مجنون حصه قام بنشر June 1, 2004 ارسل تقرير Share قام بنشر June 1, 2004 خل نكمل السالفه ... اقرو الحلقه الاولى قبل هذي لو سمحتو على هالرابط http://harmah.org/index.php?showtopic=6663&st=0& مدري الرابط صح ولا خطاء يصححونه المشرفين انتسانه موضوع ثاني وفجأة شفت أبوها قدامي وجاني مندفع ويصكني بقس على عيني مار مسكت عيني وقلت : أيييييي وجلست على الركبه اليمنى وسويت نفسي منصرع وانسدحت على ظهري وطلعت لساني ( ابي الفكه من باقي الجلد ) والمثل يقول ياغريب كن اديب والصدق كنت وسخ مع البنت انا وخشتي !! مار يمسكني ابوها مع يدي يبي يوقفني واسمعه يقول لبنته : العماء شكله مااااااات وهي تقول له ليش هيك عملت يا بابا ياحرام كان مؤدب معي كتيييييير ( بدت تلين ) المهم قرب من عندي وقال لسا يتنفس ويقول لبنته يالله نشيله ساعديني ساعديني نشيله للشقه قبل يشوفونا الجيران ويمسكني مع يدي ويوقفني وهي تمسكني مع اليد الثانيه وتصير وحده من يديني فوق رقبته هو والثانيه فوق رقبتها هي <--- محظوظه هاليد امي داعيتن لها ويدخلوني في الشقه ويجيبون لي مويه وتقعد تسمدني بالفوطه من تحت عيني الليي صكني معها ابوها جعله للكسر وراح ابوها يجيب علاج لي من الصيدليه ومن طلع من البيت وانا مفتح وقلت لها ويني فيه قالت في بيتنى قلت وش جابني عندكم قالت حضك ولسانك ورفعت يدي وقلت ياربي ياربي انك تزوجني هاللي قدامي يارب ضحكت وقالت ياالله شو خفيف دم قلت جعل ابوك يصدم في ماصوره ويتأخر ولا يجيب العلاج هو ويده هالمطرقه قالت شو عرفك انو بيجيب علاج قلت احساسي وحبي لك قالت يخرب بيتك بتمثل على بيي قلت يلعن بيك شو خرب عيني وشوه خدي وهي تضحك مبسوطه قلت اه قالت سلامتك من الأه <-- يمدي بناتنا على هلأسلوب قلت وش اسمك يابعد روحي <-- بدا يمون ابو الشباب قالت اسمي نداء قلت يازينك ويازين الندى طيب وش اسم بيك جعل يده اليمين للكسر قال ابوها كسر يكسر خشمك شو قليل ادب <-- جا ابو عنتر وخرب علينا الجلسه ليته تأخر الين نجمركها ابوسه الصدق ابوها شري وقليل ادب وقوي فلازم اني اسايسه واعلمه اني جاي لسوريا مع امي اعالج اسنانها لايحسبني داشر من حقين البسوت <-- جمع بست - نسينا ماكلينا قلت ابو عنتر انا جايب امي معي عشان اعالجها وساكن معكم في نفس العماره في شقه 12 والوالده ضايق صدرها لحالها ودي اناديها هنا عشان تسولف مع ندى وتتعرف عليها وعلى ام ندى قال امها ميته رحمت الله عليها قلت اجل تتعرف على ندى وندى عن عشر حريم رجاله بنت ارجال قال شو قلت حرمه بنت حريم قال شو قلت حرمه بنت شوووو <-- منحاس الولد معد يجمع المهم اني اقنعته اني اجيب امي عندهم وجبتها وتعرفت عليهم وكانت تتغطى عن ابو عنتر وحاولت اني اخليها تفتش قلت لها يمه حنا برى الرياض خلينا نفلها وافتشي لبو ندى وخليه يمكن يخطبتس وتعرسين عقب الوالد الله يرحمه ويسكنه الجنه عيت امي تفتش بس انها تقعد معه في المجلس وانا فالها بين امي وبين ندى وابو عنتر يتنحنح يبيني ابعد عن بنته انا انسبهت معها وامي بعد صارت تحبها مرررررره لانها صدق تنحب اخلاق وجمال وشقار وكلشن جامعته مهيب زي بناتنا سمار مع شهاب مع شين وركبن واكواعن سود <-- هذي نظرتي السابقه وفيه نظره لاحقه ابمدحكم عقب لاتزعلون ولا تستعجلون يالسعوديات البنت حبتني وحبت سواليفي وانا بعد اذا جاء طاريها يفز قلبي واتشقق من الفرح وفي يوم من الايام صارحت امي وقلت ابخطبها واتزوجها ونوديها معنا للسعوديه قالت امي عسى ماشر عسى منتب مسخن انا احسب الدعوى مزح صارت رزح اثرك مخطط تزوجها يالخبيث هالحين بناتنا وش كثرهن في السعوديه كل بيت فيه خمس بنات طب وتخير قلت يمه يتشرطون يبون يسافرون في شهر العسل لباريس وانا ماجددت جوازي ويبون مهر خمسين الف وانا مامعي دفتر شيكات ويبون سياره فخمه وانا مابعد بعت الكامري حقتي ويبون قصر وانا مابعد بعت بيتنا الاول ............................. اقنعت امي وتزوجت ندى وعطيتهم حدود السبع الاف ريال مهر وبثلاثه شريت لها شبكه وسكنا في الشقه مع امي انا اول ليله مدري جاني شعور كأني ما امشي على الارض كأني خفيف مرررره او اني مستخف احس رجليني معد اوطى عليها دخلت عليها في الغرفه وكانت معها امي قامت امي وصرفت نفسها وقالت امي : سم بالله ياوليدي قلت ليش يمه وانا اباكلها واشوفها تبتسم جعلي اموت قبلها انشالله واقرب من عندها وقلبي يدق تقل مرواس وكل ماقربت دق زيارده واجي ابقعد جمبها ماااار اوطى رجلها وقالت أييي ونتذكر البقس ونقعد نضحك انا من الضحك طحت عليها وهي مواصله ضحك جلسنا نسولف شوي همين طفيت النور <-- مستعجل ابو الشباب قالت خير انشالله .......... ومن باتسر الصبح وابو عنتر مصبحنا ويدخل في الشقه ويقول ... باقي كم حلقه تحملوني رابط هذا التعليق شارك More sharing options...
رهف قام بنشر June 1, 2004 ارسل تقرير Share قام بنشر June 1, 2004 يامجنون حصه متى يخلص حلمك تراك طولتها هههههههههههههه من بداية الامتحانات وانت تحلم رابط هذا التعليق شارك More sharing options...
فيد غانم قام بنشر June 2, 2004 ارسل تقرير Share قام بنشر June 2, 2004 ابيض ياورد رابط هذا التعليق شارك More sharing options...
راعية جبل عسره قام بنشر June 2, 2004 ارسل تقرير Share قام بنشر June 2, 2004 يا خزياه في امك تبيها تفتش عقب العمر ذا كله ... الحين السوري صار اسنع منك بس المراد/ القصة حلووووووووة وننتظر الجزئ اللي بعده .. والمزيد من الابدااع يا مجنووون حصة تحياتي رابط هذا التعليق شارك More sharing options...
مجنون حصه قام بنشر June 27, 2004 الكاتب ارسل تقرير Share قام بنشر June 27, 2004 رهف : قولي انه صار مسلسل مكسيكي ولا تستحين فيد غانم : احمر شفايف راعية جبل عسره : واذا فتشت وش عاد ابيه يخطبها ويتزوجها مهوب الشرع محلل ان العروس تفتش لعريسها قبل العرس ويتمقل فيها شوي وبعدين عقب مايتزوجها ناوي انفرد انا وندى لحالنا بدون احد في سوريا وفي السعوديه اقول شدو حيلكم ترى المسلسل بيطول شوي وباتسر الحلقه الثالثه وهو يتكون من خمسين حلقه رابط هذا التعليق شارك More sharing options...
الهمام قام بنشر June 28, 2004 ارسل تقرير Share قام بنشر June 28, 2004 السلام عليكم وعزالله إنك خفيف دم يامجــــــنون حــــــصـــــــه ما كذبت ندى الله يستر عليك انت وحلومك واصل وحنا معاك اهم شي لا تفوتني الحلقة الأخيرة كانا من الحيين شكلها هي اللي عليها الكلام بس تكفى لا تصير النهاية مثل الأفلام المصرية عشان ما اتحطم لإني متحمــــــس مررررررررررره لها. ودمــــــتم أخوك الهمام رابط هذا التعليق شارك More sharing options...
مريوشة العين قام بنشر July 6, 2004 ارسل تقرير Share قام بنشر July 6, 2004 هههههههههاي حلمك متى يخلص تراك مصختها رابط هذا التعليق شارك More sharing options...
مجنون حصه قام بنشر July 7, 2004 الكاتب ارسل تقرير Share قام بنشر July 7, 2004 ما عليك زود يالهمام وانت كلك ملح اقول مهيب فايتك انشالله بس تكفى قل للمشرفين عندي مشكله ان حطيت الرموز يفصل عندي الموقع كله شكل موقعهم عنده حساسيه من الموز قصدي الرموز خصوصا رمز الحب الاحمر ترى موز طالعه بالغلط وتعيجزت ارد وامسحها مربوشه اركدي واصبري تراه مهوب حلم هذا علم ولا تطيرين في العجه مثلي في سوريا للمشرفين فقط : تكفون اتعب واكتب همين ينلغي بكل بساطه شوفو حل عاجل ولا اشتكيتكم رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان