حميان ويش رايك

السلام عليكم ورحمه الله وبركاته

أبدأ قصتي مع حبيبتي

ملاحظه : أقروا القصه باللغه العربيه الفصحى

أنا من نعومة اظافري المكسره والمشق اللي في يدي كنت أحب وحده ( طبعاً مو وحده بالليل وإلا وحده بالظهر )

يوم كان عمري 15 سنه وبدأت تظهر علامات الرجوله والعظلات فيني ويزداد طولي

كنت أرجع من المدرسه وأرمي حقيبتي في المنزل وأذهب الى منزل جارنا لكي أقابل عشيقتي التي أحببتها من أول نظره وكنت أستغل الوقت الذي يكونوا فيه أهلها نائمين لكي نجلس وحدنا ونأخذ راحتنا مع بعض وكل يوم يزداد حبها داخل أعماق قلبي ولا أشاهد غيرها فهي في نن العين وكنت دائماً أحظنها مثل مايحظن القرد أمه

وأخذت تتطور العلاقه اكثر فأكثر حتى أنها لا تأكل إلا من يدي ولا تشرب إلا من يدي وكبرنا سوا ( مهوب شريحة سوا )

وأمي دأئماً تسأل عني أين يذهب هذا الخبل وماذا يفعل عند جارنا أبو سعد فشكت ( مهوب شك الخياطه طبعاً ) فيني أمي قالت أكيد إن وراه بلاااا فقالت في نفسها لازم أراى ماذا يفعل عند جارنا أبو سعد وذات يوم شاهدتني أمي من الدريشه وهي تكوي وأنا في حضنها والاعب شعرها وأبوسها حتى أنزلت يدي على ثديها فصرخت أمي وقالت ياللي ماتستحي على دمك وأنا اللي أنقز مرتاع وأشاهد أمي تطل مع الدريشه

*********** فاصل أعلاني***********

شامبو صانسيلك مفيد للبشره وكثرت أستخدامه يجيب لك عريس بأسرع من البرق ووأسرع من

حضرمي معزوم على العشا

ملاحظه : هذا الشامو صنع لخدمة البنات فقط .... الرجال صنع لهم الشامبو اللي لونه أحمر في قزازه

*********** أنتهى الفاصل **********

وذهبت للمنزل مسرع ولحقتني بلي الغاز وأخذت توبخني وتضربني ضرب ماعمري شفت مثله وقالت لي أنت ماتستحي أنت أبوك مارباك وأنا أبتسي ( أبكي ) وهي تضربني وقالت لو شافك أحد من عياله وش يسوي فيك ياقليل الحيا وقليل الدسم والله لو أشوفك ثاني مره والله لأذبحك وذهبت لغرفتي وأنا أبتسي وأغلقت باب غرفتي وجلست أفكر كيف أقابلها أنا ما أقدر أستغنى عنها لازم أشوفها أقل شي ثلاث مرات في اليوم وحده عند اللزوم ...

وذات يوم حاولت أشاهدها من البرنده ( البرنده = البلكونه وهي كلمه حظاريه داخله مع عام الفين وثلاثه ) ولم أستطع لأن كان فيه شجر

وذات يوم كانوا أهلي نائمين أخذت السلم ووضعته على جدار البيت وكنت لابس سروال طويل وفنيله علاق وشاهدت حبيبتي فأقتربت من الجدار وتناظرني نظرات شوق كأنها تقول أنزل أحضني ونزلت دمعتي على رأسها فقلت لها لأقدر أخاف أمي تظربني مثل أمس .. وشلة الفنيله وأستدرت ظهري وقلت شوفي كأن ظهري دفتر مربعات من ظرب أمي بلي الغاز

وكل يوم أشاهدها من فوق الجدار بعد ما أتأكد إن أهلي نائمين

وذات يوم وأنا راجع من المدرسه وتأكدت إن أهلي نائمين صعدت فوق الجدار لكي أشاهد حبيبتي ولم أجدها وأنادي ولم تأتي فقلت أين ذهبت ياترى

فأذا بهندي يقترب ناحيتي فقال أنت أيش بيقا ( أيش يبغى )

فقلت أنت اللي وش تبغى هنا وش مدخلك هنا ؟؟

فقال خلاص هذا بيت مال كفيل أنا

قلت وأبو سعد وينه وأهله وينهم ؟؟

قال كلاص أبو سعد فيه بيع بيت وفيه يشتري بيت جديد

فقلت أين سكنوا

فقال أنا فيه يسمع أنه خلاص مافي رياض فيه يروح للحوطى

وأنا اللي دارت بي الدنيا خمس دورات ونص و وحده في التحليه

*********** فاصل أعلاني ***********

سبيس تون : أفضل برامج كرتونيه للأطفال

مواعيدها : تفتح من الساعه 6 الصباح وتغلق الساعه 8 المساء

ترى هي أفضل من غصب واحد وغصب ثنين

********** أنتهى الفاصل **********

ولم أستيقظ إلا على سريري وراسي يألمني وأضع يدي على رأسي وأجدها ملفوفه بشاش وأفتح عيناي وأشاهد أمي و أبي فقالوا ماذا بك ولماذا صعدت فوق الجدار ..

فقلت الكوره تسطحت عند جارنا أبو سعد فصعدت الجدار عشان أناديهم يرجعون لي الكوره

خفت أقول الحقيقه عشان ما تذبحني أمي

ثم ذهبوا وتركوني في غرفتي

وأنا جلست أتذكر حبيبتي وأبكي وأداري دمعتي يميناً وشمالاً

وأقول لقلبي تصبر ... قال ما قدر ... فقلت تحبه ... قال ومن أنفاسه أتعطر

آآآآآآآآآآآآآه ياحبيبتي

وألف آآآآآآآآآآآآه على رحيلك

وباء آآآآآآآآآآه على الرياض بدونك

وجيم آآآآآآآآآآه كيف أعيش بدونك

آآآآآآآآآآآآآه ياحبيبتي كيف أستيقظ من نومي ولا أجدك وكيف أكل الجبنه وطحينه من بعدك

جلست أبكي وأبكي وأبكي

أبكي كبكاااااااااء طفل أمه مابعد جت من زواج جيران خوال بنت عمها

أبكي كبكااااااااء وحده حبيبها ماسدد لها فاتورة جوالها

أبكي كبكاااااااء مثل أي واحد يقدم على وظيفه ويطردونه عشان ماعنده لغه

أبكي كبكااااااء مدرسه معينينها في أم الجماجم ( أم الجماجم وينها فيه )

أبكي كبكاااااء النمله عندما يندعس حبيبها قدامها من رجل عرجا

أبكي كبكاااااء نمله ساقطه في مادة الـتـدبـيـر

آآآآآآآآآآآآآآآآآآآآآه وكم آآآآآآآآآآه قلتها ياحبيبتي ياليتك تجين وتشوفين كم مره بكيت

بكيت وأنا منبطح بكيت وأنا منسدح وبكيت وأنا مبوبز على المركه

آآآآآآآآآآآآه يا حبيبتي

كم أشتقت اليك كما تشتاق الصحاري للمطار وكما يشتاق الزهر للبردقان وكما يشتاق الصارور للحمام ( وانتم بكرامه ) وكما يشتاقان النعناع و الحبق لشاهي وكما يشتاق الهاتف السعودي لسرعة أصدار الفواتير وفصل التلفونات

آآآآآآآآآآآآآآآآآه ياحبيبتي لوتعرفين كيف أنا مشتاق اليك

آآآآآآآآآآآآآآآآه كم أتمناك جمبي كما تتمنى حايمتن كبدها أنها تسدد جوالها المفصول

آآآآآآآآآآآآآآآه كم أتمناك جمبي ياحبيبتي كما يتمنى الشعب السعودي أنهم يرخصون سعر دقيقة الجوال الى 20 هلله

آآآآآآآآآآآآآآه كم أتنماك جمبي كما يتمنى فريق ضمك يشارك في بطولة كأس أندية العالم ويلعب قدام ريال مدريد على النهائي

آآآآآآآآآآآه ياحبيبتي كيف أنا مشتاق لمشاهدت عيناك الجميلتان

حبيبتي لو طلبوا مني مخ نمله حولا جبته ... لو طلبوا مني غراب أطرم جبته ..... لو طلبوا مني شعر أبط دوده جبته ... لو طلبوا مني ظفر ناموسه حاطه مناكير حمرا جبته ...... لو طلبوا مني ساعة ذبانه خربانه جيتها ... لو طلبوا ولو طلبوا ...... أي شي جبته بس أشوفك يا حبيبتي

وأنا أبكي أقول في نفسي : أين الطريق الى سبيلك دولني

حبيبتي لقد وشحتيني وشحه مابعدها وشحه

وأنا أبكي وأبكي حتى جفت دموعي وتشققت وجناتي وجاها مشق بسبب الدموع .... طقت علي أمي الباب فقالت وش فيك وأنا أمك صياحك واصل الجيران

قلت خلوني أبكي انا مشتاق لها مووووووووووت ليتكم تحسون فيني

وأمي هي الوحيده التي تعرف العلاقه بيني وبين حبيبتي

قالت عسى منت تصيح عشان عنز أبو سعد

قلت وأنا يالله أحتسي أشاهق والعبرات تخنقني أيه يمه انا أحبها مره

قالت لي ولعنه تلعن شياطينك قل أمين روعتني

بدال العنز عنزين وأنا أمك وبخلي أبوك يجيب لك ثلاث عنزات وكل وحده تقول الزين عندي

قلت لا أنا ما أبي إلا عنز أبو سعد

آآآآآآآآآآه لو تعرفون كم مره رضعت من ثديها وكيف طعم حليبها كان ماتلوموني في حبها

جلست أغني وأنا أبكي أغنية عمرو دياب:

رحلتي وتركتيني شماته

وحجوه في لسان البشر

أثاري كل ماقلتي كلام ٍ في كلام

ياويلي مابقاء صاحب وعلى الدنيا السلام

وغنية أغنية مشعان بسكلاني اللي تقول فيها

دورت في الشده حزام ولا لقيت اللي قوى

يالله دخيلك مالقيت اللي نشدبه الظهر

وغنية أغنية عبدالكريم عبدالقادر وهو لابس أسترتش وبدي اللي يقول فيها

تملي معاك .... تملي حبيبي بشتائلك

تملي عيوني بتندهلك .... ولو حولي كل الكون ... انا ياحبيبي بشتائلك

وبعد ماغنية وأنا أتذكر حبيبتي مادريت عن نفسي إلا وأنا في سابع نومه وجت تقومني أمي للمدرسه

ولا رحت عشان عيوني جاها شد عظلي من كثر جهد الدموع اللي نزلت مني

********** فاصل أعلاني ***********

عزيزي الزائر : أقطع الأتصال عشان أبيكم تقرون القصه بدون ما أكلف عليكم

ملاحظه : بكره تطلع الفاتوره وتحملوني المسؤليه التامه ترى ماعلي منكم أنا قلت لكم أقطعوا الأتصال

وأقروا القصه

*********** أنتهى الفاصل***********

أسف على كثر البربره الزايده والمراره والقولون

بس مالقيت أحد أشكي له إلا أنتم ... أيه أنتم لأنكم تقدرون الواحد وتسمعون له

يالله لن أقول وداعاً بل سوف أقول الى اللقاء إن شاءالله مع قصه جديده

وتحياتي لكم

من عزيز على جدا

ههههههههههههههههههههههه

ياخي تعبت واخر شي عنز

الله يرجع عنز ابو سعد لك

الصراحه بدايه رائعه

بصراحة بايخة

من شفت ذا الاغاني وانا غاسلة يديني منك

السلام عليكم ورحمه الله وبركاته

اخي راعي السبعه اقول ترى عنز ابو سعد ابرك من بنات اليوم

اختي دلعوعه حرمه يكفينا انك شفتي الموضوع وشاركتي وانا اقول انك احسن من الى شاف الموضوع ولا تكرم حتى بعتب .... او اعطاي رايه