حميان بيتش

الله يخس عدوك ياضلال (( القروووي )) ... وش طيحك بين القشران القرووووي: شكراً على ردك ....زين اللي اعجبك الموضوع ... تبيني اعيده لكم ؟ صحيح انك رفعتبي ركب بغيت ازلق لو ما تمسكت في جلال الوالدة ... .. رجعت للموضوع مرتين ابي اشوف وش القصه بس ماش هالدميجه مهيب راضية تشتغل... بس في الاخير عرفت انكم سحبتوني على وجهي : : : : ... يقول راعي المثل : (( الحقران يقطع المصران )) يعني سوله اغلاق .... وهو ينتهي ويحرم يعودها ثانيه

امتعتنا يا ربــــوه صحيح انه كـــيـــــف الـــحــال ازيدك من الشعر بيت ... يقولون انه في ايام مسلسل الثنيان و الحمراني كانوا يتهاوشون الحكام من يجلس عند جهة الثنيان .... ويقولون مره واحد من الحكام كان مندمج مع المسلسل .. وهم رايحين وجاين يجيبه الثنيان من نص الملعب الى الكورنر ويرجع به مره ثانيه ...والهلال مهزوم وهو يستعرض المهم زعق واحد من المهاجمين في الهلال يقووول ارفع يا يوسف .... رد عليه رجل الرايه اسكت خلنا نشوف .......

أصوات البنات هذي أصوات البنات ومن اصواتهن تعرف أطباعهن البنت الي صوتها ناعم مره بس لا جت تتكلم تقول كنها في بير .... هذي دبيه وعصبيه البنت الي صوتها خشن وكنه صوت رجال ..... هذي راعيت مشاكل البنت الي صوتها هادي وفي شجن ...... هذي شكلها اللهم لك الحمد وتحب تزعل البنت الي صوتها مبحوح لا اوصيك فيها ......هذي قمر ولا تحب المشاكل البنت الي صوتها مشحوط لا جت تسولف تقول مكينه خياطه ...... هذي من زينها تنزل الطير من السماء ودايم تحب تكون ساكته (( مهوب منها ...من صوتها )) البنت الي صوتها لا هو ناعم ولا خشن ..... هذي ساكنه بشقق عزاب وتلعب بلوت البنت الي صوتها لا سمعته تسمع معاه خنه ...... هذي لا تقربها جنيه أمها جابتها ولاده قيصريه يعني بتعذبك معها البنت الي صوتها دلع ...... هذي شينه مرررررررررررررره وتعطيك راشدي لو سبيتها البنت الي صوتها شوي مبحوح وشوي تعطيك نغمه حزينه ..... هذي طبعها الهدؤ البنت الي صوتها يسمعه القاصي والداني ..... هذي لا تزعلها لانها تلعب تايكوندوا البنت الي صوتها تقول كنك ماشي على كفر منصلخ .... تحب الخير ونحيفه مره ...

السلام عليكم حيالله راعين السيارات .... قلت ودي اجي اشاركم اذا ما عندكم مانع موضوعنا هو : -السيارات.. أسماء ومعاني كاديلاك اسم لمستكشف فرنسي وحاكم اداري = = اسكاليد تعني تسلق الأسوار أو الحصون كابريس النزوة أو الهوى = =. كورفيت سفينة حربية سريعة. يوكن اسم مدينة في ولاية أوكلاهوما الأمريكية = =. تاهو اسم بحيرة تقع على الحدود بين ولايتي كاليفورنيا ونيفادا = = كامري التاج بالياباني = = متسوبيشي ثلاث جواهر = = جاكوار الفهد = = مرسيدس الجميلة = = فلكس واجن سيارة الشعب = = موستنق الفرس الابيض = = ثندربيرد الطير الجارح = = تورس الثور (بالاسباني = = الجمس تعني الضاحية أو الحي السكني (ربما لكبر حجمه) = = ميركوري تعني عطارد = = انفينيتي تعني اللا نهاية = = ليجند الأسطورة = = باثفيندر مستكشف الدروب او الطرق لكن المستكشف تنطبق على اكسبلورر = = رود ماستر سيد الطريق = = سني متفائل = = مكسيما معناها أقصى او القصوى = = سيبل انه حيوان يشبه الفهد = = بولو هي لعبة انجلزية للاغنياء و النبلاء تستخدم فيها الأحصنة و المضارب = = افالون أطلال في انجلترا يقال انها تحوي ضريح الملك آرثر = = اسكورت نقل = = فوكس يركز أو مركزة (الإتجاه)

الوايلي : يعطيك العافيه .... صحيح رفعت معنوياتي ... اجل 9 من 11 ... ما نيب بسيط واخطيت في الحكام قلت 3 وفي ويوم الميلاد 100+ شفتوا ان مشرفكم مهوب سهل ... ولا دميجة حق مايكرو سوفت ... اخس يا انا

السلام عليكم هـــــلا بـــابــــــو ســـــ ـــعـــــــ ـــــد شكلك جــالسن تـتـناني ... عسى ما رصيتك المهم انا جــــــــاهز ... بس ابي مكرفون ... والا منيب حاتسي ----------------------------- هــــــــات الأسـئــله ... بس لا تمتحنا تــونـا خالصين وش أسمك : حميان بن بيتش . كم عمرك : ليش ناوي تزوجني ؟؟ هااااات اللي بعده وش فريقك المفضل : عاد وش هالسؤال عاد انت وخشتك ما يبيلها عنابي سدير في أي وقت تستعمل الكمبيوتر : بعد ما يعزلون .. اللي في البيت متى تقوم من النوم : والله ذي تسويده ... ما عندكم اختيارات متى تنام في أيام الدراسة : اذا عطاني الشايب راشدي على علباي .. ما ادري الا وهم يقوموني من باستر متى تنام في أيام الأجازة : هذي عاد على حسب الظروف تعتمد على علاقة الشايب بالوالدة وش أحلى يوم : اليوم اللي أنام فيه بدون تدخلات اجنبية ... اقوول تراك قلبت المواجع وش أحسن عضو في منتدى حرمة : انا طبعاً وش أشين عضو في منتدى حرمة : أكيد انت ... شكلك كذا ماهو منتداك المفضل لديك غير منتدى حرمة : منتدى حرمة عندك موقع : تونا خالصين من المواجع .... تقلبها مـــواقع إذا كان عندك موقع وشو هذا الموقع : أي موقع ... اقول خلها مستوووره .. لا تحرجنا مع الشباب !!! وين تعيش : من هي .. السمكه اكيد في البحر وان تسانه ضب فهو في البر ... هاه وش رايك مضبوط ؟ عندك سيارة : ياليت ... ينفع سيكل اربعه وعشرين إذا كان عندك سيارة طيب وشي : السيكل اللي عندي مواصفاته : اربع وعشرين بوري هواء ريشتين قدام ونسافه ورا ... مرتن طالع من حميان ناصي بقالة التركي .. وكان فيه مجموعه من هالشياب اللي يوصفون صح ... يعني ما يمديه يقول : أه الا ولاك صافط على جبهتك قدامه ... المهم يومني مريت من عندهم .. وانا طاير ما ابيهم يشوفوني.. ولا واحد منهم ساندن ظهره على الجدار ومدد رجلينه .. ما امداه يقول ..ياناس هي تبرق والسماء صحو ... ولاي متوسد كفر السيكل والجنزير منفرط وصاكن في خشتي ... .. ( يا اخي وش انا قاعد اقووول .. ) كمل اسئلتك .. هات اللي بعده اخلص . ماأخر المواضيع الي كتبتها في موقع حرمة : اخر شيء ( ذكريات استاد حميان الدولي - 2 ) ماأخر الردود الي كتبتها في موقع حرمة : هاللي بين عيووونك جعلها .. مانيب قايل وش تسوي في العطلة الصيفية : انت وش تبي بالضبط ؟؟ عطناها من قاصرها في أي سنة أنت :1424 هـ ماالمثل الي دايم تردده : يا من شرا له من حلاله عــــــــــــــــلــــــــــه !!!!!!!! وشو البيت الشعر الي دايم تردده : انتم هل المعروف والطيب نجزاه ====== نجزا العلوم الطيبة بالسلومي وشو الحديث الي دايم تقوله وتقول معانيه : قال الرسول صلى الله عليه وسلم ( من دعا الى هدى كان له من الأجر مثل أجور من تبعه )) وشي الآية الي دايم تقولها وتعرف ماعنيها : اعوذ بالله من الشيطان الرجيم (( لا تستوي الحسنة و لا السيئة أدفع باللتي هي أحسن . فأذا الذي بينك وبينهُ عداوةً كأنه وليَِِ حميم . وما يلقاها الا الذين صبروا وما يلقاه الا ذو حظاً عظيم )) بشر يا ابو سعد ان شاء الله ناجحين ..... لا اوصيك في التصحيح

مشكوووووووره يا حرماويه وبس شكلتس ناسيه اهم نقطه واللي تبي تخلي اكثر هالشباب يطالبون بسواقة الحريم..... اعلمتس ولا تستخدمونها في دعاياتكم ؟؟؟؟ النقطه هي : ان الشباب العاطلين الباطلين ... اللي شغلتهم استراحات الى تالي الليل .. و يزملون من قومت الصبح اذا جو يودون اخواتهم للمدرسه ... يعني مهوب لو جدع مفتاحه في غرفة اخواته... الفجر وهو راجع من الاستراحه أحـسن .....والا ؟؟؟

صــدى الـذكريـات : تسلم على هالنصايح مع انهن كلهن قديمه... و ما يمشن مع شيـاب هاليومين ( ملكعين ) بس خـــطة ولــم العـصـابـه قــبــل الفــلقــه ..... ((( مهمة جداً ))) ..خاصتن هاليومين . ولا تهون اللياقه ...

صـــدى الــذكــريـــات يسلمووووو .... يــــــــا ذكـــي هالـــزرافه حظها من السمــــــــاء بس وش دراك ان الزرافه في الثلاجه ؟؟؟؟ اعلمك .................................والا اعطيك فرصه ؟

صديقــي : القروووووووووي الله يرفع مــــقدرارك ...ومن شأنك : : بس الله لا يهينك اذا جيت ترفعه ... لا تدف

لــــجـــودة الموضوع .. ... وقلت الحياء اللي فيه ( الطاهره ) .. . نبي نثبته كود حقين الاختبارات يغيرون جو شوي

مــســـلــ في مسيل الكلبي ــــهــمـة الحمد الله على السلامه وتــشكــرين على التـهــنئه وبالنسبة للتثبيت ... فكل شيء بحقه ( لا يخدم بخيل ) كتكووووتي .... خل الدعوى مستورة ...

الله يرجكم (ثلاث نقط تحت الجيم ) والله ما عندكم سالفه لي يومين وانا قاعد ارقص بهاالمسكين الـــنــمــر تــــعــــــــالــــوا فكوووووه مني .. لا اخليه يسحب برطمه على الارض .

ابوووســـــعــــــــد : - اقووووووول مـــــــا أمدانـــــا نخلص من هالامتحانات .... جاين انت تمتحنا بعد (( امتحان مفاجىء)) راجعني بعد اسبوع خلنا نرتاح أول .... وابشر بالاجــــــــابه اما الان مـــــــــــــــا أقدر (( ما ذاكرت )) . .............................. ...........................................

اقووول يا ابو ذعـــــــــار .... الحمد الله على السلامه اهم شيء خلصنا من هالامتحانات .... (( ما بغينا نخلص )) اقوووووول أحــمـــد ربك يا ابوذعااار ... ما راقب عليكم واحد حول ... والله ان يجيك الصمرقع ما تدري هو لمك والا لم اللي جنبك وانا اقترح على وزير التربيه والتعليم انه يصدر نظام لكل مدارس المملكه ان ما يتولى المراقبه الا الحولان .. عزالله محدٍ غاش

ذكريات استاد حميان الدولي - الحلقة الأولى الـــســــلام عــلــيــكـم أســعـــد الله أوقـــــــــاتـكـم وبمناسبة انتهاء الامتحانات ... ( ما بغت تخلص ) اليوم نبي نكمل الجزء الثاني من موضوع (( أستاد حميان الدولي )) وقلت لكم قبل ((( مقتطفات من الجزء الاول ))) :- (((( الجزء الثاني ))))))((((((الجزء الثاني(( ))))))((((((الجزء الثاني )))))) <span style='font-family:tahoma'> ذكريات أستاد حميان الدولي -2 ذكريات أستاد حميان الدولي -2 وبعد ما هددنا القعيس اننا بنشكيه وبنرفع تقرير المري (( للاتحاد الدولي )) ان مارجع عن قراره ، واللي ماتدرون عنه ان تقرير المري فيه ملاحظه كبيره ثانية ..لانه كاتب فيه ان حارس الفريق الثاني كان لابس كنادر بوت ام شراع ( طبعاً هذا يخالف قانون القعيس ) وبعد المجادلات وبعد ما باشرنا على القعيس بميرندا وبسكوت ابو ميزان من عند بقالة التركي وافق ولكن بشرط ان تعاد المباراة ويحكمها هو وبالصفيرة بعد ... وبصراحه ماهمنا انهم يعيدون المباراة مادام الترنجه الله يخليه معنا ...بس كنا متحسفين على الصفيرة ( يبي يمليها بسعابيله ) .. . وبيني وبينكم الترنجه كان حمقان من القعيس مررره و ناويه يفقع بطنه بأظافيره .. ومن يوم انه درى ان المباراة يبون يعيدونها وهو غايب وما ينشاف ..و انا كل ما جيت اسأل عنه طلعلي اخوه وصرفني واستغليت طلعت اخوة للنخيل ومن صباح الله خير وطقيت عليهم الباب وطلعت لي امه سألتها وين الترنجة قالت يا وليدي والله مدري وش قصته له يومين وهو ماظهر من المطبخ ...ومير انا أشهق من الروعه تقل شايفلي استادٍ مقبلٍ على الحارة ... و انقز لمدير الفريق ( القروي ) والقاه جالسٍ على عتبة بيتهم ويقشم حب مالح و اكلمه وانا اشاهق ... .قال : وش قصتك عسى خير .. قلت الا والله الشر بعينه وعلمه ..قال وش فيه ؟ قلت : الترنجه ... الترنجه ؟؟؟ قال: وش فيه عسى ما طاح في القليب ؟ قلت لا الخبل له يومين وهو في مطبخ اهله ما طلع منه ...اخاف ينتفخ بطنه ولا يقدر يلعب معنا بكرة ؟ والله التوهيقه .. جلس يفكر القروي ..ومير يقول نادلي ( راعي النزيه ) ((وهذا راعي النزية يتميز بطوله حتى انه يشتغل في العطله عند بعض الفلاليح ملقح نخل ..ويقولون ان ابوه مستغله.. يستفيد منه في البحث عن كل ما تم ذبه (ذبه:أي جدعه ..ويقال رماه ) فوق دولاب غرفة ابوه )) المهم اجتمعنا انا والقروي وراعي النزيه وسوالنا القروي خطة لمداهمة مطبخ الترنجه ... وخلينا راعي النزيه يرقى فوق كتوف القروي وينط من الدريشه وان دوري ان اسبر لهم . وفعلا نجحت العملية وكله بفضل تسبيري لهم ..ويوم طبينا عليه ولا الادمي قاعد في المطبخ ومدد رجلينه وجالسن يسن في اظافيرة ( حشا ولا سكاكين عيد الضحيه) ارتحات قلوبنا وتطمنا على الكابتن الترنجه وفي عز القايلة طلعنا من بيت الترنجه بعد ما كرمتنا امه بحزمة كراث راشتن عليه بعض الملح ... واجتمعنا مع كل اللاعبين في مسرح حميان وفي اثناء طقتقتنا على الكراث واستغلالاً للوقت عطانا القروي خطة المباراة ( طقها والحقها .. وعليهم عليهم ) وطبقناها في التمرين .. وقال القروي : يعطيكم العافية يالله مشينا نتغدى في النخيل وتغدينا وسبحنا في البركه ( لا احد يسألني عن الصروال ) وقيلنا وما قمنا الا على صياح الحكم ( القعيس ) : قوموا جعلكم النعاس تعالوا نطق قرعة الطقوووم ..(وعادتاً نطق قرعة الطقوم قبل يوم من المباراة علشان يمدي راعين الهدوم البيضاء يغسلون ثيابهم ) دقينا قرعة الطقوم وصارت لنا الهدوم الشتويه ولهم الصيفيه ...وقفلت مع القعيس ..( شكله حاطنا على باله ) ومن باتسر وقبل ما تبدى المباراة عيا يخلي الترنجه يلَعب معنا .. قال له: انت ماتلعب وظـفورك كذا وبغى الترنجه يعفله لو مامسكناه ..و اقنعنا الترنجه انه يقص ظـفوره لكن وشو به وين المقص اللي بيقواهم ... وجبنا حصات وعفطنا ظــفوره لتحت .. وياالله وافق القعيس وقبل مايسنتر الترنجه قال : احليبي اول بلنتي وفاول واول أوت .. وعلشان ظفوره انعفطت تجرئت انا عليه شوي وقلت معصي اول اوت لي انا .. وشكله تنازل .. ( غريبه مهيب من عاداته ) المهم سنترنا وبدت المباراة ومن اول دقيقه خذ الترنجه الكوره وقشها بوووز من نص الملعب ... وما درا عنها الحارس الا وهي شاقتن ثوبه وجاية هدف كوبري ... المهم الترنجه سوى حركته الشهيره (رفع ثوبه على راسه) والمسكين ناسي انه امس تاركن صرواله عند البركه ما لبسه وراح عند الكرنر وانحاشو الجماهير اللي هناك وما درينا الا والقعيس مطلع له الكرت الاحمر وطارده ...قال الترنجه . ما قلت لكم ناوينا... و عيا الترنجه يطلع وهاج علينا يبغى يطق القعيس وياله مسكناه وربطناه في نخلة في قبلة الملعب .... ويوم جينا نبدا اللعب اليين حارسهم يصيح علشان ثوبه انشق المهم انه راح لبيتهم يخيط ثوبه ووقفنا اللعب اليين جاء .. يقول القعيس مانبدى المباراة بدون حارس ( ومعه حق... ايه طيب ) ... وما ندري وشلون بنلعب بدون الترنجه هو هجومنا ودفاعنا ووسطنا واذا جا بلنتي علينا غيرناه حارس .... و مديرنا ( القروي ) غير خطتنا وقام يلعب بخطة ( شدو حيلكم مره و اذا فاتت الكورة لا يفوت الرجال ) ... لكن وش السوات المباراة ماراح منها الا دقيقه وحنا فايزين بواحد وشلون نحافظ على الهدف بعد ماطرد الترنجه.... وكانت البيبان صغار وقلنا مالنا الا نتكوم في الباب ونخليهم يمزعون فينا اليين تقطع قلوبهم من التعب .... و قاموا يمزعون فينا .... وما تحمل الترنجه يشوفنا كذا وطقته الحميه و عضض الحبل اليين قطعه .. ونصى القعيس اللي بلع الصفيره من الخوف وانحاش وما رده الا طريق الرياض يركض وهو يشاهق ويصفر .. واليين يومكم ماندري وين راح القعيس ؟ وين ارضه وين سماه؟؟ وجتنا اشاعات انه صار حكم في جلاجل .. وارسلنا مندوبنا ( راعي النزية ) وقلنا له اذا شفته قله يسلم عليك الترنجه ويقول ترا الموضوع نسيناه ومسامحينك بس جب الصفيره ... • ومن ذاك اليوم وانحن نلعب بدون حكم ....... والسلام ختام . • وهذي صورة يقولون انها للقعيس بعد احدى المباريات اللي حكمها بوجود الترنجه .. وتلاحظون اثار ظفور الترجنه على عيون القعيس العسليه :- ... . </span>

متكيه عند بقالة التركي ......... من قال اننا ما سألنا عنك رووووحي لصديق اللي في البقاله واسأليه .... لي اسبوع وهو يباشر علي يومياً على حسابتس ..... مهوب الشرهه علي الشرهه على الهندي اللي مخليتس ما سكتن مدخل البقاله ومتكيتن عليه وجالس يباشر على حسابتس وانتي ولانتي لمه ولا لم اللي يسألون عنتس ........بعدين ترا رقبتي انكسرت ... قفي الصورة شوي

فتاة سووووق السبت ..... لا لا منتب بسيطة .... الكل في الكل ..... منين لست كل ذا ؟؟؟؟ والله موضوع متعوب عليه .... ويعطي العافيه من كتبه .. ومن ثبته (( كله نظر )) والله وطلعت المواهب لو انا دارين كان قلنا للرشيد يبكر بالامتحانات وانت يالقروووي كلش تعرفه ... شكل بشكتك اول بنات .. الا على فكرة تعرف تلعب (( دبق )) ؟؟

حـــ دانة ــــرمة والله خووووش ... هالحين هذا جزاي يومني اثبت موضوعتس زين زين ..... بس اصبري يطلعوني .. لاسحبتس في كل المحاكم ... حتى مرور الناصرية :blink: ما اطووووولك ياليـــــــــــــــل القروي الله لا يهينك اتصل على الوالده ترسل الفروة ذبحني البرد

موضوع حلووووو يســــتـــــــحق التثبيت والا وش رايك يا قرووووووووي ؟؟

منقوووووووله : هههههههه حلوووووه خصوصاً ...صورة (القروي) وهو يقول بسرعه بحلقوا بالصووور راكبه عليه

المنعفط الله يعفط خشت العدو ..... وراك عفطتنا كذا حبه حبه .... عدها ...

المنعفط بيه شكرا لك .... وحظورك يشرفنا ونتمنى ان تضيف لتميز البوابه شيء من عفطاتك

صدى الذكريات .. حلووووووووووووووووه : : : سمعت يالقرووووي المنحوس منحوس ..

كتكوتي .... هالخرابيط ما تمشي علينا .... منحب على خبرك صرنا مشرفين رفعنا فيك غياب ... ولا نقبل الا شهادة الدكتور عند الشيخ ويقسم ( والله ما أولش الا الحئيئه ) وثلاثه قد زاروك في الصحيه وصورو ا جنبك وانت على السرير ولابس لبس المرضى وثاني مره قبل ما تمرض علمنا . بس ما عندي ما نع اقولك الحمد الله على السلامه وما تشوف شر ...