@/////// موقف مر عليك وانت في الســــــوق ///////@

هاااااااي صبياااان وصباااااااايا ....

نبي نتــــونس عاد .. ونوســـع صدورنــا .. مب كلش للساخر ..

<= أعوذ بالله

نبي من كل عضو وعضوة .. لاهنتـــــوا .. يعطينا اطرف موقف مر عليه في السوق ..

سوا مضحك .. يفشل .. يضيق الصدر .. نادر حدوثه ..

أهــــــم شي نحرك البوابــه ..

ونوسع صدورنا .. ونكون أسره بالفعل ..

وتصيربوابتنا تنافس المنتديات الثانيه ..

ومني لكم هالموقف ..‍‍

مــرة من المرات كنت أسعسع في أحد مراكز الرياض .. المهم ..

من زين الطبايع حاطه فليساتي مع اختي ( قراده ) رحت أبسير على محل من المحلات وخبري أن اختي عند كشك تشتري شبصات ..

يوم رجعت ولا العالم مختبه ..

أثر البوك مسروق وفيه الفين وثلاث ميه حقات أختي غير فلوسي خمس ميه ( فقيره ) هذا غير البوك اللي مدري بكم ؟ وبطاقه الصراف وبطاقات مستوصفات نص الرياض وصور لبعض طخوم الاسره ...

وأختبينا ..

وأختبينا ..

ورجعنا للبيت ببسكوت مينو شريناه قبل ماندخل المركز ..

الله لايعيدها ..

عموما نبي مشاركاتكم ..

لاتبخلون ..

نبي ساعه صدر ..

وفله ..

OK‍‍؟؟؟

المسلهمـــه ..

وينكــــم ..

^

^

يوم أني صغيــــرة ..

وينكم وين مواقفكم ...

نحتريكم هه ؟؟

مشالله عليك يامسلهمه 500 ريال وفقيره انا لو معي 500 ريال كان هاجرت برا المملكه

المهم اما مره في السوبر ماركت ومرن من قدامي حرمتين مادريت الا وحده منهن تفلتت علي

وخذ ياتهزيء وكالعاده جتني ام الركب ولعد قدرت اتحرك شوي الا امي جايه من اول السوبر ماركت

وهي تضحك علي!؟؟ التفت على الي تزاعق ولاها بعد تضحك اثرها خالتي ومعها بنتها

انا لاشعوريا اخذت امي وطلعت برا السوق والأخلاق (.........) وتركت العربه مليانه

هلا مسلهمه ..

والله المواقف كثيره .. بس فيه موقف ما انساااااااااااه ابد

لأني تفشلت فيه بشكل

كنت طالعه مع اخواتي للسوق .. دخلنا بدي شوب

المهم اني قعدت اسأل الهندي بالانقليزي وهو يجاوبني ..

وانا اعطي اخواتي تعليقات على البضاعه وعليه <----- حتى هو ما وفرته ... وبزعمي هندي وش يدريه وش اقول انا

يوم التفت لقيته يناظرني ويضحك

قلت وش فيه ذا الغرير .. قاط معنا يضحك تقل من علم الحين

<----- حاقرته بزووووود

قالت له اختي .. لو سمحت

قال .. سمّي وش بغيتي ؟!

انا قلت وشذا سعودي لاااااااااااااااااااااااااااااااااااا

ونطلت اللي في يدي وطلعت من المحل وانا فيني الصيحه من الاحراج ..

طبعا هالكلام من سنتين او ثلاث يمكن .. تو السعوديين بادين يشتغلون بالمحلات ..

لكن الحين بكل مكان خلاص معاد نستنكرهم........

وهذا موقفي الله لا يعيده

العنيــــــب ...

هقوتـــك أهاجر ... وأروح عند هالحمران العطران ؟؟؟

صراحه موقف ...؟؟؟؟؟

أمــــا تفلت عليك ....

<= ماتت من الضحك

انـــا لو أني منك أبشك بعمري ... وش أنا مسوي ؟؟

يعطيك العافيه على المرور الحـــلو منك ... كالعاده

متكيـــــه ...

يمـــال الحقران ... وراك حاقرتن الضعيف ..

عادي ولايهمتس قبل يصير مواقف لي عند سعودييـــن .. ( اللي يسمعني يقول الهنود موب رجال )

لا ومن زين الطبايع عند ناس نعرفهم ...

مره داخله محل في المجمعه ... يو هبدت عند الباب ...

ولا اللي يبيع يقرب لنا ...

راح أخوي ... قال ماعرفتس ...

وطلع من المحل ...

عادي ... عادي ... لايضيق خلقتس ... قبل تصير ...

مرور لطيف من عضوه الطــف ...

مشكووووره على مرورك ..

المسلهمـــه ..

ياليت الاخت مسلهمه ماتكتب بالازرق الباهت من قريت موضوعها وانا مندمر شوفي مع اني مسوي عملية ليزك بعشرة الاف ريال كل ريال ينطح ريال منها 5000ريال اللي لطشتها من المسلهمة في السوق 00 !!

يؤ يؤ يؤ يؤ ....

لاتقول انه انت ؟؟؟؟

لا لا لا لا مااعتقد ..

حنا شاكين بهندي أشهب .. ماظن انه انت

ولايهمك اخوي ... أعدله ...

انت تامر

السلام عليكم كيفك سلهومة

موقف مر علي في السوق ماراح انساة طول عمري

وهواني مرة داخلة محل ملابس انا واختى

واختي جالسة تتفرج على الملابس حبيت استخف دمي على اختي وسويت لفة على المحل يقالك علشان ماتعرفين واجي من وراها واسحب شنطتهاعلشان تحسبني حرامي اللة من خفة الدم

ولكن المفاجاة ان الحرمة طلعت حرمة ثانية مهيب اختى معها شنطة تشبة شنطة اختي ماتشوفون الى قمزة الحرمة وقامت تجمع عيالها وهجت من المحل

هاة وش رايكم باالاحراج اللي طحت فية

هههههههههههههه ...

فعلا .. موقف لاتحسدين عليه ..

شكرا على المشاركه الماتعــه ..

تحياتي ..