نصــــائـح قـبـل الــزواج

نصــــائـح قـبـل الــزواج

اولاً :اسمحولي اكتب هالموضوع في هالبوابه ...

أكيد لاحظتوا إن مواضيع الاعراس دايما تركز على العروس .. على ملابسها على مكياجها.. على صحتها على اعصابها... و... الــــــــخ

والعريس المسكين .. محدن جايبن خبره ماغير ادفع وانت ساكت

لذلك جرى التنويه لما يلي:

تضامناً مع إخواننا المعاريس , المقبلين على الزواج واللي محد واقف جنبكم , اهدي إليكم هذه النصائح

قبل العرس تأكد انك سويت الأشياء التاليه:

قبل العرس بأسبوعين

حسابك في البنك مغطى(مو تتوهق بكره وتقول ماقلتولي)

حجز تذاكر السفر لشهر العسل..

حجز الاوتيل في بلد شهر العسل..

(خلي اختيارك رومنسي شوي يعني روح لمكان بعيد انت وياها ( لا تفشلنا )

(جزيره نائيه) فرصه تضيعها وترجع وحدك كنك ماتدري

او مكان في الجبل والهواء حلو

هديه بسيطة تهديها لعروستك في أول يوم عسل ..

تجهيز كل الحاجيات لبيت الزوجيه ..

قبل العرس بأسبوع

لا تحلق ابد أسبوع كامل عشان يوم العرس تلق يالمملوووح

استلام التذاكر السفر..

استلام تأكيد حجز الاوتيل..

علق ثيابك في بيتك مو تروح طرزان..

ثوب العرس والبشت جاهزين..

أدواتك الشخصية كاملة وجاهزة..

فرشاه اسنان..

ماكينه الحلاقه..

عطوراتك..

ملابسك الخاصه..

نظف وجهك بالبخار قبل أسبوع من العرس ( علشان مايطلع وجهك منفخ في يوم العرس)

حجز موعد عند الحلاق علشان حلاقه ومساج و الخ الخ الخ.

يوم العرس !!!

خذ كفايتك من النوم ( لا تجينا دايخ )

بعد ماتقوم خذلك دوش دافي وتفرك زين تلاقيك من العيد ما تسبحت ..

روق بالك وعقلك وفكر في افكار حلوه ورايقه عشان ينعكس الروقان على وجهك

(يعني لا تروح العرس وانت مكشر او مرتبك او او او .)

تغدى كويس لا تطيح علينا في العرس وتفشلنا ( عشاء مافي !! )

لاتحلم انك تاكل في الليل علشان تكون خفيف ياخفيف

لا تقضى الليله مابين الحمام والحمام ووكأنها ليله مايعلمبها الا الله

بخر الثوب والبشت وهدومك اللي بتلبسها كلها ( يعني غير ريحتك ... ترانا ملينا )

روح موعدك للحلاق وخليه يسويلك حلاقه معتبره ومساج عشان يروح أي ضغط عصبي وريلاكس

البس هدومك وتبخر وتدهن بالعود وبخ من العطور الزينه

وهذه لسته على البيعه بانواع العطور الرجاليه الحلوه:

هافن

هريريرا

كارتييه

شانيل

بوشيرون

س ت ديبون

(( فلس الرجال مسيكين وهو بعد ماعرس ))

روح الحين لعرسك بدري مو تحسب نفسك معزوم وتروح متاخر (يعنني اتغلى)

ارسم الابتسامه الحلوه

لحظة الدخول لقاعة النساء :

اول شيء سم بالله واقر اية الكرسي والمعوذات ( لا يطقونك بعين )

ارسم ابتسامه حلوه

وجه عيونك لعروستك اللي قاعده في الكوشه (هذا اذا سوت فيك حركه نذاله وسبقتك للكوشه وقعدت على الكرسي قبلك)

اما اذا كنتوا ماشيين سوا : امسك يدها بشويش مو تضغط عليها كنك خايف وماسك ايد امك

ترا العروس في هذيك اللحظه محتاجه كثير للحنان والاطمئنان يعني حسسها بالامان بمسكه يدك .

لما توصل عند الكوشه وقبل لاتقعدون على الكراسي ارفع الطرحه عن وجهها

وبوس جبينها ( تصدق ... امزح لا ينقلبون ليك العجز وتروح في خرايطها )

الحين اقعد على الكرسي

انتبه لا تقعد على كرسيها

(واحد من الربكه بعد ماقعدت عروسته وهو كان يسلم على خواته وعماته وقام من الربكه قعد على العروس وكل الصاله قامت تضحك عليه )

بعد التصوير بيجيبون لكم عصير عشان تشربون

انتبه لاتفشلنا وتشرب العصير لازم تشربها من كاسك وتشربك من كاسها وياريت تنتبه انك لاتطيح العصير على فستانها ..

واذا لاسمح الله وطيحت العصير على الفستان اضحك ضحكه هبلاء وقولها طيحي عصير على ثوبي علشان نصير خالصين هههههه .

وانت قاعد في الكوشه مع العروس انتبه تستخف دمك وتسالها مين هذيك ومين هاذي

في واحد سال عروسته وهم في الكوشه قال لها مين هذيك اللي لابسه عدسات زرق وتضحك

(من يومها وزوجته فاقده الثقه فيه )

إذا عيونك ضربت شوط وشافت العدسات وش تسوي ؟؟

عندي لك حل البس نظارات سوود في العرس علشان لاتشوف احد

بعض الاعراس يقومون العريس مع عروسته للرقص (لاتنسى نفسك وتردح وتفشلنا)

ترى والله صارت مره قوموا العريس مع عروسته علشان يرقصون شوي والعريس استـنـزل .

عند تقطيع الكيكة :

امسك يدها وروحوا للكيكه ( يمكن ماتدل مكان الكيكه )

امسك السكينه ويدك فوق يدها على السكينه (كذا الاتيكيت)

وقطعوا الكيكه ..خذ بالشوكه قطعه صغيره مره عشان تأكلها ((مو تحط نص الكيكه في الشوكه وتقولها كلي ))

ترزز مره ثانيه للتصوير

بس خلاص نادوا الناس للعشاء وكل واحد يروح بيته

قلنا خلاص وش منتظرين؟؟

منقوووووووووووول

من اخوي المنعفط