راعي النزية قام بنشر June 27, 2003 ارسل تقرير Share قام بنشر June 27, 2003 لاتفوتكم سالفة حميان مع باسكال مشعلاني هذاك اليوم كاشت أنا والوالد للصمان والله ونجلس ونشب النار وشوي إلا هذي باسكال مشعلاني هي وأمها وأبوها كاشتين بجنبنا ... قلت يبه وين الدربيل قالي وش تبي فيه قلت أبي أشوف وين القبله أنواع التصريف.. والله وأطلع فوق الددسن حقنا وأجلس أدربل إلا يوم جت باسكال مشعلاني يمنا والله وأرمي الدربيل وأجي لها ركض !!! قلت اي خدمه .... قالت الله يخليك سيارتنا مغرزه تعال طلعنا ... قلت هلا والله مشينا !!!... والله وتمسك يدي وأنا تعال دورني معاد صرت أجمع !!! ... قالت لي شوف بقول لأمي وبيي أنك خطيبي !!! قلت هلا والله !!! ... المهم والله يوم جيتهم ويقوم أبوها ويجي يمي == قلت بس بيجلدني الحين قالت باسكال هذا حميان خطيبي ( تدلعني تؤبرني ) يسمعبها111111 قال حميان أيه .....حموله طيبه (يلعن أم النصب) !!! ... والله وتجي أمها وتمسكني وتخمني وتعبي جيوب ثوبي فصفص والله قالوا تعال سيارتنا ما تطلع قلت خلاص بروح أجيب الددسن حقنا عشان تروحون لبيتكم وأنا أطلعها لكم (وش عنده 911على غفله) ... والله ويركب أبوها يسوق الددسن حقنا وتركب أمها معاه قدام وأركب أنا وباسكال بالحوض .. . وندعس للديره والله وشوي ونغرز وننزل أنا وباسكال ندف السياره ونطامر على الحوض وتطلع الددسن (يلعن ام الرومانسيه) والله ونوصل لبيتهم قلت يالله أبي أروح قالت أمها تعال بدك تتغدنا معانا=====>>(((وانا ماصدقت على الله )))أنا طابخا اليوم (مرقوق) ... قلت والله حاله حتى هذولاء يعرفون المرقوق !!! ... والله ونجلس الأربعه على الصينيه وأنا وباسكال متقابلين وأناظرهاوتناظرني وهي تاكل وأنواع العرق و الدموع تصب مني ... قالت أمها شو مالك قلت لا أبد بس الفلفل ذبحني ... والله ويجي أبوها ويقطع لي لحم لين عبي حافتي بطلت أشوف شي ... قالي كل من يد خالتك (قلت بقلبي تخلخلت عضامك)!!! .... والله وما صدقت خلصت وأقوم أبي أطلع قالت باسكال حميان حرام عليك وأنا تتركني (( طبعآ بدلع..)). قلت يا شيخه الوالد لحاله بالبر بس ما عليكي أبي أرسل له السواق ==>>انواع ((النصب )) واطنش الوالد في البر والله ونطلع أنا وباسكال مشعلاني بالددسن وتطق البرقع وأنا أتلطم علشان ما يعرفني أحد !!! ... ونمشي والله وتفتح المرايه تبي تصلح الكحل حقها قالت لي عيوني ... قلت وش فيها عيونك !!! قالت لا أنت أسميك عيوني !!!! ... قلت أيه صح !!!.... قالت خلنا نروح للمقهى قلت يالله على المقهى والله ونروح وتطلب لنا كوبين (حلتيته) ... قلت يلعن أم الحاله وش هذا ما ينبلع !!! ... قالت لا حبيبي علشان دخلنا برد أنا وأنت يوم كنا بالحوض والله وأسكر خشمي وأشربه !!!! من غير شعور... ونطلع والله للسوق وحنا بالطريق ويدق عليها وائل كفوووري !!!! ... وتقفل بوجهه قالت صحيح ما يستحي يدق علي وحبيبي معاي !!! ... قلت بقلبي وش السالفه يا ولد أنت حلو صحيح ولا وش السالفه والله وندخل السوق قالت حميييييان ((ا تدلعني على بالها)) تحبني !!! ... قلت أيه بس لحد يدري . أشتر لي بطاقه سواء بدي أشحن جوالي !!! ... قلت والله ما معاي إلا الميه حقت أبوي وقالي غير فيها كفر الددسن !!!... والله وتناظرني وتجلس تقلب بعيونها قدامي والله وأنا أطلع الميه قلت يلعن ام الحاله عطها بطاقه يا شيخ بلا كفرا بلاهم والله وتشحن جوالها ونطلع للسياره إلا هذا أبوي جاي من البر مشي وينتظرني عند السياره .... قلت هلا والله وينك يا شيخ تصدق كنت أبي أدق عليك... قالي هات مفتاح الددسن انت منت كفو والله سياره !!! ... قلت يلعن أم التحطيم طاح وجهي قدام باسكال مشعلاني !!! ... والله وتجي يمي قالت لا تزعل أنا احبك بددسن وبدون الددسن قلت يلعن أم الحــب أثاريه فله والله وتصير خويتي باسكال وأصير كل خميس اسرق مفتاح الددسن من أبوي ونطلع انا وياها ندور على الاصفر . رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان