يارب تــــجـــي

تــجـــي يارب ... تــجــي يارب

على الموعد بلهفة جيت لامانع ولاتأخير

لفيت من العصر هايم مع إن الموعد المغرب..

وجتني بس مدري ليه شعرت الجية هاذي غير

وهي تقرّب من عيوني شعرت إن الممات أقرب..

وقلت الله يهونها عسى في جيتك لي خير

أنا من شفتك أقبلتي وأنا خايف ومستغرب..

على كثر الحكي مدري كأنه خانها التعبير

وقالت لي جمل وأشياء لاتكتب ولاتعرب..

هدت فجأة تطالعني وانا في حاجة التفسير

لجل نحكي بهدوء أكثر سألت الحلوة إش تشرب؟؟

فصاحت بي أنا أحبك ولك في هالحشا تقدير

وتدري ان المثل فينا وفي إحساسنا يضرب..

وكنت انت الوفي وانت البري من تهمة التقصير

ولكن ذي عوايدهم من أيام وزمن يثرب..

تكون البنت لأبن العم ورغبات الكبار تصير

وتدري الأقربون أولى .. مع انك للخفوق اقرب..

وتدري للقدر كلمة لعادات الأهل تأثير

لذا أرجوك تتركني وانا من واقعك بهرب..

شعرت بحكيها كنه قصاص وأمر بالتعزير

شعرت الدنيا ضاقت بي من المشرق الى المغرب..

مشت خلّت وراها طفل مايدري وش التدبير

يحسب ان الغرام أبيات شاعر .. واغنية مطرب..

ضحكت وماقدرت اني الاقي لضحكتي تبرير

من اللي بوقتنا مرة ضحك من لدغة العقرب..

رفضت استوعب اللي صار ولا إستسلمت للتغيير

ثمان سنين أجي لنفس المكان بساعة المغرب..

برغم ان الثمان سنين جرح وكلفتني كثير

أنا لليوم اجي وأدعي .. تجي يارب .. تجي يارب

حفيدة سوير .. رائعه والله , الله يعطيك العافيه

تـــسسسلم والله

سلمت يديك اختي حفيدة سوير .. قصيدة بالفعل جميلة و أسلوبها أجمل

ونرجو من الجميع ملاحظة النقاط في أعلى كل بوابة لكي تكتمل الفائدة

تحياتي لك وللجميع

الله يسلمك ومشكور على الرد

والله يعطيك العافيه

وكل النقاط الموجوده بنهتم فيها

رائعه يا حفيدة سوير القصيدة

تسلمين على هالروعه

سلمييييين يامغلى حرمه واللللله انتي الروعه

واخيرا طليتييي علينا

توو مانور المنتدى <== شكلها بتتصفق

وتشكررررررررات