ربص جمش

تكفى لاتطري طاري الكحل والزين خطر(ن) على عقلي يفك التزامه من يوم جبت طاري تكحيلة العين وراسي تفكر ليه ما اخذ كلامه ؟ واقز قز الطير وراعي البعارين واصير مثل البوم ماخذ نظامه

سلمك ربي يابوتركي ملايين يالصاحب اللي فارض(ن) احترامه الحق له ولو اكتب له دواوين ما اوفيه حقه ولا ياصل مقامه قلي عساك تزوج بفاتح العين متى تجي قبل تلحقنا ملامه

الزميل الغالي الشاعر ابوتركي بيض الله وجهه حرمة ديرتك ما تبي غير تشريفك وزيارتك عاجلا غير آجل اهداء غالي من شاعر مدينة الربيعية اهل الكرم والطيب بالقصيم (ابو تركي) صدقني ان اجمل واروع اهداء وصلني بهالعيد ابياتك الرائعه هالأيام ايام قميري وطيور وسعة صدر وفرحتي بهالزيارة فرحة واحد له ساعه يفرفر في شعبان حرمة وطاح له على شجرة(ن) فيها 100 قميرية و3000 دخله وانت طالع للربيعية حرمة تبي حقها منك يا بوتركي بيض الله وجهك وبأذن الله انا اوعد اهل المنتدى بزيارتك القريبه

اجل نزلت المسيكينه حافيه للعرس ههههههههههههههههههههه وكل هذا بسبب ذهانة الزوج الله يرحم حاله بس تبي الصدق اللي سواه يشفعله وغلطة الشاطر بعشره مبدع اخوي حميان بيتش وبانتظار عودة الجميع

يعطيك العافيه

جدا اعجبني الموضوع وبصراحه التعليق عليه يحتاج الي سطور وبصراحه جميعنا نحتاج الي وقفة تأمل حقيقيه نراجع فيها حساباتنا لا اجد اي مبرر لحريمنا بصراحه اذا مشيت انا وياها نبي نرقى الدرج تقول تعبانه ابي اركب المصعد لأني تعبانه اقولها يا مسلمه غرفتنا بالدور الأول عيب نرقى لها بالمصعد تقول لا تعبانه وتزعل اذا تركتها ورقيت بالدرج واذا رحت انا وياها لمشوار على رجيلاتنا انواع التوقفات والأستراحات تقول تعبانه لكـــــــــــــــــن اذا رحنا للسوق شغلت التيربو وانواع الدوران واللفلفه الي درجة اني احس ان الدم يتجمع في رجليني ليه مااااااااااااا ادري مشكوره يا ريماس على واقعيتك ومصداقيتك

اسمحلي ان اسجل اعجابي بكلماتك شكرا لك

موضع ما عليه اي غبار لا من الناحيه الأجتماعيه ولا النفسيه ولا الثقافيه الأجتماعيه / يخلينا نعرف الأعضاء وش يقربون لبعض ( علشان الفزعات ) النفسيه / يزرع التوافق النفسي بين الأعضاء ويهيئ النفسيات لتقبل وجهات النظر الثقافيه / نعود انفسنا على الكتابه والتعبير لأن المجال مفتوح للسواليف الزبده انا ثلاث ارباع المنتدى اعرفهم ويصيرون عيال عمي يعني حرش ولا مرش انواع الفزعات ومن يد نشيط ليد نشيط ويا عنابي الله يوسع صدرك

بيض الله وجهك وتراني استعرت منك الصور لبعض المنتديات طبعا ما اقصد الأقلاع تسلم وما قصرت

هلا والله حميان والله توني اشوف ردك مثلك عارف انواع السعسعه في المنتديات وبالنسبه لأحتجاجك غير مقبول ابدا لأن لبنان ما جاها الزين اصلا الا من حرمه تحياتي

معك حرفا بحرف

والله ما قصرت يالقروي ردك بحد ذاته موضوع بلحاله اجل تفلي شعرك من الزبيريات يالأقرع ههههههههههههههههههه وبعدين مسألة انك مدربح يالمعصقل يبيلها جلسه هههههههههههههههههههههههههههههههههههه ويبيلها ضحكه طويله مررررررره يا حبيلك متميز في كل المجالات وباد على الجميع الله يخليك لنا

هلاااااااااااااااااااااااااااااااااا بأبو ليلى المهلهل انا قلت خربها الرجال هههههههههههههههههههههههه بس بصراحه والله اني انجريت على اذني واعتقد بصراحه ان مكانها الســـــــــــــــــــــــــاخر ولا عاد تعيدها

راعية جبل عسره لا تراهم سعوديين كلهم لكن الي حصل يوم سماني ابوي ربص صرت عبره انا لمن لم يعتبر وصاروا خلق الله يدورون اسامي زينه لعيالهم والله يصلحهم من الحماس شطحوا هههههههههههههههههه يعطيك العافيه وشكرا جزيلا على ردك

يثبت <<<<<<<< مهوب عاقل مشرف بيتش على غفله لي عوده

اكثر من رائع ولو اني كنت اتمنى ان يكون الجزئ الثاني في موضوع مستقل لانه يستاهل لأني داخل اشوف الردود بالصدفه شفت التكمله والناس ونا اخوتس هاليومين يالله يحطون الرد وينحاشون ما يجيبهم الا موضوع ثاني شكرا لك

اخوي الكبير حميان بيتش المحترم الموقر الرئيس تسلم يا قلب ربص وآل جمش كلهم على ردك واهتمامك يا بعد روح عيال أل خيشه انا لو اقدر اقول شي كان علوم والله انك صادق والله يديمها من نعمه وبيض الله وجهك على هالتثبيت وعساي اقدر اعطي ولو بالقليل مشكور وما قصرت

اخوي الحبيب الحرماوي انا شاكر لك الرد الأول الي رفعت به معنوياتي المحبطه من البزارين اشكرك على هذه الثقه الي منحتها مرشحكم ربص جمش وان شاء الله احط لكم بساط الريح بدال السيارات <<< صدقت انا معك بسالفة يخف دمهم 100% والله انك صادق في سالفة نطلع اردا منهم ههههههههههههههههه انا من ناحيتي ما اضمن اخلي عيالي برى وعيال خلق الله متربعين جنبي

منول كان ابوي ما يجلس على الصحن على الغداء او العشاء الا اذا كنا كلنا ملتفين حوله يعني كانت الوجبات نقطة التقاء افراد الأسره الي لا يمكننا النحشه منها وكنت بصراحه اتضايق وانواع الزهق والقهر ودي اكل في مطعم زي العالم ودي افلها واكل متى ما بغيت وعلى كيف ما اشتهي لأني بصراحه من اجلس مع اهلي وابو يهوش علي وامي تقبصني كل زين لا تحتسي وانت تاكل ولا تبدد فكان صحن ( ابو ورده ) نقطة التقاء مهيب بسيطه لأفراد العائله ============ تعالوا نشوف سوى وش صار في جيل (( اغرفلك في صحين )) تعالوا نشوف سوى وش صار في جيل (( خل البزارين ياكلون مع الرجال او قبلهم )) تعالوا نشوف سوى وش صار في جيل (( بسمالله عليهم لا يموتون جوع )) القصه المضحكه المبكيه فعلا ((( شر البلية ما يضحك ))) مره من المرات قلت يا ربص تراك كبرت وراك ما تقلط مع الرجال اكيد فيه مكان يكفيك معهم وتترك احترام 30 سنه تراه يكفي واول ما دخلت ابي اتغدى عرفت ان فيه مكان لأن كل بزارين العائله قالطين قبل الرجال الله يرحم الحال المهم جيت على بلم الجنب = ( مهوب مفطح ) ولقيت اخوي الصغير جنب ابوي على المفطح وكل ابو من الأبوان في الجلسه متحضن بزره معه يلقمه وتذكرت ذيك الأيام الي كنت فيها انا وعيال عمي ما نقلط الا بعد الرجال علشان المكان يوسع الضيوف والكبار ونقضي وقتنا في المطامر واللعب حتى ينادوني الرجال ويقولون الغدى تعالوا المهم اني من جلست لقيت باقي البزارين على يميني ويساري قلت في نفسي هذي التربيه ولا بلاش اكيد يبي يعودونهم على مجالسة الرجال لكن ما امداني اهوجس الا واللي على يميني سمير ولد ابو سمير كاح في شنقي = ( مكان اكلي ) وانواع التفال والسعابيل قلت مسيكين منيب مفشله اكيد انه ما قصد الين لحقها = ( اتبعها ) بعطسه على كيف كيفكم وفي نفس المكان عاد انتم تعرفون وش يلحق عطسة البزر الله يهديك يا سمير ويهدي ابوك ما خليتوني اتغدى اما الي على يساري سعيد ولد ابو سعيد الله يصلحه من جلس وهو يسولف ويضحك ولا يحلاله الضحك الا اذا كبرت اللقمه في ثمه = ( فمه ) يروح نصفها على السماط = ( السفره ) او على التبسي = ( صحن الوليمه ) الله يهديك يا سعيد والله يهدي ابوك الي ما ( لخك ) = (صنك ) = ظربك بكرتون لبن على الغدى اذا تكلمت اما الي قبالي داني ولد ابو داني ما يحلاله الرز الي عنده ولا يحلاله اللحم الي عنده ينط الين يوصل شنقي وياكل من مكاني ولا الومه هو انا الوم ابو داني الي خلاه ياكل ( بصحين ) في البيت الله يهديك يا ابو داني ولدك يحسب التبسي ( صحينه ) ومغروف له فيه اما فؤاد ولد ابو فؤاد الي جنب داني من جلس وهو يصيح ( يبااااااااااااااه ابي ببسي ) ( يباااااااااااااااه شف داني خذ بيضتي ) وانا اقوله خذ يا حبيبي هذا بيضه وهذا ببسي وهو يصيح ( لاااااااااااا ابي الي مع داني ) الله يهديك يا ابو فؤاد كان خذت بزرك معك مثل باقي الرجال وفكيتنا =============================== اليوم وانا اجلس بين اخواني وعيال عمي في مناسبه معينه على وجبه اعرف اقول لبوي شكرا والله على كرتون اللبن الي صكه في راسي اعرف اقول لمي شكرا على القبصه الي جلست اتلوى منها اسبوع اخيرا قام ربص بن جمش وهو ما تغدى ووالله انه ما يلوم البزارين لكن يلوم عيال عمه الي ما عرفوا ليه ابوانهم يحرمونهم منول من الأكل قبل الرجال ((((( والله يذكر ايامك بالخير يا صحن ابو ورده علمتنا آداب الطعام )))))

هههههههههههههههههههههههههههههههههههه اكثر من رائع وننتظر منك الجزئ الثاني بفارغ الصبر مع السلامه

والله يا سبايستان اسف يالمنقهر انها تلخبطت الفيوزات عندي هههههههههههههههههه ما ادري وش لون اقرى موضوعك معه ههههههههههههههههههه من تداخلت عيوني وانا اضحك واضحك على حالتي الله يخلف هههههههههههههه تذكرت الأستاذ اذا بغى يعاقبني يقول للطلبه كلموه بالعربي لأني ما افهم هههههههههههههه بصراحه موضوع والله اني حاس انه متعووووووووووووب عليه من جد لكن اعتقد لو تنزله صوتي يمكن يفهمون الي مثلي والله لو تدري وش عانيت من موضوعك كل ما حاولت اقراه ابي ارد عليك رد سنع اوجعني راسي همن اقول ابي اضحك وبس وبعدين ارجع واحاول اقراه مره ثانيه وعلى هالحاله الين اصفريت على الجهاز ومن يومها وانا يوجعني بطني مدري من الضحك الأكيد انك مبدع بس ما فهموك الي مثلي يدربون روسهم ماقصرت والي الأمام ونحن من خلف نراكض

حُــبـكـم يُــشــعـل الـقـصـــــائــد دوماً فـي خـيـالـي ، ومهجـتـي ، وعـروقي الشاعر الأستاذ / ابوأيمن صح لسانك وما قصرت عزالله انك كفيت ووفيت والنسبه لي شهادتي بك مجروحه لأن مجرد اضافة توقيعك هنا قصيدة بالنسبة لي تحياتي وتقديري وأحترامي

اخوي وراس المال / مسفهل وانا اقوووووووووول وش عندك تناقز في موضوعي اتاريك دقه قديمه ههههههههههههههه هلابك والله واذا ما شالك الموضوع وراعيه تشيلك بنت الفيروز شكرا

اخوي الحبيب جدا / جنتل ان شالله انه جازلك والحمدلله انه وسع صدرك وخلاك تضحك ما قصرت ومشكور

الله مير يسلمك يا سنعه وعساك اسم على مسمى احس ان السنع يقطر مع الشاشه والله يعين اسمي عليكم تقولين يوسع الصدر طلع زحليقه اشوف ههههههههههه تسلمين