القروي

هلا أسد .. هالحين وراك ماتزور حرمة وتشوف ديرك تراها قريبة <<< (( ابوووووك يالتعارف .. لعن ابوبليسك الرجال جديد طبيتا فيه )) هلا أسد والله النخل الحمد لله تمام واذا راح اخوي الطويل لحرمة وراح للمزرعة وانتفشت شوشتة يطلع كنه نخلة خضري ههههه تغدي اذانه تقل عذوق وكل من دخل المزرعة قال للوالد ماشاااء الله كن نخلكم زااايد ؟ مادروا انه اخوي الاشهب مرتز ههههه حياك الله والوعد حميان << قل عاد ماتعرف حميان ؟

يااااااااااااااااااااخي وشفيهم الي ماعندهم الا موتر بخمسة ألاف ؟ ؟ ؟ علشان معك فياقرا جالس تطنز بنا << (( عنده ددسن غمارة والمكينة من زين الطبايع فوق الصدام هههه )) أقول عساك ماتصدمني والله أنشف ريزك (( ريزك = ريقك لغير الناطقين بالسديراوية هههه )) لا ... وددسن بخمسة ألاف وبالتقسيط المريح بعد ههههههه أقول لاتدف طيب هههه

ابو سعد !!!! أنت سارق(ن) هالموضوع من ام شوق ؟ افاااا .. ياخزيااااااااااااه ... ياعيبااااااااااااااااااه .. خلصت المواضيع يوم انك تاخذ موضوعها هههههه ياويلك البنت شايشة ومنتفشتن شوشتها هههههههه

أقول .. والله انتس كاتبة(ن) الموضوع وشوشتس منتفشة من الزعل .. والله من الشواهه والبزاعة فيتس .. أجل وشوله تحشين بنات خلق الله ؟؟ مايجوووووووز تميزين نفستس عن بنات المناطق الثانية والا والله مهوب جايتس عريس من المجمعة والا تمير .. يابنااااااااات كل ديرة فيها الشين والزين << أحلف بس لاتخلون الثانين يكرهونكم <<< أمي تدرس في محو الامية في المجمعة واخاف يرسبونها اذا دروا انها من حرمة ههههه

الله .. أثره عندتس الالبوم ؟ الرجال صجني مكالمات يقول ماخبرتا لي ألبوم صور ضايع(ن) مني يالقروي ؟ وأنا كل ماكلم الرجال قلت له والله اني ماشفت شي أثره عندنا في حرمة أقول لا أحد يدري بس أنه عندنا .. مالنا خلق على بي 52 مشاركاتس تجوز لي الله يخليتس لشوق وابوها

مسلهمة في مسل الكلبي : يقالتس تمدحيني هالحين .. خربتي الدعوة عز الله بيرشحوني في المحذوفات ... فتاة سوق السبت : اما عليك أسم مدري وشلون دبرتيه .. شكلتس متعقدة من هالسوق هههه شكرا على ترشيحتس بس لو تتعينين سكرتيرة والا محاسبة قانونية لتجار سوق السبت خصوصا ان البورصة العالمية تتغير كل سبنت بسبب هالسوق ههههه تسلمون على ردودكم

ذكريات الويك إند في حرمة !! النهاية : <<< ( ماعمره كتب موضوع منسق والي هذا اوله ينعاف تاليه ) احب اني انزل لكم فيذا اول مشاركة لي عبارة عن موضوع جاد شوي عن ذكرياتي قبل خمسة وعشرين سنة أيام الخميس والجمعة وخصوصا اذا علمنا ابوي ان حنا بنروح لحرمة في الاجازة الاسبوعية اذا صرنا شاطرين ونسمع الكلام ... علشان نزور جدي وجدتي ونشوف عماني وعماتي ... الخلاصــة : عند إشراق شمس يوم الأربعاء وتأتي أمي لتطل علينا في الغرفة التي تجمعني وأخواني الخمسة لتقومنا للمدرسة وتقول لنا بلهجة هادئة يملأ أثمها التثاؤب ولكن في هذا اليوم بالذات نكون مستيقضين وشاترين من زود الفرحة بالروحة لحرمة !!! تشهق أمي مستغربة هذا النشاط وتقول : هاااو !! وش مقحصكم بدري ؟ يرد عليها أخي الأكبر ويقول علشان تجي روحة حرمة بسرعة وجالسين نجمع المصاقيل إستعداداً للروحة يا ماما <<< ماعمره قال الا يمه ( بضم الياااااي والميم ) بس علشان الاسلوب يطلع سنع !! بعد نهاية الحصة السادسة يجمع أخي قواه ليطلق صرخة الفرحة منادياً لنا بأن ننهج ونطلع بسرعة لننتظر أبي ليأخذنا مباشرة إلى حرمة .. نتجمع أنا واخواني في السيارة البيجو البكس لتأخذ أمي المقعد الأمامي وفي حضنها أخي الرضيع << ( من عرفت أمي ودائما في حضنها طفل رضيع مايمديها تفرح المسيكينة بأن الولد الصغير ارتفع وارتاحت منه الا وتجيب ثاني ... كانت أمنيتها في الحياة الزوجية انها تركب قدام ويدينها حرة طليقة هههه بس ابوي مايمهلها دايم مشغلها بهالمبزرة هههه ) اخوي الكبير يجلس جنب الدريشة واخوي الثاني في الدريشة الأخرى وأختي مبوبزة في الوسط وانا واخوي الي اصغر مني نجلس في حوض السيارة وكل مالف أبوي بقوة نجلس نفر في هالحوض كن حنا مصاقيل مرمية في بانيو هههههه وكل شوي صامختني القزازة مع جبهتي ومرة تصكني جبهة أخوي واذا ضرب ابوي فرامل بقوة مايردني الا التعشيق ناشب في خشمي !! المهم .. اذا أقبلنا على حرمة نبدأ بالنشيد المتعارف عليه (( حرمة(ن) تنادي .. هيا يا أولادي )) وبصوت مرتفع وعالي تعبيراً عن فرحتنا بالوصول لهذه المدينة الزاهرة !!! عند الوصول .. عادة اكون مشخص بلبس رياضة ( أخر حصة في يوم الاربعاء رياضة ) ويجلسون يعيروني العيال بالدافور مما يزيدني إصراراً على تغيير ملابسي وألبس ثوب فيه كبك ( مافيه ولا ولد في حرمة منول يلبس كبكات ههه ) اشخص عليهم وألبس كنادر بدل النعال (( أشخص للبنت الي عاشقها والي أشوفها دااائما في استقبالنا عن بيتهم لان اهلها جيران جدي والباب نطح الباب )) .. عادة نوصل وتكون مخابي الملابس مليانه بالمصاقيل وأخذ بكلة أختي وأشيل منها الفص والخيوط وأمسك كندرة أمي وأقشع منها أي حديدة والا فص مدور علشان أجمعه وأعطيه بنت الجيران عشيقتي تلعب فيهن دبق مع البنات <<< أبوك يالرومنسية .. تبدأ رحلتنا مع عماني وعيال حرمة باللعب مصاقيل حيث يحتوي حوش جدي بحفرة نعتبرها الملعب الداخلي او المحلي وفيه حفرة في حميان ( مكان يجي فيه السيل ) والحفرة الي في حميان نعتبرها الملعب الدولي وهي للحريفين ... ( يعني للقشيطين لغير الناطقين بالسديراوي هههههه ) نلعب في الملعب الدولي بحميان واجيب معي اجمل المصاقيل الملونه والمائية وعادة يتمتع عيال القرية بالقوة الجسمانية والعضلية ومنهم طيب الذكر عبيد الحلوان الذي أتعامل معه عادة بسياسة ضبط النفس أثناء اللعب أو المحارش خوفاً على تغير ملامح وجهي إلى غضارة معدن هههه . نعود لبيت جدي بعد أن أرهقنا من لعب المصاقيل ولعب الكورة ونروح للنادي الفيصلي نلعب تنس طاولة والا فرفيرة !! نجلس قدام التلفزيون وكل واحد معه علك ننتظر تمثيلية اجنبية أسمها ستيف أوستن ونصف قدام التلفزيون ونمدد رجليننا وتغدي هالسيقان تقل كتكات << سوداء من المشق هههه وبعد أن ينتهي المسلسل الاجنبي ستيف اوستن تجي امي وتحصلنا كلنا نايمين قدام التلفزيون مفتحين هالفناخر ومشنترين الاذان من الحماس .. وتبدأ اميمتي الضعيفة تشيلنا واحد وراء واحد وتحطنا فوق المطرحة وتلحفنا ... وننام في جو هاديء !!! في الصبح اذا قمنا حصلنا روسنا ناشبة(ن) في المطرحة ولاصق الشعر في العلك ولا يفكنا منه الا قاز أو مقص يجز خصلة من الشعر وتصير شعورنا مثل الفرشة الي طايح(ن) عليها مكوى حار وغادية(ن) سوداء نمشي والتوازن معدوم جهة فيها شعر والأخرى مقصوصة علشان نتخلص من العلك << (( علشان كذا لاتنومون عيالكم وفي أثمهم علك )) ... ونمشي ونترنح نحس جهة ثقيلة وجهة خفيفة .. بعد هذا المنظر الغريب لروسنا نخرج للشارع ونشاهد الفتيات يلعبن الدبق عند عتبة بيبانهم واتابع عشيقتي بكل أهتمام وأسرق بعض الخواتم والتعليقات واعطيها << أبوووك يالاخلاص والتضحية .. وفي يوم الجمعة نبدأ في تجهيز عفشنا استعداداً لرحلة العودة للرياض وتكون نفسياتنا محيوسة وكل واحد ماد(ن) بوزة شبرين وأخوي من زين الطبايع اذا صار مبلم والا منرفز تشنتر أذانه علشان كذا يضطر أبوي أنه يفتح الدريشة علشان يطلع اخوي اذنه برى الدريشة توسع لنا في السيارة ههههه وأمي مالها خلق على أخوي الصغير وكل ماصاح علقته في المراية الجانبية تقل قربة ههههه وأنا أجلس متمدد في الحوض واصبعي في خشمي أستعيد الذكريات . البداية : <<< (( أفلقني اذا أنت ناجح في التعبير )) وتنتهي رحلة الويك إند في حرمة وعلى فكرة معشوقتي الفتاة بنت الجيران تراها طلعت أختي من الرضاعة هههه لا تجلسون تصجوني هههه !! <<< المخرج عاوز كده هههه قصدي أمي !! عموما أختصرت لكم صفحتين وخرطت الموضوع لكم بسرعة ما ادري وش ترغبون مواضيع طويلة والا نختصر ؟ أخاف أطول ما احد يرد ولا يقرأ !!! هذا الموضوع جس نبض أبشوف وش يجوز لكم من مواضيع وسلامتكم أخوكم القروي <<< أحلف

افااااااا وش هالحتسي والي عنده بيجر يبدأ بـ 19 وش يزين ؟

السلام عليكم بدون مقدمات وبدون رسميات حبيت اقولكم اني اول من حليت منصب مشرف فيذا ورشحوني عاد بالمنصب وخلوني عريف عليكم واذا عاد صرت مشرف وصرت مشهور !! كل ماتقابلتوا وودكم تلتقون في منتدى الترفيه لاتقولون خل نروح لمنتدى الترفيه لا لا لا ما اسمح ابيكم تقولون (( تعالوا نروح للمنتدى فيد القروي )) وفي النهاية انا صراحة ارشح القروي للمشرف بس عاد مهوب المشرف العام <<< لاحقين عليه يالله سلام انهجوا عاد ردوا لاتطقني شمس القايلة فيذا بلحالي

بحق اذا ماكانت هذي صورة خاتمتس منول الي تلعبين به دبق في حميان ايام الريغى والشهبة

قسم(ن) بالله انتس فنانة !! اجل وشلون لصقتي هالكراثة في موضوعتس << ماعمره شاف ورد من خلقه ربي مايشوف الا زت ( زت = برسيم لغير الناطقين بالسديراوية هههه) حياتس الله وانهجي علينا بالمواضيع

لا ياخيتي جيبي الفصفص والكراث وتوسدي العافية ومددي رجيالتس وعيني من الله خير !! اجل تقولين تضفين عفشتس ؟ وحنا نقول : هاااااو ياحااافظ ... وشدعوا ؟ عند الله سعة !! برطخي بس ولا يكثر الحتسي !!!!!!

^ ^ ^ أقول بكم تبع هالارنب ؟

صدز أنكم مالكم خاتمة .. انا جالس هناك في الترفيهي واثركم متزاعلين( ن) فيذااا !! انا ابطيب خاطرك بشي .. تراي مسجل مثلك ولا ردوا علي .... بس عاد خل موضوعك هذا للي يتشرهون !! تصدق ان موضوعك جايز(ن) لي !! ودي انزل مواضيعي كلها عندك <<< عاد اجحدها !!

تثدق ان هالضب هالحين الظاهر أنه في بطني !!! لاني ثايد ضب في النصلة قبل كم يوم هههههه والدليل انه هو قال لي : ثديقك الاثرم ثديقي ياااااخي .. ومعطيني الامان .. ثدق موضوعك حلو وخفيف على المعدة بدون كلثترول ... وراي قمت اثاثي ؟

القروي : حبيب وش حليلية يخلونه يجي ياكل بعد الكبار في العزايم علشان يحط الفاكهة في مخباته ويلقط علب الببسي ويحطها في شليلة بالعربي يحب يساعد في الضف ههههههه !! سلام بروح وخروي عن الدرب ..

راقي .. حياك الله .. أكيد عندك كاشف والا وشلون عرفتا أبوي أمش يالاقشر يالكاشف تسلم يالغالي يا ولد الغالي << يقالك ركبنا كاشف !!

سن توووب لا دراسة بعد اليوم والسبة موضوعتس مشكوووور لموضوعتس يازينة ابنسخة واعطية اميمتي علشان ماتقومني باتسر

الصور حلوة وتسلمين والله .... وأحلى صورة صورة البقل الملون الي تحت ... حاطينة على شكل قلوب العلم بحر يا ام اشواق ههههه

أما هالحبة الي في جبهتس تقل ضربة فشقة والا حبة قرع ههههه الا منهو الصحاف لاتكون جمع صحيفة بس ‍‍‍‍!! تسلمين على هالنكت المتنوعة من الصحافة <<<< فاهم غلط

القروي : ياجماعة الخير .. حليبي بذيك البنت الزينة البطلة .. لا أحد ياخذها قبلي !! موضوعك مميز

يارجال اول من يجغف أنت هههه يارجال لو كتب دحيم على دكانه للتقبيل كان كل ماشفته جلستا تحبه وهو دحيم هههه !! عن الطنزة بس هههه انا أتمنى أن التجغيف ينتهي من حياتنا خصوصا في العيد تدري ليش ؟ أنا في عيد الفطر الي راح كنت مركب جسر اسنان جديد وكل ماحبيت راس شايب نشب شماغة في هالحديدة وأبحل بعمري لين جبت معي مقص وكل مارفعت خشتي عن شماغ شايب قصيت الخيط ... مهوب علشان مايطيح الشماغ لا !! بس علشان ماتطلع طواقيهم الصفراء ههع ههع ههع .. اعجبني موضوعك وخصوصا كلمة يادوبه <<< أموت واعرف يالسديراوي وين درستا المتوسطة فيه هههههه امزح معك لاتزعل عاااد ... طيب لاتدف !!

تصدق يا أسود حصان <<< فاهم الترجمة غلط ههههه احب دايما أكل شكشوكة مهوب من زينها بس صارت فرض علينا كل يوم @@ << والا تحول عيون امي ههههه الا مرة وحدة تعشينا سليق ماودي أكذب ... تدري ليش ؟ أبوي الي صلحة هع هع هع يارجااال أتحداك تحصل رجال ماخذ على حرمة من حرمة حرمة ثانية !! <<<< حلها عااد ... الا نااااااااادراً وهذا دليل على سنعها مهوب سيطرتها على رجلها ( كل شكشوكة واص هههه ) والا بيض بالحليب ههههه ياحبيلهم حريم حرمة والله والنعم

وش جابك ياكثرك في كل متسان أحصل منك نسخة ههههه ياحبيلكم يا أهل التويم تعالوا كلكم وعندنا ترا مكان للحريم يسولفن فيه ويقشمن حب !!! والله شكلك توسع الصدر جب العزبة فيذاا خل نزين مكرونه <<< ياحبنا للمكرون يالسديراوية هههههه ابطلع وخر رجلك عن دربي هههه

دوروا شوشتي تراها طارت مع هالعجة !! أمي تمسك في خرفان النجدي وتلمس شعرهن تحسبه شوشتي ههههه فضحتني الوالدة موضوع مميز بس وش دراكم ان أنتل موتري طاح ؟