... انكسرت

كل ما مديت لوصلك يميني ** رحت تتجاهل يميني مع يساري

حتي صرت اشوف جرحك في يديني ** في يديني جور صداتك مواري

حس فيها لا بلاها حس فيني ** لا تعبرها لكن رد اعتباري

وين ما اقفي ؟ جعل ما انت منتويني ** بالجفا والخوف وانواع العزاري

يا هلي يا نصف ربعي يا خديني ** يا مواني غربتي يا روح ادري

يا شموخي يا انكشافي يا دفيني ** يا علوي يا بقائي يا انحداري

اعشقك من عادني بأول سنيني ** لين صرت اخذ من نفسي قراري

من عرفتك وانت ثالث والديني ** واللجوء اليك يعني لك فراري

ضمني خل الضرر بينك وبيني ** الضرر من ضمتك شي اضطراري

خل يديك من الجور تحميني ** من جمود يعيشني لين انصهاري

كل ما ضاقت بعيني يا معيني ** ابتسمت .. وصار ليلي نهاري

فلو سكت تروح بالطيش اتحكيني ** وخبري بطبعك واسلوبك حظاري

ما ذبحني فيك الا انك تبيني ** وما سحرني الا حكاك الاستعاري

ولو سكت احط يدي في جبيني ** وارجي الله ما يطول انتظاري

ادري اني عندك واسألك ويني ** داري لكن ماكني بداري

لا تبكيني وتفرح عاذليني ** ولا تخسرني بعد كبر انتصاري

لاتخليني بعد فيضة كنيني ** وانت خابرني علي الوصل انتحاري

لاتروح بجيتك كلن يجيني ** ولاني مكابر ولا حتي مداري

انكسرت من الفراق وشوق عيني ** شوف عيني وانت تدري بانكساري