bent^njd قام بنشر February 13, 2004 ارسل تقرير قام بنشر February 13, 2004 هل تغفـــــــــر لزوجتك ماضيها ؟؟؟ وهل تقبل الزواج عن حب ؟؟ من عنوان هذا الموضوع الذي سيطرح هاهنا اود الاجابه والمشاركه من جانب كل عضو الماضــــــــــــي العاطفي هل هو حلال على الرجل و حرام على المرأه؟؟؟؟؟؟؟؟؟؟؟؟؟؟؟) الموضوع هذا مو بهين خاصة في المجتمع الخليجي انتشر الحب والإعجااااااب بين الفتاه والشاب وبعض الأحيان يصل لمستوى الجريمه الى ماتغفر وبمجرد ان تنتهي العلاقه بين الولد والبنت يصير اسم هالعلاقه: (مـــــــــــــــــــــــــــــــاضي عاطفـــــــــــــي) طبعاً اذا عرف المجتمع يحكم على الشاب بأنه لهو وتسليه وطيش ويحكم على البنت بأنها خاينه ومنفلته ومخطئة. هذا الكلام كله معرووووووووووووووف ومايحتاج نتكلم عليه ولكن المشكله اذا عرف الزوج بأن زوجته لها ماضي وش هي ردة فعله واذا عرفت الزوجه ان زوجها كان (توووووووب علاقات بنات) وش ردة فعلها. كمجتمع خليجي اكيد المرأة راح تغفر لزوجها ولكن الزوج(احم احم) هل ممكن يطلقها؟ اخوى القارئ تخيل انك في هالموقف لاقدر الله وش راح تكون ردة فعلك وبصراحه شديده؟ او انك ر اح تتزوج عن حب عشان تكووووووووون دارس البنت100% اثناء العلاقه؟ شرط ان علاقتك تكون مهعا نظيفه وطاهره وبريئه تحياتي __________________
أم الـقنازع قام بنشر February 13, 2004 ارسل تقرير قام بنشر February 13, 2004 (معدل) مرحبا اختي بنت نجد صراحه موضوع شيق مره مثير للجدل انا بنظري ان مافي انسان معصوم من الخطاء ومافي احد ينولد رسول كل انسان له هفوه وزله بحياته حتى اذا بنرجع للعصور القديمه بنجد قصص حب كثيره عنتر وعبله قيس وليلى روميو وجلييت لذلك اجد الحب ماهو عيب ولاهو حرام اذا لم يتعدى الشي المشروع لاكن السؤال هل الحب هذا صادق ام لا الاجابه هنا دائما تكون ناقصه من جانب الرجل وليس لانه رجل لا وليس لاني متحيزه لبني جنسي وهم البنات ولاكن البنت غالبا ماكتون صادقه بحبها لان معروف ان عيب الرجال بجيبه يعني ما يضره لاكن البنت بتكون لها فضيحه وشي ماصار انا اجد ان الحب اسما شي بالوجود واللي يحب صدق يغفر للي يحبه كل زلاته ويحسب له الجاي قال تعالى ( ان الله غفور رحيم ) حتى الله يرحم اذا تاب ابن ادم فهال نحن البشر سنكون احسن من اللاله؟؟ طبعا لا ليعيش الانسان يجب ان يدمح الزله وشكرا تم تعديل February 13, 2004 بواسطه أم الـقنازع
مزعلة النسا قام بنشر February 13, 2004 ارسل تقرير قام بنشر February 13, 2004 بسم الله الرحمن الرحيم ... اختي بنت نجد في مجتمعنا تقدير تقولين صار عيب الرجال ولو وصل للحرام والعياذ بالله متجاوز ومعفور له بحكم انه رجال ............ ومثل ماقال الشاعر نواف الدبيخي صح لسانه على القصيده الرائعه بذكر منها هذي الابيات اللي تبين ان الرجال على قولت مجتمنا شايل للعيبه يعني ماله عيب .... وهذا مو صحيح لان الرجال هذا بيكون له عيال يشـــيلون اسمه حنا ولدنا في عـفاف المضارب ........................... واليوم .. حـنا في المداين عرايا صارت خطايانا تسمى تجارب ........................... وصارت تجاربكم تسمى خطايا -------------------------------------------------- وهذي ابيات للشاعر المرحوم طلال الرشيد ... كلمات جدا صادقه والله يجزاه بالجنه لان فيه بنت تابت من ماكانت حايتها لهو مع الشباب بعد ما سمعت هذي القصيده وارسلت للمرحوم طلال الرشيد صديقة المعنيه التائبه رساله لمجلة فواصل تشكر الشاعر طلال الرشيد الله يرحمه وتم ذكر قصتها في فاصله بيضا ... " هذي الحقيقه ..مايجي في الكون اطهر من يديك .....................وانا الذي انقض وضوء الغيم ..والمــا .. والهبوب * انقــل عيوبي .. فوق متني .. وانتِ لك عيبــك شريك .................... وبــاكر تبسم لـي وجيـه .. لك يعبسها الشحوب وهذا غلط والرجال بيتحاسب يوم القيامه ، الرجال اليوم حر وطليق وبكره زوج و أب ومو بعيده ان الخاين لدينه وبنات الناس .. ما يتزوج خاينه لدينها واهلهـــــــــا ... ما يفكر ببناته . والرجال اكثرهم يقولون ما عندنا اخوات ... ولا خواتي كبار ومتزوجات فكر بزوجتك .. وبنتك .....[ ياليت يصحى كل رجل غافل عن هذي النقطه ] الله يمهــــــــــــل ولا يهمل .... والكلام ايضا موجه للبنات الخائنات واحب اذكركم بكلام الله عز وجل ... *{ الخبيثات للخبيثين والخبيثون للخبيثات والطيبات للطيبين والطيبون للطيبات أولئك مبرءون ممــايقولون لهم مغفره ورزق كـــريم } * *سورة النور ايه 26 امـــــــــا من وجهة نظري الشخصيه ... [ طبعا مافيه شاب مــا مر بتجربه هذا صار قانون عندهم الله يهديهم الا من رحم الله ... لــــــو تزوجت واحد مشاء الله عليه معاه دكتوراه في المغازل .. ما راح افــأتحه في ماضيه اللي يسود الوجه ولا ابي اعرف عنه الشي هذا ومثل ما يقولون " حـــكيٍ في اللي مـــــضى نقصٍ في العقل " والله يغفر للانســان ويتجاوز عنه كيف حــــــــنا ما نسامح " والاســـــــلام يجب مـــا قـــبله " انا ما ابي اعرف عنه الشي هذا عشان ما تنعدم الثقـــــه بيننا ويصيبني مرض الشــــــــــــك فيه وهذا شي اساسي .. هذا مـــاضيه وعفـــا الله عما سلف .. بس اهم شي مايكون يحب في ماضيه لان الماضي بيكون محفور في قلبه و انا اكون ضحيه لزوج قلبه مو ملكه الله يستر اما اذا كــــــــان ماضيه فيه محرمات " اللي هي شـــرب الخمر ، الزناء " اللي انتشر والعياذ بالله بين شريحه من شبابنا الله يهديهم ويستر على باقيهم . اتمنى اعرف قبل ما ارتبط فيه ... لان بختصار اللي ما يخاف الله ما يخاف خلقه ومافيه خير . والله يرزقني واخواتي المسلمات الصالح من خلقـــه . لا تاخذك نشوة شبابك والامــــال ................... احـــلامك الورديه تموت .. بالـلـــمس مــايـامنك بكره على بيت وأطفال .................. اللي يشوفك خــاينه بيت اهلك امـس الشاعر نواف الديخي .. امــــــــا بالنسبه للرجال اللي يكون نصيبه من زوجه سبق لها الحب او اللهو فا ما اقدر اقول شي لان كل انسان وله تفكير ووجهة نظر والله يســــــــــــتر على بنات المسلمين وشبابهم اذكركم مافيه فرق بين الرجل والمرأه في هذا الشأن اعتذر على الاطاله لـــــــكن الموضوع محمس ودي اكتب بس الكلام ماقل ودل وليس ما كثر ومـــــــل . ..يعطيك العافيه تحياتي..اختكم ليالي نجد
bent^njd قام بنشر February 18, 2004 الكاتب ارسل تقرير قام بنشر February 18, 2004 ام القنازع..مشكوره على مرورك ورايك..ماقصرتي.. ليالي نجد..الف شكر على ردك الاكثر من رائع الذي يدل على عمق ثقافتك ووعيك.. اتمنى من جميع الاخوه المشاركه...
المنفهق قام بنشر February 18, 2004 ارسل تقرير قام بنشر February 18, 2004 (معدل) الأخت bent^njd اشكرك علي طرحك لهذا الموضوع الحساس ولكنه فعلا يستحق النقاش اولا انا لي تعقيب علي ما ذكرته الاخت "ليالي نجد" بأن البنت غالبا ما تحب بصدق عكس الرجل!! الفتاه في مجمعنا اذا عرفت الحب تعرفه من منطلق عاطفي بحت وتحب بقلبها فقط وهذا ما يحسنا بأنها تحب بصدق وتفاني ... ولكنه حب في اغلب الاحيان سطحي برغم شعورها وشعورنا معها بعمقه وصدقيني ان نسينا هذا الحب اسهل عليها مما تتصور اما الرجل وهنا تكمن المشكله فهو اذا احب أحب بعقل وقلبه معا وهذا ما يجعل حبه رقما صعب في المعادله لا تفهمه كثير من البنات وقد لا تشعر به لعمق هذا الحب وبعد نظره اما في ما يتعلق بالموضوع الرئيسي وهو الغفران للخطايا او الماضي فهذا حق مشروع للكل ومن كل الطرفين ولكن وهذا هو السؤال الاهم ما هو الضمان الحقيقي لعدم تكرر الغلط في المستقبل ؟؟؟ هذا ما يجل المخطئ يبذل قصار جهده في حل القضيه ومن جهته هو فقط تم تعديل February 18, 2004 بواسطه المنفهق
السعودي قام بنشر February 25, 2004 ارسل تقرير قام بنشر February 25, 2004 -------------------- اقتباس من المنفهق اما الرجل وهنا تكمن المشكله فهو اذا احب أحب بعقل وقلبه معا وهذا ما يجعل حبه رقما صعب في المعادله لا تفهمه كثير من البنات -------------------- الأخ المنفهق تحياتي لأجتهادك في ايضاح المعادله لكن لا أعتقد ان تحل المعادله لعدم استيعاب الكثيرون لماهية المعادله اصلا مع التحيه
أم الـقنازع قام بنشر February 26, 2004 ارسل تقرير قام بنشر February 26, 2004 -------------------- اقتباس من المنفهق اما الرجل وهنا تكمن المشكله فهو اذا احب أحب بعقل وقلبه معا وهذا ما يجعل حبه رقما صعب في المعادله لا تفهمه كثير من البنات -------------------- الأخ المنفهق تحياتي لأجتهادك في ايضاح المعادله لكن لا أعتقد ان تحل المعادله لعدم استيعاب الكثيرون لماهية المعادله اصلا مع التحيه _______________________ اعزائي(المنفهق والسعودي) انا اايدكم بهذه المعادله مستثنيه بذالك ان حب البنت ليس عميق رغم احساسها بعمقه وانها مالا تتركه فانها تنسااه اخي المنفهق الحب كلمه ساميه فالانسان لايرخص قلبه لاين كان لسبيل الحب فعندما نحب نحن البنات نرسم طرق مختلفه لهذا الحب يصبح هو شاغلنا الشاغل هو مانفكر به ونبحث عنه لجمود العاطف المعروف في العوائل السعوديه نادر ماتجد اب يضم ابنته وام تعانق ابنتها تمسح دمعتها فتجد الفتاه حينما تحب فهي تحب بكل احاسيسها فيكون لها الحبيب الاب والام و الحبيب والصديق لذالك اجد ان نسيانه صعب الى في حاله واحده (اذا كان شخص ما يستاااهل ) وشكرا
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان