سيف الجزيره قام بنشر January 27, 2004 ارسل تقرير قام بنشر January 27, 2004 الســــلام عليكم ورحمة الله وبركاته,, لقد فكرت في وضع موضوع خـــاص للرسائل الجوال ليكون كالمرجع ويتيح للجميع اختيار الرسالة المطلوبة وايضاً مشاركتنا في طرح ما لديه من جديد. ولهذا فقد بدأت هذا الموضوع بجمع وكتابة ما يقارب ال90 رسالة وتعتبر الأفتتاحية وهنالك الأكثر سوف أقوم بكتابتها انشاء الله. ---------------- 1- في عيون الناس شاعر وبعيونك يتيم شوفي ياكبر اختلافي وانا انسان واحد 2- لاينشغل في كلام الناس تفكيرك يكفي سميك اذا نادوه يربكني 3- قبل لا تجي طاري وانا كنت في طاريك تصدق قبل حتى أذكرك كنت في بالي 4- عذبني اكثر لا يهمك عذابي ازعل عليك ايام وارجع واحاكيك 5- ماكل من حبيتي يذكرك بالخير بعض البشر ينساك من يوم تمشي 6- من يكتب الماضي على كف يمناه يلقى شماله تشتكي من يمينه 7- اللي يستر عيبه عن الناس بهدوم وش يستره لاصار عيبه كلامه 8- ياشينها لاصرت للناس محتاج تصغر بعين الناس من شان حاجه 9- جيت المكان اللي قعدنا به اوقات وعجزت اقعد في مكاني دقيقه 10- بعيونك القى كل عمري والأيام وبفراقك يموت الامل في حياتي 11- حبك رسم كل الوفا في معانيه مليون احبك والف مليون ثاني 12- اخاف ابين حناني ثم تتكبر واخاف ابي قسا قلبي تنساني 13- قلبي معك لو شفت حسي مع الناس ماغاب طيفك عن خيالي دقيقه 14- ليت المسافه بيننا بس مترين تمشي متر وامشي متر وانتلاقى 15- مادامه بيمينك وتقولي سم ... بسم الله اشرب وكل سم عوافي 16- لوبحر الهوى غدار انا ياصاحبي عوام دام عيونك المرسى وسنين العمر مجدافي 17- وينك يالأفراح ماعاد لك طاري مري على قلب من وقت ناسيته 18- قل للجروح الموجعه لاتجيني من مات قلبه ماشكى نوع الإعدام 19- ودي قبل موتي ارد اعتباري اخاف اموت وخاطري منك مكسور 20- دورت لك في داخلي شي يكرهك لقيت حتى الكره فيني يحبك 21- لاتروح بعيد والواقع امامك لو لمست القلب صافحت المشاع 22- الا الوفا ماله بقلبك بقايا عند الذي مثلك اظن الوفا عيب 23- لعنبوا وقت يجادلني على طيبك الطيب لك عبد يقول السمع والطاعة 24- انا بدونك ليتني يوم ماكنت , بس انت قلي كيف حالك بدوني 25- دمعن تناثر واتعب الكف لمه ومن حيرتي قمت امسح الدمع بالدمع 26- اذا جرحي مهو منك يعل الجرح مايبرى واذا دمعي مهو منك يعل افقد نظر عيني 27- قبلك وانا بعض الجمال التفت فيه وعقبك ظهر في كل من شفت عيبه 28- تعال واللي طرى في خاطرك سوى موتن بقربك ولا عمرين من دونك 29- روحي وغيبي واختفي عن حياتي مهما ابتعدتي ماتعدين الأهداب 30- كمل جميلك واحفر القبر لاهنت وشلون اعيش بدنيتي دون لقياك 31- على كف الغلا شلتك وحطيتك وسط عيني اداري خاطرك واكسر خواطر ناس تغليني 32- ياصاحبي ماهي حكاية كرامة حنا خسرنا بسبتك ناس غالين 33- مسكين في غيبتك ماشفت وش فيني ترحل على هالمزاج بكيف رغباتك 34- ليه اترك ايامك تبخر مع الريح وانسى وجودك بالحياه ابسهوله 35- ادري انك تحب الخاين اللي غدربك بس كمل طريقك وارفضه من حياتك 36- يمطر لغيري من حنانك سحابك ويموت قلبي ظامي بين اياديك 37- بشرب من الدله لو كان بها سم .... ما اهز فنجالي ولا اقول كافي 38- حبك بقلبي مثل وشم على كف يموت راعي الكف والوشم باقي 39- فكرت بالدنيا بلياك وشلون وبلحضه التفكير هلت دموعي 40- انت الفرح دايم لاصابني ضيق وانت السند لاكشرن سود الأيام 50- عز الله اني ذاخرك للزمن سور ملجألي لا ضاقت علي الوسيعه 51- احرص على اللي دايم الدوم شاريك واحذر من اللي لاقسى الوقت باعك 52- لوكان قلبي ناوي اليوم ينساك لقطع عروقه وانزعه من مكانه 53- انا شبابك لاغزى راسك الشيب وانا عضيدك لو تدور الليالي 54- اتعبني الحلم لين الواقع انركني كني مسكت الفرج بيدي وهديته 55- انا اذكر يوم جيتني وبصدرك نزيف طعون سحبت السيف ابفزع لك وبسيفي طعنتني 56- توقعت ان بفرقاك تقوم الدنيا وتقعد ,, اثاري الفرقى عاديه ولاحسيت بفرقاك 57- من عرفت الدنيا ماعمري خضعت ومن بعدتي صرت افكر بالخضوع 58- انا السما وانت مثل واطي القاع مهما كبرت بالمساحات تحتي 59- اضحك ولاكل الوجيه احترمها بعض الوجيه اهينها بابتسامه 60- وش فيك في لحظه تغيرت وقفيت منهو الجديد اللي عطيته مكاني 61- لاضقت من نفسك وحدتك دنياك ارجع تراك اليوم مني وفيني 62- ماتتصل ياغايت النفس وشفيك مدري غلا ولا نويت القطاعه 63- تلعب بقلبي لعبة الطير.. يضحك وطيره ميتن في يدينه 64- من عيوني خذ مراسيل الغرام كان تفهم في لغة حب العيون 65- كانك على قولك تمنى لي الخير ساعدني انسى حبك اللي خذاني 66- كرهني بنفسك ولو بذنب صغير القى به اعذاري واعود لزماني 67- مبطي وانا لك ياهوى البال مشتاق شوق العمى لمعانق الشوف لحظه 68- وقت الشدايد خلني سيف يمناك وابشر بعزك كل ما صرت سيفك 69- أنا مجبور في حبك ولا تسأل تقول شلون خطاك انك تبي تعرف مكانك وين في قلبي 70- لابد يجي يوم وتواجه الدمعه اما على جيتي وإلا على فراقي 71- ان كان شفت في وصالي لك احراج في صمت احبك بين قلبي وبيني 72- الخوف والحرمان والهم والويل ابطال قصة في مسلسل حياتي 73- انا طموحاتي لها اهداف وابعاد لكن زماني حطني شخص عادي 74- غديت مثل العود مشراه غالي ,,, غلاه لأجله يحرق على نار 75- طيرن يطير وطيرن توه بلا ريش وطيرن من مر الأيام فقد ريشه 76- تجيني وتقلب الدنيا فجر وعيد وغناء اطفال وتروح وتقبل احزاني علي وحالتي حاله 77- حنيت لك راسي محبه وتقدير ولا تحسبه في خضوعي مذله 78- لامر طيف اللي ذبحني هوها ادور الحاجه وهي في يديني 79- هذا وهو طيفن يجي من غلاها وشلون لو تقبل علي وتجيني 80- بدايتها عتب والعاشق اعمى والزمان بخيل ,, نهايتها مواجع توقظ النايم وتسريبه 81- لك بسمة لو وزعت للمخاليق كان انطفى حزن القلوب ونكدها 82- وشلون اشوفك وانت لعيوني الشوف عمرك سمعت بواحد شاف شوفه 83- هنيالك قدرت تنام من بدري وأنا غير السهر ماداعب أجفاني تأكد مابه أحد يموت فيك كثري ولابه غيرك سكن وسط وجداني 84- انت اقرب الناس وأنت محبوبي وأنت القريب البعيد ومني وفيني وأنت البدايات واصدق حلم بدروبي واعذب معاناه من نومي تصحيني وش فيها لاصرت أحبك وأنت مطلوبي وشلون أخبيك وأنت اجمل عناويني في ذمتك هذا وش تسميني؟ 85- أنا ما اوعدك بنجوم ولا بكتب أسمك بغيوم ,, انا ما عندي إلا قلب لامرك بأطرافه يضيع وحالته حاله 86- تذكرتك وأنا ساهي وهلت مني الدمعه ذكرت ايامنا الحلوه وحنت نفسي "للجمعه" 87- عسى حكم القدر يلطف بقلب مابغى فرقاك وعسى الأيام تجمعنا وأحطك داخل عيوني 88- شبهتك بالقهوه:حلوة مثل وجهك, ثقيلة مثل عقلك, خفيفة مثل ظلك, مرة مثل فراقك 89- ناج الحبيب اللي توده وتغليه مادمت حي ودام عينك تشوفه لو صد يشفع له معك حلو ماضيه وحقه عليك انك تقدر ضروفه بإختصــــــــار ( شخص عطاني وده أبد مانيب ناسيه ,, ومن شرى ودي أنا دايم الدوم شاريه ) 90- مكسين من معطي لنفسه أهمية ,, ياصغره بعيني وياكبره بظنه ---------------- ملاحظه: ( جميع الرسائل كتبت بواسطتي وجمعتها عن طريق الكتب ورسائل الجوالات وبعض المواقع ولم يتم استخدام طريقة النسخ واللصق )
راعي النزية قام بنشر January 27, 2004 ارسل تقرير قام بنشر January 27, 2004 شكرا اخي العزيز : سيف الجزيرة على هذه المشاركة وعلى هذا التواصل الدائم معنا وعلى هذا المجهود الوفي لخدمة المنتدى .
)راعي حرمة) قام بنشر January 31, 2004 ارسل تقرير قام بنشر January 31, 2004 مرحبا اخي سيف الجزيره مجهود تشكر عليه لكن كان بودي ان يكون هناك تنويع في تلك الرسائل حيث لاحظت ان جميعها غزل واذا كان الموضوع اليوم عن الغزل فلعلنا نجد منك غدا رسائل تحوي على حكم وتذكير اكرر لك شكري وتقديري لمجهودك
سيف الجزيره قام بنشر February 2, 2004 الكاتب ارسل تقرير قام بنشر February 2, 2004 السلام عليكم ,, شــكراً أخواني الأعزاء ( راعي النزيه - راعي حرمه ) على الإطراء الجميل. أما بالنسبة لموضوع رسائل الغزل أخي راعي حرمه فأنت على حق من جهه ولكن يعلم الله أن أغلب الرسائل التي وضعتها أخترتها لكي يتم رسالتها إلى ( الأخوان والوالدين والأصحاب و الزوجة ... ) وليس في نيتي أنها تكون عكس ذلك. ولكن انشالله الرسائل التي سوف أضعها في الردود اللاحقة سوف تكون ذات صلة بالتي ذكرتها. وشكراً على متابعتكم أخواني أخوكم أبوعبدالكريم
فيراني قام بنشر February 2, 2004 ارسل تقرير قام بنشر February 2, 2004 8- ياشينها لاصرت للناس محتاج تصغر بعين الناس من شان حاجه 59- اضحك ولاكل الوجيه احترمها بعض الوجيه اهينها بابتسامه الف شكر لك .. و على مجهودك ... و واضح انك تعبت فيها تستاهل و بقوة ان يحفظ الموضوع في المفضله
سيف الجزيره قام بنشر February 2, 2004 الكاتب ارسل تقرير قام بنشر February 2, 2004 العفوو عزيزي فيراني وانشالله ننتظر منك بعض الرسائل الرائعه تحياتي لك ابوعبدالكريم
راعي النزية قام بنشر February 7, 2004 ارسل تقرير قام بنشر February 7, 2004 شكرا اخي الفاضل : سيف الجزيرة على هذه الرسائل وعلى هذا الاختيار الجميل
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان