حميان بيتش قام بنشر June 24, 2003 ارسل تقرير Share قام بنشر June 24, 2003 ذكريات استاد حميان الدولي - الحلقة الأولى الـــســــلام عــلــيــكـم أســعـــد الله أوقـــــــــاتـكـم وبمناسبة انتهاء الامتحانات ... ( ما بغت تخلص ) اليوم نبي نكمل الجزء الثاني من موضوع (( أستاد حميان الدولي )) وقلت لكم قبل ((( مقتطفات من الجزء الاول ))) :- .... وكنا اليين جت مبارات بيينا.... فريق يلبس ثياب شتويه ملونه وفريق يلبس ثياب صيفيه بيض ....واتفقنا معهم على دق القرعه... ودقينا القرعه وطلعت لهم الثياب الشتويه..... آه يالقهر حضهم حتى القرعه معهم ... وكان احسن لاعب فينا اسمه ((الترنجه)) وكان مااحد يقدر يوقف في وجهه عشان ظفور رجليه طوال ... وكان الوحيد في العالم كله الي يقدر يشوت البلنتي بساقه .. مع كل هجمه ماتشوف اللاعبين من العجه... وكلها دقيقه الا ولا واحد طالع من هالعجه يطامر يقول جبت هدف ... وكان الحكم مايحسب الهدف الا بعد مايحلف اللاعب .... و انتهت المبارات وفزنا عليهم وتفاجئنا يوم رجعنا ان الفريق المهزوم احتجو علينا علشان ثوب (الترنجه) كان وسخ.... وصاير تسنه شتوي ويوم شفنا الدعوى تسذا... احتجينا على هدفهم العاشر لان الكوره اصلا طالعه برى وقعيس هذا ازبط واحد في الديرة يعرف القانون يعني مرجع وقال القعيس احتجاجهم مقبول .....و رفضنا وقررنا ان نرفع تضلم للأمارة على هدفهم العاشرالكوره طالعه برى الخط .... ورحنا للآماره وطلعو معنا مري يقص الجره وقرر المري ان الكوره طالعه برى الخط.... وكتب تقرير بهالشي (((( الجزء الثاني ))))))((((((الجزء الثاني(( ))))))((((((الجزء الثاني )))))) <span style='font-family:tahoma'> ذكريات أستاد حميان الدولي -2 ذكريات أستاد حميان الدولي -2 وبعد ما هددنا القعيس اننا بنشكيه وبنرفع تقرير المري (( للاتحاد الدولي )) ان مارجع عن قراره ، واللي ماتدرون عنه ان تقرير المري فيه ملاحظه كبيره ثانية ..لانه كاتب فيه ان حارس الفريق الثاني كان لابس كنادر بوت ام شراع ( طبعاً هذا يخالف قانون القعيس ) وبعد المجادلات وبعد ما باشرنا على القعيس بميرندا وبسكوت ابو ميزان من عند بقالة التركي وافق ولكن بشرط ان تعاد المباراة ويحكمها هو وبالصفيرة بعد ... وبصراحه ماهمنا انهم يعيدون المباراة مادام الترنجه الله يخليه معنا ...بس كنا متحسفين على الصفيرة ( يبي يمليها بسعابيله ) .. . وبيني وبينكم الترنجه كان حمقان من القعيس مررره و ناويه يفقع بطنه بأظافيره .. ومن يوم انه درى ان المباراة يبون يعيدونها وهو غايب وما ينشاف ..و انا كل ما جيت اسأل عنه طلعلي اخوه وصرفني واستغليت طلعت اخوة للنخيل ومن صباح الله خير وطقيت عليهم الباب وطلعت لي امه سألتها وين الترنجة قالت يا وليدي والله مدري وش قصته له يومين وهو ماظهر من المطبخ ...ومير انا أشهق من الروعه تقل شايفلي استادٍ مقبلٍ على الحارة ... و انقز لمدير الفريق ( القروي ) والقاه جالسٍ على عتبة بيتهم ويقشم حب مالح و اكلمه وانا اشاهق ... .قال : وش قصتك عسى خير .. قلت الا والله الشر بعينه وعلمه ..قال وش فيه ؟ قلت : الترنجه ... الترنجه ؟؟؟ قال: وش فيه عسى ما طاح في القليب ؟ قلت لا الخبل له يومين وهو في مطبخ اهله ما طلع منه ...اخاف ينتفخ بطنه ولا يقدر يلعب معنا بكرة ؟ والله التوهيقه .. جلس يفكر القروي ..ومير يقول نادلي ( راعي النزيه ) ((وهذا راعي النزية يتميز بطوله حتى انه يشتغل في العطله عند بعض الفلاليح ملقح نخل ..ويقولون ان ابوه مستغله.. يستفيد منه في البحث عن كل ما تم ذبه (ذبه:أي جدعه ..ويقال رماه ) فوق دولاب غرفة ابوه )) المهم اجتمعنا انا والقروي وراعي النزيه وسوالنا القروي خطة لمداهمة مطبخ الترنجه ... وخلينا راعي النزيه يرقى فوق كتوف القروي وينط من الدريشه وان دوري ان اسبر لهم . وفعلا نجحت العملية وكله بفضل تسبيري لهم ..ويوم طبينا عليه ولا الادمي قاعد في المطبخ ومدد رجلينه وجالسن يسن في اظافيرة ( حشا ولا سكاكين عيد الضحيه) ارتحات قلوبنا وتطمنا على الكابتن الترنجه وفي عز القايلة طلعنا من بيت الترنجه بعد ما كرمتنا امه بحزمة كراث راشتن عليه بعض الملح ... واجتمعنا مع كل اللاعبين في مسرح حميان وفي اثناء طقتقتنا على الكراث واستغلالاً للوقت عطانا القروي خطة المباراة ( طقها والحقها .. وعليهم عليهم ) وطبقناها في التمرين .. وقال القروي : يعطيكم العافية يالله مشينا نتغدى في النخيل وتغدينا وسبحنا في البركه ( لا احد يسألني عن الصروال ) وقيلنا وما قمنا الا على صياح الحكم ( القعيس ) : قوموا جعلكم النعاس تعالوا نطق قرعة الطقوووم ..(وعادتاً نطق قرعة الطقوم قبل يوم من المباراة علشان يمدي راعين الهدوم البيضاء يغسلون ثيابهم ) دقينا قرعة الطقوم وصارت لنا الهدوم الشتويه ولهم الصيفيه ...وقفلت مع القعيس ..( شكله حاطنا على باله ) ومن باتسر وقبل ما تبدى المباراة عيا يخلي الترنجه يلَعب معنا .. قال له: انت ماتلعب وظـفورك كذا وبغى الترنجه يعفله لو مامسكناه ..و اقنعنا الترنجه انه يقص ظـفوره لكن وشو به وين المقص اللي بيقواهم ... وجبنا حصات وعفطنا ظــفوره لتحت .. وياالله وافق القعيس وقبل مايسنتر الترنجه قال : احليبي اول بلنتي وفاول واول أوت .. وعلشان ظفوره انعفطت تجرئت انا عليه شوي وقلت معصي اول اوت لي انا .. وشكله تنازل .. ( غريبه مهيب من عاداته ) المهم سنترنا وبدت المباراة ومن اول دقيقه خذ الترنجه الكوره وقشها بوووز من نص الملعب ... وما درا عنها الحارس الا وهي شاقتن ثوبه وجاية هدف كوبري ... المهم الترنجه سوى حركته الشهيره (رفع ثوبه على راسه) والمسكين ناسي انه امس تاركن صرواله عند البركه ما لبسه وراح عند الكرنر وانحاشو الجماهير اللي هناك وما درينا الا والقعيس مطلع له الكرت الاحمر وطارده ...قال الترنجه . ما قلت لكم ناوينا... و عيا الترنجه يطلع وهاج علينا يبغى يطق القعيس وياله مسكناه وربطناه في نخلة في قبلة الملعب .... ويوم جينا نبدا اللعب اليين حارسهم يصيح علشان ثوبه انشق المهم انه راح لبيتهم يخيط ثوبه ووقفنا اللعب اليين جاء .. يقول القعيس مانبدى المباراة بدون حارس ( ومعه حق... ايه طيب ) ... وما ندري وشلون بنلعب بدون الترنجه هو هجومنا ودفاعنا ووسطنا واذا جا بلنتي علينا غيرناه حارس .... و مديرنا ( القروي ) غير خطتنا وقام يلعب بخطة ( شدو حيلكم مره و اذا فاتت الكورة لا يفوت الرجال ) ... لكن وش السوات المباراة ماراح منها الا دقيقه وحنا فايزين بواحد وشلون نحافظ على الهدف بعد ماطرد الترنجه.... وكانت البيبان صغار وقلنا مالنا الا نتكوم في الباب ونخليهم يمزعون فينا اليين تقطع قلوبهم من التعب .... و قاموا يمزعون فينا .... وما تحمل الترنجه يشوفنا كذا وطقته الحميه و عضض الحبل اليين قطعه .. ونصى القعيس اللي بلع الصفيره من الخوف وانحاش وما رده الا طريق الرياض يركض وهو يشاهق ويصفر .. واليين يومكم ماندري وين راح القعيس ؟ وين ارضه وين سماه؟؟ وجتنا اشاعات انه صار حكم في جلاجل .. وارسلنا مندوبنا ( راعي النزية ) وقلنا له اذا شفته قله يسلم عليك الترنجه ويقول ترا الموضوع نسيناه ومسامحينك بس جب الصفيره ... • ومن ذاك اليوم وانحن نلعب بدون حكم ....... والسلام ختام . • وهذي صورة يقولون انها للقعيس بعد احدى المباريات اللي حكمها بوجود الترنجه .. وتلاحظون اثار ظفور الترجنه على عيون القعيس العسليه :- ... .</span> رابط هذا التعليق شارك More sharing options...
)راعي حرمة) قام بنشر June 25, 2003 ارسل تقرير Share قام بنشر June 25, 2003 قال له: انت ماتلعب وظـفورك كذا وبغى الترنجه يعفله لو مامسكناه ..و اقنعنا الترنجه انه يقص ظـفوره لكن وشو به وين المقص اللي بيقواهم ... وجبنا حصات وعفطنا ظــفوره لتحت .. وياالله وافق القعيس وقبل مايسنتر الترنجه قال : احليبي اول بلنتي وفاول واول أوت .. وعلشان ظفوره انعفطت تجرئت انا عليه شوي وقلت معصي اول اوت لي انا المهم الترنجه سوى حركته الشهيره (رفع ثوبه على راسه) والمسكين ناسي انه امس تاركن صرواله عند البركه ما لبسه وراح عند الكرنر وانحاشو الجماهير اللي هناك وما درينا الا والقعيس مطلع له الكرت الاحمر وطارده ...قال الترنجه . ما قلت لكم ناوينا... و عيا الترنجه يطلع وهاج علينا يبغى يطق القعيس وياله مسكناه وربطناه في نخلة في قبلة الملعب ... وما ندري وشلون بنلعب بدون الترنجه هو هجومنا ودفاعنا ووسطنا واذا جا بلنتي علينا غيرناه حارس .... وكانت البيبان صغار وقلنا مالنا الا نتكوم في الباب ونخليهم يمزعون فينا اليين تقطع قلوبهم من التعب .... و قاموا يمزعون فينا .... وما تحمل الترنجه يشوفنا كذا وطقته الحميه و عضض الحبل اليين قطعه .. ونصى القعيس اللي بلع الصفيره من الخوف وانحاش وما رده الا طريق الرياض يركض وهو يشاهق ويصفر .. واليين يومكم ماندري وين راح القعيس ؟ وين ارضه وين سماه؟؟ • ومن ذاك اليوم وانحن نلعب بدون حكم رائع مبدع 00 مبدع 00 حميان بيتش 00 خيال اوسع من الفضاء رابط هذا التعليق شارك More sharing options...
القروي قام بنشر June 25, 2003 ارسل تقرير Share قام بنشر June 25, 2003 وراك ماثبته جعلك للصلاح لي اسبوع احترية تنطله وتنحاش يثبت بدريل ومسمار 16 ملم فوق وابرجع اقراه رابط هذا التعليق شارك More sharing options...
حــ دانة ــرمة قام بنشر June 25, 2003 ارسل تقرير Share قام بنشر June 25, 2003 مصعكم الله بالحيل .. حميان .. اعتقد اني ما ظلمتك يوم حطيت لك هالصوره v v v v v بس للاحاطه : حميان صار محترف في جنوب إفريقيا .. والطقم الي عليه تبعهم . ****************** وسوالنا القروي خطة لمداهمة مطبخ الترنجه ... <<<< كثر منها .. مشكووووووووور وننتظر إبداعاتك . تقبلوا تحياتي اختكم .. دندونه .. رابط هذا التعليق شارك More sharing options...
كتكوت قام بنشر June 25, 2003 ارسل تقرير Share قام بنشر June 25, 2003 ههههههههههههههههههههههههه الله يرجك يالسقيم..؟؟ يآخي ويييين الترنجة؟؟ تكف دبره خله يجي عندنا؟؟ اما يوووم رفع ثوبه!!!! خخخخخخخخخخخخخخخخخخخخخخخخخخ ودمرني القروي وخططه؟؟ كارلوس البرتو على غفله!! والله انك رهيييييييييييييب ياحمياااااان... ابداااااااااااااع فعلآ ابداااااااااااااااع.. تذكرني بي!!ّ!!!!!!! <<<<<<<<<<<ياحبه يمدح روحه؟؟ المهم.. يالله.. فمان الله............................ رابط هذا التعليق شارك More sharing options...
القروي قام بنشر June 25, 2003 ارسل تقرير Share قام بنشر June 25, 2003 أقول منتب عاقل ... أنت وخشمك هاللي حاسنا حوس ياما كسر التسلل والا صار خشمك متسلل ^ ^ ^ وكل مارفعنا لك كورة على راسك ونقزتا لها .... تعلق خشمك في الاثلة وبحلنا بك نجلس ساعة ننزلك وصراحة القعيس مهوب سبب في تحول خطة اللعب ,,, الا والله دميجك هاللي ماخذتن نصف الملعب مبدع يابوصروال سباحة وعساك على القوة ... جب ذبيحة للضيوف خل نعشيهم فيذاااا رابط هذا التعليق شارك More sharing options...
راعي النزية قام بنشر June 28, 2003 ارسل تقرير Share قام بنشر June 28, 2003 مندوبكم راعي النزية شاف القعيس في جلاجل يبيع قرع مصري الصبح والعصر مدرب في النادي ويقولون انه جاه تهديد من الترنجة فترك التحكيم واعتزل . واجتمعنا مع كل اللاعبين في مسرح حميان وفي اثناء طقتقتنا على الكراث واستغلالاً للوقت عطانا القروي خطة المباراة ( طقها والحقها .. وعليهم عليهم ) وطبقناها في التمرين .. شفتوا كيف تبادل المراكز ينفع <--- فضح الخطة ومره الترنجة اشتركت فى (( جمعيه مع ثلاثين سكيورتى )) من خمس ميه وانا اول واحد يستلم الجمعيه فقرررررانه ياسافر للبناااااااااان تدرون وش حصل له 00000 يوم عرف وزير السياحه السورى والتونسى (( استنكرو وشجبو هذا الاعتداء الغاشم على السياحه )) وهددو لبنااااااااان بسحب سفراهم بلبنااااااااان اذا الترنجة عندهم فقررررر وزير الداخليه البنانى (( بلقبض على وتسليمى لبلديه بعلبك بلبنان )) حتى انتهى موسم الصيفيه ورجعونى على اقرب تريله فواكه متوجهه لسعوديه ( راعي النزيه ) ((وهذا راعي النزية يتميز بطوله حتى انه يشتغل في العطله عند بعض الفلاليح ملقح نخل ..ويقولون ان ابوه مستغله.. يستفيد منه في البحث عن كل ما تم ذبه (ذبه:أي جدعه ..ويقال رماه ) ياليتني طويل انا قصير مثل الصاموله سنتها خربانة ومصديه واطيها قلابي جاي يكب رد... وش السالفة رابط هذا التعليق شارك More sharing options...
العليمي قام بنشر July 21, 2003 ارسل تقرير Share قام بنشر July 21, 2003 مبدع 00 مبدع 00 حميان بيتش 00 خيال اوسع من الفضاء اقول لو اجلس حتى الصبح ماني اقدر اقول شي وترى يمكن اعطيه واحد يحطه مسلسل في قناه الجزيره رابط هذا التعليق شارك More sharing options...
مغترب الشرقية حبيب حرمة قام بنشر July 23, 2003 ارسل تقرير Share قام بنشر July 23, 2003 والله انك كيذا يالمقلع الماستي غالية مابيعها بأغلى الأثمان ....... رابط هذا التعليق شارك More sharing options...
هواوي قام بنشر July 24, 2003 ارسل تقرير Share قام بنشر July 24, 2003 رائع كالعادة ياحميان وخيال اكبر من حوش بيتنا رابط هذا التعليق شارك More sharing options...
حميان بيتش قام بنشر July 31, 2003 الكاتب ارسل تقرير Share قام بنشر July 31, 2003 السلام عليكم الاخوان والاخوات الاعزاء اشكركم على الاطلاع ... واشكر اللي ردوا ورفعوا معنوياتنا :- راعي حرمه : شوي شوي علينا والله يبي ينفقع راسي دانــــ حرمه ـــة : منوين لتس بهالصورة .. فاقدها من يومي في خامسة ب الـشيخ القروووي : راعي النزيه: سلمني على راعي القلابي يا صاموله افندم هواوي: ياحظكم وحوشكم .. ياولد النعمه العليمي : بس اسمك يكفي عن كل تعليق مغترب الشرقية : وكتكوت..حبيب البي الترجنه اليومين هذي محترف في طويق مهوب فاضي لنا صارفين له سيكل 26 محد قده . وانا وانت وكل الحظور..ورئصنا على وحده ونص : : بر دودكم ترفعون من معنوياتنا تشكرااااااااااات رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان