قصه - يوم رحت رحلة للبر مع تحفيظ القرآن

بسم الله الرحمن الرحيم

ذاك اليوم الله يسلمكم قاعدن اتفرج على التلفزيون واقلب بين نغم وميلودي وميزيكا وفي كل قناة مرتزين عبيد ماعندهم إلا الضعوي مغير يو يو يو وأحط على دريم والقى الين خلف تغني لو عندك كلام أنا بصراحة هيضتني الأغنية وقمت اهز مادريت إلا أبوي داخل

قال:ما شاء الله وتسمي نفسك رجال يالخبل قاعدن ترقص لحالك وعلى وشو لو عندك كلام ما تستحي أنت

قلت:إلا

قال:لو انك تستحي يالمهبول كان ناديتني ارقص معك

قلت:والله أسف المرة الجايه بعلمك بس أنت تعرف ترقص ولا بتفشلنا نبيك ترفع روسنا عند الشباب ونجمع منك تنقيط على الماشي

تسسسسسسسططططططططرررررقققققاااااعععععع

سمعة صوت غريب بس ابي أحاول افتح عيني ما قدرت وقعدت امسك عيني بيدي اكتشفت أني في شي ناشب في وجهي بعد ما صراع دام ثلاث ساعات عشان افك ذا الشي من عيني اكتشفت انها زبيريت الوالد القديمة اللي ورثها عن جدي واللي جدي ورثها عن جدي فتى الحوطة الثالث اللي هو شاريها من عليا مول وبعد ما قام أبوي من النوم لأنه تعرفون قعدت ثلاث ساعات عشان افك ذالزبيرية طفش ونام المهم قلت:ليش

قال:وبعد لك وجه تقول ليش يالداشر المهبول والله لاعقلك

ومسكني مع اذني تقول غنمه ووداني للمسجد الساعة ثنتين وقعدنا نحتري لين الإقامة ====>الاقامة ولا الجواز يا ملحي

وبعد ساعة ونص اقام وبعد الصلاة إلا الوالد ما سكني مسكه نفس القديمة وجرني للإمام

وقال:نبيكم تدخلون ذالمهبول تحفيظ القران

أنا سمعته يقول تحفيظ القران كن واحد يقول فيه قنبله في المسجد ما تشوف إلا غباري عطه بنت كلب وأبوي يلحقني ويصارخ امسكوه حده حجرله صايرن كني ضحية العيد منحاش وبعد ما مسكوني قام أبوي بضربي ضرب مبرح وقام يتوطاني ودخلني للمسجد وقال ممكن تدخلونه قال الإمام أكيد واليوم عندنا رحله للبر كمن يوم إذا ودك تخليه يخاوينا

قال:ايه اكيد ورحنا على جيب الإمام الـ97 عالم زحمة تقول زيود وقاعدين في السيارة ويصارخون يغنون أناشيد وأنا ودي إني قاعدن اوسوس في غرفة السواق اطيب وتعدينا 600 مية كيلو وضيعنا أنا أقول في نفسي شكلنا بنلقا لوحة مكتوب عليها مرحبا بك في حضرموت واخيرا وقفنا ونزلنا وقاعدنا ندق الخيام ثمن رحنا نتمشى في عز الظهر وأنا اهوجس اكتشفت اني ضعت ولا في احد حولي ودورت يمين يسار مالقيت احد وقعدت اصارخ يا مطوع الله يرحم والديك تكفا مالها داعي اموت فيذا محد عبرني مادريت إلا أنا حول كهف قلت زين أنا توني متغدي ومكثر من اللبن يبيلي ادخل اخذ تقيله الين سبع المغرب وبعدين اقعد ادور ذالمطاوعه ودخلت الكهف واثره ظلام واطلع جوالي عشان النور واناظر الجدران إلا فيها رسمات أسد وخرفان وخرابيط وأنا أقول في نفسي داخلن كهفن في الربع الخالي ولا الاهرمات ودخلت زيادة لين فيه شايبين نايمين عليهم خلاتزين قلت ايوه وسمعوني وقاموا من النوم اول ما شافوني نقزوا عندي يناظرون ومستغربين ويحوسون ويمسكوني بعد نص ساعة حتسا واحد فيهم قال من اين أنت يا اخ العرب

قلت احلا الدعوى فيها اخو العرب قلت في نفسي ذولا يستهبلون قالوا:لما لا تجيب على سؤالنا ؟؟

قلت أنا من احد بلاد النهرين الاروبية الواقعة في جزيرة العرب المقابلة لاسواق العثيم بجانب خياط اسمه كلش بريالين انلحست عقولهم طبعا

قالوا:وما اسمك توني بقول سنفور نحيس قلت ذولا وش يعرفهم بالسنافر وتاريخهم وحضارتهم وحروبهم مع هرقل ابو شوشة قلت أنا فتى قريش

قالو:ماذا ؟؟ اذن أنت ابن شرحبيل ابن ابي لهب اخو الخنساء قلت ايه نعم وامي شيخه واخواني فيصل ومشعل وريما تقلبة عيونهم مايدرن وين جت معه ذا الاسامي عاد أنا برقع قلت هذولا اخواني الجداد توهم مولودين ولا اخواني الكبار هارون وعثمان ومعاوية واخوي الاكبر مني على طول هو المهلهلون واشوف وجيهم ركدت شوي

قالو: وما اخبار مروان ابن عبدالملك قلت ابد يزقح مافيه إلا العافية يقلون صادم ويقولون بيسون له عمليه يستخرجون بعض من فسفور الدردنيل المتواجد في الخلية الحمراء المصابة بفايرس بلاستر وبيغيرون العوامة يقولون الباكستاني اللي مركبة لاعب عليك عشان كذا حنا دايم ننصحكم ماتاخذون من اللي في الشارع وعنده خدوده معفطة يبيلها سمكرة وبوية هم ما فهمو شي من اللي قلته وقاعدين يناظرون بعض وقالوا ماذا اعد ما قلت

قلت:احوللللللل الله يعني بخير

قلت:الا انتم من انتم يعني انتم ولا كيف يعني وين جيتو معه ولا كيف ايش فيه انا وين

رد واحد قال انا ابو جحفل وهذ ابوعمر

قلت:ايه وانا ابو كايد

قالو:هل تعرف شيئا عن الخنساء بنت كعب؟؟

قلت لا اوه ابشركم الخنساء تخرجت من الثانوي بتقدير جيدجدا ودورنا لها واسطة ودخلناها الجامعه وخلصت وتوها متعينه مدرسه في ميناء راس تنوره وابوها النذل كعب ابن شرحبيل معيي يزوجها يبي راتبها

قالوا وما اخبار سوق عكاظ قلت لا معد هوب السوق اللي خبركم يقولون طفر راعيه وقلبه مجمع اتصالات قالو واين ذهبوا الشعار

قلت أنا ابد جرير فتحن له مكتبات والنابغة الذبياني فاتح له محل اقمشه في سوق الاندلس وعنتر بن شداد راح يجاهد في الشيشان والفرزدق يشتغل في كبينة اتصالات والخنساء اشتغلة مدرسة رياضة وكلن لها عن القصيد

قالو ومن يكتب الشعر

قلت مالها إلا رجالها يابو سالم فيه احسن من الفرزق والذبياني وجرير فيه شاعر الخليج خالد المريخي

قالو اهوا بارع في كتابة الشعر قلت افا عليك قالو اعطنا مما كتبه قلت ابشرو هذا البيت من احسن ابياته

لاتحسبني يوم شخيت حشران ترا من زود الطفش قلت اتسلى

وشرايكم بالقصيد هذا هو القصيد ولا بلاش

قالوا لم نفم شيئا مما ذكرته

قلت بلاكم دلوخ ====>(مستقوي عليهم عشانهم ما يدرون وش معناها) طيب بشرح لكم لا تحسبني معناها لا تظنني شخيت ياليل وشلون اشرحها ذي قلت شخيت من الشخ والشخ هي كلمة فارسية من اصل فارسي====> اموت على الشرح اللي كذا

قال لم نفهم بعد

قلت احوللللللل مهوب لازم تفهمون المهم انه شعر زين وبس قلت من متا وانتو نايمين

قالوا منذ عصر الخلافة الفاطمية

قلت تراني ساقط في التاريخ يعني من كم سنة

قالو منذ عام 247

قلت يوههههههههه ياكبركم إلا في أي شهر اغسطس ولا مارس

قالوا في شهر رجب

قلت طيب الين متى بتقعدون هنا يالله قدامي خلنا ندور الطريق العام عشان نمشي

قالو وما هو الطريق العام

قلت ابد هذا الله يسلمك قلم جاف سايل ازرق ابو اربعة ريال وجيههم تعفطت مافهموا وش أنا أقول وطلعنا في ذا البر الين جا الليل وقالو الن نخلد إلا النوم قلت انعبوكم نايمين الف سنة ولا شبعتوا والله انكم خياش نوم من جد ما دريت إلا أنا انعس قلت مدام فيكم النوم يالله وانسدحنا وسالتهم انتوا متزوجين قالو لا ولاكننا نملك الكثير من الجواري قلت اسكت لا تسمعنا الهيئة توني بقوله تسلفني ثنتين تذكرت ان الكلام ذا من الف سنة يعني هي في القبر خايسة ما بقا فيها إلا عصعصها وأنا أقول في نفسي هذولا هم اللي لاقينها كل يوم جاريه يا حظهم ما دريت إلا واحد يقول الديك جارية يا فتى قريش اريد واحده الان

قلت لا وأنا أقول في نفسي ايوه شكل ذا وخويه خرمانين مالها داعي يقومون في ذا البر يحسبوني جارية عاد لهم الف سنة ما قابلو جارية يعني بيكرفوني كرف الف سنة مالها داعي من جد واخذ فراشي ومخدتي ====< )الله اذكر انك ضايع ما معك شي وين جت معه ذا الفراش والمخده( وروحة بعيد قال واحد إلا اين أنت ذاهب لماذا ابتعدت

قلت لا ابد ابي البراد قلت بجي حول مكيف وبعد ما قمتم من النوم قلت قومو قامت عليكم القيامة اخلصوا واعطيهم هاك الرفسة لين بغوا يتفكفكون ذا الشياب قل مشينا ندور الطريق العام وندور وندور اين خسنا في ذا الشمس وفجاه لقينا الطريق العام وأنا اللي اقعد اتشقلب واتدربا من الفرحه واشرت لتكسي====<)قويه ذا الفقشة تكسي في الربع الخالي كيف ؟؟؟( لا ياخي عادي التكسي كان جيب المهم قلتله الرياض ورحنا الرياض ونزلت قال الهندي هزا نفر وين ودي قلت الله لا يهينك انطلهم في الجنادريه وخذ منهم الحساب

اللي يستفاد من هذي القصة هو تنك اذا جيت تشغل دريم قفل الباب

واذا رحت البر مع التحفيظ خلك لزقه في الامام

واذاقابلت ابو جحفل وخويه لا تجيب سيرة الجواري

هههههههههههههههههههههههههه

نــــــــــقــــــــــل رائع ابو ذعــــــــــــــــــار

والله ياهالعيالين قشران وبزع الله يصلحهم

بس جد احلىىىىىىى شي

قلت لا اوه ابشركم الخنساء تخرجت من الثانوي بتقدير جيدجدا ودورنا لها واسطة ودخلناها الجامعه

سوق عكاظ قلت لا معد هوب السوق اللي خبركم يقولون طفر راعيه وقلبه مجمع اتصالات

الذبياني فاتح له محل اقمشه في سوق الاندلس

وعنتر بن شداد راح يجاهد في الشيشان والفرزدق يشتغل في كبينة اتصالات والخنساء اشتغلة مدرسة رياضة وكلن لها عن القصيد

^

^

^

مهب صااااااااااااااااااحي كركركركركركركركركركركركركر

الف الف شكر اخي ابو ذعااااااار قصه رائعه وخيال واسع

ياليت تكثر من هالمواضيع

ودمتم سالمين