عندك مناسبه ومحتاره وش تلبسين ؟! تعالي هنا

عندك مناسبه ومحتاره وش تلبسين !!

تجربه الكل تقريبا" مر فيها على الاقل في بعض الضروف

خاصه اذا جت عزيمه مفاجئه وما استعديتي قبل بفتره ..

هنا كيف تتصرفين ؟!

فيه خطوات لازم تسوينها اوووووول شي .. وقبل لا تبدين في عمليه البحث في الاسواق ..

- افتحي دولابك ودوري فيه عن قطع ممكن تركبينها مع بعض وتطلعين بلبسه جديده او قطعه ممكن تكملينها بقطع جديده واذا ما عندك حس ذوقي كافي للابتكار ممكن تستعينين باختك ، صديقتك ....... الخ

مثال / اذا عندك فستان بلون واحد ساده وناعم ممكن تضيفين له شال مشغول او ملون بحيث يعطيه شكل مختلف تماما"

- اذا ما حصلتي شي .. وقررتي تطلعين للسوق .... حددي المحلات اللي بتدخلينها ولاتضيعين وقتك في اشياء ثانويه ( وهذا حال الحريم بالسوق )

- حاولي تركزين على الاشياء البسيطه والناعمه لأنها الاجمل دائما"

حتى لو مالبستي شي ( كشخه) على الاقل تكونين مرتبه وذوق .

- ممكن تاخذين لبس كلاسيكي و بسيط وتبدعين بالاكسسوار او الشنطه او الحزام ..

مثال / تنوره ابيض + قميص ابيض .. والاكسسوارات و الحزام والشنطه باللون الفضي الباهت .

- تأكدي ان اهم شي ان اللبس يطلع حلو عليك .. يعني لا تشترين شي مو لايق على جسمك بس لأنه حلو ويفك ازمه . ما تسوى عليك تسمعين تعليق بايخ وتتنكدين طووول العزيمه .

- اذا دخلتي المحل وشفتي البضاعه يجي منها بس ما عرفتي تنقين .. اطلبي من المسؤل بالمحل او البائع انه يركب لك لبسه ..

او اطلبي الكاتلوج اذا المحل ماركه وشوفي كيف مركبه الملابس مع بعض ..

بالاخير ..... انصحكم يا الغاليات انه يكون عندكم قطع كلاسيكيه داااااايم بخزانتكم .. والمقصود من القطع الكلاسيكيه .. هي القطع الرئيسيه يعني

التنوره او البنطلون _ الجاكيتات _القمصان اللي تكون بالوان رئيسيه مثل الاسود والابيض والبيج هذي ما عليه لو كانت غاليه لانه ما يروح موديلها وبتحتاجينها على طووووووول يعني بتنكرررررف

هذا كل اللي ببالي .. واللي عندها اضافه تقولها

تقبلو تحياتي ،،