بسيطه خل اقول مايخالف ابي اصير دهان المهم وافقت وقلت له ايه انا فيه دهان مافي مشكل صديق قال انت بيت وين ... قلت انا اجي لمكتبكم عشان المقابله الشخصيه قال الباكستاني : لازم انا يجي بيت عشان شوف اول انا جلست افكر وش دخل بيتنا في الوظيفه يعني بيعطوني الراتب حسب مساحة البيت ولا وشلون اللي بيته 300 متر يعطونه راتب الفين واللي ستمية متر اربع الاف ريال ياااااه يازين القطاع الخاص يعطون حسب المساحه جاء الباكستاني بعد نص ساعه لبيتنا وفتحت الباب ودخل في البيت قال لازم اشوف كل الغرف ؟؟ قلت له حتى غرفت النوم حقت امي قال كلو لازم يشوف دخلته في البيت ولف الغرف كلها بعدها قال ست الاف ريال قلت له زياده شوي سته شوي قال : كلو نفر كلام ناقص شوي انت فيه زياده شوي ياصديق لازم انت زياده عشان انا فايده قال سبعه كويس ........... طلعت له خمس مية ريال ودخلتها في جيبه قلت خليها ثمانيه قال ثمانيه مافي مشكل انا غصب علي زعقت وقلت هيااااااااااااااا والباكستاني استغرب وقال بكرا موعد انا يجي هنا انا اسم شوكت انا : ونعم والله شوكت ............. اليوم الثاني : جاء الباكستاني ومعه عمال وفتحت لهم الشغاله(عجوز وسمراء عشان كذا قايلين لها افتحي الباب اذا رن الجرس لان الجني يخاف منها ) ودخلو العمال في مجلس الرجال ودهنوه ابيض وخربزي حسب ذوقهم ويوم جيت بعد نص ساعه سألتهم وين شوكت المدير قالو مافيه موجود هو فيه شغل ثاني بيت بعيد انا خليتهم يدهنون وجلست اتكلم مع امي وقلت لها ان العمل الجديد عطوني راتب ثمانية الاف ريال وبيدهنون البيت قبل يسلموني الوظيفه سبحان الله رواتبهم زينه بيعطوني ثمانيه وبيسبغون البيت وبعد اسبوعين جاء شوكت وقال انت يعطي خمس مية ريال انا يبغى 7500 باقي حساب دهان بيت انتا انا انصدمت كأني مصفوق قلت هذا ايش قال هذا فاتوره شغل بيت انتا قلت والوظيفه قال مافيه معلوم كلام انتا زياده .... اثنين يوم انا يبغى حساب فاتوره ........................... الزبده تسلفت وعطيت الباكستاني فلوسه وبعد خمس ايام من التسديد كلموني مكتب العمل وسكر التلفون كلمته وقلت له وش تبي احد دق على الجوال قال الموظف معك مكتب العمل ترى لازم تراجعنا خلال يومين قلت له العب غيرها دهان وخلصنا وش تبون بعد وظيفتكم وهي لكم لعن الله بليسكم ..................................................... ملاحظه : كنت ساذج وغبي وهذي نهايت قصتي واخيرا ابلغ الجميع باني ابنقطع عن المنتدى لاني مسافر لمدة سنتين وحبيت اودعكم .
  2. القصه ممتازتن بالحيل ولو سحبت فيه البنت الين قالت بس اقتباس كان في وحده نايمه عند بنات خالتها <----- جعلها النعاس ماعندها بيت اقتباس ...المهم جاعوا البنات وتبي تطلب من كنتاكي <---- اكيد المطبخ حقهم خربان ولا الشغاله مزلبتهم وماطبخت اقتباس ...كانت الساعه 4 الفجر!!!!!!!!!!!!! يؤ وش مسهرهم اقتباس راح عطاها رقم جوال وقالها هذا كنتاكي !!! مراقب السنترال واتوقع يفصلونه من العمل لانه يرقم الفجر الساعه اربع اقتباس : قالت كنتاكي..... قال نعم<===متفق مع خويه !!!! اكيد من عيال عم برجس اقتباس فرايد تشيكن <---- يبي لي مترجم عشان اعلق على هالكلمه بدري علي اقتباس لبس بنطلون وتيشيرت وكاب ..ووقف السياره بعيد شوي..ونزل <---- رجال الحسبه نايمين اقتباس هو انبسط وقام يتفرج...البنت حلوه مره<------ اه يالبرتقاله اقتباس في الاخير الولد مره حبها....و تقدم لها وخطبها...وصاروا زوجين سعيدين <--- وجابو ولد سموه سعيد والبنت سعيده اقتباس وصار كنتاكي مطعمهم المفضل <---- بس واجهتهم مشكله وهي ان عيالهم مايحبون كنتاكي يفضلون الهرفي
  3. شكرن على الموضوع والشكر موصولا لجميع اللي ردو بما فيهم انا <---- ملقوف وخاش عرض يقول الشاعر : جامعه كل الحلا وزين الصفاتي .... مانلومك لو مدحت البرتقاله منحرم من شوف لابست العباتي ...شوفها ماكل مخلوقن يناله لوتشوف زيون حرمه امفرعاتي... ان تحط البرتقاله بالزباله ترى القصيده ملطوشه ومنيب شاعر ولا لي دخل في القصيده بس معجبتني خالص خالص
  4. هلا ابو حسن القصه نص واقعيه بس في النهايه ابكتب اللي صارت له القصه مع اني خايف يزعل مني بس بكيفه لانها للاستفاده والعبره واخذ الحذر <--- حشى برنامج سلامتك اقول اقول ورى الردود كثيره باين ان الجماعه منشدين مع القصه ولا لقو وقت يردون اقول اقول ابكمل القصه بس مالقيت تشجيع نبي تصفيق عشان انفعل واكمل
  5. نكمل موضوعنا مع انه طويل وهذا رابط الاولى والثانيه http://harmah.org/index.php?showtopic=6671 اقنعت امي وتزوجت ندى وعطيتهم حدود السبع الاف ريال مهر وبثلاثه شريت لها شبكه وسكنا في الشقه مع امي انا اول ليله مدري جاني شعور كأني ما امشي على الارض كأني خفيف مرررره او اني مستخف احس رجليني معد اوطى عليها دخلت عليها في الغرفه وكانت معها امي قامت امي وصرفت نفسها وقالت امي : سم بالله ياوليدي قلت ليش يمه وانا اباكلها واشوفها تبتسم جعلي اموت قبلها انشالله واقرب من عندها وقلبي يدق تقل مرواس وكل ماقربت دق زيارده واجي ابقعد جمبها ماااار اوطى رجلها وقالت أييي ونتذكر البقس ونقعد نضحك انا من الضحك طحت عليها وهي مواصله ضحك جلسنا نسولف شوي همين طفيت النور <-- مستعجل ابو الشباب ممممممممممممم نكمل القصه دخل الصبح ابو عنتر وهو معصب يسأل امي وين المجنون قالت نايم في غرفته قال لو تكرمتي ناديه لي جت امي وطقت الباب وطلعت عليها بصروال السنه قلت هلا يمه صباح الخير وش فيه على الصبح قالت ابو ندى يبغاك ضروري طلعت له قال انا جاي اخذ ندى لانك مزعلها قلت تخسى والله انت وعشره من اشكالك تاخذ حرمتي مني على هالصبح طلعت ندى وسألها ابوها جعله للعمى : زعلك مجنون في حاجه قالت لا مازعلني بس ماعطاني هدية الصباح ( صباحه ) <0000 توهقنا حتى هم يبون صباحه قلت : تونا بدري ترى صباحنا الظهر في الرياض نصحى الساعه وحده وانت جاينا بدري تكفى لاتأخذ ندى مابعد تهنيت ................................ وبعد مرور ايام عشت في سعاده وفرح انا وامي وندى بدت ندى تغار من امي لدرجة انها طلبت مني اني ارجع امي للسعوديه واجلس انا وياها لحالنا وفي تصرف غريب مني جاريت ندى وصرفت امي قلت لها يمه لازم نسافر للرياض امي ضاق صدرها تبي البراد والفاكهه وسعة الصدر خصوصا ان رجيلاتها على كلامها طابت رجعت للرياض مع الوالده وبعد يوم قلت لامي عندي انتداب تابع للعمل ابروح لجده ورجعت لسوريا جلست 15 يوم وبعدها رجعت للرياض وحاولت اني اجيب امر زواج من سوريا والداخليه رفضو دبرت عمري وقابلت الامير نايف الامير : وش عندك انا : ابي تسمحون لي اتزوج من سوريا الامير نايف : بناتنا فيهن عيب شرعي انا : لا !! بس خطبت عشر مرات مايبوني يبون جامعي الامير : وش يردك كمل دراسك توك شباب انا : عقب ماجربت العمل كرهت الدراسه الامير : بناتنا في البيوت بالخمس والست وانتم تزوجون من برا انا : تكفى طلبتك توافق على خطابي الامير : اقول اذكر الله وفكر زين ترى الزواج من الخارج مشاكل ولو تطلبني عشر مرات منيب موافق <000 ماسكه على عشر انا : شكرا وطلعت من عند الامير نايف وانا افكر في كلامه ........................................................ صرت اتردد لسوريا كل خميس وجمعه الين فلست وصرت اتسلف من ربعي وكثرت ديوني ان رحت لها لازم هدايا لها ولابوها ولحارتهم كلهم صديقاتها وقريباتها ومع ذلك اروح لهم وانا شفقان تقل مسحور وبعد كم شهر حملت ندى ومع مرور الاشهر صادقت ولد خالها وصرت اشك ان اللي في بطنها مهوب من صلبي لعب بي الشيطان وفي ساعة غضب اتهمتها بالخيانه مع ولد خالها هي بدت تكرهني وانا بديت اكرها طلبت منها تروح معي المستشفى نحللها نتأكد من اللي في بطنها من ابوه صاحت واتهمتني بالجنون وبعد ماولدت جابت بنت قمر ومملوحه خذت البنت منها وهي في المطبخ وطرت بها للمستشفى وحللتها وخذو تحليل مني قالو هذي بنتك طبعا انا طاير من الفرحه ومن دخلت الشقه طلبت مني الطلاق وانا انصدمت بطلبها خصوصا اني ما اخطيت لان الجيران كلهم شاهدين ان ولد خالها يدخل لها في الشقه اخر الليل ( وش يسوون ماندري ) . وبعد ثلاث ايام استخاره طلقتها بالثلاث ورجعت للسعوديه وبدت مشكلة الحضانه من يفوز بالبنت انا ولا هي وابوها لازال للحديث بقيه
  6. خالد هذا يصير ولد جيرانا واقشر دايم يكسر لمبات بيتنا ومره مسكته وهو يكسر لمبة سيارتي بحديده قلت له ليش ياخالد تكسر الاصطب قال لمبة السيكل خربانه واباخذ اللمبه حقت موترك ( صفقته بطراقين من القهر ) اللي بعدي حصه
  7. هههههههههههههه موضوع راااااايق فيه سبب رياضي ثاني نتلطم اذا انهزمنا بخمسه مثل النصراويين والهلاليين يعيش الشباب سبب اقتصادي بدل المناديل .... طمل يالهمام ماتعرف تنشق الين توصل للمناديل
  8. حبيت اسجل اعجابي وغشي الحار يامهستر واستمر في هسترتك ونحن وراك موضوع رااااااااااايق
  9. هلا ابوناصر : عز الله انها قصتن ممتازتن بالحيل وهالولد شكله لكيع احرج ابوه معليش مربوشه تلقفت على الملف احسبه كيك وانا جوعان بس انقهرت يوم دريت انه ورد
  10. هلا ابو حسن : اولا العفو ولا شكر على واجب ثانيا اعرف ناس ينامون بالشماغ خصوصا في طلعات البر الجماعيه بتقولي ليش اقولك بسبب الصلعه مايبون احد يعرف انهم مصلعين بسبب تساقط الشعر مع انه وراثه ولاهوب مرض اما القشره خصوصا في الصيف منتشره الله يفكنا منها وجربنا سقنل تو ولا فاد الهمام : مشكور على الرد الجميل والحقيقه اني من اشد المعجبين بردودك الحلوه ولا يهون ابو حسن (قشره )وصدقت في كلامك يالهمام عن صلاة الجمعه انها عيد المسلمين ولا تنسى تدق الترويشه قبل صلاة الجمعه لانها سنه .
  11. السلام عليكم وشلونكم عساكم بخير خلونا نبداء على طول دايم اصلي في المسجد اللي جمب بيتنا وكنت محافظ على الصلاة والحمد لله وفي يوم من الايام وانا طالع من المسجد مسكني واحد من المصلين وقال ليش تصلي الله يهاديك بدون شماغ !! قلت له ليش حرام اصلي بدون شماغ قال : لا بس الرسول اللهم صل وسلم عليه اوصى بأخذ الزينه في المساجد وقال خذو زينتكم عند كل مسجد قلت : وانا متزين ولابس ثوب ومتعطر عشان المسجد قال : لا !! بس انت مكدد شعيراتك وداخل المسجد كأنك رايح لمباراة قلت : يخوي ان صلينا قلتو بدون شماغ تكفون خلوكم في حالكم واعبدو ربكم وخلو عنكم الحش وشجعو الشباب على الصلاة وترى بعضهم يصلي بقميص نوم وهذا يمكن تنصحه يلبس ثوب اما اللي مثلي لابس ثوب فأعتقد انه ما اخطى لأن الثوب بدون شماغ طبيعي قال: تبي الجد انا معك في كلامك وهالحين ابيك تقول لي وش الفرق بين لبس الشماغ وبدون قلت الفرق ان اللي يلبس شماغ لازم يشيله معه في السياره واللي مايلبس يرميه في البيت وتقام الصلاة وهو مضيع شماغه ولازم يلحق على الصلاة قبل تفوته وبعدين ماتلاحظ اني عطيتك وجه واخرتها تقول انك معي في كلامي قال اخر سؤال ولا تزعل : انت تزور الناس في بيتهم بدون شماغ قلت : ايوالله اني اسير على ربعي واقاربي بدون شماغ ولا يتشرهون لانهم عارفين اني ما احب الشماغ هاااااه فهمت قال : فهمت بس لاتطقني شباب خلونا نناقش هالموضوع الجميل لبس الشماغ في المسجد والزيارات العائليه انت مؤيد ولا معارض والفرق بين الاثنين شاركو برائيكم الشخصي
  12. هههههههههههههههه هههههههههههههههه تعيش وتاخذ غيرها يبو ناصر وثاني مره تمقل في اللي يبيع وتاكد منه تراهم طبقو السعوده ولعد تستخدم صديق وقل لو سمحت يالحبيب بكم هذا انا مواقفي كثيره لكنها تفشل واخرها (واحد من ربعي يكلمني بالجوال ويقول ابدخل عندك اتقهوى قلت له اني في السوق انا وامي وشكل امي مهيب مخلصه هالحين يالله تخلص على صلاة العشاء قال اقول بلا تصريف توي مصلي في مسجد حارتكم وشايفك داخل بيتكم لكن اللي اردى منك اللي يعزم نفسه عندك وقفل السماعه
  13. افاااااااااا راحت علينا الجائزه
  14. والله انتس مربوشتن صدق عظم كلب !!!! وش اسوي فيه لايتعرمش ولا شي اهدي اللي بعدي قلم رصاص بس مكسور والمساحه خربانه
  15. الف ريال اخو الميه ولا الف حرف اخو الطاء