فتاة سوق السبت

اللهم اغفر له ورحمه واسكنه فسيح جناتك واللهم ذويه واهله الصبر والسلوان

وكمان نقطه. حلووووووووووووووه

^ ^ ^ ^ والله فكرتن مهيب شينه بس لويحطون ريموتات للاخوان بعد تسان زين الف شكر اخي المجازف

دلوعتنا دعـــــــــاله بني حرمه كلها فيتس <<< سبه ومدحه مدري وشلون قلتبها بس امون الله يغربل عدوتس يانتس مانتيب عاقله.. على حتياتس الف شكر على مرورك وحرصك يالغاليه الله يحفظتس

البصيره سلمت جعلك ذخرن لحرمه وشيابها الف شكر لمرورك

الاخ المميز ابو عمار/ دميجتي والله قوطي صلصه فاضي الله يخليلنا شيابنا يارب تسلم لدعمك ومرورك

مشرفنا المبجل / حميان بيتش <<<<< شافت رويحتها بنت بن خيخي اجل تهقى الدعوه فيها خطف .. ومدامها خطف فيها فديه .. الحين مالقينا فلوس المشروع فنلقى فلوس للفديه شكلي بصرف نظر الف شكر لمرورك ودعمك وترفيعك

الاخ المميز فيد غانـــــــم الله يجزاك الف خير ماتقصر وان قصر شي نبي نزهم لكم هماه ويمكن نحتاج بير ارتوازي اذا ماعليكم كلافه تتطقون لنا واحد ( ماننعطى وجه ) الف شكر لمرورك وتعليقك

الاخ مشرف الرياضيه مرتاح الف شكر لمرورك ومابعد شفتا شي والكورنيش والبحر في القريب العاجل بس ادعمونــــــــــا تحياتي

طنـــــــــبق طنــــــــــــبق طقط طقط وكل البنات حلويـــــــــــــــــن .. وخروا وخرواااااااااا البنات البنات شدوا حيلكم لا تفشلون مشرفه الساخر ياله عليهم عليهم

س 10 : كيف نضع فيل في الثلاجة على ثلاث مراحل ؟ ج 10 : - نفتح الثلاجة 2 - ندخل الفيل في الثلاجه 3 - نقفل الثلاجة ^ ^ ^ قبل هالسؤال ينسأل اذكر اول مسالونيه قعدت افكر لين تنتقت عروق راسي واخرتها جواف يقهر ههههههههههههه مشكور منقـــــــــــــوله .. الله يعطيس الف عافيه اخيتس

مخلين السواقه الزينه لكم .. شدعوى عاد انتم اللي ماترقعون خلق الله .. كم عامود كهرب راح في حرمه وكم نفس راحت وكم وكم وكم.. بشرط لو ساقوا البنات ان يطلعون احسن منكم سواقه وتفحيــــــــــط الف شكر مرتاح ( ومن زمان عن مواضيعك هنا في الساخر ) تحياتي

وهااااااااااااااااااذي كمان نقطه لصالح البنوتات عليهم عليهم ابو عمار تشكر على هاللعبه الحماسيه بس تراكم انتم الخسرانين ههههههههه تحياتي

التربيه والبيت والام الله يخليها لامها .. ويكثر اللي مثلها سلمتي يا دلوعه

هههههههههههههههههههههههههههههههههههه لا والله ودك يحطونه صابون فيري انفع ياخوي للمطبخ ولتسبيع المواعين وش زينه سلمت يافيد غانم

شنطه ابدعتي والله .. بس فيه حتسوه اول مره اسمعها وهي لوقي << زين مار نتعلم لدي بعض الاضافات : هجوا الباب = افتحوه يصفر= مافيه شي فاضي حقــنه = نشبه او لزقه او صياح ومن الادعيه: شيعوف يطيربه = مدري بس اتوقع اسم جني ههههه يامال المر التسدر = هذا مر يجي في البطن ياعلتس للماحي = مدري وش معناها بس اتوقع مرض ماتلاحظون ان اكثر الادعيه عندنا ياسديراويه كلها عن الامراض الله يستر بس تحياتي

كركركركركركركركركركركركركركركركركر حلــــــــــــوه والله النكبه اجل العنود طلعت تمساح لا وبعد شنبات وفره ههههههههههههههههااي والله على قولتك عاشوا التماسيح اللي يضيعون وقتهم بالفاضي .. وتعلق قلبي ماتعلق ياجعله يتعلق في اثله ان شاء الله الف شكر المرجوجه

بسكوت مالح تصوير وسرد بالفعل ابداع يرجد ابداع. مناحي دا حاقه تنايه اوي اوي . انا قريت نصها ..بالفعل تميز بكملها وارجعلكم.. عوفيت يابسكويت مالح تحياتي فتاة سوق السبت

~~&~~مشـــروع فتاة سوق السبت لرعايه عجيزات حرمــه وشيابها ~~&~~ ((( حقوق التنفيذ واداره المشروع وصاحبه الامتياز شركه الراشديه المحتكره للقرقاص))) ليس لدينا اغلـــى من عجيزات وشياب حرمه ... هم بركتنا هم عمدان حرمه اللي واقفه عليها بصراحه هم شاغلين تفكيري ومضيقين صدري موب انا بس كل من عنده عجيز ولاشايب .. المشروع هذا راح يستفيد منه الجميع وبالاخص العجيزات اللي ودهن يسسعن ويسيرن على رفيقاتهن اللي مايقون يطلعن من دورهن .. الله يعظم اجرهن .. وقبل ماقول المشرع بقولك بدايه التفكير في المشروع واسباب التفكير فيه.. ** ** ** كنا هذاك اليوم طالعين نكشت في هالربيع الزين والمكان بالتحديد في (طراق زبده).. تدرون عاد حريم وانواع الدرم من نربظ لين نقحص وانحن نزرط اول شي قهوه عاد من يخلصن قهوه جببوا الغدى همين سواليف شوي ولايروحن يجنن قرقاص وبقرا همين يصلن العصر وبعدهـــــــا عاد مسيره كامله كلها اكل قهوه وشاهي والحلى والمالح ( نعنبو بليسهم رايحن للبر مجاعه ) همين تظلم العين ضفوا القش ومشينـــــــــــا ^ ^ ^ بالله ذي طلعـــــــــه بر امحق المهم اثناء ما حريمنا عقب الغدى راحن يجنن ويطلتزن (يطلقن ) رجيلاتهن من القعده جلسنا نحنوا العوانس ( اللي يقالك ماعرسن )على قولتهم نهذر ونخطط ايه عاد بسم الله علينا لاحش ولا تقطيع جلود كل حتسينا مشاريع وعقارات .. كنا نتذكر .. شلون عجيزات حرمه يعانن خاصه اذا بغن يسعسع العصريه الضعيفه تطلع من يذن العصر ولا تاصل الا المغرب( من العليا لسويدي ) كل من ركيباتها ولا رجيلاتهم مايمديها حتى تسولف ولاتشرب فنجان قهوه.. هذا غير انواع البثاره اللي يتمتع بها بعض من مبزرتنا .. اما كوره يلعبون بها تجيكم مدرعمه لضعيفه ولاهاه لازختها مع رويسها ولا مع ظهرها. ولاعاد وقت الاعياد الصواريخ والشروخه تدهر.. تقولون حرب على العجز وحده الله يذكرها بالخير تقول طلعت بسير على ناس ودخلت عليهم من دون عباااااه مجموعه جذاعين .. يشبون صاروخ طار بالغلط وهي ماره الضعيفه وشب في عباتها ماقدرت تطفيها .. فصختها ودقتها رجليه ... وايضا من قصص العجيزات الضعيفات في الوطن العربي قصه ادرجتها اختنا مسلهمه في مسيل الكلبي في موضوعها (( حرمه والكهرب )) وهي قصه ام طلق اللي كانت رايحه لمستوصف حرمه تبي تقيس السكر وطفى الكهرب على حرمه وضيعت الضعيفه وماردها الا حدود ام الشــــــــــري .. (( الله يرجك يامسلهمه ياني مانسيت هالسالفه علتزتن في مخي )) والكثير والكثير من القصص التي لاتحصى... الله يكون في عونهن بس.. طبعا .. من هذه القصص استنبطنا فكره المشروع وقعدنا نفكر في مشروع يخدم عجيزات ... وعلى طول نتق في بالنـــــــــا شعيب ابو صوير .. يعني ربي معطينا شعيب صغنون وش زينه.. ليه مايتم الاستفاده منه وفكرنا في اننا نقلب مدينه حرمـــــــــه الى فينيسيا <<<< تسبيره بس مهب علينا قدهــا طبعا ابو صوير يحد مدينه حرمه من الشمال .. فقلنا ليش مانخلي ابو صوير يكون دار مــــــــا دار على حرمه وونطلع منه فروع عباره عن سواقي.. تمر في كل شوارع .. بتسالون ليش هالسواقي ؟ اقولك .. اولا راح نضع مركز كبير ورئيسي يكون مكانه بالضبط عند اماره حرمه وقدام النادي .. طبعا لاسباب كثيره وهو انه يكون تحت نظر اولياء الامر.. الله يحفظهم. هذا المركز راح يزود بقوارب صغيره ( الجندول لغير الناطقين بالعربيه )..وايضا راح يزود بزحليقه ومضخ كبير.. الزحليقه عشان تساعد على دفع القارب بسرعه وايضا المضخ يدعم هذه السرعه.. وقت السيول مشاء الله ماراح نحتاج لتزويد الشعيب بالمياه .. لاننا عارفين اول ما ترش عندنا يسيل ابو صوير .. لكن ممكن نحتاج الى وايتات مويه وذلك فقط اثناء فتره الصيف ( والله الخساير ) قيمه هذه الخدمه راح تكون رمزيه وتكون ايضا عن طريق الاشتراك السنوي او الشهري .. طبعا هذه الخدمه راح تسهل الكثير لعجيزاتنا وذلك انه بمجرد خروجها من بيتها اول قارب يمر من عندهم تقمز فيه.. ويدور بها لين توصل البيت اللي تبيه همين تضرب فرامل ... وتدحدر .. لاراح تحتري ولدها يوديها ولا متى يحمي السياره ولاتنطق عند الناس لين يجيها متى ما قضت مسيارها اقرب جندول تركب فيه . ولافيه بهذله مشي شوارع ولاتعب وتطقيق كور .. يعني راحه جسميه ونفسيه .. حتى هذي الخدمه ممكن ايضا يسفيدون منها راعين البقلات لتوصيل اسرع للمنازل وبعد بيسفيدون منها الاسر ايام الدراسه لاتوصيل مدارس ولاشي يركبهم في القارب لين يوصلون المدرسه .. يعني ماعاد نحتاج توبيسات .. و ماعاد فيه روحه مبكرين ولا اللي ماقضت لابسه ومرها التوبيس .. تعقد تغربل وتلبس بسرعه وتروح للمدرسه كشتها هذا لونها وحوسه متى ماقضت وافطرت راحت الدنيا من سعه. ايضا من الهواجيس اللي طرت على بالي .. هو تحويل سوق السبت من مقره الرئيسي المعروف امام مستوصف حرمه وجعله سوق متحرك .. وذلك ايضا عن طريق هذه الخدمه .. كل سياره من السيارات تحط عفشها في قويرب من هالقويربات ومن يذن الظهر وهو يدور في هالسواقي .. وكل من بغى يشتري منه يوقفه ويشتري .. واسهل للحريم بعد تلبس عبيتها وتنتص عند بابها لين يجي راعي البضاعه اللي تبغها وتوقفه او تطلع واحد من عيالها يحتريه عند بويبها . حتى حقين السيارات يرتاحون نفسهم من متى يجي مبكر ويحجز مكان خلاص معاد فيه حجز ولاهواش . والكثير من الخدمات الاخرى . مقتطـــفات: 1- المشروع فيه خدمه كبيره وخساير عظيمه. 2- الله يعين اللي عندهم بزران كل يوم طافحين من المياه . ماقضبوهم وقت السيول فيقضبونهم والمويه كل يوم عند بابهم . 3- من عيوبه .. خوفك تجي وحده من هالعجز اللي الشوف عندها شجر .. وتقعد في هالقارب تدور ماتدري وين الله حاطها فيه. والله البحله . 4-المشروع فيه استثمار لفلوسك وذلك عن طريق الاسهم . لكل شخص لايزيد عن عشر اسهم ( شركه الاتصالات على غفله ) 5- المشروع عباره عن خدمه وملاهي في نفس الوقت ( شلال ملاهي الروضه والخيمه .. قسمن بالله فله عز الله اللي نزلوا مبزرتنا ) 6- يمكن في المستقبل القريب ان نمد هذه السواقي حتى تصل الى مزارع حرمه وايضا حرمه القديمه وممكن بعد نوصلها للمجمعه . 7- اخيرا تخيلوا شكل حرمه وهي مثل فينيسيا ظلماء ومافيه الا انوار القوارب <<< الله على الرومانسيه راح تكون من اكبر مدن سدير السياحيه ويمكن تغطي على الرياض بعد . واخيرا ترى هالمشروع خنبوقه من خنابيق مخي ... يعني براءه الاختراع راح تكون لي<<< ضفي بس امحق براءه اعذرونا ان قصرنا واستروا ماوجهتوا من هالدميجه

أحلى يالعجيز = ديرم + شيله منيخل + شبشب مخمل عنابي + مخابي كلها علوكه

ياحليــــــــــله وين ام العيال عنه ههههههههههههههههههههههههههههههههههاااي والله انه منسم هالبعرور << يقالك دلع الحين الف شكر اخونا اسير نجمه المجازف

صيده رائعه ام القنازع ... الموت حقيقه حاصله يتالم منها الجميع الله يرحمك ياساره تسلمين ام القنازع على النقل الرائع

<<< استحت الله يسلمس يا منتصه وجعل هالدعوه بعد ترجعلك لانك اكيد من بني حرمه السنعات اتمنى للي بعدي امممم يشرون سياره جديده وانيت <<< امنياتها على قدها خخخخ

^ ^ ايـــه امحق دلع... مدري وشوله هالوزوزه اما تعارف ... تخرش صدز ياحميان الله يعطيك العافيه يامشرفنا سلمت

والرجاجيل بعد عزمكم رجلي اللي يبي يجي يعلمني = جيل التاليــــــــــــن .. يهول ويفتسر