مرتـــــــــــــــاح قام بنشر July 12, 2003 ارسل تقرير Share قام بنشر July 12, 2003 قصيده مؤثره قراتها في احد المنتديات واحببت ان انقلها لكم ... يالله عفوك لا معي بيجر ولا جوال"..... ولا عنـدي وظيفه والتجاره فاشـلٍ فيـها ولاعندي شهاداتٍ ولاحرفه تسد الحال"….. ولا حظٍ كبير لا اخطت الجره يقديها مخابي الثوب تومي مادخلها من زمان ريال ..... بها فاتورة الكهرب ولا يمديني اقضيها علىذيك العراوي تتعب الحادي مع الجمّال ..... ثلاث اشهور فالورشه وشهرينٍ مغطيها ابيها لو تجمّل يـوم واجلبها على الدلاّل ..... يجيها واحدٍ حظه مثل حظي ويشريها نصيت العسكريّه يوم قالوا للنظام رجال ..... وقدّمت الملف وصورةٍ متشخصٍ فيها خذا الاوراق مني واحدٍ ما عند ابوه دلال ..... سلوم الناس واهل المعرفه والطيب مخطيها قراها في دقيقه والتفت عجلٍ علي وقال..... شهادتك العظيمه يا ولد وين انت مخفيها هزّيت الراس ماعندي تقول اني من البنقال..... وقمت احب خشمه واطلبه بالله يمشّيها حذفها من يده شين الطبيعه والنبا والفال ..... وقال ازين تعوّد صوب نوقاتك تعشّيها تناوشته من الكرسي وعفت الحل والترحال ..... وضربته بالبياله عقب ما بيّحت شاهيها خذوني للسجن لا نيب لا ظالم ولا محتال..... مجرّد واحدٍ جا يكحل عيونه فيعميها ويوم اني خرجت اقفيت لارض الله وسيع الجال .... على برٍ هواه يداوي العلّه ويبريها ادوّر قصعة الجربوع والظب الفتي يختال.... والارنب يا شفاة الروح ما احلاها وطاريها بلا كهرب ولا بيجر ولا غازٍ ولا نقّال .... قوانين الحضاره لا تبي شوفي ولا ابيها ......... مرتـــــــــاح رابط هذا التعليق شارك More sharing options...
مسلهمه في مسيل الكلبي قام بنشر July 12, 2003 ارسل تقرير Share قام بنشر July 12, 2003 مقطــــــوعه جميله .. تبــث مابها من هموم في قالب من الطرافه ... أسلوب سلس .. وأبداع جميل .. وبوح صادق ... شكرا لــك أخي الفاضل .. أنتقاء رائــع كما عهدنا منك ... المسلهمــه .. رابط هذا التعليق شارك More sharing options...
مرتـــــــــــــــاح قام بنشر July 12, 2003 الكاتب ارسل تقرير Share قام بنشر July 12, 2003 شكراً اختي \ مسلهمه على مرورك وعلى ردك الجميل .. رابط هذا التعليق شارك More sharing options...
مستر سفقه قام بنشر July 23, 2003 ارسل تقرير Share قام بنشر July 23, 2003 شكرا على القصيدة المؤ ثرة فعلا فقد اثرت في الى درجة انني( فصخت) النظارة امسح دموعي . با لبياله عاد قويه شوي لكن ماتلا حظ ان فيه تناسب بين القصيدة واسمك . ارجو المزيد من الابداع رابط هذا التعليق شارك More sharing options...
miss_rajjh قام بنشر July 24, 2003 ارسل تقرير Share قام بنشر July 24, 2003 رهييييييييييييبه كذا اختيار موفق يا مرتاح رابط هذا التعليق شارك More sharing options...
قرناس قام بنشر July 24, 2003 ارسل تقرير Share قام بنشر July 24, 2003 ذوق وكلك ذوق اخوي مرتاح وقصيده جزله .......وتسلم اناملك الحلوه ولاهنت رابط هذا التعليق شارك More sharing options...
)مسفهل) قام بنشر July 29, 2003 ارسل تقرير Share قام بنشر July 29, 2003 سلمت ولا يسلم ردي العزايم رابط هذا التعليق شارك More sharing options...
مرتـــــــــــــــاح قام بنشر July 29, 2003 الكاتب ارسل تقرير Share قام بنشر July 29, 2003 وحياكم الله .. مستر سفقه .. تشابه من اي ناحيه .. مس رجه .. وانت بعد رهيبه كذا قرناس .. هذا والله من ذوقك .. مسفهل .. الله يسلمك يالغالي .. الجميع .. مشكورين على تشريفكم الموضوع ... ودمتم ... رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان