حرماوي في الارطاوية قام بنشر August 31, 2003 ارسل تقرير قام بنشر August 31, 2003 الشاعر الكبير صاحب السمو الملكي الامير الشاعر .. عبدالرحمن بن مساعد . صدق أو لا تصدق كل ما تباعدت المسافة بين الرغيف والجوع تلقى الفرح أصدق صدق أو لا تصدق لامن غدت كل المشاكل جوع الصغار وسقفٍ يداريهم قبل يصحى النهار تلقى الشعور أعمق صدق أو لا تصدق كل ما انقفل درب انفتحت أبواب صدق أو لا تصدق لو فيه احد طيب .. للطيبة أسباب صدق أو لا تصدق قليل من يعفي ويسامح .. كثير وده ينتقم بس ينتظرله وقت سانح صدق أو لا تصدق القناعة كنز يفنى ولو كل من ياخذ قنع .. وكل من ياكل شبع كان الفرح غطى شوارعنا صدق أو لا تصدق كل النهايات البداية .. وأحلى البدايات النهاية وكلنا رغم القساوة الظاهرة .. نبكي قدام المراية صدق أو لا تصدق به مطول لحيته .. والثوب يلمس ركبته وما قرا في الشهر آية صدق .. ان الشعر صدقه .. اعذبه ودي احكيلك حكاية وقبلها ابغى لسؤالي اجوبة المال هذا هو وسيلة والا غاية ؟! لو ماهو غاية .. ليه الحروب ؟ .. ليه السلام اللي تمناه الشعوب ؟ ليه الحسد يملى القلوب ؟ وليه الفقير المعدم الكادح .. بهجته تملى الملاح لامن لقى ذاك الثري يعطي هذيك المطرية مليون وهذا الثري لامن سرى من حفلته .. وقفت سيارته عند الاشارة وجاه شايب يطلبه .. الهم عاثي في وقاره دق باصابع متعبه .. على الشباك قال : انا ياسدي مديون .. وانت الكريم يحكون عنك في الجرايد .. وتقال في جودك قصائد ويقال انك للأرامل واليتامى عون ما ابغى منك الا حاجة .. لبس الشتا لجل العيال الله يسددلك خطاك .. اعطني مما عطاك واعتدل راعي الملايين الكثير في جلسته وعقد حجاجه ثم قال : ألا ما اثقلك واغباك .. ليه يا اخي ما تشتغل انت كسول .. ومستغل وطلّع من المحفظة فكّه .. رماها وقفل الشباك ابغى لسؤالي اجوبة ... ليه البر والتقوى .. مليان في جرايدنا ؟! وليه هموم هالشارع ؟! .. بعيدة عن قصايدنا ؟! ليه الفساد .. ليه الكساد ؟! وليه الحروب ؟! .. وليه الحسد مالي القلوب ؟! وشهو الجواب ؟! اتمنى انه مايكون المال هذا هو وسيلة ماهو غاية هذي الكلمة النبيلة .. اخترعها أغنيا لجل مسكينٍ شقى .. يرضى بقليلة وصدق انت او لا تصدق ماني الشخص المثالي .. كل مافي الامر اني شاعرٍ ماهو يبالي كان صار اللي اقوله علقمٍ او صار حالي كل مافي الأمر اني استريح .. لا مشابي مركبي عكس اتجاه الريح وما ابرّي من الخطى نفسي .. واللي اجاهربه مثل همسي صدق اني ماني الشخص المثالي كل مافي الأمر اني اجمع احساس الحواري وسط صدري وانقل الواقع لشعري كل مافي الامر اني شاعرٍ مطرود من جنة خيالي صدق اني ما قصدت اني اكون صوت للي مايبون صدق اني ماني الشخص المثالي والا تدري لا تصدق... اخوكم المحب حرماوي في الارطاوية ..
باب البر قام بنشر September 1, 2003 ارسل تقرير قام بنشر September 1, 2003 اختيار ولا اروع شكرا حرماوي في الارطاوية
صدى الذكريات قام بنشر September 1, 2003 ارسل تقرير قام بنشر September 1, 2003 (معدل) كلام جميل وطبعا الامير عبد الرحمن بن مساعد معروف بشعره الحلو وانا برأيي انه من اروع الشعراء تسلم هالأنامل الذهبيه يارب ويحفظها لهلمنتدى تقبل مني خالص تحياتي لك اخوك صدى تم تعديل September 1, 2003 بواسطه صدى الذكريات
حرماوي في الارطاوية قام بنشر September 3, 2003 الكاتب ارسل تقرير قام بنشر September 3, 2003 شكراً اخوي باب البر وانت الرائع دائماً ........ شكراً صدى الذكريات انت كلامك اجمل اخوكم حرماوي في الارطاوية ........
مرتـــــــــــــــاح قام بنشر September 3, 2003 ارسل تقرير قام بنشر September 3, 2003 أخوي حرماوي الأرطاويه مشكووووور وتحيه لنقلك هذه القصيده الرائعه للمبدع عبدالرحمن بن مساعد أخوك .. مرتــــاح
حرماوي في الارطاوية قام بنشر September 3, 2003 الكاتب ارسل تقرير قام بنشر September 3, 2003 مشكوووووووور اخوي مرتاح .. وجعلك مرتاح دائماً . اخوك المحب حرماوي في الارطاوية ........
طلال قام بنشر September 4, 2003 ارسل تقرير قام بنشر September 4, 2003 أخوي حرماوي في الارطاوية صحيح انك ذويق , لان في اختيارك لشاعر الكبير عبدالرحمن بن مساعد بحد ذاتة تحفة شعرية كيف لو كان في قصيدة صدق او لا تصدق هذي القصيدة نابعة من مشاعر صادقة وميزة شاعرنا في قوة قصائدة واسوبة في القاء القصيدة , قد اكون مبالغ نوعا" ما لاكن هذا راي في الشاعر الصادق عبدالرحمن بن مساعد مع مزيد من التحيات... أخــــوك طــــــلال
حرماوي في الارطاوية قام بنشر September 4, 2003 الكاتب ارسل تقرير قام بنشر September 4, 2003 شكراً اخوي طلال على مرورك الكريم . ماتوقع ان هذه مبالغه في الشاعر القريب من القلب الشاعر عبدالرحمن بن مساعد .والله انه يستحق كل كلمه حلوه بحقه . اخوك المحب حرماوي في الارطاوية ........
ريماس قام بنشر September 4, 2003 ارسل تقرير قام بنشر September 4, 2003 تشكر اخوي على هذا الختيار الرائع والمميز
غريب قام بنشر September 9, 2003 ارسل تقرير قام بنشر September 9, 2003 حرماوي في الارطاويه عيني عليك بارده ومساهماتك ولا اروع لا تنسانا من الجديد ......................... تحياتي الغريب
ذيب الأرطاوية قام بنشر September 19, 2003 ارسل تقرير قام بنشر September 19, 2003 يسلموووووو اخوي حرماوي في الارطاويه على هذه المشاركة الرائعه وفي انتظار المزيد
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان