القروي قام بنشر May 25, 2003 ارسل تقرير Share قام بنشر May 25, 2003 بسم الله الرحمن الرحيم ياجماعة الخير .. السلام عليكم ورحمة الله وبركاااته .. في الحقيقة والواقع لاحظت كما لاحظ غيري من المواطنين كثرة المواضيع المنقولة والمنسوخة والمكررة وهذا مما لايدع مجالا للشك انه بحسن نية وبهدف تحسين البوابة والدريشة بس احيانا الاهداف تطلع تسلل ولا تنحسب انا لاحظت كما لاحظ غيري من كثير من المواطنين والمقيمين المطلعين والي يناظرون منتدانا << شفاحة زي ذي !!!!! ان ردودكم جدا جميلة ومنيرة وتحمل خفة دم غير طبيعية وهذا يدل دلالة على ان كل شخص وشخصة << حسن اسلوبك >> طيب .. كل شاب وشابة عنده المقدرة على كتابة مواضيع تحمل نكهة الفاكهة .. قصدي الفكاهة بس (( بس مهوب قطو )) يبيلنا جميعاً عدة نقاط لابد ان أنحن نبداها علشان نكون متمكنين من كتابة مواضيع دسمة يبحث عنها القاصي والداني .. وأقولكم هالشي ومهوب معناها انا ابو العريف لا والله انا اتعلم منكم بس ردودكم فيها نكته طبيعية طالعة من شخصية مرحة أكيييد هالشخصية تقدر تكتب موضوع متكااامل وعلى قدر كبير من المسئولية (( قدر كبير وإلا قدر ضغط .. )) ... النقاط الواجب اتخاذها للتدريب على الكتابة الساخرة الخيالية الضاحكة : اولاً : اختار الهدف من الموضوع واحصر قضية وحدة (( واذا انحصرت ودها للحمام )) << مايقدر يصير جاد أبد(ن) . ثانياً : حدد مقدمة للدخول للقضية وأختار المفردات العامية او السديراوية الي تجعل اسلوبك ممتع للجميع . ثم اختر الموضوع واجعل خيالك وااااسع ولازم تحش شوي بعض العادات وتبالغ بالوصف شوي (( المخرج عاوز كده )) ثم اختر نهاية للموضوع تناسب القضية . ثالثاً : لازم تكون جريء بالكتابة وتبعد عنك الرهبة من الفشل... وتقول اخاف مايطلع الموضوع زين .. بالعكس انت أبدأ أول بالكتابة واكتب من خيالك لين تنتهي ثم أعد القراءة واضف بعض الجمل (( الجمل والا التيس )) وخله عندك يوم او يومين لاتنزله فكر بجمل فيها وصف مضحك والا حش خفيف تقدر تضيفها للموضوع . رابعاً : أكتب وخلك واااثق من قدراتك .. واذا أنتهيت من الكتابة ممكن ترسل موضوعك لعضو تثق فيه وتخليه يقراه ويعدل عليه ويربطه بمفك صلصة ويكون متماسك وسلس وعلشان تستفيد مستقبلا من هالتعديلات . خامساً : خلك خفيف دم واترك عنك المصالة الي مالها داعي وخل لكل موضوع قضية بدل ماتكتب وترقينا النصلة بدون فايدة ماندري حنا في المقدمة والا النهاية وماندري وش بتوصل له والا وش تتكلم عنه .. حدد اهدافك وقضيتك وبس لاتشرق بنا ولا تغرب بنا محنب فاضين لك سادساً : خلك واااثق من نفسك ولا يهمك أبن أمه والله كتبت هالموضوع وانا أكثر واااحد فيكم يبيله تعلم وابيكم تضيفون بعد الاشياء الي ممكن تفيد ونرتاااح من المواضيع المكررة والمنقولة وانتم قسمن بالله تقدرون تكتبون احسن منهم وفي ذمتي عندكم ردود مهيب صاحية . وخروا ابطلع رابط هذا التعليق شارك More sharing options...
عرق الأثلة قام بنشر May 25, 2003 ارسل تقرير Share قام بنشر May 25, 2003 خطيرررررررررررررررررررر ياالقروي وش ذا تكفا لا تخليني احلف ان هذي رسالك في الدكتوراه .. لا تجحد تراي سامع مناقشتها معك في الرادو وانا رايح ذيك السنه القط فقع ههههههههههههههههههههههههههه تسلم والله اخوي القروي من جد كلام روعه وتخطيط منطقي للكتابه انا اقترح ان موضوعك يصير منهج لك تحياتي واعجابي .. بس وين رحت وراك طلعت خخخخخخخخخخخخخخخ بس قبل ماااخلص من تحياتي ودي اضيف ان فعلا كلامك من ناحية الردود في المنتدى رررروعه واتوقع لو يعصرون دمجهم يبي يطلعون اشياء على مستوى ماشاء الله عليكم الله لا يخلينا منكم وان شاء الله ان وصايا اخوي القروي تصير ماديه غرضها الحين لكم تحياتي رابط هذا التعليق شارك More sharing options...
كتكوت قام بنشر May 25, 2003 ارسل تقرير Share قام بنشر May 25, 2003 ههههههههههههههه قسم بالله انك منتهي يالقروي... اصبر اصبر... ابدور موضوع مصرقع وله هدف ماجد..... <<<<<<< متعصب نصراوي <<<<<<< مايستحي صامخته القادسية ويبربر؟؟؟ لالا الجد الموضوع اهنييييييك عليه يالقروي وابدور اشياء اضيفها بس أنا الحين مستعجل وابرجع للموضوع........ <<<<<< لازم يتفلسف!!! شكرآ صديقي القروي؟؟!!!!!! رابط هذا التعليق شارك More sharing options...
القروي قام بنشر May 26, 2003 الكاتب ارسل تقرير Share قام بنشر May 26, 2003 عرق الاثلة .. << الا اقول عرق والا صنان هع هع مشكور لاضافتك وتصدق اني اول ماعصرت دميجتي طلع منها تونة مخيسة قد كلتها في حميان قبل عشرين سنة ههههههه كتكوت << يادجاجة صغيرة << يدلعك تسلم وش جاااب طااري ماااجد والله انك ضيقت صدري سااامي وبس المهم نرجع لمحور سالفتنا .. لك ثلاثة ايام في هالمنتدى مابعد شفت موضوع من دميجك والا والله لا احقد عليك لو ماتكتب لنا موضوع زي وجهك << تراي امدحك وخروا ابطلع .. لاتجلسون في الدرب رابط هذا التعليق شارك More sharing options...
كتكوت قام بنشر May 27, 2003 ارسل تقرير Share قام بنشر May 27, 2003 خخخخخخخخخخخخخخخخخخخخخخخخ اصبر أنتم ماخليتوا شيئ؟؟؟ وثانيآ توّني احمي مابعد احتميت؟؟؟ <<<<<<<<< ديزل!!! ثالثآ عجزت القى شيئ اضيفه كفيت ووفيت هههههههههههههه رابعآ : مدري وشوله كتبت رابعآ بس توهقت به!!!!!!!!!!!!!!!!!!! شكرآ لك................... رابط هذا التعليق شارك More sharing options...
القروي قام بنشر August 24, 2004 الكاتب ارسل تقرير Share قام بنشر August 24, 2004 وينك يا كتكوت وينك يا عرق الأثلة تحياتي لكم رابط هذا التعليق شارك More sharing options...
أبو حسن قام بنشر August 25, 2004 ارسل تقرير Share قام بنشر August 25, 2004 القروي الله يرجك بس والله كلامك كله صحيح لازم الواحد ما يخلي كل مواضيعه من هالمنتديات ينقل منها وبس لكن يجب انه يحاول انه يكتب موضوع ولو فشل مره يحاول مره ثانيه انت تقول اخوي القروي: رابعاً : أكتب وخلك واااثق من قدراتك .. واذا أنتهيت من الكتابة ممكن ترسل موضوعك لعضو تثق فيه وتخليه يقراه ويعدل عليه ويربطه بمفك صلصة ويكون متماسك وسلس وعلشان تستفيد مستقبلا من هالتعديلات . خخخخخخخخخخخخ وين بندخل هوشه الضاهر خخخخخخخخخخخخخخخ المهم مشكور اخوي القروي على طرحك هالموضوع المتميز والنادر من نوعه ويكفي انه من كتابتك الخاصه وانك ما نقلته وتقبل تحياتي رابط هذا التعليق شارك More sharing options...
أبو سعيدان قام بنشر October 13, 2004 ارسل تقرير Share قام بنشر October 13, 2004 شكرا رابط هذا التعليق شارك More sharing options...
ذرب قام بنشر October 15, 2004 ارسل تقرير Share قام بنشر October 15, 2004 الله المستعان وين طلع منه هالموضوع ؟؟ بس والله يستاهل من يقراه الف مره .... رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان