القروي قام بنشر July 1, 2004 ارسل تقرير Share قام بنشر July 1, 2004 كنت أقود السيارة على مهل في أحد شوارع الرياض أبحلق في اللوحات التجارية وكانت زوجتي بجانبي تبحلق أيضاً وتنظر في الجهة المقابلة تترقب لوحة البنك السعودي البريطاني .. وبعد برهة صرخت زوجتي وقالت : هذااهو فيذا شفه .. وبعدها انحرفت بالسيارة حتى وصلت للبنك وأوقفت مركبتي بجانب البوابة الرئيسية لمدخل النساء ,, نزلت زوجتي ورجعت مسرعة وهي مرتبكة وقالت : خلاص أقولهم مرابحة 100 الف بس ؟ قلت : ايه نعمة ,, قالت : بس عاد باخذ منهن سبعة ألاف علشان أولد في مستشفى المملكة ... تراني داجة مرة كلها اسبوع والا اسبوعين وأولد ريضين بعد ... دخلت بعلتي للبنك تريد أن تأخذ مرابحة إسلامية بمبلغ الخمسين ألف لعل الله أن يفرج بها ضائقتنا المالية ! جلست أنتظر .. خمس دقائق .. ربع ساعة .... نص ساعة ... ساعة كاملة .. فلم أشعر إلا والباب يفتح وإذا بها تهم بالركوب .. وقالت وهي تلتقط أنفاسها : يبون تعريف بالراتب .. ... كنت زهقان ومرهق ولم أستطع أن أنزر زوجتي أو أهاوشها .. لآنها تبي تفرج ضائقتنا .. وبالعكس قلت لها : عسى ما تعبتي ؟ ابي أباشر عليتس بعسكريم يحبه قلبتس ويبرد على سبيدس .. وبدأت تأكل العسكريم وهي مسترسلة بالسواليف عن فتاة البنك التي استقبلتها بأدب وذوق ولباقة .. وتمدح فيها وحتى مظهرها وأناقتها أخبرتني بها ! وأنا كالعادة فاقن كشرتي لهذه النوعية من السواليف ! وبعد يومين أحضرت التعريف بالراتب وذهبنا إلى البنك وأوقفت سيارتي أمام بوابة الفرع النسائي ... وقالت زوجتي : عساي ألقى ندى بس .. يا حليلها صراحة حبيبة .. وتراي عاد أبعطيهم رقمك وعنوانك لأنهم طالبين رقم وأسم أحد القريبين لي ! قلت : زين .. دخلت زوجتي للبنك وعيوني ترقبها بإعجاب .... ( إعجاب بالمبلغ ) وبعد أربعة أيام دق هاتف المكتب .. وإذا بها موظفة البنك ندى .. وقالت : مساء الخير .. ممكن أكلم القروي ؟ قلت معك حياك الله .. قالت : اسفة لأزعاجك أخوي .. معك موظفة البنك وكنت أبي عميلة عندنا وجوالها مقفل وأتصلت عليك لأن الأمر ضروري . فقلت لها : هذي الساعة المباركة يا ندى وشلونس ( من البغورة ما أدري وش أقول ) ! قالت : كيف عرفت أني ندى ؟ قلت : زوجتي قالت لي عن تعاملك الراقي معها ولباقتك .. قالت : مشكورة وهذا واجبي وهي ما شاء الله أثنت عليك كثير وواضح هالشي من مركز ووظيفتك .. المهم أخوي ودي تبلغ العميلة بأنها لازم تجيب لنا بطاقة العائلة علشان نكمل الإجراءات .. قلت أبشري .. ومشكورين والله لأهتمامك يا ندى ولباقتك مع زوجتي وهذا مو غريب عليك ! قالت : على فكرة .. إذا ما فيه إحراج لك بس .. ودي أسألك عن أمر خاص بما أنك موظف في الاستقدام .. ودي أقدم على شغالة وسواق يودوني ويجيبوني .. قلت : أبشررررري بس لازم ببطاقة عائلة الوالد وانا أخلص كل أمورك .. وتجيك الفيز تركض للبنك ! هي : ههاااي .. ربي يسلمك .. دمك شربات .. أنا : هههاااي .. شربات والا عصير بردقان .. تصدقين عاد .. هي صادزة زوجتي يوم قالت لي أنتس خفيفة طينة ومملوحة .. إلا ما أدري أنتي متزوجة ؟ هي : لا والله .. ربي يرزقني بواحد متفهم وواعي وخفيف دم .. ( تسنها تلمح ) انا : هالرجال موجود .. بس مشكلنه أنه متزوج من وحدة عميلة لكم ... توها ماخذتن مرابحة بخمسين ألف .. شكل رجلها بياخذ هالخمسين وبيتزوج راعية البنك هههاااي .. هي : عاد تتوقع يكون الرجل عند كلمته ؟ وشوي .. طخ .. طخ .. طخ .. أفتح الباب .. يالقروي أفتح شكلك نايم .. وفتحت عيوني وأثري جالس في السيارة والمكيف شغال وجالس احتري زوجتي تطلع من البنك .. وخذت لي غفوة وحلمت بهالقصة .. وأول ما ركبت زوجتي قالت : يا حبيلها ندى والله .. أبخطبها لأخوي ! وانا قلت : ردينااااا .. توي من شوي أبخطبها .. في الحلم ! ما يستفاد من القصة لا تمدحون الحريم والبنات قدام الزوج .. ترى الحلم والم للرجال السديراوي .. ولو أني قصيمي أقول الزواج الأسبوع الجاي ! والقصة مفبركة لا أحد يجي ويقول سلفني رابط هذا التعليق شارك More sharing options...
فتاة سوق السبت قام بنشر July 1, 2004 ارسل تقرير Share قام بنشر July 1, 2004 يثبــــــــــــــت .. <<< يالله مبطيتن عنكم من عقب الايام الشهب ماشفتكم <<< الايام الشهب تعود للامتحانات ابشركم نجحت بسم الله علي ..باركولي <<< بشري امتس مير مبطينن عنك يالقروي تغطس وتطلع تسنك دلافين البحر <<< توني جايه من الشرقيه متاثره هههههههههههاي نجي عاد للموزوع بتاعك باخذ منهن سبعة ألاف علشان أولد في مستشفى المملكة ^ ^ مدري المدام سديراويه تسان اقولها مشتشفى الملك خالد واحمد ربتس ابي أباشر عليتس بعسكريم يحبه قلبتس ويبرد على سبيدس ^ ^ ابد سديراويه ماتباشورن الا بعسكريم قلت يعني وأنا كالعادة فاقن كشرتي لهذه النوعية من السواليف ^ ^ ابد لاجت سواليف الحريم تلهلون وانتم اذانكم تقل مكبرات اخ منكم يارقاله كلكم مثل بعض << متاثره بمسلسل الحريم يا حبيلها ندى والله .. أبخطبها لأخوي ! ^ ^ قسمن بالله مزديتن فيك هذا وهو حلم .. الله يفكنا شر حلومكم بس .. والله مايملى عيونكم شي.. المشكله بعض الرجال مهب يتسمع بس الا يحب التسأيل تلقاه من تجي حرمته وهو يدندر يلقط حتسي ولا يسأل مبزرته مهب كله بس قله الله يعفوا عنا عافك الله يالقروي .. بس هماه مهب توايتز وتقبع <<< علمي روحتس وسلامتكم فتاة سوق السبت رابط هذا التعليق شارك More sharing options...
الهمام قام بنشر July 2, 2004 ارسل تقرير Share قام بنشر July 2, 2004 هلا والله بالقروي وعلى فكرة مبروووووووووووووك النجاح يا فتاة سوق السبت لا ولو جنتل في التعامل مع العنصر النسائي ورومنسي بعد عسكريم حته وحده ما قطع سبدي وفطسني من الضحك الا فقلت لها : هذي الساعة المباركة يا ندى وشلونس هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه بس عاش مصرف اثبت بالدليل القاطع إن السديراوي أقصد الرجال بالطبع تسنهم ما شافوا عيشه وانا أولهم ولا تهون يالقروي أبشري وتامريين أمر ياحببنا للتميلح مع الحريم والا لا يا القروي رابط هذا التعليق شارك More sharing options...
مجنون حصه قام بنشر July 7, 2004 ارسل تقرير Share قام بنشر July 7, 2004 ههههههههههههه خذ الميه كلها واعرس عليها وطلقها وخلها تسدد بس هاااه انتبه لاتكفلها وتوهق خل اخوها يكفلها رابط هذا التعليق شارك More sharing options...
الوائلي قام بنشر August 18, 2004 ارسل تقرير Share قام بنشر August 18, 2004 الله يخسك .. ويخس سواليفك يالقروي .. ومشكور على الســـالفة ... وعلى الحلم لوووووووووول تحياتي .. رابط هذا التعليق شارك More sharing options...
القروي قام بنشر August 23, 2004 الكاتب ارسل تقرير Share قام بنشر August 23, 2004 مشكووووور لكل اللي ردوا وأأسف والله على الغيبـــة .. بس تعرفون خذت المرابحة وجالس أعمر تحياتي المعطرة بإهدائي أعلى الصفحة للجميع رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان