حق الرفاقه

فـكرت في دنيـا العـجـايـب ودقـقـت ### وتـعـبت من وقـت غثيث مـذاقه

ودخلت في بعض الامور وتطرقــت ### حول الرفيق اللي يخون الرفاقه

خــصٍ الى منـك بـعـرفــه تـعـمـقـت ### بانت عـلـومٍ مرهـفــات دقــاقــه

ممشاه حسب المصلحه وان تحققت ### تـبـلـش وتـبـلى به كثير الحماقه

مــا يحسب احسابك لو انك تضايقت ### يـزيـد ضـيقك والعهد معـك بـاقه

مــا يدري انـه ينكشف بـاخر الوقت ### ويبين قصده عقب حسن العلاقه

مــاهو سـوات اللي لطيبه تذوقـت ### يصمل معك بالضيق لو قص ساقه

يـزيـد طـيـبـه لـو بـالطـيـب سـابقت ### عنده على حـسـن التـعـامـل لباقه

لا غـاب عن عـيـنـك لشوفه تشفقت ### تسعد بـشـوفـه مـا تـدانـي فراقه

هـذا الرفـيـق اللي بعـرفه تـعـلـقـت ### مـثـل المـولـع في مـحـبـة نـيـاقـه