البنت الدبة والرشيقة.. ماذا تأكلان؟!


Recommended Posts

البنت الدبة والرشيقة.. ماذا تأكلان؟!

الجدول اليومي عند البنت الدبة والبنت الرشيقة.. البنت الدبة تقوم من نومها الصبح وتغسل وعلي طول علي وجبة الفطور واللي تكون متنوعة من كل ما لذ وطاب من كل اصناف الطعام مثل البيض أبوعيون واذا تحب تغير تأكل مسلوق بالكثير اربع او خمس بيضات والجبن بأنواعه والزبدة والعسل مع حليب كامل الدسم حشا وجبة كاملة ايش خلت حق الغدا، وفي فترة الضحي تأكل لها شيبس او اي نوع من الحلويات مثل الجلاكسي او الكيت كات او سنكرز وثلاجتها ما تخلي من كل انواع الكافي وانواع من حلويات الكيك وفي فترة الغدا تكون أول وحدة جالسة علي السفرة وآخر وحدة تقوم لين تقضي علي كل شيء موجود حشا مفجوعة هذه ماهي آدمية وهات يا ضرب بالخمس علي المفاطيح والكبسات شلون أجل ما يحلي لها إلا بالخمس والا الأكل ما يصير له طعم وطبعا لازم البيبسي يكون متواجد علشان يعطي مذاقا خاصا له وفي فترة القيلولة علي طول نوم يعني اشخري لين حزة المغرب وأول ما تقوم أكيد بتكون جوعانة فتفكر ايش تأكل في هالفترة يعني اي مزة تصبرها لين حزة العشا فتقوم تخربط في الأكل مثل سندويتش جبن مع بيبسي او تأكل لحم نوع كافي لين توصل الساعة 10 المسا يعني حزة العشا تفكر في اي مطعم تتصل وطبعا ما في مطعم ما يدل بيتهم من كنتاكي لين هارديز او يا مال الشام او المضياف وطبعا قائمة الطعام تكون طويلة من كل اصناف الأكل لين يترس عيونها أقصد بطنها مع شرب البيبسي يكون بطنها منتفخ وواصل حده واذا زاد شوية اكل خلته حق الساعة 12 في الليل وإلا أشلون تشاهد التلفزيون من غير ما تأكل ما يصير أما عن ملابسها فهي مرتاحة جدا قطعة وحدة يعني من غير موديل ولا تعذب الخياطين ولا شيء بالهم مرتاح معاها ولا تفكر تشتري ملابس جاهزة وليش تشتري اصلا ما في امل انها تلاقي مقاسها وبعد ولا تفكر انها تركب فوق الميزان تشوف وزنها وليش توزن في الاصل وهي راضية بشكلها كذا واصلا هي ما تعترف بالميزان .( هذا يوم في حياة البنت الدبة أكل ونوم وكسل ) .

وش تبون اكثر من كذا والله انها تعبانة واااااجد.

أما البنت الرشيقة اللي وزنها ما يتعدي الـ 60 كيلو ويا ويله ويلااااه اذا تعدى لـ 3 او 4 كيلوات يعني لازم يكون معتدل ويكون الوزن والطول مناسبين اما عن جدول يومها فهي تصحي الصبح وتغسل وعلي طول تقوم ببعض التمارين الخفيفة علشان تطرد الكسل عنها وتأكل لها وجبة فطور مكونة من بيضة مسلوقة وخبز اسمر او توست اسمر مع حليب قليل الدسم ويكون الشاي من غير سكر وبين فترة الفطور والغدا تشرب لها عصير برتقال فرش ووجبة الغدا تكون نصف صدر دجاج مشوي منزوع الجلد مع السلطة وفي فترة ما بعد الغدا ما في نوم حيث تقوم بأداء بعض تمارين الاويروبيك ، وبعدها تأخذ لها شاور دافيء واذا أحست بالجوع أكلت لها حبة خيار او برتقال او جزر ولو تفتح دولاب ملابسها تلاقي كل انواع الملابس والموديلات الحديثة من التيشيرتات والجينز واشكال متنوعة من الفساتين اللي الواحد يحتار فيها فجسمها يتفصل عليه جميع الموديلات وهي كل ملابسها من النوع الجاهز فهي كل حلمها انها تحافظ علي جسمها ليش يعني هيفاء وهبي ولا شاكيرا احسن منها فهي دائما ما تحافظ علي رشاقتها وبعد فترة المغرب فهي مسجلة في مركز رياضي للرشاقة اي تعمل تمارين لياقة لمدة ساعة وسباحة لمدة ساعة وطبعا السباحة ضرورية لزوم شد الجسم وعلشان تحافظ علي جسمها المخصر ووقت العشا محدد في الساعة تسعة المسا والوجبة تتكون من قطعة ستيك لحم مشوي ويكون معاه في بعض الاحيان شوربة خضار اذا حبت تغير يعني وفي 10،30 المساء فهو موعد نومها تشرب لها كوب حليب دافيء وبعدين تخمد في سريرها والسهر عند التلفزيون مشطوب من جدولها اليومي

على فكره جاني على الايمل الى مرسله كنه يعرفني

thumbup.gif

user posted image

رابط هذا التعليق
شارك

البيض أبوعيون واذا تحب تغير تأكل مسلوق بالكثير اربع او خمس بيضات والجبن بأنواعه والزبدة والعسل مع حليب كامل الدسم حشا وجبة كاملة

الله يكافينــــــا الشر ohmy.gifbiggrin.gif

مشكووووووره عيوني على النقــل .... thumbup.gif

بس مو كل دبه مثل هذي ... smile.gif

الله من وحده مسكينه ماتاكل ولاشي ... وهي كبر الباب ohmy.gif .. اما لغدد ولا لوز ولا بلا من بلاوي الدنيا .... cry.gif

ومصيبك بعض الناس اذا اهتموا سمنوا ... wacko.gif

يعني مو كل شي على الاكل ..... biggrin.gif

مره ثانيه مشكووووره ياااعسل ... thumbup.gif

نبي زود الله لايهينتس ... sweatdrop.gif

تحياتي

رابط هذا التعليق
شارك

ابشري بسعدس tongue.gif

اهم شي نرضي القراء في هذا المنتدى الغالي

تصدقين اني اكتب في 30 منتدى وحصله

على مرتبه الشرف في كل من هذه المنتديات على شاني انا

متميزه لوووووووووووووووووول whistling.gif

خذي وخلي كلام wacko.gif

باااااااااااااااااااااي يا احلى مشرفه

ولى مو رضي يشرب من المحط الهندي fish.gif

رابط هذا التعليق
شارك

huh.gifhuh.gifhuh.gif

مشالله 30 منتدى !!!!!

انا اربعين منتدى ..... biggrin.gif بس تركتهم ... dry.gif

مثلك عارف الاشراف ومايسوي biggrin.gif

حتى حلفوا علي ... قالوا نخليتس مشرفه عندنا بس طلبه اقعدي ... cry.gif

قلت لاتحرجوني ... cool.gif

هذا منتدى حرمه ... غالي علينا كلنا ... ويكفي ان هايدي فيه wink1.gifwink1.gif

واللي مايعجبه ...

يروح يكشت عند التسلبي biggrin.gifohmy.gif

تحياتي ... ياقمر biggrin.gif

رابط هذا التعليق
شارك

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان