.. متكيّه عند بقاله التركي .. قام بنشر July 8, 2003 ارسل تقرير Share قام بنشر July 8, 2003 هلا هلا يا الله حيهم .. اكيد طايرتن عيونكم في العنوان .. بس انا بالغت شوي من شي اووووووجس به يعني لا تشرهون .. امهاتنا على روسنا من فوق بس عليهن حركات يوم كنا صغار قسسسسسسم بالله تخلي الواحد يتحسف على عمر مضى تسسسسيف راح بين تقبيص وتصفيق وتفال عاد امهات منول ماعندهم وقت ولا تربيه حديثه ولا غيره تررررفس الواحد ولاه ناقز فيذاك .. بعذر الاشكال منول اللهم لك الحمد من والله الاصابات والرياع وتأثيراتها النفسيه والسيكلوجيه .. الحين الامهات اذا مررررره عصبو قالت لولدها يا قليل الادب والا اذا صارت حمششه قالت .. هين شغلك في البيت <---- هذا لاصارو زايرين ... واذا راحوا للبيت افلقووووني ان قالت لهم شي .. ومع اننا كنا وش حليلنا منوووول مؤدبين واذا ناظرتك امك شقصت من زود الاحترام <--- الا والله من اللي بيجيك ( الخوف زين ) اما عن مآساتي الشخصيه فأمي مشهوووووره بحاجتين الله يخليها لي يارب .. النظرات ومهيب اي نظرات تبززززر عيونها فيك الين خطر ما تطب عليك الشبكيه وفيه شي ثاني اللي هو التقبيص ( زويه = بالحرماوي ) البزران يفرحون الى راحو للناس وانا اشيل هم الزوي ما ارجع للبيت الا والفخذ قالب بنفسجي وبعد يومين يتحول الى اخظر فاتح همين يروح .. بس ما اخلى موووووستحيل .. ومن الذكريات بعد .. اذا رحت معها للمسجد برمضان البنات يلعبون وانا تقعدني جنبها وتربط رجلي بعباتها اضضضضطهاد اشوف البنات يناقزون ويلعبون ويأشرون لي .. تعالي بس وش اقول ما يدرون اني معتقله ومقيده بالاغلال عاد ارز لهم رجيلتي اللي مربوطه ويتسدحون من الضحك .. وانا فيني صح اقعد اضحك معهم على نفسي ومن وسائل التعذيب بعد المويه والملح هذي مرررره حطتها بعيوني مع اني ما سويت شي .. بس رحت للجيران بدون استئذان قعدت اررررررغي (اصيح من غير راي) الين نمت لا وهذا وانا من المرضي عليهم عند الوالده والا عندي اخوان جاهم تصفيق موب صاحي بحل يا انا ... اييييييييييييه ما ظرنا وش حليلنا <---- ايه هين المهم انا طلعت اللي في تسسسسسبدي وفضفضت يالله تمسوووووووووون على خير رابط هذا التعليق شارك More sharing options...
مسلهمه في مسيل الكلبي قام بنشر July 8, 2003 ارسل تقرير Share قام بنشر July 8, 2003 هههههههههههه .. الله يقطع عدوانتس .. وجعلهم تحت كفر كامري يفركهم فرك .. <= شارون .. قطع اما على الامهات .. موب انتي بلحالتس اللي معانيه .. بس وش نقول .. الا .. الله يخليهن لنا ولايتمنا .. وش حنا بلاهم .. اجل لو اقولتس وش مكايد امي معي .. بذمتس موب امتس اهون من امي ..؟ توي جايه الظهر .. واذب راسي مدري وين الدنيا قايله .. وتجي تقول ( فلانه .. فلانه .. فلانه ) أقول .. واااااااااا وش تبين يمه .. تقول هااااااو نايمه ؟ ذيك الحزه ودي ازقلب روحي مع الدريشه .. واطب من القهر.. يعني وشلون نايمه .. اكيد نايمه .. وحده تشخر وصاكه عيونها .. وش تصير ؟ ولا انزل اشب على البريق الين البس علشان اسوي لي شاهي اتقهوا الصبح ... وزعاق حدر ( فلانه .. فلانه ..فلانه ) واجيتس طااااايره .. اقول هاه يمه وش عندتس تقول .. وجع البريق انبح حلزه ؟ ( حلقه ) يعني فاح ولا ارقا ابحوس في غريفتي مادريت الا ( فلانه .. فلانه .. فلانه ..) واجي مدحدره خطر اضف الشغاله وانا نازله .. وش تقول ؟ ابد ابشوف وينتس فيه ؟؟ ولا هالمتساوي ( الكوي على الجسم ) قسم بالله تقل غنم يخافون تضيع .. واذا قلت يمه وش هالتشويهه قالت .. بغيتي تموتين علينا وتشنجتي وزرقتي وقمتي تنابحين ووووو ... عاد لو نابحت عاد تكوون فيني ؟؟ السموحه.. طولت عليكم ... احمدي ربتس كلن عنده خير ... بس ارجع واقول .. الله يخليهم لنا ويجعل بيتنا عامر بهن .. ولاحنا مانسوى بدونهن .. حتى لو قومتني من النوم ولاصكت المكيف ولا زوتني مع المقيد المقيد = المنطقه اللي عند العرقوب في الرجل مره ثانيه مشكوووووووره ياورده معتقه على هالموضوع الزين .. المسلهمــــه .. رابط هذا التعليق شارك More sharing options...
حميان بيتش قام بنشر July 8, 2003 ارسل تقرير Share قام بنشر July 8, 2003 السلام عليكم مســــاكين انتم يالــبنــات .... حاقدين عليكم اهلكم ... مدري ليه ؟؟ مستلمين هالعجز ... الله يخليهم لكم ولا يـــئتمكم ... انا من زمان وانا مستغرب من القول المأثوووور : - (( الولد يلعب مع البنات ...قالت امه ليه ليه .. قال ابوه ( ......) عليه )) .. مشفره يعني دايم الشياب منحازين للبنات والعجز منحازين للعيال يعني من خبرنا الدنيا والدعوى حزبيه .. هذا دليل على تطور العائله السديراويه .. وميولهم السياسيه ويعرفون الحزبيه مـــتـــكيه ومســـلهــمه ... الله يعطيكم العافيه .... معووووضين ... بكرة تطبقونها على بناتكم يالله كل ضربه بتعليمه وكل تسويه وانتم بخير رابط هذا التعليق شارك More sharing options...
.. متكيّه عند بقاله التركي .. قام بنشر July 8, 2003 الكاتب ارسل تقرير Share قام بنشر July 8, 2003 يالله حيهم .. مسلهمه وحميان ... زارتنا البركه مسلهمه ترى هذي ذكريات طفوله يعني توني ما طلعت ذكريات الشباب انواااااااااع الحركات اللي قلتيها والعن بعد ياااااااااااااااااااامعوض الصابرين (( الولد يلعب مع البنات ...قالت امه ليه ليه .. قال ابوه ( ......) عليه )) .. مشفره ... حميان قسسسسسسسسم بالله اني مت من الضحك يوم قريتها ياااااااااااقدمك قدمااااااااه شكرا" على ردودكم الحلوووووووووووووه رابط هذا التعليق شارك More sharing options...
العنيب قام بنشر July 10, 2003 ارسل تقرير Share قام بنشر July 10, 2003 ولا ارقا ابحوس في غريفتي مادريت الا ( فلانه .. فلانه .. فلانه ..) واجي مدحدره خطر اضف الشغاله وانا نازله .. وش تقول ؟ ابد ابشوف وينتس فيه لووووووووووووووووووووووووووووووووول ياما صارتلي هالحركه بس مع الشايب الله يخليه لي اما بالنسبه لامي الله يخليها لي ماعمري شفت منها اي وسيله من وسائل التعذيب. موكلة الموضوع للشايب وهو ماقصر ابد انواع التفنن في وخاصة في التقويم من النوم مره كاس مويه ومره يسكر امكيف والباب ويغطيني بالبطانيه الين ماأفوح من الحر رابط هذا التعليق شارك More sharing options...
.. متكيّه عند بقاله التركي .. قام بنشر July 12, 2003 الكاتب ارسل تقرير Share قام بنشر July 12, 2003 العنيب .. الله يخلي لك الشايب وشكرا" على مرورك .. تحياتي لك ،، :::::::::::::::::::::::::::::::::: رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان