الصيف عندنا غير والتنسيم غير

طن طن طن

يوجد لدى الاداره طفله تائهه

تدعى حليمه صفوق عبد المتجلي

على ذويها مراجعة الاداره لاستلامها

طن طن طن

شايفين البراءه بس في عيونها

ازعجونا ذ البزارين والعالم تفك عيالهم ولا يدرون وين رايحين

وربي ما يصدقون الناس يقطعون تذكرة الدخول الا وتلقى البزارين طيارات

حشى طيارات الا صواريخ ارض جو مفلته معاد تلاقيهم

ويتفلتون واللي يضيع واللي يتوه وحالة ما يعلم بها الا واحد احد فرد صمد

طن طن طن

الرجاء من السيد \ فلان العلاني مراجعة البوابه للاهميه طن طن طن

طن طن طن

الرجاء من عائلة السيد \ علان التلاني العود لمكان الجلسه

والا سوف يمشي ابوكم ويترككم لاخر الليل طن طن طن << ابوك يالتهديد

الواحد جاي يوسع صدره ويشم له هوا نظيف والا جاي يضيق صدره وينزعج

والا يجيك واحد من ذالبزران عمره لا يتعدى ال 4 خريفات >> (سنوات )

وتلقاه حافي ومنظره يقول انه ما تروش له 4 سنوات >>يسمع في ترشيد استهلاك المياه

ويقولك تكفى عطيني واحد كابشتينو ويحط لك رجل على رجل

ولما تعطيه يقولك كم الحساب ويعطيك ريال

ياورع الحلال الكابشتينو على قولتك ب3 ريال

يقولك وش فيه الكابشتينو ما هو احسن من الشاي بريال وكلها بتنشرب

المشكله انك تحاول تخلص نفسك عشاان السمعه فقط

والا امثال ذوولي وربي كثيرهم بخاخ فليت >>> يبيد ويبيد ويبيد

وفي منظر اخر تجي عند بوابة الدخول وتلقى ذاك الدسن اللي معطل حركة السير

ومسوي لك زحمه والددسن الحوض مليان حطب والعنز مرتزه جمب الحطب

وتقول الرجال داخل يخيم في الحديقه اسبوع كامل

لا وتلقى معه ثلاث سيارات اثنين جيوب من ايام فرعون كا ن يركبها

واخر سياره جمس من سنة حفرو البحر

وتلقاه ينافخ على السيكيورتي حق الامن ليه فيه تذاكر دخول

يقولك الله يعز الحكومه كانت تدخلنا بلاش والحين انتم تاخذون القروش علانا

تقوله يابن الحلال هذا منتزه سياحي منت طالع للبر هذا منتزه وملاهي

ياخي ما نبي الملاهي ياخي وبعدين ما حنا معترضين على التذاكر

معترضين على سعرها كثيره 10 ريال للسياره

يارجال ماهي كثيره انت لو تحسب الجيش الي معاك تحمد ربك كانت على السياره ما كانت على الفرد

يقولك لا و احسب لي سياره والباقي مجانا

الاشكال هذي لا تروح ولا توصل جده افضل لها

وش راح يصير لو يدري انه في بعض الاماكن دخول الشخص الواحد 100 ريال

ما ينعطون وجه ولا يحمدون ربهم << خله يقعد يغني ياليل خبرني عن امر الزحامات

كان يظل يدفع راتبه كله عشان تذاكر دخول فقط

والا يجيك عايلتين بجانب بعض عائلة بدو يا رسول الله والثانيه حضر يا رسول الله

ويا حليلهم طيبين واخلاق البدو تفضلو تقهو معانا <<< الحضر شكرا ياخويا عندنا قهوة ما نبغى

والبزارين يلعبون كورة مع بعض ومبارة بين الحضر والبدو واخر وناسة

ويجي واحد من البدو يكسر لاعب من الحضر وما يحسب الحكم البنقالي اللي يبيع البليله ضربة جزاء

الحضري اش هادا بلنتي __ البدوي : لا ابك انت من قاله مافي بنلتي

اقول انت بدوي ايش عرفك في الكورة <<<<

اقول انت ياطرش البحر الزم حدك ولا تغلط تفهم

كلمه من هنا وكلمه من هنا

البنقاله برا يتفرجون

يدخلون الحريم يا بدويه الله ياخدك ريحتك معفنه وععععع <<<< البدويه اقول بدويه اصل وفصل موب جايه على التايتنك <<سفنيه>>

كلمه من هنا وكلمه من هنا

يدخلون فيها الرجال وما ادراك ماالرجال اللي شايل عجرا واللي شايل اريل السياره ووين يوجعك

ويتدخل الامن والشرطه وهيئة الامر بالمعروف هذا يغازل حريمنا والثاني يقول هذا رافع صوت المسجل

يعملوها الصغار ويقعو فيها الكبار

اهم ما في الموضوع انه ما احد شرب من قهوة احد

والا يجونك في محل الايس كريم محل راقي وايس كريم فرنسي

يجيك واحد مافي ايس كريم بريال

والا يجيك الواحد بكم الايس كريم << تقوله بخمس ريال الكورة

يقولك اووووووف بخمسة ريال الكورة وش ذا لونها كورة كاس العالم ما صارت بخمسة ريال << دقيقه اضحك على المقطع ذا

والا يجي يقولك مافي ايس كريم بالفراوله <<< تعطيه بالفراوله يقولك لا ابي بالمنجا

وفي الاخير تعطيه ايس كريم بالمنجا <<< يقولك لا مابي ابي ايس كريم بالتوفي

العالم حاطين لكم مطاعم على مستوى اشي مشويات واشي شاورما وشي ما شيات ومعجنات

ويجيك واحد يقولك مافي مطعم فول وتميس <<<< انت جاي منتزه وملاهي والا جاي وسط البلد

والا كله كوووم ولما يكون فيه مهرجان للالعاب الناريه كووم ثاني

تسوي مهرجان وتحط اغاني مع الالعاب الناريه

وفعلا يكون مهرجان رائع والعالم مبسوطه وتلقى تفاعل كبير وتصفيق ساخن>>>بالمايكرويف

تلقى بعد ما ينهي العرض <<< والله حراميه حرام القروش فيكم بايخ وماله طعم وقديمه

بعد ذا كلها تلقى انا عيوني راحت كذا >>>

اي سياحة واي مصطافين واي صيف

وربي عالم ترفع الضغط يا هو في ناس ما يتقدمون ولا بعد 198373489 سنه

فعلا ارضاء الناس غاية لا تدرك

منـــــــــــــــــقول

بنوته

البنوووووته

موضوع حلو .... وبداية طيبه

نطمح بالمزيد

هههههههههههههههه

طرش البحر ههههههههههههههههههههه

والله فعلآ رضا الناس غاية لاتدرك...

وبداية اروع من رائعة.............

شكرآ بنوته

الله يسلمكم

يعيطك الف عافيه