راعي النزية قام بنشر July 5, 2003 ارسل تقرير Share قام بنشر July 5, 2003 (معدل) بسم الله الرحمن الرحيم انتون تعرفوا عدنان وليناعدل بس نسيتوهم .... انا عندي آخر اخبارهم: عدنان تزوج لينا بعد المسلسل على طول وعاشوا في الجزيرة المفقودة اللي هي جزيرة جد عدنان بس قبل ما يتزوج لينا صارت أحداث.... كان الدكتور رامي الله يرحمه موصي لينا انها ماتتزوج عدنان الا لما يلبس ثوب وغتره ويصير رجال ويخلي عنه الشطانة ولا يضرب احد ويصلي بالمسجد وخاصة الفجر. يوم جا عدنان يخطب لينا من عمته اللي بجزيرة الأمل : تذكرونها اللي طاحت على بيتها قذيفة من مركب الرماية حق القلعة اللي تسوقها سميرة . المهم يوم جاء يخطبها قالت له لينا: انا ياعدنان احبك بس جدي رامي الله يرحمه موصيني انك لازم تلبس ثوب وتصير رجال , قالها عدنان يابنت الحلال انتي تبغي تزوجيني والا تبي تزوجين ثوبي أهم شي الجوهر- مهو ناصر الجوهر مدرب منتخبنا لووول -المهم قالها ان الرجال بأخلاقه مو بمظهره ومن هالكلام . المهم لينا مااقتنعت قالت : بس ياعدنان جدي رامي الله يتغمد روحة الجنه موصيني بهالوصايا وأنا آسفة ياعدنان إذا قلت لك انا ارفض الزواج منك لما تحقق وصية جدي . المهم عدنان تعرفونه راسه يابس وهو بنفس الوقت يحب لينا موت مشى وطلع من بيت عمة لينا حتى القهوة ماشربها طلع وهو معصب يوم جاء يبغى يركب قاربه يبغى يرجع لجزيرة جده قابلة القبطان نامق وعبسي وقالوا له وش فيك ياعدنان ليش معصب قال : -ابد مافيه شي بس لينا ما هي راضية تتزوجني وعلمهم بالقصة, جاء نامق وبدأ يقنع عدنان. وقاله: ان الزمن تغير وبنات هاليومين ماليهم الا رأيهم فأنت البس ثوب وتزوجها وبعد ماتتزوجها افصخة قال عدنان: تخسي الا هي.. انت تعرف يابو حبش - نامق جاه ولد من سميرة وسماه حبش تيمنا بأحد بحارته اللي ماتوا وتخليدا لذكراه) المهم قال عدنان : يابو حبش انت تعرف اني مأحب الثوب انا راعي كشتات وصيد وشطانه والثوب يضايقني . و بنفس الوقت كان عبسي مشغول عنده ضفدع يلعب به جا وقال لعدنان : اسمع يابعد عمري ياعدنان - عاد انتو تعرفو عدنان يعز عبسي- قاله اسمع انت لازم تتزوج لينا لا بكرا تروح عليك البنية ترا نمرو هالخبيث يخطط عليها - طبعا عبسي منقهر من نمرو لأنه مارضي يزوجه اخته أميره- المهم بدأ عدنان يلين شوي وقعد يفكر وحسبها زين وقال: ايه والله باكر تروح البنية واتوهق انا واضل عزابي . جاء ابوحبش وعبسي وقالواله: امش يارجال ارجع خلنا نخطبها لك قال عدنان : اوكي يالله . المهم عدنان اقتنع وراح يخطب لينا من عمتها وطبعا البنية ماصدقت .. هذا عدنان اللي فك العالم من علام وشره.. الحب الأول والأخير... المهم انها وافقت على طول وقرروا الزواج.. وتدرو ان عدنان مفلس ماعنده يدفع لمصاريف الزواج.... بس جماعته ماقصروا ... دفعوا له كل واحد اللي يقدر عليه: نامق تكفل بمصاريف العرس وجاب البحارة والطباخ يشتغلوا فيه.. وعبسي تكفل بالذبايح.. وفارس -عم لينا - خبير المتفجرات تكفل بالألعاب النارية والباقي جابوا الرز ونصبوا الخيام.. وتم العرس وزفوا عدنان على لينا وكانت الجزيرة كلها فرحانة وفي وسط الزفة تهاوش عبسي ويا نمرو لأن عبسي باق كم بقرة من عند نمرو وذبحهم حق العرس.. وبعدين أبو حبش ويا عمروس فاككوهم وصالحوهم وقال نمرو : فدوه لعدنان بقراتي ... بس عبسوه الحرامي لو يطفر مازوجته اختي أميره . المهم تزوجوا أخيرا وعاشوا في سبات ونبات وخلفوا صبيان وبنات تم تعديل July 8, 2003 بواسطه حميان بيتش رابط هذا التعليق شارك More sharing options...
مسلهمه في مسيل الكلبي قام بنشر July 5, 2003 ارسل تقرير Share قام بنشر July 5, 2003 الا ويــــــــن عاشوا فيه عند اهل عدنان ولا اهل لينا .. مثلك عارف كلهم حمايل .. وكثار في البيت كل وحده تسابعه جلالها المــــهم اخوي .. موضوع يهبل ويفتخ بس أبي قصه بشار .. هو لقا امه ولا لا ؟ واذا ماعرفت خبر نبي قصه هبله اللي مع نحول المسلهمه .. <= عاشقه بسمه وعبدوه رابط هذا التعليق شارك More sharing options...
مغترب الشرقية حبيب حرمة قام بنشر July 8, 2003 ارسل تقرير Share قام بنشر July 8, 2003 والله قصة تهبل .....................بس صراح عندك سلوب يهبل ؟؟؟؟ انا نفسي تجيب لنا قصص الثنائي المثير تيمون و بومبا .... ترى قصصهم تعجبك وكثيره وكلها خفت دم........ والله يوفق الجميع صديقكم / مغترب الشرقية حبيب حرمة رابط هذا التعليق شارك More sharing options...
حميان بيتش قام بنشر July 8, 2003 ارسل تقرير Share قام بنشر July 8, 2003 الســــــــــلام عــلـــيـــكـم راعـــــــي الـــــنـــزيـــــــــــــة قصة معبرة .. يومين وامي تهديني وتقول وش فيك عسى ماشر وش انت شايف في النت الله يخس عدوينهم .... حتى جدها وهو ميت با حلهم بوصيته بس الحمد الله على السلامه ... اجل تزوجوا تسلم على هالمشاركة اللي تستاهل من يصكها فوق كودها تسير اول الخير والتالي جاي الله يعطيك العافيه ... عن اذنك يا قروووي نبي نسطح هذا فوق وعلى فكرة وينك غاطس يا قرووووي ... والا مصيف برا الديرة رابط هذا التعليق شارك More sharing options...
حرماويه قام بنشر July 9, 2003 ارسل تقرير Share قام بنشر July 9, 2003 كخخخخخخخخخخخخخخخخخخخ الله يقطع سوالفك ياراعي النزيه كان الدكتور رامي الله يرحمه موصي لينا انها ماتتزوج عدنان الا لما يلبس ثوب وغتره ويصير رجال ويخلي عنه الشطانة ولا يضرب احد ويصلي بالمسجد وخاصة الفجر. يا حليله جدها حتى وهو ميت داخل بالموضوع بس حلوه النهايه رابط هذا التعليق شارك More sharing options...
القروي قام بنشر July 9, 2003 ارسل تقرير Share قام بنشر July 9, 2003 المهم .. سميرة .. مايجيكم عنها أخبار <<< فاك مع سميرة منول قصتك حلوة صراحة وتسلم يمينك وكالعويدة يا راعي النزية يازين سويليفاتك .. << مخطط يطلع معك لبر تسولف عليه هههههه حميان : لاتزعجنا ياااااخي ... خلنا شوي نريح رابط هذا التعليق شارك More sharing options...
راعي النزية قام بنشر July 9, 2003 الكاتب ارسل تقرير Share قام بنشر July 9, 2003 شكرا لكم جميعا واتمنى التوفيق للجميع واعذروني الجهاز عليه شوي قل صح يوم يشتغل يوم يشخر حاط له هندل ايام الصيف وايام البرد مجمع كرب وعسبان اسخنه شوي الى مشرفي الساخر : شكر خاص على التثبيت الى زوار الساخر : شكرا على مشاركتكم ترقبوا سنان وزعبور ( الله يستر ومايخرب الجهاز ) رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان