فتاة سوق السبت قام بنشر June 23, 2003 ارسل تقرير Share قام بنشر June 23, 2003 سلاااااااامو عليكوووو .. ازيكواا عاملين ايه ياقماعه الخير... خلونا عن الخرابيط .....اليوم عندي لكم سبحونه من سباحيني هذيك الزينه <<< سووا نفسكم قد سمعتوا سبحونه مني وها السبحونه من بطولتي انا واختي مسلهمه في مسيل الكلبي وباذن الله السباحين الجايه <<< حشى ولا الف ليله وليله لاااازم احطكم فيها بس هاه ترى كلا حسب مكانته وموقعه ولا احد يزعل اذا حطيته بالاشتراك مع او مع ضيوف الشرف طااايب <<< تكفوووون مشوها لي ها المره ياله نبداء 1 2 3 هــــــاك الواحد والوااااحد الله وكـــــل ابليـــس مخزيه الله ولا هااااك البنيه اللي شوفتها روعه << وجعتين بسم الله عليها ضفاااره وسنع وملح وقبله واسمهااا ^ ^ ^ ^ فتاة سوق السبت هذي طال عمركم فاتحتن لها بسطه في سوق السبت وتقدرون تقولون المتحكم الرئيسي في سوق السبت شخصيتها قويه ماهنا شي ماتبيعه في بسطتها اللي تبونه ولا بنده العزيزيه طبعا هي منظمه ومرتبه وماتحب شغل الدعفسه والخنبقه مواعيدها ميه ميه بالساعه والدقيقه والثانيه خااااصه وخاااصه يوم السبت هذا اليوم بذات لازم له برستــــيج خاااص<<<اقسم بالله مااستحمل ها الكلمه تسبيررره تبداء البنوته الحلوه اليوم من الساعه 9 صباحا بالروتين الاتي: اولا : انهـــض من السرير ثانيا: اتمغط واغسل وجهي واسرح شوشتي واحط روج السحري علبته لونها اخضر وفيها زخرفه ذهبيه وحتى اصبع الروج لونه اخضر لاكن لو حطيت منه يتحول بعد شوي لزهر ومن هنا جات تسميه بالسحري واذا عاااد كنتي بنت ابوتسس وخريه مااايطيع لزقه اذكر منول اذا حطيته وامي ماتدري اقعد ساعه اوخرة ولايروح وارضخ للامر الواقع واروح للمدرسه وخشتي زهريه عاد بنات الذين يطنزون على البنات يقولون اعرست كاكاكاكااااي ههههااي ثالثا : انزل وكلي رقه ونعومه واسلم على ابيي واميمتي وتقهوى معاهم عاااد كلش الاقهوة يوم السبت تعدل الراس مع تميره<<< عجيز وهمين عاد يبداء الشغل انزل للمستودع واحوس فيها وانثل نثل واصفصف قشي هذا كرتون منشق وذا متعفط وذا قميص ماكلته الفاره وذا روج منلط على بلوزه تعرفون قشي واجد ومتراكم فوق بعض<<<< الله من زين التنظيم وعاد اقوم واتصفصف ها الاغراض والبدهن في الكراتين همين اصفهن عند باب الحوش عشان لاجا ( سمباار) يتسبعهن للبسطه وطبعا ينقلهم الساعه 2 الظهر <<<< ياقلبيه في القوايل تعرفون لازم احجز مكان قبل لايجن حريم قريح حقات سوق الخميس وياخذن مكاني<<<< يخسن بعدين اتغدى واخذ لي قيلوله وترى مهب قيلوله زي الناس مايطيع يجيني النوم تسن احدن يقبصني موهب مثل باقي الايام احطها نومه ولادري الابكاس المويه فوقي هذا يوم السبت شي عظيم يهول ويفتسر اشبه نفسي هذاك اليوم بعروس تزهب لعرسها<<<اقضبي ارضتس بس عاد اهنا عاروس تزهب كل اسبوع المهم مااايمديه يذن العصر الا مصليه وقابعتن عبيتي على رويسي واحتري السواق عند الباب واركب معه واخليه يمغط لازم اول وحده في السوق انا قبل لاتجي جهير ام برقع مشقوق وتنقد علي وعاد لاوصلت لقيت سمبار مولم القش ومصفصفه صفصفتن كنها دمجته الا من زين صفصفته بلى احد يحط ادوات المكياج مع النعال وانتم بكرامه<<< اللي يسمعها يقول ادوات المكياج ماركه الحين كلهمن من محل بو ريالين ولا من المميز وابيعهن على عشره الحريم غريرات وانحن نستاهل كركركركركركركركركر ولقاه حايسن القش حوس عاد تعرفوني مانيب اصبر اقوم وانثل القش واحوس سمبار حوس لين تطلع عيونه ولد الذين تسنه يشتغل ببلاش وبعد ما اهجد وهه هه تسني ركدت عااد وصفيت قشي وااقوم واتواسى واجلس على كرسيي الدوار ابو كفرات والله تسني مديرن في شركته ياعميري واشخص على ذا الحريم الضعيفات كل وحده فارشتن بساط ولا جلال صلاه وناثلتن قشها عليه اما انا لا والله اتكيت على بالي فتاة عز <<< ايه هين وتبيعين في سوق السبت همين اليا صبرت شوي وشربت شاهيي الا هذولي الحريم اهل حرمه وماجاورها توهن بدن يتلافن ويتقضن عاد تعرفون حريم اهل حرمه سوق السبت عندهم كنه ملاهي فسحه لعيالهم يلعبون في المراجيح والزحاليق اللي جنب المستوصف بس فيه شي قاهرني الساعه 4 العصر والشمس حاره توها مابعد بردت وعيالهم بسم الله عليهم يتزحلقون واخبر منول الزحليقه العصر قسمن بالله تسوي تسوي وشلون يستحملون اهب عليهم وهن مشاء الله يتقضن ويبسطن سواليف مع الحريم وفله حجاج عاد انا في السوق مشهوره وبضاعتي مااحد يجيب مثلها وسالو عني وبضاعتي مااشريها الا من احسن الماراكات ولاجيبها الا من خارج المملكه( المعقليه وشارع الخزان حدي) وعاد وانا قاعدتن اهوجس قلت لاا لا لازم ها المره اجيب بضاعتي من ديرتن زينه وكشخه ابشخص وافكر قلت بس مالي الا اسافر ل al_canafarih يمدحونها ويقولون فيها خلاقين تهول وتفتسر<<< ولد امه اللي يعرف وشي ها الديره عاد انا خابرتن العيد على حروه والناس تبي تتقضى شين زين قلت فرصتي بس المشكله من يسافر معي ماش ماجسر اروح لحالي وديرتن جديده قلت بس مالي الا رفيقتي مسلهمه في مسيل التسلبي( هذي مسلهمه رفيقتي ايام دراسه نحو الاميه وتخرجنا سوا وكتب ربي اننا مانتفارقا والزمن يلعب فينا وصرنا نتلاقي في سوق السبت وصارت تسير علي فيه واهلها مشاء الله عليهم مهب يخالفون) ويوم جت الساعه 5 الا ربع ولا هاذي مسلهمه جايتن ناصيتني هي وعبيتها اللي تلمع ويومنا تقهوينا قلت تكفين يامسلهمه الاتس ولا لا ديب قالت لا وجعت ملفي يخسى الديب ولاااك قلت : ابيك تفزعين معي يابنت الاجاويد وراي سفره لل canafarih وابيك تخاويني قولي تم قالت مسلمهمه : بس تم ما لتس الاطيبت الخاطر وانا هاذني عقب ماتخرجت من نحو لاميه لاشغل ولامشغله اروح مار اوسع صدري المهم قلت خلاص يوم الثلاثاء طايرتنا وبحجز اليوم وابزهم عليتس وعلمتس بالمستجدات ويوم اذن المغرب واضف بسطتي واروح للبيت واحجز التذاكر وماجا يوم الثلاثاء الا انحن في مطااااااااااااار al_canafarih <<< ايه هين مطاار المهم يوم حولنا من الطايره وانحن طايرتن بوهتنا وماندري وش السالفه وحتى ماندري هل اهل ها الديره وش يحتسون هو عربي ولا انجليزي ونلقى تاكسي اصفر يهبل لونه واقوم واششر له ويجي عطي الله وينقل عفشنا ويركبه قلت بالله اول فندق خمس نجوم لبق فيه قل ان ساء الله ماما فقلت اشوى يامسلهمه يحتسون عربييا ومار اهبط واركد ديرتن تعرف تحتسي فيها اشوى من غيرها المهم ونركب معه ويطيربنا طيررررررتن الله لايوريكم اياه التاكسي مافيه مكيف ومفتح الدرايش كلها والطريق كله تراب وغبره والهواء ماغير يكاااافخ ببراقعناوقسمن بالله كننا راكبين في صندوق وانيت مهب في الغماره تاكسي مااااش من بدايتها تسذا ماجازت لي تكاسيهم مهيب ذاك الزود والله العظيم صوتهاا فيه شي يقرقع تسنه مكينه حياله المهم ويطير بنا في ذا الغبره مانشوف اللي قدامنا يومنه بدا يهدي قلت بس الحمد الله وصلنا للفندق ويقوم وينزلنا وينزل عفشنا وقشنا وابي اشوف ابقق باها العيون ابي اشوف شي ماش الرؤ يه معدومه تدرون غبره وتو الغبار ماركد عقب هجهجتنا جعله مانيب قايله ابي اشوف عماره شي فندق ولازم يصير ارتفاعه شوي على الاقل شامخ<<< طموحها بتشوف المملكه ولافيصليه ويمين يسار ابي منا ولامنا قلت يمكن عيوني مليانتن تراب وانا شوفي موب هاك الزود واقوم واسئل مسلهمه مسلهمه وانا اخيتس تشوفين الفندق هو زين ترى عيوني ماادري وش فيها قالت مسلهمه : والله وانا اختس علمي علمتس مااشوف شي قلت:هو هو هو وين ناطلنا فيه ذا جعله الضربه والزر ابو نقطه<<< لااحد يسالني وشو الزر ذا ترى ماادري قالت مسلهمه : اندري عنه طاربن طيرتن اللهم ياكافي قلت :يا هو ياصديق وين الفندق ابو خمس نجمات قال : هذا ماما ماتسوفين قدام عيونتس قلت : انت وخشتك تنفخ بعد والله ماعطيك الا مير خمسه اريل طرتبنا طيره واخرته تنافخ انت وجهك المهم يوم ركدنا شوي ولا والله لاشوف لاعمار ولاحتى بيت ماغير غريفتن مهيب غرفه بعد عشه وسقفها عسبان نخل قلت هووو هذا الفندق الحين قال : ياله ماما بسرعه هاتي بلوس انا واجد مستعجل وانظل عليه الخمسه قلت : طس لابارك الله فيك يابو زيت ياقلبيه يامسلهمه هذا الفندق الحين قالت مسلهمه: اقول تراي تعبانه حطينا في اي صوع نمرح فيه اهم شي ننام لا وابشركم مافيه الا لمبه وحده وصفراء بعد سهاريه صغنووونه ياله نشوف طريقنا المهم يوم اقلبنا على الغرفه ويطلع لنا مصري متين دريبيه قلت بس هذا حق الرسبشن مايحطون الا مصاري دايم قال المصري : اهلا اهلا يامادام اتفضلوا نورتوا المطرح قلت : الله مير يسلم ياخيي نبي غرفتن نريح فيها انا واختي عقب سفرنا قال : الحمد لله عل السلامه ياست هانم الديره ديرتكم قلت : الله يخليك ويبقيك ياوليدي قال : لامؤ خزاه ياست هانم انتوا قايين منين من اي ديره ؟ قالت مسلهمه وهو فيها النوم : من حرمه احنا من اهل حرمه ديرت الرجاجيل والشجعان والحريم السنعات وانحن نمونتن منهم قال : اده اده اده والله دانا مش مصدق ناس من حرمه وقايينا لحد عندنادنتوا تنحطوا فوق الراس والله يامدام والله المهم ويدخلنا في الغرفه ومافيه الا سرير واحد ابو حدايد وعليه مطرحه قديمــــه كانكم تذكرونها الخضراء وفيه نقشات حمر وداخلها قطن اذكر منول اذا فرشنها في السطح المغرب وجينا ننام في الليل تصير بااااارده ومخده جعلي ماحلم فيها نصف سفنجها عارمه الجرذي وشرشف ريحته تجيب المرض والجدري وعلى الارض مطرحتن اخرى ومخده والله يومني شفتها قاما راسي يحكني شكله بدايه مشروع تربيه قمل المهم ونريح وننام هذيك الليله واصعب ليلتن مره علي ويومنا قمنا الصبح مع شقشه العصافير افطرنا وسولفنا وهه كناا بدينا نسفهل قلت اسمعي يامسلهمه : نبي نشب على غدانا مبتسرين عشان الا جت الساعه 3 العصر ولا ناقاضين ويمدينا على السوق من يوم مايفتح ونشوف اللي ناقصنا قلت مسلهمه : ابد انا حدر امرتس المهم يوما تغدينا وغسلنا مواعينا<<<< ترى غدانا طابخينه على دافور هماه خمس نجوم الفندق ونلبس عبينا ونطلع برا الفندق قصدي العشه وناظر يمين يسار نبي تاكسي ولااحد يضفنا يوصلنا للسوق يومنا صبرنا شوي ولايمر راعي وانيت ابو عراوي يومني شفته وما ر تلاقط عيوني هو ماني مصدقه اللي اشوفه مسلهمه تشوفين اللي اشوفه مهب ذا الشويب اللي يبيع في سوق السبت قالت الا بلى هو موهب تسنه وجعه وش جابه فيذا قلت اقول اشري له بشنطتس الحمراء كوده ينتبه ويوقف لنا بس كوده مايعرفنا ولا جبنا العيد وتقوم مسلهمه وتشر له بشنطتها وما ر ينتبه ويريوس علينا ويدبر قلت :ياخوي احنا اغراب عن ها الديره ولانعرف شي فيها نبيك توصلنا الله يسلمك لسوق قريب منا ودنا بغراض نتقضى منها ... قال : تامرون امر بس يابنيتي اشكالكم مهيب غريبه علي قلت : وش ذا النشبه عرفنا اهب عليه الحين لودرى عني انا ومسلهمه مهب موصلنا ياما هبالنا فيه في البسطه مره عطيناه شاهي بملح وحبحر ومره بسكوت منتهيه مدته ومره حلــه قالت مسلهمهوهي مغيره صوتها ) لا والله ياابيي اول مره نشوفك يمكنك مشبه علينا قال : اييييييه مايخالف مايكون الا الخير والله ودي افزع معكم بس المشكله ماهنا سوق فاتح الحين قلت : هو هو هو وراه ياكافي ماهنا سوق فاتح الحين تونا الساعه اربع العصر معقوله مابعد فتحوا والله مطورين ها الديره مايفتحون في القوايل والحر <<< على نياتها قالت مسلهمه : وراكم متى يفتح سوقكم اللي عندكم ترى جايين من مكان بعيد الله يبقيك قال : السوق اللي عندنا مايفتح الايوم السبــــــــــت قلت انا ومسلهمه وعيون طايره وتلاقط وشوووووووووو هو مثل سوقنا ذا الديره ياحليلهم قال : ايه مايفتح الا يوم السبت واليوم الاربعاء واصبروا يومين لين يوم السبت عشان تاخذون الي تبونه منه قلت والله يابيي السبت بعيد وانحن طايرتنا الخميس باتسرمانقدر دبرنا قال : وش ادبركم هذا السوق وهذي مواعيده <<< الله واكبر من مواعيد المهم ونستاذن منه وكلنا خيبه امل ونرجع لغرفتنا قصدي فندقنا ونربط قشيشنا عشان السفره بكره وضايقتن صديرتنا عقب ما راحت دراهمنا بلوشي عاد قالت لي مسلهمه : انـــــــا قايلتن لتس خلينا نجيب خريطه لديره مهب الواحد يسافر تسذا ولا دورنا معلومات عنها في الانترنت كان ازين لنا<< يازينتس ساكته اتحدى ان لقيتوا هالديره على خريطه قلت : اقول اخمدي تراي ضايقن صدري انا الحين هماي واعدتن حريم حرمه ببضاعه زينه وش اقول اذا رحت ولا معي ولاعود الحين هن جاهلتس يبي يقولون فتاة سوق السبت ماعندها الا تميلح وخزياه وخزياااه انا لو الله يفكني من جهير تسانا زين ام عص هاذي المهم وتزلب بي مسلهمه وتحطها نومه وانا طول الليل اهوجس وفكر وش السواه و الدبره وياخذني النوم واخمد هذيك الخمده وماقمت الا على صوت امــــــــي وجع وجعه جدي وائل <<< امحق جد امي وائل قومي قامت عصب العدوو نايمتن ليا ها الحزه قومي صلي صليتي للمر الساعه 5 ونصف الفجر واقوم مرتاااااااااااااااااااااعه هو وانا انا وين فيه وين مسلهمه وشايب ابو وانيت عراوي والفندق وين وين al_canafarih قالت امي قومي ومصع يمصع راسس قومي صلي وبلا خنبقه ياكثر ماتحلمين يابنيتي ^ ^ ^ ^ ^ ^ ^ ^ ^ ^ ^ ^ اكـــــــــــــــشن طبعا كل ها الخنبقه فوق حلم الله لايوريكم تسريهه وخشت في الحلم معي مسلهمه مدري شلون دخلت هو عرض ولاطول هههههههههههههههههههههااي بس كان حلم روعه واللي اروع منه ها الديره اللي سافرنا لها كانت شي <<< امحق حملــــــــت وزمــــلت وركــــــبت حمـــــيرها وشنقلــــــــت<<< لاطشته من اميمتي هي مغششتني اياه كركركركركركركر المهم يالغالين يالمرجج استروا ماواجهتوا من قلمي وعقلي من خرابيط وخنابيق وبهاذي النااسبه انتهز الفرصه لاخبركم عن شي هام جد ا جدا هو حلول الاجازه الصيفيه وطبعا حرمه زي مدن السياحه الباقيه فيها مهرجانات وغيره وعندي سؤال ابسالكم اياه اللي بيعرف جوابه راح يذاع اسمه في مهرجان سوق السبت وله جائزه قيمه **وهو اين تقع هذه المدينه التي سبق ذكرها في الحتوته قصدي السبحونه al_canafarih ؟ طبعا راح اعرض عليكم بطاقه الدخول والتخفيض حقت المهرجان وراح تنفردون بها يااهالي منتدى حرمه عن غيركم لان الباقين لازم يشترونها ام انتم اطبعوها من النت وحلال عليكم<<< اقسم بالله منتي سهله وهذي بطاقه الدخول والتخفيض IMhttp://www.gifs.net/animate/firewk-yellow.gif[/img] عاد ادعولي << ترى مابعد طلعت نتيجتهاااا (المح) طبعا بعد ماشوف ردودكم راح اخبركم ماهو سبب تسميه هذه الديره بهذا الاسم<<<< لاتنسون احتروني اختكم فتاة سوق السبت انترناشونال رابط هذا التعليق شارك More sharing options...
باب البر قام بنشر June 23, 2003 ارسل تقرير Share قام بنشر June 23, 2003 ههههههههههههههههههههههههههههه موضوع رهيب .. جالس اطبعه علشان اقراه برواااقه الشيء الثاني البروشور اللي تحت مهوب صاحي حق مهرجااااااان حرمة السياحي الله يرجتس ويستر عليتس رابط هذا التعليق شارك More sharing options...
فتاة سوق السبت قام بنشر June 23, 2003 الكاتب ارسل تقرير Share قام بنشر June 23, 2003 هلا وغلا باب البر يسلمك ربي ولا لونك مابعد قريته بس اذا قريه عاد ابي ردك ومشكور على ردك وهذا من ذوقك باب البر رابط هذا التعليق شارك More sharing options...
الخيال قام بنشر June 24, 2003 ارسل تقرير Share قام بنشر June 24, 2003 أنتي كذا <===== يقاله فهم شي بس مع هذا روعه والله يسامحك بقت عيوني من كثر ما اقرا شااااااااااااااو رابط هذا التعليق شارك More sharing options...
فتاة سوق السبت قام بنشر June 24, 2003 الكاتب ارسل تقرير Share قام بنشر June 24, 2003 يسلموووووووووووووووووو خيي الخيال انت اللي كذا ههههههههههههههههههه معليش عشان عارفه ان عيونك صغار عشان كذا كثر التبقيق يكبرهن ههههههههههههه مشكور على مرورك رابط هذا التعليق شارك More sharing options...
حــ دانة ــرمة قام بنشر June 24, 2003 ارسل تقرير Share قام بنشر June 24, 2003 (معدل) مررااااااااااحب يسلمواعنوني على السبحونه مع اني ما كملتها وصلت عند .. يوم تشاورين مسلهمه في السفره .. يختي تعبت وانا اقراء بس اوعدتي اني راح اكمل اقول ما كانتس دالتن حرمه زين .. تقبلي تحياتي اخيتس .. دندونه .. تم تعديل June 24, 2003 بواسطه حــ دانة ــرمة رابط هذا التعليق شارك More sharing options...
راعي السبعة قام بنشر June 24, 2003 ارسل تقرير Share قام بنشر June 24, 2003 ههههههههههههه الله يقطعتس يا فتاة سوق السبت لك تسلمي يا مدام بس تراني تعبت طويله مره - رابط هذا التعليق شارك More sharing options...
القروي قام بنشر June 24, 2003 ارسل تقرير Share قام بنشر June 24, 2003 ينشر ويعلق فوق في السطح ومن إبداع لإبداع ابرجع لهالسالفة مسيان رابط هذا التعليق شارك More sharing options...
الزير قام بنشر June 24, 2003 ارسل تقرير Share قام بنشر June 24, 2003 ههههههههههههههههههه .. الله يقطع شيطانتس .. والله أنتس خفة دم .. بس والله يانا تحمست ودي أعرف وش ذا الديرة .. كل الشكر والتقدير لفتاة سوق السبت .. رابط هذا التعليق شارك More sharing options...
القروي قام بنشر June 24, 2003 ارسل تقرير Share قام بنشر June 24, 2003 ههههههههههههههههههههههههههههه هههههههههههههههههههههههههه ههههههههههههههههههههه كلمات لاتقاوم من هالمبدعة V V V V الدعفسة .. الخنبقة .. أنثل نثل .. منلط .. البدهن .. يتسبعهن .. همين .. يقبصني .. وقابعتن عبيتي على رويسي .. صفصفتن كنها دمجته .. وبعد ما اهجد وهه هه تسني ركدت .. همين اليا صبرت شوي وشربت شاهيي .. واخبر منول الزحليقه العصر قسمن بالله تسوي تسوي وشلون يستحملون اهب عليهم .. حطينا في اي صوع نمرح فيه ... وعليه مطرحه قديمــــه كانكم تذكرونها الخضراء وفيه نقشات حمر وداخلها قطن اذكر منول اذا فرشنها في السطح المغرب وجينا ننام في الليل تصير بااااارده ومخده جعلي ماحلم فيها نصف سفنجها عارمه الجرذي وشرشف ريحته تجيب المرض والجدري ... الله لايوريكم تسريهه ... قصتس هذي من أجمل ماقرأت في الساخر إلى يومنا هذا ماشاااء الله روعة في السرد والوصف .... وهذا الشغل السنع كلبو واحد فيكم يشغل دميجته زي هالدميجة حقت هالبنت وراح تبدعون وتوسعون صدرونا أهني بوابة الساخر على وجود مثل هالموضوع وبقولتس شي مهم ... الوصول للقمة سهل ولكن المحافظة عليها صعبة علشان كذا ماراح نرضى الا بموضوع دسم زي هذا كل اسبوع والا عشرة أيام مايخالف الله يعافي هالكي بورد اللي رعصتي حروفة بأصيبعاتس هاللي أحس انهن تتفخن من كثر الرعص أما جواب السؤال **وهو اين تقع هذه المدينه التي سبق ذكرها في الحتوته قصدي السبحونه al_canafarih ؟ هذي والله العالم هي الخنافرية هههههههههههههههههه رابط هذا التعليق شارك More sharing options...
حميان بيتش قام بنشر June 24, 2003 ارسل تقرير Share قام بنشر June 24, 2003 فتاة سووووق السبت ..... لا لا منتب بسيطة .... الكل في الكل ..... منين لست كل ذا ؟؟؟؟ والله موضوع متعوب عليه .... ويعطي العافيه من كتبه .. ومن ثبته (( كله نظر )) والله وطلعت المواهب لو انا دارين كان قلنا للرشيد يبكر بالامتحانات وانت يالقروووي كلش تعرفه ... شكل بشكتك اول بنات .. الا على فكرة تعرف تلعب (( دبق )) ؟؟ رابط هذا التعليق شارك More sharing options...
فتاة سوق السبت قام بنشر June 25, 2003 الكاتب ارسل تقرير Share قام بنشر June 25, 2003 هلااااا وغلااا بندونه حرمه راعيه الرهاااااين وراتس ماكملتيها قطنهااا ماجازتلس بس نبي ردك بعد ماتكملينهااااااااا لاتنسينا <<<<<<<<< دالتن حرمه شبر شبر ومترتها ارض ارض والله الواحد مايشبع منها يااااااحنطها مشكوووووووووووووووره على ردك تقبلي تحياتي اختس فتاة سوق السبت رابط هذا التعليق شارك More sharing options...
فتاة سوق السبت قام بنشر June 25, 2003 الكاتب ارسل تقرير Share قام بنشر June 25, 2003 هلا راعي السبعه هههههههههههههههههههههه يقطعني وجعه كركركركركركركركركر مشكووووور يارعي السبعه ومعليش طويله بس وش اسوي مطاع يقضي الحلم المره الجايه بحلم شوي واقول امي تقومني مبتسره هههههههههههههههههههههههههه <<<<< شخصت يوم قلت يامدام تحياتي لك رابط هذا التعليق شارك More sharing options...
فتاة سوق السبت قام بنشر June 25, 2003 الكاتب ارسل تقرير Share قام بنشر June 25, 2003 الزير هلا ومرحبتين خيوووووو الله مير يسلمك ويحييك والله كوله من زوووقك اما تحمسك للدير اصبر بس وبعلمكم وشي ورانا مسمينها تسذا مشكوووور على ردك رابط هذا التعليق شارك More sharing options...
فتاة سوق السبت قام بنشر June 25, 2003 الكاتب ارسل تقرير Share قام بنشر June 25, 2003 الــــــــــــقروي هههههههههههههههههههههههههههههههههههههههههههههههه ^ ^ ^ ^ ^ ^ ^ ^ بزة بعمرها يوم شافت رد القروي وانا اختك لاتمدحون تسثير تراي انخرش واللله العظيم ردودكم اثلجت صدري ماتوقعت ها الاقبال ومشكوووووور على التثبيت وباذن الله مدامك انت وحميان وجميع القائمين على منتدى حرمه تشجعون بها الطريقه صدقوني كل اللي هنا انا مااجي ربعهم كتاب ولااحسن منهم بس يبون دف والله يومني نزلت الموضوع وجيت اشوف الردود ماانتبهت انه مثبت وادور وجعه وين موضوعي عسى ماحذف اقسم بالله طارت عيوني <<<<<< قاعده تكتب فيه لين تفقعت اصابعه مهب تتفخت بس والله العظيم جتني روعه بس يوم شفته فوق قلت اهببببببببببببببب يافتاة والله ماهي سهله <<<< اول مره موضوع لها يثبت هههههههههههههههههههههههههههههههههههههههههههههههه اخسسسسسسسسسسسسسسسسسسس يالقروي انت اول واحد تجاوب لى السؤال والله انك ذهين تعرف تقرى عنقليزي مشاء الله عليك ايه هي الخناااافريه وراح اقولكم ليش سميتها كذا وكتبتها بالانجليزي والله تشكرراتت كثيرات اخوي القروي واهني الساخر على وجود مشرفين مثلك ومثل حميان تقبل تحياتي اختك فتاة __________________________________________________ رابط هذا التعليق شارك More sharing options...
فتاة سوق السبت قام بنشر June 25, 2003 الكاتب ارسل تقرير Share قام بنشر June 25, 2003 هلا حميان اده النوررر هلا ومسهلا والله تسلم الابداع ماخذناه الامنكم والله والله موضوعي ذيا ماتوقعته تنقزونه كذا بس بصراحه مشكورين والله مشكورين <<<< ماتعرف تعبر اذا استانست ايه ليتني معلمتكم كان على الاقل امتحنا مبتسرين وتطلع عطلتنا طويله الواحد يمديه يبنسط فيها <<<<<<<<< صدقت القروي اعترف شلتك كلها بنات منول كركركركركركركركركركركركركركركركركركركركر مشكور على ردك ياحميان يامشرفنا الكبير والله انك تبدعون وتساعدون على الابداع تقبل تحياتي اختك فتاة سوق السبت رابط هذا التعليق شارك More sharing options...
طلال قام بنشر June 25, 2003 ارسل تقرير Share قام بنشر June 25, 2003 مرااااااااااااااااااحب يا سوق السبت صراحه الموضوع طويل حبتين بس مرررررررررررررره مشوق والاسلوب روعه وبالتوفيق أخـــــــوك طــــــــــلال رابط هذا التعليق شارك More sharing options...
فتاة سوق السبت قام بنشر June 25, 2003 الكاتب ارسل تقرير Share قام بنشر June 25, 2003 مشكووووو اخوي طلال على مرورك وتعليقك اتمنى يعجبك تحياتي رابط هذا التعليق شارك More sharing options...
كتكوت قام بنشر June 25, 2003 ارسل تقرير Share قام بنشر June 25, 2003 ههههههههههههههههههههههههه والله انتس فلللللللللللله يافتاة سوق السبت!! موضوعتس حرررررررررركة!! اقوووووول ياحبي لجهير ام برقع مشقوق!ّ! هي معرسة؟؟ لااااااااااااااا والمصري اللي عشقتيه يالمخنزة؟؟؟؟ خييييييييييير ان شاء الله؟؟ طربي واطير؟؟ هذا وهو قايل نورتوا المطرح؟؟ وشلون لو حتسى حتسوتن ازين شوي؟؟ والله انتس تفشلين!!!! تبين الصدز تدرين من زين موضوعتس طبعته وقريته على رواقة؟؟ عاد ماودي امدحتس زود اخاف تموقين علينا!!! يالله انقلعي؟؟؟ <<<<<<<<<خربها!!! يالله.. فمان الله...................................... رابط هذا التعليق شارك More sharing options...
أبو سعد قام بنشر June 25, 2003 ارسل تقرير Share قام بنشر June 25, 2003 الله يقلعكم مت مت من الضحك رابط هذا التعليق شارك More sharing options...
البــــزم قام بنشر June 25, 2003 ارسل تقرير Share قام بنشر June 25, 2003 فتاة سوووووق السبت أهههههههههههههه رهيبة والله رهيبة بعدين تعالي أبسالس سؤال ليش محسرة << مبهذله>> هالمسيكين ((سمبا ار )) مصدقه نفسك أنك مديره في شركة ... تراى لاقية أمس في المسنوصف حق حرمه وجهه مشلاخ ويشكي عليكى .. أنتبهي ولاعلمن المركز عليكى وقفنكى عن البسطه في سوق السبت أسبوعين . أقولك شى بيني وبينك ترا الديره الى رحتي لها فيها سكني !!! وزين الي طلعلك علي شكل مصري عل شان المصاروه تارسين الدنيا ومره ثانية أنتبهى تروحين مثل هالديار أحسن لك .خايف نفقد في المنتدا مشكورها وايد على هالسبحونه ومن أحسن إلى أحسن (( على باله عبدالرحمن بن سعود من نصر إلى نصر )) وعليك بالتخفيضات السنعه في الإجازة ترا الولده تشكي من أسعارك. رابط هذا التعليق شارك More sharing options...
مسلهمه في مسيل الكلبي قام بنشر June 25, 2003 ارسل تقرير Share قام بنشر June 25, 2003 الللللللللللللللللله يقطع عدوانتس يالخبله ... وش هالسرد الحلو ! ويعدين حسبي الله عليك أمي شاشت تقول رايحه ومسافره دون علم ابوتس ... الله لايخزينا الله لايخزينا .. قامت تولول ! ثم عطتني ذاك الراشدي جاني ابا الوجيه عقبه .. تقول بعد .. بعد ..مغيره صوتك مع السواق .. مادرت انه خطه علشان مايعرفنا !!! ومادريت الا والمكيف يصك .. ولاامي تقومني لصلاه العصر .. اثره حلم مثل بعض الناس وبعدين تعالي .. لايكون جهير مضيقه صديرتس علشان خبالها معتس .. تراني مستخيره لي ثلاث تيام ابشب فيها هي وقشها وابقدم فيها معروض .. بس لايضيق خلقتس .. ياعسل .. وشكرا ثاني مره على أشراكي معك .. لاتنسين .. سلمي على يور سستر .. تحيااااااااتي .. مسلهمــــــــــــ ــــــه,, ام عبات تلصف .. رابط هذا التعليق شارك More sharing options...
فتاة سوق السبت قام بنشر June 25, 2003 الكاتب ارسل تقرير Share قام بنشر June 25, 2003 كتكوووووووووووووووووووووووووت ههههههههههههههههههههههههههههههههههههههههه وخزيااااااااااااه عشقت جهير وعووووووووه من زينها ام برقع مشقوق ياقلبيه لالا انت تستاهل وحدتن ازين منها صيته جعلي مافقدها تهبل بس ترى برقعها زين موهب مشقوق الله يسلمك ياوخيي والله فشلتوني ماعرفت ارد زين بعدين وش مصريه من زينه احبه حبته الدود والعقيربات السود ها الدريبيه متفوخ كنه تانكي وعوووووووووووووه تشكورات كثيرات على ردك <<<< تحياتي رابط هذا التعليق شارك More sharing options...
فتاة سوق السبت قام بنشر June 25, 2003 الكاتب ارسل تقرير Share قام بنشر June 25, 2003 ههههههه لا ابو سعد وجعه تموت وتورطني امزح مشكور على مرورك تحياتي رابط هذا التعليق شارك More sharing options...
فتاة سوق السبت قام بنشر June 25, 2003 الكاتب ارسل تقرير Share قام بنشر June 25, 2003 البـــــــــــــــــــــــــزم وي وي ويوووووووووووووووووين لاقيه في المستوصف عله للمصع وانا ادوره ابيه يجيب لي ديرم امس من السوري(تدليع ساره) اللي في سوق الخميس اوررررررررررررررررررررررريك فيه اشوى انك علمتني بروح ادبغه هالحين <<<<<<<<<<< مستخسر فيها كلمه مديره والله اسوها واسوى وزيره بعد اهئ لاعاااااااااااااااااااد مهب على كيفك توقفني انا اوقف الناس ولاتوقف انا لو ماابسط في السوق ماحدن بسط <<< اخس مهيب سهله هههههههههههههههههه وشوووووووووووووو عسى مهب ها المصري الدريبيه التفخه جني وجعه جدي وانا مغير اهذر معه ايه زادني اشوف عيونه تبارق بسم الله علينا تف تف تف بسم الله هههههههههههههههه من احسن الى احسن وفتاة سوق السبت للسبت<<< النصر للنصر كككككككاي تشكراااااااااااااااااااااااااااات وايدااااااااااااااااااااااااات على ردك يور سستر<<<< رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان