قصه شعريه لفتاة مريضه(الالم قدري )


Recommended Posts

الألم قدري..!!!

قصيده نثريه تحمل بين طياتها تصويرا للألم عندمايواجه الحب ...

هي....فتاه مريضه (نبض القلب ترى معدود ويكاد انه يفارقها...وحب الي حواليها تحسه عطف يخنقها)

جل ما تتمناه احساس صادق بالحب ...فما السبيل الى ذلك ؟؟؟؟

هو..ذلك الأحساس الصادق..عشق القلب دون ان يشعرها بشفقه او رحمه لعدم

علمه بحالها

تصدمه الحقيقه بأعتراف صريح منها....!!

تجثوعلى ركبتيها والدموع تغرق عينيها ان يغفر لها كذبتها ويصفح عن زلتها

فكل ما كانت ترجوه حب بلا شفقه يشعرها بانوثتها

انا مدري خطيت ولا الألم قدري

انا مدري نسيت ولا نفذ صبري

ياحبي العذب الحنون آه لو تدري

لو تحس الي بصدري

كان عمرك ما تلوم

وتخجل تقول اني اخون

يا حبي العذب الحنون

انا ما احملك بالهوى عذري

وادري انا ان الغدر غدري

بس ابسألك..!!!

أبسألك؟؟بالي خلق هالكون

أبسألك؟؟بالي خلق قلبك وعقلك والظنون

أبسألك بالي خلق قلبي المسجون

لو كنت انت الي بمكاني.....(ماتقاس الشر يا غاية زماني)

تخيل بس تخيل ..!! وش ممكن يصير..!!!

بنت فيها من الحلا شي يسير

من فتحت عاشت تعاني

في عيونها رغم الحنان حزن كبير

ينتظر وشو المصير

وفي جوفها صرخة الم وغصه كبيره تستجير

من وعت عالدنيا تحلم

مره تبني...مره تهدم

وعاشت طول ما عاشت بوهم..وأحلام ..وخيال

وانها مادامها تقدر تعيش احلامها ما في شي اسمه محال

في صغرها

في صغرها كانت تخيل نفسها اقوى البنات

تجري وتلعب من تقوم حتى تنام بلا سبات

وان فكرت في حلمها تبعد شوي

تصحى على صوت الألم

صوت يشل اطرافها

ويقتل بقايا احساسها

وتبعد بعيد احلامها

وترجع تعيش ايامها

ماهي زي كل البنات

وان البدايه والنهايه بيومها نوم وسبات

وتمر ايام العمر

وتكبر وتوصل للعشر

وتكبر معاها احلامها

وتغرق وسط اوهامها

لما وصلت سن العشر

عاشت وحيدة..لاصديقه ولا خوات ولا رفيقه

فعيونها يالي تشوف عيونها

كل المعاني تنحشر

وفي صوتها نغمه حزينه ترتجف

وفي قلبها يالي تحس بقلبها..ينحصر هم البشر

لما وصلت سن العشررغم العذاب

احلامها كانت سعيدة

في حلمها ما عمرها عاشت سعيدة

في حلمها دنيا جديدة

دنيا ما فيها دموع ولا الم

وعن حزنها كانت بعيده

لكنها تعرف يقين ان الفرح لازم يشين

وافكارها واوهامها لازم لواقعها تلين

وتروح ايا وتعدي سنين

وتكبر ويكبر قلبها المسكين

صارت مثل طير جريح

كل ما حاول يطير يخطي ويطيح

صارت مثل ورد الشتاء

لما تغير موسمه مات في فصل الدفا

يا حبي العذب الحنون

لما اكبرت كل شي تحول واختلف

صارت تشوف الدنيا غير

واحلامها..وافكارها ...واوهامها..تمشي لبعيد وتختلف

صارت تخيل الي يمسح دمعها

والي يواسي همها

صارت تخيل حب كبير يلمها

وحضن بلهفه يضمها

تحلم تعيش بعالم العشاق

تبي توله تبي تشتاق

وصار اكبر همها ترسم صور في عقلها

للي بيطلب قربها ..واللي بيسكن قلبها

ترسم صور..

فيها من الطيبه كثير

وفيه من العطف الكثير

وفجاءه تقوم من الوهم

ويرجع لها صوت الألم

لأن الحلم حتى الحلم في حالها اصبح كثير

يا حبي العذب الحنون

اعترف اني خطيت

وابعدت عن حدي وسليت

اطلبك يا روحي العذر

والسموحه والغفر

لا تلوم دامني هويت

قبل اعرفك.....!!!!!

في داخلي شفت الدموع

في داخلي كل شي بكى ..حتى دمي والضلوع

ومن عرفتك.....!!!!!

زانت ايامي وسنيني

واحلوت الدنيا بعيني

روحي ضحكت

وعيني بكت دمع الفرح

دمع المحبه

دمع السعاده والمرح

وهمومي واحزاني شكت من هجري وحرماني

وحلفت اني انساها وتنساني

من عرفتك..!!!!

كل ما فيني يحبك

دمي الي بعروقي

احساسي

وجداني وخفوقي

دقات قلبي تعشقك

روحي تبي تحيا معك

يا حبي العذب الحنون

ارجوك انا لا تقول اني اخون

ارحم احساسي

لا تكتم انفاسي

ارجوك انا

دايم حط في بالك اني هويتك

واني عشقتك

واني رسمتك صورة وسط الحقيقة

ومن عرفتك....!!!!

كل اوهامي واحزاني ما رجعت الها دقيقه

ياحبي العذب الحنون

لا يتعبك هم الظنون

صدق اني

احبـــــــــك

حيل احبـــــــك

وحبك وصل حد الجنون

اختكم wub.gif فتاة سوق السبت wub.gif

اتمنى تعجبكم

biggrin.gif ملتggggش biggrin.gif

رابط هذا التعليق
شارك

سديراويه

مشكوووووووره على ردك sad.gif

ويارب يشفى مرضنا ومرضى جميع الملسلمين

<<< كاسره خاطرها البنيه sad.gif

والله يومني قريتها ضاق صدري يقولون الحب اقشر biggrin.gif

تحياتي

رابط هذا التعليق
شارك

لله يسلمك اختي رزنامه

الف شكر على مرورك وتعليقك

اختك فتاة wub.gif

رابط هذا التعليق
شارك

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان