فتاة سوق السبت قام بنشر September 6, 2003 ارسل تقرير قام بنشر September 6, 2003 هلا11 هلا11 هلا11 هلا11 هلا11 هلا11 هلا11 هلا11 هلا11 هلا11 بالغــــــــــــــاليـــــاااات الحــــــــــرمـــــاويــــــاااات وش اخباركن وش علومكن عساكن طويبات ترى امي تسلم على امهاتكم وتنشد عنهن وحدتن وحده المهم موضوعي المره هاذي خاص في سوق المراءه العصريه الحرماويه وهو ســـــــوق السبت بحرمه ماذا تعرفين عنه ؟؟ طبعا الكل يعرف ان مدينه حرمه (شماليه ) تشتهر وتتميز عن باقي مدن منطقه سدير بحدث معروف يتكرر كل اسبوع في يوم السبت وهو طبعا سوق السبت اذن تعالوا معي لتمرون على عشر محطات قصدي وقفات مع هذا الصرح العظيم <<<< والله انجاز ياله طلعت ها الحتسوه ********** اولا : تعريفه هو عباره عن براحه او ارض فضاء ترابيه تجتمع فيها سيارات البضائع التي يتم عرضها في سوق السبت ويجتمع فيه حريم ورجال ومبزره حرمه كل عصريه من يوم السبت ********** ثانيا : مسمياته البعض وغاليا يسمونه بسوق السبت وبعضهم يطلقه عليه (البسطه ) وسبب التسميه يرجع الا انه بعض الحريم يبسطن فيه على الارض بضايعهن وشغيلاتهن0 او لانه غير ثابت يعني اصحاب المحلات يبسطون في وقت ويوم محدد وبعدين يشيلون بضاعتهم ومنهم من يطلق عليه ايضا بمسمى (السيارات ) وهو غالبا يطلق الاطفال الصغار (مبزره حرمه ) لانه عباره عن سيارات تحمل البضائع من مقراتها الرئيسيه وتعرض في هذا سوق قصدي البراحه. ********** ثالثا : موقعه موقعه سهل جدا وهو امام ومقابل مباشره لمستوصف حرمه الصحي وتقريبا هو يعتبر قريب من مدخل حرمه الرئيسي ********** رابعا :بضائعه اما انواع البضايع الي تعرض فيه فهي اما الحلويات والشكولاطات والفشافيش والبطاطس بانواعه والملابس النسائيه والرجاليه والا طفال ايضا يبيعون فيه الاكسسوارت بانواعه اللي يرتهش واللي مايرتهش والبوكل وشرايط المدرسه والابات والشباصات (اهم شي عند بنيات حرمه ) وغير الحب والفصفص والفستق والمكسرات ايضا لاننسى اهم شي عند الحريم المواعين ومواد التنظيف واهم شي فيه وهو الخضار والفواكه وبالاخص الجرجير والكراث (مايشترى الامن سوق السبت عشان يتقهون عليه طازج الحريم ) بس اتوقع في الشهور المقبله ان محل الخضره بيخرب سوقه بعد فتح محل الخضار في الشارع الرئيسي اللي فيه ثلاث مدري اربع مطبات ( قاهرني منول ولامطبه فيه يوم نفصوا حطوا ثلاث ) ********** خامسا : الاسعار اما عن اسعار البضايع فهي غير مرتفه وتقربا هي نفسها اللي في سوق المجمعه والرياض الا احيانا ادون منهم وهي مناااسبه جدا جدا وخاصه بعد بدايه الاجازه الصيفيه واقامه مهرجان حرمه تحت شعار ¨°o.O (وفــر مع ســـوق الســبت) O.o°" ********** سادسا :مواعيد فتحه وتسكيرته اما عن مواعيد ووقت فتح السوق فهو يبداء غالبا من بعد صلاه العصر مباشرة ويكون اصحاب البضائع قد جو من الصبح بسيارتهم عشان يحجزون مكان الى تقريبا اذن المغرب ********** سابعا : الهيئه والامن والحمايه ايضا لاننسى ان سوق حرمه ( سوق السبت ) امن ولافيه خوف ويقدر الاب او الابو <<< بالله وش الفرق يامن على بناته وحريمته اذا راحوا لحالهم خاصه ان هناك تتواجد دائما هيئه الامر بالمعروف والنهي عن المنكر في حرمه طوال فتره التسوق وهذا ماجاء الا ردعا لشباب الطائش اللي يجون من الدير اللي حولنا يعاكسون ويتهيبلون ويستخفون دمهم. فجــــزى الله هيـــــــئه حــــرمه كــــــل الخـــــــير. ********** ثامنا : متنفس حريم حرمه ايضا لايمكن ان نغفل جانب الترويح والتنفيس الذي يحققه سوق السبت بحرمه لحريم حرمه ومجاورها فهن ياتين لسوق السبت ليس لغرض الشراء فقط بل ايضاا لتوسيع الصدر والفله مع الحريم الباسطات والسويلفات معهن واخذ اخر الاخبار فضلا عن التسوق لاغراض البيت والحاجات الماسه اذا عيا ابو العيال يوديهم للمجمعه فتحصل غرضها منه. ********* تاسعا : سوق السبت ورمضان شهر الخير والبركه من أجمـــل ايام سوق السبت والتي تشعرنا دائما بطعم ايام منول اذا كان في رمضان وااااااااااااااي واااااااااااااااي ياهووووووووه له طابع خاص فريد جديد مميز تحــــــس فيه بشي ثااااااني ياخذك لابعد مكان وتحس انك في عالم دزني لاند <<< وش دخله ذي عرض الاناره رمانسيه لابعد الحدود وهي اما ان تكون فوانيس (سراج وهي مفرد سرج ) او التريك او عقود الانوار اللي مشبوكه على المواطير ياي تخيلو المنظر معي اناره خافته صفراء وصوت الموطاير تغرد في اذنك اها يذكرني بالثمامه ومخيماته اه اه اه اه اه مهب ناقصنا في سوق السبت الا دبابات وخيام وتكمل هههههههه . طبعا تختلف مواعيد سوق السبت في رمضان عن الايام العاديه فهو يبداء من بعد صلاة المغرب وحتى منتصف الليل تقريبا وبعض المحلات تروح مبتسره كلن على راحته وعلى مهله ( يالحبي لهم سميحين ) والبضايع ايضا فيه تختلف شي وخاصه محلات الحلويات يبدائون من اول ايام سوق السبت في رمضان بعرض حلويات العيد الملبس واللي مغلف والملون واللي يلصف واللي يبرق كنوع من الاغراء للمبزره والحريم يشيوقهم ويشرونه خاصه مع الاناره يطلع حاجه ثانيه لو ماتشتهي شريته. ولاننسى ملابس العيد من تنانير وبلايز اشكال والوان طبي وتخيري خخخخخخخخخ غير عاد اهم شي في العيد وهو الشروخه والصواريخ والالعاب الناريه يبيعونها بالخفيه واذا تبونها دوروها مع المبزره الصغار اذا سالته فيه يقوم يطلعلك من تحت من الكراتين عشان مايكشفونه هههههههههههههههههههااي وااااااااااااااااااااه واااااااااااااااااااااه اذا وافق العيد الفطر يوم الاحد يطلع ليوم السبت جو ثاننننني خاصه ان سوق السبت يكون في ليله العيد اهم ليله عند الكل وتخيلوا عاد ليله العيد في سوق السبت اقسم بالله تجنن وروعه خاصه ان الناس يتباركون ويتعايدون وهم متاقابلين في السوق وهذا يجعل ليله العيد لها طعم فريد ورائع واسئلوا مجربه. ********* عاشرا : سوق السبت والسيول والامطار الشتويه من احزن الايام اللي تمر علينا مع ان فيها فرحه بالامطار اذا جت امطار قويه ليله السبت او يوم السبت الصبح مما يودي الى ظهور بحيره مياه ومستنقعات كبيره في مكان سوق السبت ممايظطر اصحاب البضائع الى عدم الحضور وتاجيل سوق السبت وهذا لايتكرر دائما تقريبا مره كل عشر مطرات قويه. الله يرزقنا ويغيثنا بالمطار الغزيره اللي تخلي الارض خضراء وربيع ويطلع القرقاص والبسباس والبقره << هي اسمها كذا امين يارب العالمين ********* طبعا هذا ملخص بسيط لسوق السبت بحرمه اتمنى اكون عطيت فكره واضحه عنه للي يجهله وبصراحه ودي من خلال هذاالموضوع هو اننا نناشد البلديه بوضع مكان مخصص ومغلق لسوق السبت ومايكون تراب وغبره لانه معلم مميز من معالم مدينتنا الغاليه حرمه ولازم نطوره ونحافظ عليه ولا وش رايكم. تقبلوا خالص امنياتي وتحياتي محدثتكم فتاة سوق السبت
مسلهمه في مسيل الكلبي قام بنشر September 7, 2003 ارسل تقرير قام بنشر September 7, 2003 رهيبــــــــــــــه ايش هدا هركات بركات << متأثره بقناة المجد خاصه .. اذا عيا ابو العيال يوديهم للمجمعه فتحصل غرضها منه. ومنهم من يطلق عليه ايضا بمسمى (السيارات ) الحلويات والشكولاطات والفشافيش والبطاطس يبيعون فيه الاكسسوارت بانواعه اللي يرتهش واللي مايرتهش والبوكل وشرايط المدرسه والابات والشباصات (اهم شي عند بنيات حرمه ) وغير الحب والفصفص والفستق والمكسرات الله يقطع عدوانك ذكرتيني منول ... اذا صار يو السبت عرفنا اننا بنتقهوى عقب المغرب نأجلها الين نجيب حلاو بقر والحلقوم ... ثلاث مدري اربع مطبات ( قاهرني منول ولامطبه فيه يوم نفصوا حطوا ثلاث ) سابعا : الهيئه والامن والحمايه وكل ماقلتي روعه .. ماادري وش اقتبس ؟ بس الله يهديك يافتاة .... !! نسيتي اهم مستقطب في السوق ... الاوهو المراجيح الزرق والحمر والزحليقه تقل واحد جايه بعج مو زحليقه تشكرااات عزيزتي ... وربي دائما مبدعه ..... عطيتينا اسلوب ثاني في الطرح لدى هالقسم ... وسعتي صدورنا الله يوسع صدرك بالعافيه << خياط خلود حشى وللأبداع الحلو هذا تثبيت ..... يكفي انه من خط يدك وبنات افكارك ... تسلمين لنا ياقمر السوق كله ... من بسطه القمصان الى اخر شي حق الفرشات اخيتس .. مسلهمه ...
فتاة سوق السبت قام بنشر September 8, 2003 الكاتب ارسل تقرير قام بنشر September 8, 2003 هلا وغلا بملح منتدى حرمه كله الله يسلمك والله من ذوقك الراقي ياسلهومه ايه اما عن المراجيح فهي تراها موب من بدى السوق وهي فيه يمكن هذالها يجي خمس الى اربع سنوات موجوده وهي طبعا ليست تبعه بس تنبيه جيد المره الجايه بذكرهن <<<<<<<< ماتت ضحك على بعج يسلمووووووووووووووووو يالمثبته على التثبيته والحلو مااجا الا منك اتمنى بقيه الاعضاء يشاركونا في هذا الموضوع ويكون جايزن لهم تحياتي
ريماس قام بنشر September 16, 2003 ارسل تقرير قام بنشر September 16, 2003 شكلك ماشاء الله عليك قبلك مصطبله قشك في سوق السبت باخصته بالحيل تحياتي
فتاة سوق السبت قام بنشر September 16, 2003 الكاتب ارسل تقرير قام بنشر September 16, 2003 هلا1111111 سماء <<<< باخصته حيل واهم شي حقين الحلويات هههههههههههههههههههههههههههههههههههه مشكوره لمرورك تحياتي
بنت المرقب قام بنشر September 29, 2003 ارسل تقرير قام بنشر September 29, 2003 مسيييييييييييييييتس بالخير يابعد تسبدي وشلووووووونتس ووشلون اميمتس واخياتس اقووووووول قبل لا ارد عليتس عندي موووووولاحظات بسيطه 1)قبل لا تمطين حنتس وايديتس على هالشاشه والكيبورد يابعدي خذي دوره في الاملاء لان وحدتن من البنات تسألني تحسبتس فرنسيه 2)اقول مريت من عندكم يوم السبت ولقيت سوق عكاظ مفتوح عندكم قلت وش جاب الطايف فيذااااااااااااا وبالاحرى مر ابو جهل يشتري منه معه دقسن غماره مظلل وبدون بيبان ومحملن تيس 3)اقول نسيت مار بوصيتس على غريض مدام ان سوق السبت فيه حراج السبت الجاي على الطيارات الحربيه والصواريخ تكفين احجزي لي طياره اف عشرطعش دفاعيه وغواصه وجربيها في الشعيب تسان انها تشتغل وعلميني وتراني ادعيتس وربعتس لسووووووووووقنا سوق الخميس حيث الكرنفال العالمي افضل الماركات من فئه م ط والحباحر الهنديه وترررررررررررررا ذا الحتسي كلووووووه مزح ونسللللللللللللللللللم عليتس ياااااااااااابعدهم واجل منهم اخيتس بنت المرقب...
مرتـــــــــــــــاح قام بنشر September 29, 2003 ارسل تقرير قام بنشر September 29, 2003 وبالاخص الجرجير والكراث (مايشترى الامن سوق السبت عشان يتقهون عليه طازج الحريم ) بس اتوقع ^ ^ ^ ^ أحد يتقهوى على جرجير وكراث الله يرج معاليكم وبعدين ليش مابسطتي هالسبت يقولون مالك شوفه يقولون متغليه عقب الأشراف تخبصـ ـ ـ ـ ـ ـ ـ ـ ـاتي
فتاة سوق السبت قام بنشر September 29, 2003 الكاتب ارسل تقرير قام بنشر September 29, 2003 بنت المرقب هههههههههههههههههههههههههههههههههههههههههههههههههههههههههههههههه ياختي منهي تكفين هاللي تسالتس قوليلها مو فرنسي بس تراي احوق معه شوي بريطاني والماني ايقالك لزوم الاتكيت عاد النوبه الاخرى بحتسي اوردو وبخلي موضوعي خاااص لابو هنود ياختي يستاهلون هماه يابنت المرقب ترى عندنا الاسبوع الجاي تصفيه لمحل دبر وهمز ( احد فروع محلات البريطانيه دبن هامز ) مر علينا وترى ابو جهل هاذاك الاسبوع يسلم عليك يقول وراه يوم مرت من عندي معطت شوشتي يقالك تبين تهبين به يقول تراني باخصها بخص وعارفه اللي منول تنظم قصائد هجاء فيني تكفين احجزي لي طياره اف عشرطعش دفاعيه وغواصه وجربيها في الشعيب تسان انها تشتغل وعلميني ^ ^ ^ ارووووووووووووووووووح ملح عند هالحتسي هع هع هع هع هع هع هع كككككككككككككككككككككككككككككككككككككككككككككاي منسمه وربي منسسسسسسسسسسسسسمه يالخبله << تراني امدحتس طيب وش شعيبها اللي احربها فيه عندك شعيب محدد تحبين نجربها فيه اتحفتينا بطلالتك المجوجه يابنت المرقب وحيااااك في منتدى حرمه ترانا فيذا نستقبل جميع الابداعات الخبليه اللي مثل حتيتس وهيتينا في بوابه السااااااااخر لنصرقع سويا <<< هذا شعارونا تحيتي لك من بنت حرمه فتاة سوق السبت
فتاة سوق السبت قام بنشر September 29, 2003 الكاتب ارسل تقرير قام بنشر September 29, 2003 مرتاح وش عرفك بشغل الحريم ايه يتقهون عليه بس مو قهوه قهوه قصدي قهوه شاهي العصررررررررريه مع حب وفستق خخخخخخخخخخخخخخخخ وش اسوي يختي ذبحوني الناس الجاي والداخل مغير ياله ابدي اسلم واشكرهم وهالورود الوان واشكال شين اصفر وشين احمر وراح على العصر ولا جيت شفتاااااااااا <<< لوزم اللغه السديرواويه البحته بس السبت الجاي باذن الله موجود الله لايعوقني وبجيب بضاعتن جديده بمناسه الاشراف خخخخخخخخخخخ تحياتي
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان