العزي ، حمني ، النيره ، دودي

العزي (عبدالعزيز) .. حمني (محمد) .. النيرة (منيرة على اسم جدتها) .. دودي (داليا على اسم الموضة) تيتي (الشغالة)

أبو عبدالعزيز .. في أوائل عقده الرابع من العمر .. موظف حكومي في الصباح .. حاصل على المركز الاول في العالم في نوم العصر (17 سنة مافوت ولا عصر) .. حاصل على شهادة تقدير من الشلة كأحسن لاعب "كنكان" (5000 هند ، 9000 كان) ..

أما أم عبدالعزيز – الله يحرسها – في أوائل العقد الثالث من العمر .. المهنة نوم بعد صلاة الفجر إلى صلاة العشاء .. المؤهل العلمي عمى العيون من قنوات التلفزيون تخصص ( قم ود جب هات) .. المركز الاول في العالم كأطول مكالمة هاتفية (12 ساعة 40 دقيقة 10 ثواني)

العزي .. العمر 14 سنة في الصف الرابع ابتدائي + خبرة طالب مهم جداً في المدرسة يترجم رسائل شغالات المدرسين من الاندونيسية إلى العربية (خايفين من السحر) الهواية جمع الطوابع (البركة في تي تي) .. كمبيوتر شخصي صفر ، كمبيوتر سوني 100% ....

حمني .. العمر 12 سنة .. ذكي مبدع .. بالعامية شاطر .. ينام بكير ويصحى بكير .. آخرة مرة شاف فيها أمه مع بداية العام الدراسي .. تقول أمه في احد المكالمات الهاتفية مع أم الجيران ان السر في ذكاء حمني هو " الاندومي " وإلا ابوه واهله ماعندك أحد – طبعاً تقولها من وراء ابو عبدالعزيز والا قدامه ؟؟؟ -

النيرة .. ودودي .. اسئلوا عنهم تي تي ..

تي تي .. شغالة أندويسية .. ثلاث لغات بالاضافة إلى الاندويسية .. حوطي .. سديراوي .. حجازي ..

معتددة الانظمة .. تنظيف ، طبخ ، تمريض ، تدريس ، تأليف كتب ؟

حياة الاسرة في الحلقة القادمة

الله يزدي لك ورا ما كتبت السالفه كلها هنا يعني الا لازم تمارسون علينا حركات القناة الاولى يجيبون لنا نص الحلقه وهمن يطلع لنا واحد من الي اللللللللللللللله يحرسهم لشبابهم يقول نكتفي بهذا القدر اقسم بالله انواع المنه <<<<<< لا تدققون شايشه ولا تدري وش تبي

لا عاد من جد الموضوع شكله موضوع ساخر هادف ..اهنيك على اسلوبك ننتظر البقيه بكل شفاحه اخوي ابوفيصل

على فكره يابو فيصل للمعلوميه ترا (حمني) يعتبر اسم الدلع لعبد الرحمن وليس محمد.