سيف الجزيره قام بنشر October 7, 2003 ارسل تقرير Share قام بنشر October 7, 2003 السلام عليكم ورحمة الله وبركاتة ... هذي بعض مصطلحات الكلمات السعودية المشفرة --------------------------------------------------------------------- الدلخ : وهذاا إنسان غبي جداااا. ويرفع الضغط .... وينرفز. وينصح الاطباء بالابتعاد من الاشكال هذي. المنسم : كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم . المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ... الشخر المخر أو أبو مشخر ! : من نفس فصيلة المنسم ! السلنتح : قليل الأدب وفي بعض المدن والقرى تعني به المطفر المنتف. جحلط ( بتشديد اللام ) : وهم مرحلة متقدمة للسلنتح مزّلب : يعني بايعها بتراب ! مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة الصتيمة : وهو الشخص اللي ماعنده ماعند جدة جدتي ...!!... ويصدق أي شيء يقال له المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ... الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه...... العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار( الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري... المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة . المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!..... السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء. السمرمدي : وهو من نفس فصيلة السربوت. الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه.. الملكع : أما هذا فيعرف حتى السكن( اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك . زعّيط : مسوي نفسه يفهم في كل شيء وهو من جنب العارضة. وفي رواسة يقال انه مهايطي. المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ... المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش.... الخكري : ببساطة الخكري = نعومة + دلع + ليونة والله لايبلانا... اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا. الزنقّبي : ( بتسكين النون وضم القاف ) يعني العزوبي. الصديع : اي كلمه في راسه يطلعها ولا يتنباء بأفعاله سواء كانت صح ام خطء . الجنط : من فصيلت الدلخ. المريوح: هذا اللي نفسه شينه. وسلامتكم .. وانشالله اكون جمعت اكثر الكلمات الموجوده في الشارع السعودي أخوكم سيف الجزيره رابط هذا التعليق شارك More sharing options...
فتاة سوق السبت قام بنشر October 8, 2003 ارسل تقرير Share قام بنشر October 8, 2003 الصتيمة : وهو الشخص اللي ماعنده ماعند جدة جدتي ...!!... ويصدق أي شيء يقال له ^ ^ ^ ياحليله والله يذكرني بواحد مصري صديق اخوي ياهم لاعبين عليه لعب المريوح<<< كنها جايه من كلمه مروح يعني مخيس ككككككككاك الف شكر سيف الجزيره مشااااااااركه رائعه مع ان فيه كلمات اول مره اسمعها بس منكم نستفيد تحياتي القفووووووووها رابط هذا التعليق شارك More sharing options...
عو عو قام بنشر October 8, 2003 ارسل تقرير Share قام بنشر October 8, 2003 بلا هرجٍ وااااااااجد رابط هذا التعليق شارك More sharing options...
سيف الجزيره قام بنشر October 8, 2003 الكاتب ارسل تقرير Share قام بنشر October 8, 2003 ههههههههههه فتاة سوق السبت .. أجل مخيييييس مشكوره على الرد الجميل ابشر عوعو بس روق شوي رابط هذا التعليق شارك More sharing options...
ابوسعود قام بنشر October 26, 2003 ارسل تقرير Share قام بنشر October 26, 2003 مشكور اخوي سيف واحب اظيف الخفه والسبيكه =الصتيمه رابط هذا التعليق شارك More sharing options...
صدى الذكريات قام بنشر October 26, 2003 ارسل تقرير Share قام بنشر October 26, 2003 اهلين سيف برضو اكرر في كلمات غريبه مثل الصديع الزنبقي بس الدنيا ما تستاهل <وش يبي موضوع حلو زي الي كاتبه تسلم اخوي وتحياتي لك رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان