فتاة سوق السبت قام بنشر October 26, 2003 ارسل تقرير قام بنشر October 26, 2003 رحـــــــــــــــــلـــه في الـــرمـــــــــــــــــلــه(3) .. كوكــــــــــتيل صيـــــــــد ومــقــنـــــــــــاص ... ارحبـــــــــــــــــــــو ياهلا 111 ياهلا111111 باهل الصيد والمقناص واللي مالهم في الصيد بعد ياهلا111 ياهلا11111 طبعا هذا اخر جزء من الموضوع رحله في الرمله وهو عباره عن كوكتيل تصييد اتمنى تستمتعون في كل فقره فيه ~*¤ô§ô¤*~ كــيف تصـــيد ضــــبا ! ~*¤ô§ô¤*~ لتصييد الضبان طرق عديدها يتبعها الشباب منها التغريق والشكمان والمحباله ...الخ طبعا الطريقه اللي راح نشرحها هي طريقه المحباله وهي موضحه بالصور الضب حيوان زاحف يعيش في الصحراء <<< احلفي وشي طبيعا له خبره في الحياه ولايغرك شكله لانه تراه ذهييين وحنقي ويعصب بسرعه خاصه اذا فتح خشته وقام ينافخ فلازم تاخذ حذرك منه . (1) الخطوه الاولى : اولا جب حبل صغير يكون لونه مثل لون الحجر يعني ترابي (انظر الصوره ) وزبطه زين عند حجر الضب وادفن بعضه في التراب بس موب عاد تحفره في الارض شي بسيط (2) الخطوه الثانيه : بعد ماتحط الحبل الهى شوي عنه وزبط قشك للطبخ وتنظيف الضب <<< مابعد صاد شي حتى يزبط وشب النار وقطع البصل طبعا الضب بيشم الريحـــــــــــــه وبيطلع من حجيررررررره ماغط اول ماتشوف رويسه تلقط الحبل وهو في هذه الحااااااااااله بيعد يفحط ويحاول ينحاااااش بس هاه لايخوفك ( انظر الصوره ) (3) الخطوه الثالثه : اقضبــــــــه زين وصك على خشته عشان مايناااافخ واجد ويروعك ولم السكينه واسدحه وسم بالله وقطع رقيبته طبعا ماراح يموت على طول ويمكن ينحاش وهو مقطوع الراس <<< بسم الله انتبه زين خله في يديك لين يفقد الوعي بعدها قطعه وقشره <<< قصدي اصلخه وزبطه على مريقه وبالعاااااافيه ~*¤ô§ô¤*~ كبســـــــه ومظبي القميري ~*¤ô§ô¤*~ القميري من اشهر الطيور الموجوده في المملكه واطلقـــــها طعما << مع اني مازد ذقته بس يقولون واليكم طريقه كبــــسه القميري.... المقادير : بصـــل طمــاط فلفل اخضر بهارات حسب الرغبه ثلاث حبات لومي رز ابو كاس <<< تسوي دعايه لبرنامج مواهب وافكار خخخخ ماء ملح زيت طبعا حمام بري (القميري ) يكون منظف الطريقه : اولا تحمس البصل مع الزيت لين يشقر همين تضع الطماط المقطع وتحركه اذا رغبت الطماط ويمكن الاستغناء عنه بعدها نضع البهارات والملح وثمين نضع القميري المنظف ونقلب حوالي خمس الى عشر دقائق بعدها نيف الماء حسب كميه الرز المراد طبخها واذا فاح نضع الرز وبعدها اذا طبخ وارتفع الرز نقصر عليه ونحط دونه الحديده ( الدائريه ) ونصبر شوي ونحط الومي الفلفل ( الحبحر الحار ) واذا زااااااااان واستوى يفضل تقديمـــه في بلــــــــم دائري او تبسي لان الاكل احنط فيه خصوصا الكبسه وبالعااااااااافيه للجميع ***** طريقه القميري المظبي موضح بالصور ***** يصف القميري على الحجاره كماهو موضح بالصوره ياعميري عصيقيلاتهن متطايره ياحر الموت حرااااه الله يعينا عل يومنا لايتفوتكم الجيوب اللي ملبقه <<< شدخلها السالفه الصوره هذي اكثر توضيح نرى فيها القميري مصفوفا على الحجاره وتحتها الجمر ~*¤ô§ô¤*~اسلحـــه صيـــد ~*¤ô§ô¤*~ (1) ام 4 سوبر 90 (2)ام 1 سوبر 90 (3) اسد اوبرا (4) سوداء (5) ملونه بعد (6)حركه شكلها (7) شكلها غاليه خشاب (8) رفيلو اتمنى تكون جميع الاجزاء نالت على اعجاب الجميع واللي عنده اي توضيح يضيفه لنا هنا لانني تراي عليميه واكتب لكم حسب مااخذه من علم يجيني فاي عضو او عضوه عنده اضافه بطرق الطبخ العصافير الحمام او صور صيد او اسلحه او حتى طرق لتصييد جرابيع العصافير الارانب يمدنا ويكون مشكورا ... للامانه ... في الاقتباس << اقتباس مهب نقل وقص ولزق (الجزء الثالث) كان فيه بعض الاستعانه ببعض مواقع الصيدحتى اوضحه توضيح صحيح مثل الصور و اقتباس بعض طرق الصيد .. فقط تقبلوا تحياتي محدثتكم فتاة سوق السبت
صدى الذكريات قام بنشر October 26, 2003 ارسل تقرير قام بنشر October 26, 2003 يامرحبا مابغا يطلع الجزء الثالث بس ولو متعوب عليه (; صور وحركتات وشغل نظيف عاد انا مب راعي بران الا اذا صنفت يعني بالاعياد المواسم بس عندك بالاسلحه اسم اول مره اسمعه فيه (6)حركه شكلها حطي اساميهن ولا شكلك توهقتي بس الدنيا لك وعليك موضوع تييييييييقا فللي تشكرين عليه وتقبلي خالص تحياتي لك اخوك صدى
فتاة سوق السبت قام بنشر October 26, 2003 الكاتب ارسل تقرير قام بنشر October 26, 2003 ياشينــــــــــــــك ياصدى ياحبك للتفشيل ياخي ماعرفت اسمها قمت حطيت (حركه شكلها ) <<< تصرف دايمن تقفش الله يصلحك على العموم مشكووووور على ردك والله هو متعوب عليه لانه بوقت امتحانات وماقدرت ازبطه عشان كذا طولت فأعذروني المواضيع القايه ان شاء الله ماراح اتاخر الف الف شكرا لمرورك يابو قفشات <<< الاسم الجديد لصدى خ خ خ اختك فتاة
مرتـــــــــــــــاح قام بنشر October 27, 2003 ارسل تقرير قام بنشر October 27, 2003 ^ ^ ^ <<---- داخ الحمد لله إني ماشفت هالقميريات وانا صايم كان علوم انتبه زين خله في يديك لين يفقد الوعي ^ ^ ^ حشا صارت غرفة عمليات ياعميري عصيقيلاتهن متطايره ياحر الموت حرااااه الله يعينا عل يومنا ^ ^ ^ ياعميري يالحنيه <<---- قسمن بالله يضحك تشكرات مزمزيل فتاة على الأجزاء الجميله اللتي اتحفتينا بها وننتظر المزيد من الأبداعات فاصل إعلاني مابغى يجي الجزء الثالث --->>> وجع تخبصـ ـ ـ ـ ـ ـاتي
فتاة سوق السبت قام بنشر October 27, 2003 الكاتب ارسل تقرير قام بنشر October 27, 2003 هلاااااااااااااا مرتاح بيه ايوه الله اشوى انك شفته في الليل بعد اقعد استاثم فيك عاد بالله وش يجوز لكم فيها ياخوي الدجاج اطعم واكبر واحنط <<<< العفووووو مستر مرتاح على الرد الرائع اهم شي انبسطتوا مع الاجزاء الثلاثه وان شاء الله الجاي احلى مابغى يجي الجزء الثالث --->>> وجع ^ ^ ^ اللهم اني صائمه يوجع بطــــــــــــــــن العدوووو بلى وش اسوي مافضيت وبصراحه انا كان ودي بتقديمه باحسن من كذا بس ياله الظروف حكمت تحياتي الصائمه <<<< جويعانه فتاة سوق السبت
كتكوت قام بنشر November 10, 2003 ارسل تقرير قام بنشر November 10, 2003 هلااااااااااااااااااااااا بأم السعسعة؟؟ وش ذا الطريقة الجديدة في صيد الضببه؟؟ والا الحرب خدعه والأسلحة تتطور))؟؟؟ اللي اخبره اننا نترس جحر الضب بالماء اللين يفيض بعدين نترزز عند الجحر والا طلع قضبناه مع راسه والا إذا صار جبان وطلع عكس قضبناه مع عكرته (مع التنبيه الى احتمال خروج الخادمه عقرب او السائق برصي قبل خروج الضب) والا اذا ماصار فيه مويه نحفر الجحر الييييييييييين ناصل آخر الجحر ونطلع الضب بس يضير مقطوع شوي من عكرته (مع الحماس في التحفير) هذا اذا ماانشق بطنه!!! والا بالشكمان حق السيارة ندعس في الجحر اليييييييين ينكتم الضعيف ويطلع بالعاده يطول الا الا صار فيه ربو يطلع بسرعه!!!! بس هذي طريقة جديدة وزينه؟؟ وانا اشوف الضب مستنكر هالطريقة في الصورة؟؟؟ تسنه فاق اثمه مستغرب!!! الدزميري ابطمره مااعرف فيه شي ولادزد ذقته!! ابسأل عنه وارجع لكم؟؟؟ <<< يالخكري!! اما البنادق صرااااااحة فهييييييييت عندهن ؟؟؟ منتيب عاقلة يافتاة يطلع منتس حركات ولو راعية بر شكلتس يالخبيثة؟؟؟ صراحة الأجزاء حقت الصيد حلوووووووووووووووووووووووة مرررررررررة وتسلميييييين عليها... جهد تشكرين عليه.. ياااااااااامااااااااااااااال العاااااااافية بس....... يالله.. فمان الله....
فتاة سوق السبت قام بنشر November 10, 2003 الكاتب ارسل تقرير قام بنشر November 10, 2003 هلا بالغــــــــــــــــــطاس اقول ماجبتا شي جد عن ام السعسه <<< تموت على السعسه مشكور على دعمنا بطرق صيد الضبان الاخرى : (1) نترس جحر الضب بالماء اللين يفيض بعدين نترزز عند الجحر والا طلع قضبناه مع راسه . (2) اذا ماصار فيه مويه نحفر الجحر الييييييييييين ناصل آخر الجحر ونطلع الضب . (3) بالشكمان حق السيارة ندعس في الجحر اليييييييين ينكتم الضعيف ويطلع . <<< كانت بتكتـــــــبها بس بصراحه ماعرف وش باقي تفاصيل الطريقه اعرف انه يغرق بالماء ولا يكتم بالشكمان ولا يحفرون حجره بس هماي خفت اكتبها ويطلع اخطاء واتفشل ولا اخوي مالت على خشته اتطلبه اسبوع ابيه يعلمني ويتلهله عني قلت مار حسدن له بنزل الموضوع وخليه ينقهر واروح وادعفس في مواقع الصيد لين جبت هالطريقه <<< يووووووووووووه بصراحه توي ادري ان الضبب عندهم شغلات وسووايق ههههههههههههههههههه معلومه جديده تشكر عليها مازد ذقتــــــا القميري الحين تاكل هالدينصورات ولا تاكل العصفورات والله العصافير ارحم من ابو عكره الف شكر على ردك المفهــــــــــي مثلك وتعليقات واضااافاتك الرائعه واقول اسال عن القميري ورد لنا هماااااااااه تحياتي اختك فتاة سوق السبت
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان