مسفهل والعنود

مسفهل والعنود مسلسل بدوي

المسلسلات البدوية التى تعرض في المحطات التلفزيونية تصور الحياة البدوية بشكل سيء وتشكل اساءة للحياة البداوة ( اقول يازين الفلسفة ابدخل في الماضوع

المشهد الاول :

مسفهل فارس القبيلة الذي لايشق له ثوب يمتطي جحشة ومظلل ويدور بين المضارب في شارع الاصفر وهو يتمشى وقفته دورية (بعير )راكبها احد الاخوي برتبة ملازم اول اشرطة ( مشدديا عقب التفجيرات يقال ان حميان وجماعته لهم صلة بالماضوع ) الخوي قال عطنا الرخصة والاستمارة ومسفهل كلش عنده منتهي الرخصة والاستمارة ماجددها عقب سنة السبلة قال مسفهل والله استمارة الجحش ضايعة الخوي طقه بقسيمة وحجز الجحش وهو حطوه في التوقيف ( هو عبارة عن جفره يوضع فيها المخالف )ويقوم مسفهل ويدق على شيخ القبيلة راعي حرمة ويطلعه بكفالة ويتضايق مسفهل وينطلق الى الكورنيش ( الغدير ) يتمشى على الجحش حقة المهم شاف مجموعة من البنات يردن على الماء ويقول وش الزحمة والله لو انهم طالعين من المدرسة .عاد مسفهل يبي يتميلح :قوة عند البنات مكن كباية مية (شفطة ميه )ترد عليه العنود عونك يامسفهل خذالقربة واروي عطشك ( ببسي على غفلة )وشوي يدق جوال مسفهل وقلبة يغني شفتك البارحة على مركب خيال ( مزعل فرحان )ويغادر الغدير وسط ضحكات البنات الله يرجهن

المشهد الثاني :

العنود تشكي حبها لخويتها صدى الذكريات وفتاة سوق السبت وترد العنود عليهم اسكتوا يالشينات وتقول وحده منهم مالك الى ولد عمك القروي فترد العنود عليها كش عليك ياالدبة لاتحطمين مشاعري يالله نروح الى البقالة ويوم وصلوا لقوا متكية عند بقالة مناور ومسلهمة يتهاوشون مع راعي البقالة على ربع ريال مارجعه لهم وتقوم العنود وتشتري المكياج ( عبارة عن ديرم وكحل ولبان وسدر وشيلة تربص شهر علشان تصير طرحة )

المشهد الثالث :

القروي يتقهوى عند عمه الشيخ راعي حرمة القبيلة كلها مجتمعين عند الشيخ يناظرون الدش قناة السودان يتشوفون رعيان لهم وبعضهم جالسين يناظرون سبيت ستون والمجلس مليان رييجيل الشيخ راعي السبعة والسيخ الوائلى والشيخ جواد ويسأل الشيخ جواد القروي وراك ماتزوجت (ماتعرس )انا ابطلب العنود من يد الشيخ وافق الشيخ بس يسأل العنود ولكن العنود حطت ثلاث شروط اللي يحلهن تصير حليلته .

1- وش شيء يمشي على جدار الخيمة ويقول ميوميو

2- قط يمشي على الجدار وقف ليش .

3- وش شيء يطلع في الليل ويغاب في النهار

ومن يحلهن تراني حليلته (والعنود تقول في نفسها مابقي الا ابو الذرانيح صوايت الليل اتزوجة هو راسه الكبير ولامعة الليلية ) فيرد ابوها ياملا الوجع مالك الى ولدعمك اولى من الغريب وبعدين القروي فارس القبيلة ( ماخذين مقلب فيه ) والكل يحبة شجاع اسد مغوار صديق غوار هو اللى قتل خمسة عشر رجالا من اجل صندوق (متاثر بجزيرة الكنز )هو غراندايزر اللي ذبح فيق فيقا (حلقة اليوم غراندايزر في خطر ) لاتواخذون الشيخ متاثر بافلام الكرتون سبيت ستون . وفي اخر الليل قال الشيخ وش تبين يالعنود اكثر من ذالك قومي حطي العشاء (وهو عبارة عن سمن وقرص وخواضة (مطاريس ) وغضارة لبن الذبان تسبح فيها ويحل الظلام ويعوي الذيب عوعوميوميو ( ذيب يستهبل ) ويطلع القروي يشوف القمر ويتغزل في العنود ويوم شافة القمر قال قم بس قم وغاب

المشهد الرابع :

مسفهل يقابل العنود عند سوق السبت سوق الحريم ( وهو عبارة عن حمار محمل بقراشيع ) دواج ويتبادل الهدايا معها اهداها طحينية وهي اهدته اقط مرزعته بصابعها وتخبر العنود مسفهل بخطبة القروي لها وانها حطت ثلاثة شروط فيحزن مسفهل وتدمع عينة ويقرر مسفهل مغادرة القبيلة ويسافر بين العربان يدور الحل

المشهد الخامس

مسفهل سافر الى الشمال والجنوب والغرب والشرق يبحث عن الجواب ويلقى غار وينام فيه وتجيه حية وتقرصة ( الحية ميتة ويابسة ) فيصاب مسفهل بحالة من الغثيان ويركب جحشته ويطلق صيحات في البراري ويغم عليه ( من هالقوايل ) ويلقاه راعي غنم ويشيلة الى قبيلة حميان وجماعتة وكان الشيخ ظالم وجائر وقاطع طريق وينادون دختور القبيلة ويعطية عشبة ويطقها ثلاثة ايام نايم ويوم صحا سألة حميان وشنت من العربان رد مسفهل وقال من ديرة الشيخ راعي حرمة والنعم وسبعة انعام (انعام جمع نعامة وهي التى تدس راسها في التراب تستحي ) وش عندك في هذي البراريقص عليه القصة وبعدها صوت حميان للراعي قوطر جاي ( بمعنى تعال يالوح )اذبح ذبيحة للضيف وعشوه وحط حميان عزيمة وعزم وجوه العشيرة ( كلهم عشرة انفار ) ( وانفار جمع نفر يمكن يكون كبسة رز او هندي ) وجلسوا يتعشون وجابوا المعسل زطق طقوا الروس وداخوا واخذ حميان يخذرف سمع مسفهل من انة رايح يغزي قبيلة راعي حرمة هج مسفهل من القبيلة ورجع يعلم الشيخ راعي حرمة بنوايه .

المشهد السادس :

الشيخ راعي حرمة جالس مع وجوه العشيرة ويصيح المقهوي ياشيخ اشوف خيال لفاء الى الديرة الجماعة قاعدين يلعبون بلوت يلفي الخيال وهو مسفهل ويدخل الشق ويعلم الشيخ راعي حرمة بنوايا حميان وجماعتة وانهم بيغزون القبيلة ويقوم القروي يصيح في وسط المجلس انا لها ياعمي انا عونك وسندك ياشيخ قال الشيخ اجلس قم بس قم لا بنباطة اطخك طخة ويقول الشيخ اللي يجيب راس حميان ازوجة بنتي عطية ماورها جزية وجاء الليل وعوى الذيب ثاني مرة عوعوعو ( هل المرة مااستهبل ) ويجي راعي الغنم يصيح اللحق ياشيخ الحلال الحلال انباق ويقوم الشيخ وياخذ النباطة ( مدبلة ثلاثة مغاغيط )وينبط في الجو ثلاث نبطات وحده منها (طاحت سحات )بالصدفة فتقوم القبيلة كلها ويجتمعون عند الشيخ الحلال انباق الفزعة يارجال ويقوم القروي ويقول عونك ياعمي انا ارد الحلال ويركب حصان الشيخ وتنطلق الصفرات الانذار (حماية برموت )وينطلق خلف الطرش ويتبادلون الطلقات بينهم ويمسكون القروي ويصطرونة وياخذون منه الحصان والنباطة ويخلونه يدقها كعابي للقبيلة ( طلع خرطي انا ياعمي انا ياعمي قم بس قم )

المشهد السابع

مسفهل يهدي الشيخ ويقول انا اعرف مضارب حميان وجماعته يم العنيب ويخطط مسفهل لعملية ارهابية انتحارية وجاب اربعة ضبان وحط المتفجرات في عكرة كل ضب والمتفجرات ( عبارة عن ثلاث حبات ثوم وشرخ ابو ديك ) وياخذ مسفهل معه بعض فرسان القبيلة ويوم وصلوا مشارف قبيلة حميان اطلقوا الضبان حول الخيام وقام واحد من اخوي حميان ومسكها وحطها في خيمة حميان للعشاء ويوم جاء الليل يبي يتعشون وتنفجر الضبان وتشب خيمة حميان ويتصلون على الدفاع المدني ( هو عبارة عن ثلاثة بعارين عليها قرب ماء ) ولاكن افراد الدفاع طاقينها شخري ويحترق حميان وجماعتة وتستنكر امريكا والامم المتحدة العملية الارهابية ( حياتهم ) ويرجع مسفهل للقبيلة ويستقبلة الشيخ في المطار ( الفلا ) وينزل مسفهل ويعزف السلام الملكي ( هو عبارة عن ردحة هي هي هي هي من حقات الشمال )ويشوف القروي ويقول اهيب ياوجه ويرجع مسفهل بالحلال وماتن بعض الحلال في الطريق من حملاى الوادي المتصدع ويصل مسفهل الى القبيلة والحريم يزغردن هل بولد شيخ الشيوخ فكك النشب حلال العقود ويحط الشيخ راعي حرمة عزيمة ويكلم الشيخ القروي ترى البنت لمسفهل ويعترض القروي ويقول انا ولد عمها وهي مجيرة ( تكف يالشيك لايصرف الا للمستنفيد الاول )وتسمع العنود الهرجة وتنادي من وراء الشق من يجاوب على الاشئلة تراي حليلته فقام مسفهل وعطها الاجوبة :

1- القطو 2- انتهاء الجدار 3- القمر والنجوم

وانقهر القروي وراح الى قاضي العشائر ( البارع ) وجلس قدامه وقال ياقاضينا ياللى بالحق ترضينا ياللي تعرف التيس من العنز والخروف من الرخلة والبعير من الجمل هذي قصتي ابيك تحكم عليها ويوم انتهاء قال القاضي قم بس قم ومسكة وجلده ورجع القروي للقبيلة وعلى بالة ان القاضي اقنعه راح الى العنود وقال شوفي تري تنازلت عنك لمسفهل ردت علية قم بس قم المهم مسفهل راح وشراء كم حصان على كم خيمة وباعها كاش حتى يوفر متطلبات العرس وجهازة ؟

المشهد الثامن :

عين القروي ماصلت قبل الزواج بكم يوم تسخن العنود ونادى الشيخ جميع دخاترة العشائر لاكن عجزو في علاجها وقرر ابوها ياخذها الى المدينة ويعرضها على اكبر الاطباء وقالوا مالها علاج الى في مستاصف حرمة ويجي امربالاخلاء الطبي وتنقل العنود الى المستاصف ( الاخلاء الطبي عبارة عن جمل علية هودج )وتسوي العنود العملية وتتعافى وترجع الى القبيلة ومسفهل جالس يجهز عش الزوجية ويدري ان العنود ارجعت فيسقط ارضا مغشيا علية وراحوا وجابوا كلونيا وبصل يشممونه لكن دون جدوي ويجبون ثوب القروي ويشمة ويفتح عيونة ويلقاء العنود عند راسه يابعد عمري ياطوايفي ويجي الليل ويعوي الذيب عوعوعو ويجتمعون المعازيم في مجلس الشيخ راعي حرمة ومع وجوه العشائر ويصفون صفين ويردحون ذيك الردحة هي هي هي ( الفوارس على بالهم ) وجايبين قناة ال بي سي ودريم يصورون الحفل بس الفلم احترق حق دريم القروي قاعد يعرض معهم اما ال بي سي ماطلع شيء راسه مغطي على التصوير في شي يمشي على الشاشة مثل النمل مايدرون وشوا ( قمل ) المهم عاش مسفهل والعنود حياة سعيدة وخلفوا وراعيين ( جرابيع وجراذي ) ويعجز الشيخ راعي حرمة ويتنازل للشيخة لولد عمة القروي يبة يصير رجال ويعقل وتبداء قصة اخري بين مسفهل والعنود والقروي وكيف تم طرد مسفهل من العشيرة وللحديث بقية .

حقوق الطبع محفوظة والله لايحلله ولايبحه اللى ينقلها للمنتدي ثاني ولايكتب منقول ههههههههههههههههههههههههههههه

ليش ماجبتني في القصة

يا راعي النزية

أخوك : ابو عمار

اخي ابوعمار بغيت احطك بس خفت تزعل علينا بغيت احطك مع جماعة حميان ( ابو نشقة )

لا حطني مع واحد ذهب وعاد وهو ولد راعي حرمه

ترى مافي يدي شي المخرج عايز كده مفيش مصاريف زايده يعني احمد ربك انك اشتركت في المسلسل غيرك كثير من النجوم مزعجين المبايل بتاعي عيزين يشتغلوا كمبارس ( انا اتوقع نهايتك جت بسبب عين القروي تراه نظووووووووول ) اشكرك على التعليق ؟؟؟؟؟؟؟؟

احسنت باركالله فيك fere gooooooooooooooooooood

alnezaiah raee