{{}}حرمـــــــــــه .. والكهرب {{}}

حرمـــــــــــــة .. والكهـــــــــرب !

قضيـــــــــــــه مازالت في المحور !!

_________________________________________

مســــاكم الله بالرضا والسرور ..

والبيض المفقش .. والتميس .. والقدور ..

( قدر ابو عراوي اكبر في الواجب )

وش أخباركــــــــــــــــم ؟؟

بشرونــــــــــــي عنكـــــــــم ؟؟

ورا نويـــــــــــــــــر مــــــــــــاجت كل ذي شرهه ؟؟

( <= مصدقه أن احد مسير عليها وعندها ضيوف )

المــــــــــــــهم ..

نجي لتيفال الموضوع ..

( تيفال الموضوع = صلب الموضوع )

^^^^^^^^^^^^^^^^^^^^^^^^^^^^^^^^^^^^^^

في أطار شهر طفى الكهرب على حرمه مرتين !!

وكانت بمثابه تدمير للعلاقات ..

الاجتماعيه

والسياسيه

والماديه

والنفسيه

والشمسيه

والناموسيه

( <= بتلت )

ومن تلك المأســـــــــآة .. أعتبر ذلك من منطلق ..

الحيف

والظلم

والجور

والاجحاف

واللحاف

كح .. كــح

طفى الكهرب .. وليته ماطفـــــــــــى !

مأسآة ولا مأســــــــــــــــتآة الديتس وبنات المذن ................. الله المستعان

طفى الكهرب الساعه 6 وربع المغرب ..

ألايوم أختبينــــــــــــــــا .. وصار عندنا أستنفار في البيت ..

مثلكم عارف مابقى الا نص ساعه وتظلم العين ..

وأظلمت العين .....!

( أظلمت العين = جاالليل وهل بسكونه .. الله الله)

<= ترجمت لوجود كنديين وروس في المنتدى

والكهرب مابعد ولــــــــــع ..!!!!

وقامت أمي كنها أبو طخطيخ تقرا الورد علينا ..

مثلكم عارف الربع مايقحصون الا المغرب ..

ومن زين الطبايع ان عندهم تحوال ذاك اليوم ..

( الربع = بسم الله عظايم الاسم )

=> لابالله فهموا

(الربع = الجن )

المهم ..

قامت تقرا ..

( بسم الله عليكم من سم السايل والبحر الفاير والشيطان الطاير والعدوى الجاير .. بسم الله عليكم كلمات الله التامات قصر حصين من الله مفتاح ومغلاق كلمه لااله الالله ولاحول ولاقوه الابالله )

<= يومين اسحب من امي يالله استوعبت وركدت يدي علشان تكتب هالدعا

الايوم هجدنا .. واسفهلينا .. عقب هالورد .. الظاهر الجماعه شالوا قشهم وراحو قصر سديــــــــــر للاحتفالات عشان التحوال

وتبدأ المأســــــــــــــــــــــــــآة ..

أتفقنا على خطه .. ندور مصدر ضوء ..

مثلكم عارف نبي نتوضا ونتفاهم مع انفسنا .. وخاصه انه وقت مغرب .. علشان نصلي

راح ولد أخوي ( دعدوس )..

" دعدوس = على جدنا الرابع ملك تركيا "

راح للطايه " اقتباس من بعض الناس "

بيجيب بجـــلي...

مادرينا الاذيك الصعاق ..

ولاه متدربي الضعيف من الدرج ..

وطا طرف قميصه مادرا بروحه الاوهو على وطايه الدرج....!

" وطايه= فرشه اللي بمقدمه الدرج اللي حول التمثال مناك "

<= متأثره ببيوت كمال الشناوي

المهم .. قام يرغي .. يرغي .. الايييييييييييييين رقت لاهاته ونام ..

ضاقت بنا الدنيا ..

قالت امي مالتس الا السراج انقزي مثل حصان بليس تلقينه في القبو ..

قبو !

قبو !

قبو !

ورحت للقبو .. عاد وين القا السراج..

كل القبو فرشات & ومواطير & وبلامات امي يوم عرسها & وكفرات حراثه & ومشايتي يوم اني قعنمه ... وانت ماشي ...الخ

واتلمس .. اتلمس .. يوم لقيته ..

الايوم انتقت علي ذيك القطوه .. الله لايحللها .. جتني روعه ..

يوم اصفريت ..

واهلي يحتروني .. وينهي وينهي ..

مالقوني الايوم شب الكهرب ..

" جحده "

جت شغالتنا " مس لا لا " تبي تفزع ينقالكم ...

وتشب شمعه ..

مادرينا الايوم قبت في شلحتها .. " الله ياخذها "

وتقعد تطامر من غير راي ..

المشكله : ظلما + شغالتنا سريلانكيه يعني بيضا = مانشوف الاشي يرقل شاب "

طفيناه بقدره قادر وكرشتها امي ودعت عليها جعلتس للطاعون اللي يلقف سرتس بلا.. روحي غسلي فوق !

وش صفينا عليه ..؟؟؟

على نور الجوال ..

ابوها من سراج وشمعه وبجلي !

سوينا اجتماع عائلي ..

قمنا نسولف شوي .. نجسر بعض ..

الايوم جت امي تولول ... قاضبه رويسها الضعيفه ...

وإليكم الــــــــخسائر :

( مـــــــــــــــــــــــــــــاديه )

راحت أمي تبي تتفقد الامور .. يوم تفقشت ولا ..

الزبـــــــــــــــــــــــــــده ذابت ..

والدجــــــــــــــــــــــــــاجه خاست ..

والمويـــــــــــــــــــــــــــــــــه احترت ..

ومرقـــــــــــــــــــــــــــــــــــــه الغدا قطنت ..

والخشــــــــــــــــــــــــــــــــــــــــــــــــوم ساحت ..

( مع الحر الله ينجينا من النار )

ولاها خساير مهب هينه ..

خاصه ان ابيي متقضي محمل في هالونيت ..

ماتقول رز ابوكاس الاوفيه ماتقول كرتون قشطه وعسل الاوجايبه حتى سن كويك خامه علشان الرمضان عن التردد ..

وفوق ذا وذاك امي حاطه طبق الرئيسي للعشاء مكرونه .. من الخبه احتردزت ..( احتردزت = احرتقت بالحرماوي المتبحرن )

هذا غير شغالتنا اللي مع قبه الشمعه قامت ترقل .. وطبي في الغساله مغمى عليها .. وجعلها للماحي الساحي .. دمجتها ولاتقل شاكوش كسر مروحه الغساله .. غساله امي يوم عرسها معطينهياه اخوالي نزاله

.

.

.

.

.

.

.

.

.

.

.

.

.

وجــــــــــــت الساعه 8 وثلث وجزء من الثانيه ماولع ..

وتجيكم ..

(انهـــــــيار في العلاقات الاجتماعيه )

دق التلفون .. وكنا سامعين طاري خطبه لاختي ..

وامي ماتته يمين مانشغل التلفون لو اتصل احد.. وصملوا ..

يوم دق التلفون ذيك الحزه الله لايضيق علينا ..

وتجي ذا المطيوره ترد ..

يوم رفعت السماعه وتعثر في السلك ..

قالت وجع !

قالت اللي مكلمه وجعه توجعك ..

هذا وانا داقه ابخطب بنتكم مالت عليكم انتم وياها ..

وصكتها ..

" خاله قشرا "

وخربــــــــــــــــت العلاقات .. وركب اختي عقده نفسيه ..

مافكها الاخياط خلــــــــــــود

وهذي اختي عندنا الاالحين دابله تسبدنا ... عقب ذيك السالفه ..!

كله من الكهرب !!

وتجي عــــــــــــــاد ..

( قطع الــــــــــــــعلاقات السياسيه )

يقولون .. والعهده على اللي قايل ..

أن عجوز رايحه لمستوصف حرمه ..

طاق عندها السكر الضعيفه ..

يوم طلعت منه ويطفى الكهرب ..

وتضيع المره ..

وتقضب طريق الارطاويه ..

وراحت تهربد ...

طبعا قاموا يدورون وين المره .. وين ام طلق ..

بعد يومين دقت حدود ام الشري .. قالوا عندنا لاجئه سياسيه

محتجه على الكهرب ..

وبكذا فضحتنا عند الله وخلقه ..

اجل حرمــــــــــــ حرمـــ حرمه ــه ـــــــــــه يطفى عليها الكهرب !!

ونزل قرار منع السياحه الى حرمه من ام الشري ..

كله من الكهرب !!

وماجت على كذا وبس ..

( عقد نفـــــــسيه زياده على عقده اختي )

يقولون ان بنت جيرانا بنت حسين البارحه ..

متزكرته تبي تروح لعرس صديقتها ..

(والله صار لدبانه دكانه وصارت تسكر على بكير )

<= الله من الحقران غايره منها

ومزيونه برشلونه تستشور شعرها ..

وطفى الكهرب ..

الابو منا يهوش عجلي عجلي .. والشعر منتفش ولا مكنسه ساحره منا ..

وراحت الضعيفه ..

وساح المكياج ..

ويقولون ولع الكهرب ..

الايوم شافوا ذيك الشوفه وسحتتها صديقتها ..

تقول فشلتيني ..

اجل ذي صديقه .. ؟

وجت الضعيفه محطمه الفؤاد .. ساد !

( حشا مسلسل مكسيكي )

-----------------------------------------------------------------------

من هنا وعلى هذا المنبر ... أناشد المسؤلين ..

بأنزال اقصى العقوبات على من تسبب بهذه المشكله .. وتلك الانهيارات في مجمل العلاقات ...

والله الموفق الى سواء السبيل ..

----------------------------------------------------------------------

علشان يكون الخطاب رسمي ختمت ..

ولابيني وبينكم ..

يقولون ان السبب

شايب عاثر في المكينه ..

وناس يقولون قطوه مولده عند محطه الكهرب ودخل واحد من عييلها في المحول !

وناس يقولون الديزل مخلص حق المكينه ..

واكبر الظن ان جرذي قارض الاسلاك اللي توصل لحرمه ..

وناس يقولون قوطي سفن ناشب في سير المكينه ايام العج ..

واغلب الظن انه بفعل فاعل ..

المــــــــــــــــــهم ..

اهم شي يعجبكم السرد .. واني ماطولت .. ولا الود ودي .. احط صفحات .. بس اخاف يمل اللي يقرا ..

محدش مخــــــــد منها حاقه ... دنيــــــــــا !!

تحياااااااااااااتي ..

سلهومـــــــــــ وعقده الكهرب ـــه ..

وأخيراً زينتي موضوعتس ..

زاد الاول اللي نزلتيه طالع تسنه لحية تيس

وهذا ماشاء الله ألوان وأخراج وترتيب

هههههههههههههههههه

هههههههههههههههههه

لاتفوتكم يالعجازين هالمقتطفات << عارف بعضهم بيدخل وينحاش

خل نختصر له

______________________

وأظلمت العين .....!

( أظلمت العين = جاالليل وهل بسكونه .. الله الله)

<= ترجمت لوجود كنديين وروس في المنتدى

_______________________

" دعدوس = على جدنا الرابع ملك تركيا "

راح للطايه " اقتباس من بعض الناس "

بيجيب بجـــلي...

مادرينا الاذيك الصعاق ..

ولاه متدربي الضعيف من الدرج ..

___________________________________

المهم .. قام يرغي .. يرغي .. الايييييييييييييين رقت لاهاته ونام ..

___________________________________

راحت أمي تبي تتفقد الامور .. يوم تفقشت ولا ..

الزبـــــــــــــــــــــــــــده ذابت ..

والدجــــــــــــــــــــــــــاجه خاست ..

والمويـــــــــــــــــــــــــــــــــه احترت ..

ومرقـــــــــــــــــــــــــــــــــــــه الغدا قطنت ..

والخشــــــــــــــــــــــــــــــــــــــــــــــــوم ساحت ..

____________________________________

..( احتردزت = احرتقت بالحرماوي المتبحرن )

_____________________________________

وجعلها للماحي الساحي .. دمجتها ولاتقل شاكوش كسر مروحه الغساله .. غساله امي يوم عرسها معطينهياه اخوالي نزاله

_____________________________________

وخربــــــــــــــــت العلاقات .. وركب اختي عقده نفسيه ..

مافكها الاخياط خلــــــــــــود

_____________________________________

اجل حرمــــــــــــ حرمـــ حرمه ــه ـــــــــــه يطفى عليها الكهرب !!

ونزل قرار منع السياحه الى حرمه من ام الشري ..

كله من الكهرب !!

_____________________________________

مسلهمة .. والله مبدعة يالدافورة

وبعدين وشلون يطفى الكهرب وعند أهلتس دافورة زيتس تولع من الشطارة

وأخيراً كتبتي .. وأمتعتي .. وضحكتي .. وهبلتينا بالاسلوب الساخر اللي على أصول

وسجل عندك ياحميان واحد حبة أبداع

وخلاص عاد وين الفكة .. كل أسبوع نبي من هالنمونة والا نقول هالموضوع

بيضة ديتس

وثبت يامثبت بدريل فوق السطح

الــســـلام عـليــكم

مسلهمه .... والله ابداع ... هذا والكرهب طافي ..... وشلون عاد لو انه مولع

وقامت أمي كنها أبو طخطيخ تقرا الورد علينا ..

مثلكم عارف الربع مايقحصون الا المغرب ..

ومن زين الطبايع ان عندهم تحوال ذاك اليوم

منتب صاحيه ... بس ما عزموتس ؟؟؟

أتفقنا على خطه .. ندور مصدر ضوء

بدون تعليق

دعدوس = على جدنا الرابع ملك تركيا "

راح للطايه " اقتباس من بعض الناس

" الحقوق مبعثرة .

الايوم انتقت علي ذيك القطوه .. الله لايحللها .. جتني روعه ..

يوم اصفريت

المسكينه نسوا ياخذونها للتحوال

قالت اللي مكلمه وجعه توجعك ..

هذا وانا داقه ابخطب بنتكم مالت عليكم انتم وياها ..

وصكتها ..

" خاله قشرا "

مهوب قشرا وبس هذي ما عندها وقت ... اللي هذا اوله ينعاف تاليه

--------

عاد يكفي تعليق ... مسلهمه ... القصه حلوه وطريقة الاخراج احلى .... بس لو توصين السيده

شغالتكم " مس لا لا " ... تمسح هالموهبه المدفونه وتطلعها في الشمس .....

كل يوم يطلع عضو جديد له طريقه في الاخراج يتميز بها عن غيره .... وهذي مسلهمه اليوم تسلهمت النظرات في موضوعها الرائع (( هاه وش رايكم حلو التعبير ؟؟ .. يجي مني بعض الاوقات ))

.... وسعادة المشرف .. القروي ( حفظه الله وسدد خطاه )) ... ما قــــصر وسوا الواجب ..وترانا سجلناها يا طويل العمر

. وتسلمين يا مسلهمه ... ترا الدختور يقول خذ كل اسبوع حبه .... و الله يوفقك

مسلهمه المبدددددددددددددددددعه

يااااااااااااااااااااااااااااااحبي لسووووووواليفتس يالمفهيه اقسمممممممم بالله قمه التصوير والحتسي اللي يجنن

( بسم الله عليكم من سم السايل والبحر الفاير والشيطان الطاير والعدوى الجاير .. بسم الله عليكم كلمات الله التامات قصر حصين من الله مفتاح ومغلاق كلمه لااله الالله ولاحول ولاقوه الابالله )

^

^

^

^

^

^

اللي فووووووووووووووووق جاااااااايزن لي

ياحبي لميمتس والله انا اشهد انها جابت دافوره تولع في الضلماء وتنور منتدى حرمه بالتميز والابداع

الايوم هجدنا .. واسفهلينا .. عقب هالورد .. الظاهر الجماعه شالوا قشهم وراحو قصر سديــــــــــر للاحتفالات عشان التحوال

^

^

^

متى ذا الحتسي عسى مهب تحوووووووووال ولد جيران خخخخخخخخخخخخ

<<< تراها حاضرته وجعه جدي

بسم الله علينا العظيم الاعظم ياله انك تقاصرنا بينا وبينهم بالاحسان<< هي تقال تسذا

.. الايييييييييييييين رقت لاهاته ونام .. <<<< لاهاته كركركركركركركركر تسنس وحده راعيه ذر وبزران خبره

دق التلفون .. وكنا سامعين طاري خطبه لاختي ..

وامي ماتته يمين مانشغل التلفون لو اتصل احد.. وصملوا ..

يوم دق التلفون ذيك الحزه الله لايضيق علينا ..

وتجي ذا المطيوره ترد ..

يوم رفعت السماعه وتعثر في السلك ..

قالت وجع !

قالت اللي مكلمه وجعه توجعك ..

هذا وانا داقه ابخطب بنتكم مالت عليكم انتم وياها ..

وصكتها ..

" خاله قشرا "

^

^

^

يااااااااااعميري يااخيتسسسسسس زاده هي وراه تسذا مطيوره بس قدر وكتوووووووووب

انها ماتصير من نصيبها ياله انك تعجل برزقهااا

اقول سلهومه والله لو بحتسي لين باتسر مايجي شي عند ردددددس ابد ابد

بس اهم شيييييييييييييييييييييييييييييي

لاتنسين تسلمينلي على ام طلق كاااااااانتس شفتيها قوليله مرتن ثانيه اذا طفى الكهر تلبق عند اقرب رصيف ولاتحترتس لين يولع اخاف توصل الرياض عاد ويصير فيها قيل وقال وتذاع اخبارنا في تسل مكان

زين انها وصلت لام الشري

تحياااااااااااااااااااتي لك ولموضوعك الي مثلك ياعسل

اختس فتاة سوق السبت