القروي قام بنشر June 27, 2003 ارسل تقرير Share قام بنشر June 27, 2003 ذكريــات العيــد .. في حــرمة أكتب لكم ... من ذكرياتي المكتوبة في دفتري حق التعبير الموجود معي في غرفتي حالياً التاريخ : 29 رمضان عام 1393 هـ الساعة : ثمان ونص .. مساءاً ... نقل مباشر لمشاهداتي في هذه الساعة وما تبعها من أحداث متعاقبة ... الله وأكبر سمع الله لمن حمده ^ ^ ^ ^ هذا الإمام جالس يصلي التراويح في سطح المسجد في البراد .. وبعض البزارين والجذاععين ( الجذاعين بزران توهم بالغين وخاط شنبهم ) في الديرة يحترون أعلان العيد بكرة والا لا .. في الرادو أو التلفزيون ( التلفزيون عند بعض البيوت بس ) يحترون يطلع لهم المذيع حسن نجار !!! وحيث كنا مبزرة ونلعب ونلهو في سكك حرمة بالطرطعان ( الطرطعان عبارة عن شريط أحمر ملفوف فيه نقط بنية إذا طقيناها طلع صوت .. طااااع .. واذا حكيناها بالأصبع طلع شرارة .. ومع كثر الاستخدام يطلع طرف الاظفر أسود ) ..... والبنات كالعادة يلعبن الكيرم والا دبق والا زواوير بيناتهن .. والا ينشدن أناشيد منول ( ربنا واحد .. ودربنا واحد .. كلنا فيصل .. وكلنا خالد ... << أيام الملك فيصل ) وبينما نحن نلهو هنا وهناك .. والإمام يصلي التراويح ... يطلع علينا عبدالله الخريف ( أبو محمد ) ويزاعق .. أعلنوا العيد .. وهو ماشاء الله صوته من عرفته كبير وبالمارية يقولون أنه أول ماطلع من بطن أمه وصاح أعلنت أمريكا حالة الطوارئ وفي روسيا أعلنوا التعبئة العامة .. وإذا زعق بهالكلمة يسمعونه اللي في الرياض وأهل المجمعة يقولون هذا صوت عبيد الخريف خلاص أعلنوا العيد وتبدأ المدافع تضرب معلنة عيد الفطر ... ثم كل بزر من هالبزارين يصارخ أعلنوا العيد .. أعلنوا العيد .. ويركض ووراه عشرة من الجذاعين كل و احد منهم متحمس متنفختن مناخرة ومغير مناشق و مش هالخشم بالكم .. واذا شفتا كم الواحد طالع كنه كرتون تايد من الوصاخة ... وحنا من الحماس ماتدري ننشق والا نمش !!! والأمام يصلي ... والحريم اللي يصلن من سمعوا الخبر ومطامر بزارينهم وهن يصفقن يبون يعلمون الأمام .. والرجال يتنحنحون وبعضهم يتكحكح .. وأول مايسلم الأمام ... ماتشوف إلا غبار المأمومين كل واحد رايح مع جهة .... والحريم كل وحدتن منهن تروح تزهب معيدها ( المعيد عبارة عن طبق شعبي يقدم في صباح العيد ) .. وهذه الصورة الأولى التي تتكرر كل سنة مرة .. << أجل مهوب مرتين ؟ الصورة الثانية يبدون الرجال بتطليع زكاة الفطر ... وكل واحد منول عنده درزن مبزرة مهوب زي هالحين ... يعني كل واحد من هالرجال يزكي بقطمتين رز ( يعني عن 15 نفر ) غير اللي في البطن مايندرى عنه .. كل عجوز والا حرمة منول تحصلها حامل من زود الحرص على البقاء ( حتى العجز ذاك الوقت يحملن ويولدن قبل لاتنقرض هالظاهرة هالحين ) .. الصورة الثالثة في فجر أول أيام عيد الفطر المبارك يقومني أبوي لصلاة الفجر وأنا عاد أصير تعبان من السهر ويالله أقوم واسحب رجيلاتي ... ويوم أني شفت الأمام مابعد أقام للفجر ... رحت للمجلس وانسدحت شوي ولا قمت إلا على صوت قربعت باب الشارع وأثر أبوي توه مخلص من الصلاة وانا راحت علي نومة ... وأقوم وأنقز من مكاني وعارف أبوي اذا مسكني بيمحط بالعصا على ظهري والله .. وأروح وأحصل جلال الوالدة وأتلفلف به واسجد ... أبلعب على أبوي علشان يحسبني أمي ولا يحصلني في مرقدي ويبي يقول أكيد أني مصلي !!! بس الورطة أن أبوي يوم دخل ولقاني راكع بالجلال ( على أني أميمتي ) قام وشاتني بوز ... وقال هماني قايلتس يأم سليمان أقربي لمي أمس بعد التراويح وتقولين : ترى ماعلي صلاة .. يابوسليمان ؟؟ تلعبين علي والا عايفتني !!!!!!! الصورة الرابعة تقومني أمي مع علباي وتنزل راسي وتحطه تحت البزبوز وتغسل في راسي وتدهجه بالموية وبالشامبو الاحمر ماعندنا غيره .. تبي شعري يركد شوي قبله طاير وطالع صواريخ << ومن هنا جتني عيارة يابوالصواريخ !! وكل ماغسلت شعري تنقز كم شعره وتوقف تغدي كنها عسبان نخلة خضري وتقول أمي : وه .. بلش يبلش هالشعر فوجعه .. تسنة جلد دعلج مايغدي راكد أبد !! وكل هالمحاولات عشان تلبسني أمي الطاقية حقت العيد والا لو مازان شعري وركد .. تغدي هالطاقية فوق راسي كنها مقطع صعيدي معلق في صيخ حديد !!! المهم ... تبدأ تلبسني أمي مقطع العيد وطاقية وشماغ جديد .. ومن زود الحرص نشخص بالشماغ ونعربدة فوق هالراس على بالنا وسيمين أنا وعيال حرمة .. وكل ماطلينا على بيت ناس .. وخروا عن دربنا << وليد توفيق على غفلة ... يطلن علينا بنات حرمة ويكشن ( تكش يعني كشت .. تكش .. كشاً .. أي رفعت يدها وأفردت أصابع يدها الخمسة وتحطها في وجهي مصحوبة بكلمة .. هاااااك مالت عليك ، وهي تعبير عن الغضب وماجزنا لها ) .. وكل مانسفت الشماغ اذا شفت بنت ... رفعت يدها وكشت علي !! وتوي أفهم سر هالكشة .. واذا عاد كشخنا بهالشمغ الجديدة ... يطلع الواحد كنه معفط كرتون فوق راسة ونغدي تقل كرتون مارلبوروا الأحمر على غفلة الا واحد وهو حمد العسعوس ( أبو أيمن ) ماشاء الله .. من عرفته ماااشاااء الله قبله رزه ومشخص صح ودااائما ما أشوفه الا رجال كبير من زود الرزة والهدوء .. وفي نظري أنه مامر بمرحلة طفولة والسبب أنه بالعادة كل بزر يامتهاوش مع أحد والا فالق أحد وإلا مفلوق .. بس ماشاء الله حمد العسعوس ( أبو أيمن ) شي ثاني ... مبدع حتى في طفولته ذيك الايام !! .. بعدها نروح نصلي العيد .. وفي ذاك الوقت كل الجماعة يصلون العيد مهوب زي هالحين .... الصورة الخامسة بعد صلاة العيد ... يبدأ تلاحم أهل المدينة وكل واحد يجيب سجادة والا فرشة وهذا يجيب المعيد حقه ( المعيد عبارة عن أكلة شعبية وإلا رز ولحم ) هذا معه قرصان والأخر شايل قدر فريك وهذا جايب حنيني وهذا رافع فوق راسه تبسي رز ولحم وبعضهم جريش .. ويصفونهم على السماط ويبدأ الجميع بالأكل وكل شوي ينقز واحد يغير مكانة والجميع يبتسم من قلب ,,, ويضحك بنفس زينه .. مهوب زي هالحين يالله الواحد يضحك .. والا يبتسم إبتسامة صفراء !! بعد المعيد .. نشرب شاهي ثم نطلق رجلينا للريح .. ونبدأ باللعب بالمسدسات اللي ينحط فيها الطرطعان .. ثم لعب كورة في حميان والا الخوي .. وثيابنا بعد ماكانت جديدة تتحول مع التدحوس في الريغاء ( أو الريغى ) إلى لون بني قاتم معتم ... والله يعين أميمتي على التغسيل !! لأن الثوب لازم ينغسل .... فالجميع وراه حفل النادي بعد صلاة العشاء . مايستفاد من هذا الموضــوع كانت .. الضحكــة والابتســامة .. في ذاك الوقت عفوية .. وبريئة .. وصافية .. ونقيــة والآن هل نجــد ضحكــة وأبتســامة ؟؟ رابط هذا التعليق شارك More sharing options...
فتاة سوق السبت قام بنشر June 27, 2003 ارسل تقرير Share قام بنشر June 27, 2003 انشهد انك منسم والله العظيم كني اتخيل الصوره قدامي تدري تنفع تكتب حلقات طاش ماطاش ازين من مصالتهم وكتابتهم اللي كنها وجيهم بس اهم شي تطلع تمثل همااااااااااه وكل ماغسلت شعري تنقز كم شعره وتوقف تغدي كنها عسبان نخلة خضري وتقول أمي : وه .. بلش يبلش هالشعر فوجعه .. تسنة جلد دعلج مايغدي راكد أبد !<<<<< ههههههههههههههههه دعلج ياقللللللللللللللللبيه والله الشكل مالوم البنات اذا كشكشو عليك من حينا بنات حرمه مانحب الاالزيوووووووووون <<<< ماشافت روحها منول قمه التصوير رااااااااااائع يالقروي <<<<<<<<< ودها تقول شي ودي اقول زيكم يعلق وينشر في الصطح بس صح مايصلح تحياتي لك القروي بيه يالملهد<<<< ابو شعر دعلج كركركركركركركركركركركركر هوهوهوهوهو رابط هذا التعليق شارك More sharing options...
راعي الشوم قام بنشر June 27, 2003 ارسل تقرير Share قام بنشر June 27, 2003 تسلم يالقروي على العرض الرائع والله فعلا كأن هالاشياء قدام عيونا وياليت تلك الايام ترجع على اني مالحقت على العيد منول _تراي توي صغير_ الا انه معجبني وودي لوينعاد _لا مباشر_هاااها وصدقت يالقروي مهوب مثل الحين الواحد غدا يستحي يطلع بعيده للشارع والبعض ينام الى الظهر لكن صدق من قال ياليت عيد حرمه منول يعود يوما ،،،،ن " " " يافتاة سوق السبت وشويكتب لطاش ماطاش !!! اقول اعقلي وزيني عيدس الله يصلحس القروي مايكتب الا لمنتدى حرمه بس راعي الشوم رابط هذا التعليق شارك More sharing options...
ليلك قام بنشر June 28, 2003 ارسل تقرير Share قام بنشر June 28, 2003 موضوع رااااااايق وبصراحه قمه في التصوير كل عجوز والا حرمة منول تحصلها حامل من زود الحرص على البقاء ( حتى العجز ذاك الوقت يحملن ويولدن قبل لاتنقرض هالظاهرة هالحين ) .. خطيرررررررررررررررررررررررررررر تسلم وتحياتي ..ليلك رابط هذا التعليق شارك More sharing options...
كتكوت قام بنشر June 28, 2003 ارسل تقرير Share قام بنشر June 28, 2003 (معدل) هههههههههههههههههههههه ياويلييييييييييييييييييييه... يازين عيشة منوووووووول والله انها حنيييييييييييييييين... والله انك منتب صاحي يالقروي.. يمينآ بالله ودي اشوتك من حبي لك!! والله سرد رووووووووووعة.. اما عن الصورة الأولى : ((وإذا زعق بهالكلمة يسمعونه اللي في الرياض وأهل المجمعة يقولون هذا صوت عبيد الخريف خلاص أعلنوا العيد)) الله من الهول يالقروي.. هههههههههه ((وحنا من الحماس ماتدري ننشق والا نمش !!! )) اما هذي كني اشوفها قداااام عيوني!! وياشينها إذا صار الثوب شتوي!! الصورة الثانية : ((كل عجوز والا حرمة منول تحصلها حامل من زود الحرص على البقاء)) قسم بالله اني ماعاد اقوى من الضحك.. تدري اني طبعته وابقراه على ابيي واميمتي باتسر!! الصورة الثالثة: ((بس الورطة أن أبوي يوم دخل ولقاني راكع بالجلال ( على أني أميمتي ) قام وشاتني بوز ... وقال هماني قايلتس يأم سليمان أقربي لمي أمس بعد التراويح وتقولين : ترى ماعلي صلاة .. يابوسليمان ؟؟ تلعبين علي والا عايفتني !!!!!!! )) والله منتب صاحي ياقروي المنتهي.. لازم تدخل هالأمور بس تصدق اني قاعد احتريها..؟؟ موب الموقف؟؟ التصوير هذا ماعاد اسقم عنه!! الصورة الرابعة: ههههههههههههههههههههههههههه كني داري ان شغلك منول مثل شغلي؟؟ أنا منول مايركد شعري ولافيه أمل؟؟ جربت السعابيل كحل اخير ولافاد وش السواة : حطيت الطاقية فـ الأرض وتويقعتها وطبيت عليها سباحي (على الراس) وبهذا تدخل وتستقر بكل سهولة لكن وش الطريقة في تطليعها : اروح واجمّع اخواني كلّهم.. ويالله (قوم تعاوني ماذلوا) وناس يجرون الطاقية من جهة وناس متمسكين في الراس عشان يثبت من جهة وفي الأخير ماتسمع الا صوت كنه شناكير متعلقة في الطاقية وتخرج بسلااام .. صدز يوم قالوا (فكر في الخروج قبل الدخول) <<< انواع التحريف!! الصورة الخامسة: صادز والله ماعاد تلقى مثل نفوس منول.. بس الشكوى لله.. الصورة السادسة: والا معاد فيه؟؟ بقي اقولك الله يعطيك الف عاااافية ياقروي قريح وقرقح.. <<< قاعد يمدح الحين!! والله انك ماااقصرت وصفت لنا عيد منول وعشناه وكأننا نشوفه قدامنا.. صدق عرض روووووووعة.. الله يعطيك العافية مليوووون مرة.. وشكرآ ماتكفي.. عاد شف ماودي انفخك زود وتموق علينا بس عاد الله الله بمثل هالمواضيع وماشاء الله عليك ماتحتاج توصاة!! يالله.. فمان الله......................... تم تعديل June 28, 2003 بواسطه كتكوت رابط هذا التعليق شارك More sharing options...
نـــوووووف قام بنشر June 28, 2003 ارسل تقرير Share قام بنشر June 28, 2003 بتعب يدياتي من كثر ما اصفق لك والله ماشاء الله بصراحه ما اقدر ازيد عن ردود الاعضاء الي قبلي وبصراحه ما وصل احد لقدراتك في عرض الصور عجرت اكتب مغير فاقت خشيشتي قدام الشاشه <<<<<<<< ما عندي تعليق ززوددد والله يعطيك العافيه يا استاذ / قررررى بااااايااااات رابط هذا التعليق شارك More sharing options...
القروي قام بنشر June 28, 2003 الكاتب ارسل تقرير Share قام بنشر June 28, 2003 يالله حيهم عيدكم مبارك ومن العايدين والفايزين فتاة سوق السبت هلا باللي تكش منول أخر شي كنت أتوقعه أنتس كنتي من الحريم منول تصلحين معيد ذيك الايام وش كنتي تصلحين ؟ فريك والا حنيني والا مطازيز ردك مميز مثل مواضيعتس تعطين بصمة للموضوع ويغدي تسنه مرقوق بحبر حار << خوش تشبيه راعي الشوم حياك الله يالحبيب .. وأما عااااد مالحقتا على ذيك الايام يارجال أكيد لاحقن عليها وش دعوا .. ردك رهيب ويوسع الصدر وجود توقيعك شرف << شرف والا شريف فهمي ليلك هلا ليلك .. يعني ماجازت لك الا الدقة على العجز عاد وش رايك ؟ مهوب صدز هالكلام ؟ والله ماعاد نشوف حريم كبار يحملن ويولدن والله فرحت بوجود اسمك وتوقيعك كتكوت حشى ياخوي .. محلل الموضوع تحليل ومفصفصة عسى مافيه خاش خرباش .. والله ياشكلك تنفع مخبر مهوب مشرف ربي يسلم والله ويعطيك العافية ومازولا وحليب نيدو << أنواع المصالة وأنت ماشاء الله لاحق على العيد منول وهو في المربعانية ولبستا ثوب شتوي ؟ ليه كم عمرك أنت ؟ أنا أخبر أنهم يقولون أن عيد الفطر وافق المربعانية قبل 60 سنة يالشايب .. ياللي تعيد بثوب شتوي هههههههه مشكووووووووور والله ياوسيع الصدر نوووووف والله أحرجتيني بردتس وبعدين ماتجي قروي واستاد قولي دختور نمشيها مشكووووور والله وصدقيني تشرفت بتوقيعك رابط هذا التعليق شارك More sharing options...
أبو أيمن قام بنشر June 28, 2003 ارسل تقرير Share قام بنشر June 28, 2003 الأخ العزيز ( ما ودي أسميك القروي ) ولكن لأنك أخترت هذه الأسم لنفسك ولأنني حتى الأن لم أعرفك على حقيقتك .. فأنا أتعامل مع كثير من أعضاء هذه المتـندى وكأنني أتعامل من أرواح وأشباح يعرفني أصحابها ولا أعرفهم ولكنهم يحبونني وأحبهم . أخي العزيز أقدر لك هذا الاهتمام بتوثيق ذكريات طفولتنا في حرمه فهي في الواقع كتابة لتاريخ كاد أن يندثر لولا أن قيضى الله له هذه التقنيه وهؤلاء المخلصين أمثالك الذين يملكون ذاكرة استطاعت أن تختـزن تلك الذكريات سنوات طويلة ... أما حديثك عني فهو إضافة جديدة أعتـز بها وميزه لم أكن أعرفها ولا أتذكرها لولا أنك رويتها في ذكريات العيد .. ومن هو ذلك الإنسان الذي لا يحب أن تذكر وتسطر وتوثق مثل هذه المزيه عن نفسه ... شكراً شكراً وألف شكر أخي العزيز على ثنائك ووفائك ... ويا ليتـني أتعرف على حقيقة شخصيتـك لكي أطبع قبلة محبة وامتـنان على جبينك .. تحياتي ...... رابط هذا التعليق شارك More sharing options...
سديراوي الأصلي قام بنشر June 28, 2003 ارسل تقرير Share قام بنشر June 28, 2003 هلا ولله بالقروي ياحبي لخنبزتك ولله اجل ذكريات ودي اقول ذكرياتي في العيد بس اخاف أجيب العيد <:::::::: الولد فضيحه بو أيمن وراك طاقن الغالوقه ولله انك صاز يالقروي قبله مشخص حتا وهو يرد عليك مرسم تصدق اني ادخل أقري لك وأطلع بس موضوع مسكت تسلملي ولله هالخشيشه رابط هذا التعليق شارك More sharing options...
)راعي حرمة) قام بنشر June 28, 2003 ارسل تقرير Share قام بنشر June 28, 2003 اصعب الردود هي تلك التي تكون على مواضيع في غاية الابداع كهذا الموضوع وهو الامر الذي اجد نفسي فيه عاجز عن وصف ابداعك شكرا لك اخي القروي على هذا الخيال الواسع وبعد اذنك واذن الاخ حميان بودي ان اثبته فوق مع ان هذا تدخل مني في خصوصياتك انت والاخ حميان بس تحملو مني هذا الاعجاب الذي افرز هذه (( اللقافه )) اخوكم راعي حرمه رابط هذا التعليق شارك More sharing options...
حرماوي.نت قام بنشر June 28, 2003 ارسل تقرير Share قام بنشر June 28, 2003 اسئلوني عن عيد حرمه معني مني ساكن فيها بس انا منها يا اخي فله انواع الفلافل اسف انا جوعان رابط هذا التعليق شارك More sharing options...
حميان بيتش قام بنشر June 28, 2003 ارسل تقرير Share قام بنشر June 28, 2003 الــســــلام عــلــيــكـم صديقي القروي ... نعتذر على الــتـــأخير بسبب زحمة كبري الخليج .... ويا ليتني تشرفت بتثبيت هالموضوع قبل المشرف العام والذي يشكر على تثبيته ... جت من مسؤوووول رفيع المستوى ( محد قدك ياقروي ) ....الموضوع يا عم قروي ... مهوب بس يتثبت الا الا يعلق بطنب ويسجل عليه اللي يبي يقرب هالموضوع نلوحه بزي هالطنب ...ويكون من رموز هذاه البوابه .. موضوع جداً متميز ايو الله ( من قلب ) اهني هذا المنتدى بوجود عضو بهذا المستوى من الابداع والتصوير الفوتغرافي ( ياخوي كأنك تعيش الحدث ..ايوالله ( برضه من قلب ) على فكرة يا قرويشن .... اقول ورا صوتك تسذا ما يحتاج مكرفون اثرك مركز على ( عبيد الخريف ) ومخطط على منصبه .... بس ما شاء الله وصلت مايستفاد من هذا الموضــوع كانت .. الضحكــة والابتســامة .. في ذاك الوقت عفوية .. وبريئة .. وصافية .. ونقيــة والآن هل نجــد ضحكــة وأبتســامة ؟؟ وان شاء الله لا تزال ... وخذ هذي والباقي وزعه على الجيران القروووي ونأمل بالمزيد ... وبالتوفيق ياصديقي <div align="center"></div> رابط هذا التعليق شارك More sharing options...
القروي قام بنشر June 29, 2003 الكاتب ارسل تقرير Share قام بنشر June 29, 2003 السلام عليكم أبو أيمن هلا بالغالي .. تصدق أني من شفتك راد وانا خشتي من ذااااا إلى ذااااا والله أنا عارف أنك منتب عارفني << أحلف ... بس الحب في القلب والله يعلم به وعلشان تعرف أنك محبوب عند الجميع .. أثنيت عليك وانت ماتدري منهو هالقروي ولو أبي شي .. مثل سيارة والا تدبر لي وظيفة كان علمتك من أكون .. بس عااد عقب هالمدح .. لو علمتك من أكون بيجيني منك لو جوال ؟؟ أبد أنا طموح أبي جوال بس أبو أيمن تأكد أن مكانتك بقلوب أهل حرمة كلهم يالغالي وربي يسلمك من كل شر سديراوي الياباني لاتجلس بس تنخبز وتقول خنابيزك وما خنابيزك .. أضبطنا ياااخي والا بعلم أخوي والله تصدق عاد اني اتشقق اذا دريت انك تدخل علشان تقرأ لي .. بس ودي تعرف أن هالاعضاء كلهم والله يجي منهم كثيييييير .. بس أنت لاتصير عجل << مهوب قصدي سبة << عجل والا تيس والله ياأنك لو تصير اللي في بالي كاااان علووووووم << حط عينه عليك راعي حرمة هلا والله وغلا .. تو ما أنورت مواضيعي بوجود توقيعك أنت وأبو أيمن ولايهونون الباقين بس بلاكم شيابنا << ضاع الحتسي الزين . والله عاااجز عن شكرك وتثبيتك للموضوع ولو أنه مايستحق هالاطراء << أهاا بس لاتنخبز على قولت هالسديراوي والله يحفظكم ويخليكم للمنتدى محسن الظاهر أنك مضيع شف .. رح قدام وثاني محل على اليمين تحصله مطعم هنود يمكن تحصل عندهم فلافل مشكوووور لتوقيعك وحضورك حميان بيتش هلا والله .. بس سكر خشك وراك فشلتنا عن الربع وبعدين مال أمينها داعي رسايل خاصة وحركات أهم شي لاتحظرني في المسنجر والباقي مقدورين عليه <<< مهوب خقاقة أبد والله ان ردودك تشرح الخاطر وياحبيلك انت وخشمك اللي قبله متسلل والا متعلقن بالاثلة ربي يسلمك خيو على هالتميز حتى بالردود وبعدين رح لبوابة المشرفين تراي أدورك من يومين <<< يعنني عندنا بوابة خاصة .. جعلها ماتسثر مع السلامة وخروا أبروح للمشرفين رابط هذا التعليق شارك More sharing options...
البارع قام بنشر June 29, 2003 ارسل تقرير Share قام بنشر June 29, 2003 ما اقول الا أننا نحمد الله على وجودك في هذا المنتدي الغالي القروي احسنت ثم احسنت رابط هذا التعليق شارك More sharing options...
بائعة الفصفص قام بنشر June 30, 2003 ارسل تقرير Share قام بنشر June 30, 2003 (معدل) باذن الله لي باكن كبر قريح يالقروي تم تعديل June 30, 2003 بواسطه بائعة الفصفص رابط هذا التعليق شارك More sharing options...
كتكوت قام بنشر July 1, 2003 ارسل تقرير Share قام بنشر July 1, 2003 (معدل) ياقروي قريح؟؟ كني اشوفك تدق!!! والا ترمي منا والا منا!!! احل وشي مخبر ومفصفصه ووسيع الصدر؟؟ <<<<<<< يدور حرش!!! اما عن كم عمري وش تبيبه؟؟ تبي تزوجني؟؟<< جواب دبلوماسي.. بس انا اقصد المراكض نفسه منوووول ايام الشتاء تشوف الثياب يالله المستعان؟؟ الله يجزي اميمتي الجنة... اما عن العيد ابشرك ماقد لحقته في مربعانية.. يعني ابشرك عمري ادون من الـ 60.... يالدقاق!! يالله.. فمان الكريم................... تم تعديل July 1, 2003 بواسطه كتكوت رابط هذا التعليق شارك More sharing options...
سديراويه في التجنيد قام بنشر July 1, 2003 ارسل تقرير Share قام بنشر July 1, 2003 دختور القروي ولا تزعل دايم مبدع وتقطع القلب من الضحك ههههههههههههه الله يوسع صدرك بالعافيه والله وصفت العيد مثل ما نبي .. حبيت اعقب على الموضوع <<= على بالها العيد الحين ماله داعي معاد احد يجتمع زي من اول وكل وحده رازه نفسها وماد برطمها شبرين حايمه كبدها من الي حولها والثانيه حاطه رجل على رجل في مجلس فيه من كل تحفه وما تتحرك الا برموت كنترول طبعا ولا فيه بزارين هذا اهم شي يعني البزر في البيت نايمين تحس انك في عزيمه رسميه حتى الضحك بميزان لازم ومقياس حتى العزايم ماعاد نفرح فيهن الحين تدري المشكله القروي اذا ناقشنا الناس في هذي الضاهره الجديده قالو ياليت نرجع مثل اول ليت نغير العاده هذي بس المشكله فيهم نفسهم لازم يغيرون انفسهم وترجع قلوبهم صافيه<<= زيت عافيه صار اسفه على الاطاله تحــ سديراويه في التجنيد ــياتي رابط هذا التعليق شارك More sharing options...
القروي قام بنشر July 1, 2003 الكاتب ارسل تقرير Share قام بنشر July 1, 2003 السلام عليكم البارع ربي يخليك لعين ترجيك احرجتني بردك ورسالتك الخاصة << خقاقه مشكووووور بائعة الفصفص وين رحتي له ؟؟ كل هذا شغل .. من مبطي وانتي وايزة على الموضوع أنتظرك كتكوت ياحبك للمشاوير .. ياااخي رديت عليك فيذاااك أول والا بس تجي تخرب ياااحبي لك وصدقني والله امون عليك والا ماقلت هالحتسي أنا أباري الساس من مبطي منيب راعي قشارة .. بس كنت أفلق الزيود منول بالبيض سديراويه في التجنيد والله انتس صادزة في هالكلام وأولهم أنتي << قام يخور .. أمزح جاز لي السطر الخامس من ردتس .. وأنتي والله جبتيها لازم نغير أنفسنا أول رابط هذا التعليق شارك More sharing options...
بائعة الفصفص قام بنشر July 4, 2003 ارسل تقرير Share قام بنشر July 4, 2003 (معدل) بائعة الفصفص وين رحتي له ؟؟ كل هذا شغل .. من مبطي وانتي وايزة على الموضوع أنتظرك وش اسوي يالقروي ماسكيني البلديه(حـــ دانه رمه) و ملحطيني بالسجن بعد التحيه والسلاام نطب في كرشت موضوعك ونعلق عليه حبه حبه وفصفصه فصفصه ..... والبنات كالعادة يلعبن الكيرم والا دبق والا زواوير بيناتهن .. والا ينشدن أناشيد منول ( ربنا واحد .. ودربنا واحد .. كلنا فيصل .. وكلنا خالد ... << أيام الملك فيصل عقب ذا الاغنيه الارشيفيه ابحلف انك مولودن سنت السبله الا واحد وهو حمد العسعوس ( أبو أيمن ) ماشاء الله .. من عرفته ماااشاااء الله قبله رزه ومشخص صح ودااائما ما أشوفه الا رجال كبير من زود الرزة والهدوء .. وفي نظري أنه مامر بمرحلة طفولة والسبب أنه بالعادة كل بزر يامتهاوش مع أحد والا فالق أحد وإلا مفلوق .. بس ماشاء الله حمد العسعوس ( أبو أيمن ) شي ثاني ... مبدع حتى في طفولته ذيك الايام !!منتب عاقل يالمصري بديت اشك ان اسم ابوك هريدي بعد صلاة العيد ... يبدأ تلاحم أهل المدينة وكل واحد يجيب سجادة والا فرشة وهذا يجيب المعيد حقه ( المعيد عبارة عن أكلة شعبية وإلا رز ولحم ) هذا معه قرصان والأخر شايل قدر فريك وهذا جايب حنيني وهذا رافع فوق راسه تبسي رز ولحم وبعضهم جريش .. ويصفونهم على السماط ويبدأ الجميع بالأكل وكل شوي ينقز واحد يغير مكانة والجميع يبتسم من قلب ,,, ويضحك ال بنفس زينه .. مهوب زي هالحين يالله الواحد يضحك .. والا يبتسم إبتسامة صفراء !!! <<<<< ولا يهون الغمص الي ملاء عينيه لاتعليق والله كفت ووفت سديرويه في التجنيد على هذا المقطع قالت الي في قلبي موضوعك فعلا يالقروي اكثر من رائع تسلم يمينك على هالصور الي بالفعل الى اليوم نشوفها لكن مع الاسف تغيرت وبهتت اللوانها ماعدا الصوره الثالثه خخخخخخخخخخخخخخخخخ ما تغير فيها شي اشوفها الى يومك في بيتن تم تعديل July 4, 2003 بواسطه بائعة الفصفص رابط هذا التعليق شارك More sharing options...
.. متكيّه عند بقاله التركي .. قام بنشر July 7, 2003 ارسل تقرير Share قام بنشر July 7, 2003 الله الله يا القروي وشذا الابداع <------ ردودها قبل متأخره <--- فاهيه ما بقالي شي اقوله .. ما خلو شي الاخوان والاخوات .. انواع المدح وانا ازيد على اللي قالوه .. بكلمه بس (( لا تحرمنا من مواضيعك )) وتحياتي لك ،، رابط هذا التعليق شارك More sharing options...
القروي قام بنشر July 9, 2003 الكاتب ارسل تقرير Share قام بنشر July 9, 2003 يالله حيهن بائعة الفصفص : تسلمين على فصفصة الموضوع ماباقي إلا قشامة ههههه ربي يسلمتس متكية عند بقالة التركي وين الغيبات ؟ عسى ماشر ؟ الحمد لله على سلامتس وشكرا على ردك ومرورك ومدحتس لي رابط هذا التعليق شارك More sharing options...
فتى حرمة ؟ قام بنشر July 30, 2003 ارسل تقرير Share قام بنشر July 30, 2003 قصه جميله ورأعه رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان