سوق السبت وصل إلى العالمية

في البداية وبعد إنقطاع داما كثيراً وذلك بسبب وجودي خارج بلدي الحبيب السعودية وعن معشوقتي حرمه أحب أقول لكم إنكم وحشتوني .... في الحقيقة انا موجود الأن في مدينة أوكلاند في نيوزلاند وهي تقع جنوب شرق أستراليا ... وذلك لغرض الدراسة ... وأنا لي شهرين وباقي شهر على الرجعة بس احلى شي إني بتعيد في حرمه لأني برجع في آخر رمضان الكريم .... وأتوقع إني طولت في المقدمة ... لكن خلونا ندخل في صلب الموضوع ... في أول أيامي في نيوزلاند كنت أتمشى في إحدى أهم شوراع أوكلاند وكان ذلك في يوم السبت ... طبعاً عندنا إجازة خخخخخخخخخ .... وكنت قلب يوم السبت كان فيه ساحة أروح اجلس فيها وأكحل عيوني في إلي رايح وإلي جاي .... لكن في يوم السبت رحت للساحة بس لقيت شي ثاني ... تدورن وش لقيت لقيت سوق ... قلت وش السالفة أنا في حلم ولا في علم متى حطوا ذا السوق رحت سألت ... طبعاً الإنجليزي كان لك عليه شوي بس إني أمشي عمري وش صاير عسى ما شر ... قالوا أبد سلامتك سوق يحطونه كل يوم سبت .... على طول تذكرت سوق السبت إلي في حرمه .... وقلت في نفسي أكيد سارقين الفكرة من حرمه .... ولكن الغريب إني جلست أدور فتاة سوق السبت ... بس إني ما لقيتها ... سألت عنها قالوا خبرك عقيت كبرت تجارتها وراحت لحرمه ... تصدقون حتى هم يعرفون حرمه ....

ماعندهم تسلبي فيذاك ؟؟؟ عاد قبل سيول وخير هناك ؟؟

ياعميري يامسلهمه

الا انا ترني قد شفت تسلبي مثل تسلبينا في جنوب امريكا الشماليه جنوب مدحدر على المكسيك <<< وشو ذا الحتسي

وبس تدرين تسلبينا اطلق منهم هم كلش اصطناعي حتى كانوا مركبين صباب وصدى وانكسر <<< يهول ويفتسر هالحتسي

وترى بنسير على التسلبي حقهم انا وانتي علميني متى تصيرين زاهبه

ودمتم سالمين