حميان بيتش قام بنشر June 18, 2003 ارسل تقرير Share قام بنشر June 18, 2003 نتائج مغازل بعض اعضاء المنتدى حسب نظرية فيثاغورس المشهد الأول الولد معوكس ويدلعونه (عكوز بكوز في كل مكان مركوز) البنت نووووف ويدلعونها أيضا نونو .. واذا راحوا لخوالهم في الرياض يسمونها ( ننه) يدق جوال نوووووف وتنقز تشوف الرقم .. مكتوب ماي لووف كالينق يو .. وتتشقق من فرط الوناسة .. وتروح تشرب مويه .. عشان تضبط صوتها .. وربع ساعة تتنحنح لين بغى يطلع مصيرها الثالثطعش .. ((يشبه الإثنى عشر)) .. عقب ماخلصت من سمكرة الصوت .. الا الجوال خلص من الدق.. وتضطر تروح تدق .. نوووووف: الوووووووووووووووه معوكس : اهلين .. يا أحلى الووه (كان مواعدها عند النصلة وماجاب خبرها ودقت عليه) نوووووف: حياتي وينك .. بسم الله عليك .. وراك ماجيت معوكس : الا جيت .. انا اللي معه فياقرا نوووووف: ماشفت فياقرات معوكس : ايه ملبقها عند ميدان الفروسية.. أخاف عليها (جاي بكرسيدا حقت واحد من العيال بعد) جا معوكس .. وشاف نوووووف .. وطلعت بنت حلوة .. وطاحت بذا الخربطه .. مع واحد الضمير عنده مستتر مرفوع بالنصبه الظاهره على خشته مما سبق نستنتج أن: ملكع + دلخه = ضياع مستقبل الدلخه المشهد الثاني الولد اسمه حر الآهات ويدلعونه ( مزاجي ) البنت اسمها منقولة ويدلعونها ( قص ولزق) كان حر الآهات.. ولد ناس و مطخطخ .. يتمتع بغباء قاتل .. حبيب ووسيم .. بس على نياته .. باختصار دلخ ووسيم .. ومعه فلوس منقولة .. بنت ذهينه .. لعابه .. تحب الإستعراض كان حر الآهات يتمشي هو وامه بالسوق ومر من عند ساره وصديقاتها .. قالت منقولة : تتحدوني اليوم اخلي هالحلو يكلمني واسحبه على وجهه بعد؟؟ .. وفعلا السيد حر الآهات ماهي الا سبع ثواني الا هو رايح وطي .. بعد ما مارست عليه منقولة اسلوب التخقيق و التسحيب وهو له علاقة طردية .. حسب مبدأ سقراط (بدا النصب) .. وبعد ما انتهى فاصل الترزز .. جت اول مكالمه منقولة : اهلين .. ياحلو .. كيفك عيوني انته (انته ذي خلت حر الآهات.. يصير كنه قرانديزر يوم يتصفق من فيقا فيقا) حر الآهات: هاه .. ايه تمام .. اهم شي اني اسمع صوتك .. واقلبيه منيب مصدق اني اكلمك (كان قاعد جنب المكيف .. ومجهز ورقه فيها حكى كثير .. والهواء طير الورقه و توهق) منقولة : ليه ياقلبي وحبيبي (يوم قالت حبيبي بدا يكبر خشمه واصيب بانقطاع الرباط الصليبي في خشمه ) حر الآهات: احبك .. يا احلى شي منقولة : (وهي تنتظر كتكوت يدق على الهاتف الثابت) هاهاهاااااااي .. يعني لو أطلب منك أي شي تسويه؟؟ حر الآهات: لو تبين اعطيك ابوي .. عادي منقولة : لا ابيك تسدد فاتورة جوالي .. وبس وهنا دق الكتكوت .. على خويته منقولة .. و حر الآهات.. من الصباحية وهو طاق اللطمه وصاف طابور بالبنك .. يبي يسدد الفاتورة .. وانواع السعابيل من كثر التفكير في منقولة مما سبق نستنتج أن: دلخ + نصابه = حالة تطفير تصيب الدلخ المشهد الثالث الولد اسمه حليب خلفات والبنت اسمها رزنامة تعرفوا على بعض بالأنترنت .. ويدق عليها من التلفون الثابت حليب خلفات : مساء الخير .. يا أحلى طير .. واغلى مها شفتها .. وحبي الأول والأخير.. رزنامه : هاهاااااااااي عيوني سا محني ... البارح وانا في السوق كنت امشي مادريت الا بنواف التمياط جنبي .. يبيني آخذ رقمه .. رفضت بالأول بس رحمته و خفت انه يتأثر نفسيا ولا يلعب زين بمباراة الكاس (مصطفى ادريس سبق وشرى ببسي من البقالة اللي بحارتهم) حليب خلفات : يالله عيوني .زين سويتي .. اسمحيلي . أنا بروح الحين عندي موعد مع الوليد بن طلال يبي مني سلف (مافيه راعي بقالة الا ويطلبه خمسميه و ثيابه مرهونه عند المغسله ) رزنامة : وأنا بعد بروح اشوف الخدم والطباخ وش مسوين عشاء ( أم جيرانهم زارتهم يوم من الايام ومعها شغالتها واعتبر ذاك اليوم من الأيام التاريخيه على الاسرة) مما سبق نستنتج أن: نصاب + نصابه = صواريخ ليس لها نظير المشهد الرابع الولد اسمه العنيب ويدلعونه الدلخ والبنت اسمها اميرة نت ويدلعونها كوين العنيب .. صاحب الإبتسامة التي لاتمت للجمال بصلة .. ينتظر اتصال صديقته اميرة نت .. وهم متواعدين انها تدق على الجوال .. فهو من الذهانه .. كان حاط الجوال على الصامت والآنسة اميرة نت قاعد ترسله مسجات بالجوال تبي تقوله ادق وأسكر والا ادق وترد علي؟ وفي خضم هذه الحالة من الأستدلاخ الجماعي بين الأثنين .. أخيرا قدروا يكلمون بعض ( ويقال في ذلك اليوم واحد من اللي يشتغلون بالأتصالات اغمي عليه من كثر ما اتصل عليه العنيب... ويقولون انه قدم استقالته..والله اعلم ).. المهم خلال المكالمه الاولى اتفقوا على انهم يشوفون بعض .. واخيرا شافت اميرة نت رفيقها العنيب .. وحصل اللقاء العاطفي المفعم بكل ماتحمله كلمات الإشتياق من معنى وكان جمس الهيئه قاعد يناظرهم .. متكي على الكبوت وما خذ راحته .ويتقهوى شاهي و.يمتع ناظريه بهالمشهد .. وانتهى العنيب و خشته لاصقه بقزازة الجمس من ورا .و اميرة نت بغرفة الهيئه الفرع النسائي.. مما سبق نستنتج أن: دلخ + دلخه = جمس الهيئه رابط هذا التعليق شارك More sharing options...
حلوووس قام بنشر June 20, 2003 ارسل تقرير Share قام بنشر June 20, 2003 الله يرجك يا حميان بيتش (( شاطي حميان ))) من موضوع لموضوع وانت مرجوج تسلملي على هيك مواضيع رابط هذا التعليق شارك More sharing options...
ابو صــويـر قام بنشر June 20, 2003 ارسل تقرير Share قام بنشر June 20, 2003 هههههههههههههههه أفا وش هالفضايح والله تروع ياحميان وشلون دريتا عنهن رابط هذا التعليق شارك More sharing options...
فيراني قام بنشر June 21, 2003 ارسل تقرير Share قام بنشر June 21, 2003 المهم خلال المكالمه الاولى اتفقوا على انهم يشوفون بعض .. واخيرا شافت اميرة نت رفيقها العنيب .. وحصل اللقاء العاطفي المفعم بكل ماتحمله كلمات الإشتياق من معنى وكان جمس الهيئه قاعد يناظرهم .. متكي على الكبوت وما خذ راحته .ويتقهوى شاهي و.يمتع ناظريه بهالمشهد .......................... ههههههههههههههههههههههههه الجمله هذه عن الف موضوع تسلم يا حميان على مواضيعك الحلوة ............... في الحقيقه انت مكسب للمنتدى .... ( لكن يا حميان ما تحس انه اذا نزلت اكثر من موضوع و كلها حلوة و خلال مده بسيطه راح ينحرق واحد منها .... ) فكر فيها تحياتي للك ............. رابط هذا التعليق شارك More sharing options...
العنيب قام بنشر June 22, 2003 ارسل تقرير Share قام بنشر June 22, 2003 ؟ رابط هذا التعليق شارك More sharing options...
سديراوي الأصلي قام بنشر June 22, 2003 ارسل تقرير Share قام بنشر June 22, 2003 كوين ياخي الأسم هذا موب غريب علي قد شفته في البااال توك <::::::: مدمن بال توك حافظ جميع الغرف السنعه بس نتائج رهيبه هالمغازلجيه رابط هذا التعليق شارك More sharing options...
منقولة قام بنشر June 22, 2003 ارسل تقرير Share قام بنشر June 22, 2003 واللة اني فلتة خليتة يسدد فاتورة الجوال كانت الف وخمس امية وواحد وثلاثين ريال وست طعش هللة والمرة الثانية ابخلية يسدد فاتورة الهاتف الثابت والانتر نت اسمعو يا اعضاء اي واحد يحاول يغازلني ابورية شغلة ابخلية ياثث بيتنا ----------> وحدة صقرية رابط هذا التعليق شارك More sharing options...
معوكس قام بنشر June 23, 2003 ارسل تقرير Share قام بنشر June 23, 2003 الله يغربل غرابيلك ياحميان 00 ذكرتني بالفلبيني اللي معة مازدا الظاهر موديل السنه اللي كان فيها الظاهر بيبرس 00 المهم اخينا كاتب على السيارة من ورى وبخط واضح بالانقليزي 00 ماي انذر كار از رولز رايلز 00 يعني بالترجمة العربية 00 سيارتي الثانية رولز رايس 00 عموما تراني صدقت القصة ومن يومين وانا رايح جاي من النصلة لنادي الفروسية ادور حبيبتي لا خلا ولا عدم 00 وكل ما قربت من النصلة القى واحد واقف وانحاش احسبه ابوها 00 المهم جاء ذاك اليوم واقرب شوي لقيت ان اللى كان واقف شجرة 00 رابط هذا التعليق شارك More sharing options...
Ba6lh قام بنشر June 23, 2003 ارسل تقرير Share قام بنشر June 23, 2003 (معدل) مشكووووووووووووور على الموضوع الحلو هذا بس عندي ملاحضه بسيييييييييييييييطه احس انه ماله داعي ذكر اسماء ولو انك مقدم إعتذار في الأخير كان أفضل ولا شرايكم تم تعديل June 23, 2003 بواسطه Ba6lh رابط هذا التعليق شارك More sharing options...
كتكوت قام بنشر June 23, 2003 ارسل تقرير Share قام بنشر June 23, 2003 ههههههههههههههههههههههههههههااااااااااااااااي الله يرجك ياحميااااااان المنتهي؟؟ مسكيييييييييييييييييييييين حرّ الآهات؟؟ خفتبك (((خويتي))) منقولة؟؟ <<<<<<<<<<صدق الوضع!! اقووووووووووووول : والله انك حرررررررررررررركة ياحمياااااان ..!! صدز مواضيعك خبااااااااااااااااااااااال... يااااااماااااااال العااااااااااااااااافية............. رابط هذا التعليق شارك More sharing options...
حميان بيتش قام بنشر June 23, 2003 الكاتب ارسل تقرير Share قام بنشر June 23, 2003 الســـــلام عـلــيــكم ... اخواني : حلوووس ابوصوير فيراني العنيب سديراوي الاصلي منقووولـــــة معوكــــس بــطـــــــلــه والكتكوت اشكر لكم حظوركم .... واسمحولنا على التأخير في الرد الاخت بطله : شكرا على النصيحه .... والموضوع منقوول .. بس حبيت اضيف الاعضاء للاستمتاع بالموضوع . وفعلا اعتذر لجميع من تطرقنا لاسمائهم ..... رابط هذا التعليق شارك More sharing options...
العنيب قام بنشر June 24, 2003 ارسل تقرير Share قام بنشر June 24, 2003 لوووووووووووووووووووووووووووووووووووووووووووول الله يرجك شاطي حميان أجل ابتسامه لاتمد للجمال بصله اول ماقريت الموضوع كنت في الدوام والأخلاق (......... ) والمدير واقف على راسي بس بصراحه تسلملي على هالموضوع رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان