القروي ورحلة الشام

تذكرون قصة القروي وحميان في حمامات البخار بعد ماطلعوا من الحمامات ماعرف بعضهم بعض من زود النظافة اللي فيهم المهم راحوا الى القهوة بريحون القروي راعي كيف يدوخ على القهوة وهم في الطريق شافوا ناس واقفين طوابير القروي قال نبي نروح نشوف وش عندهم ياحبه للقافة واحد من الواقفين صاح في ولده هات الجرائد حتى نرى الرواية ( موضوع القصة ) القروي خاف خيفة الشر وقال اكيد الرجل جن ولاجايته وشه اكيد يبي يطقوني بالجرائد الخبل يحسبنها جرايد نخل القروي قال اتعشبه قبل يتغدابي طب على الرجال ومسك رقبته قال سوف ترى لمن الجرائد الرجال اخذ يصيح الحقوني النجدة الرجاجيل فكوهم وحميان يهوش علية وراك على الرجال المهم علمه بالسالفة راح حميان يضحك والرجاجيل تكركككرررر قال حميان تعال اوريك الجرايد اعطاني جريدة سوداء علية دقيق من الكلام مثل دبيب النمل طلبت من حميان انه يقراء وش في الجرائد ( بالمناسبة حميان يحمل شهادة من الكتاتيب يعرف يعد الين عشرة بس ويحفظ 15 حرف من حروف الهجاء ) اخذ حميان يقراء على الاخبار فلما سمعت ذلك اخذت الجريدة ومزقتها شر ممزق وقلت اكيد اهل الديرة يبي يهلكم الله المهم رحنا الى سنمة وقفنا عند بوابة كبيرة مثل الدروازة عندها ناس كثيرة مرة ولها سكك فيها انوار قلت اكيد هذا قصر الامير رقينا الدرج ان وحميان وقابلونا غلمان ( وراعين ) عليهم قبعات ( طواقي حمر ) وافخاذهم مكشوفة من فعل اهل الفسوق سالت الغلمان مذا تريدون قالوا راح الى هذا الشباك وهي عبارة عن غرفة صغيرة يتزاحم الناس عليها ويوم اقبل على الشباك شفت واحد حابسينة والناس يتصدقون عليه قلت في نفسي بكرة رايحين يعدمونه التفت وقلت لحميان نتى ريحين يضربون عنقه قزني بعين واقفى عني قلت اكيد هذاهذا كلام سياسي قربت من السجين اللي في الشباك وعطيته قرشين قلت عطها عيالك اخذها من ورد على بعضها مع ورقة صفراء فحلفت علية ولاكنه اصر فستحيت افشله دخلت راسي علية ابا اودعه فصاح السجين صياحا ارعبني وصاحت الناس واخذوا يسحبوني معى رجليني وانا ارافس والسجين يشدني مع شوشتي ومافي عضوا من اعضائي الا وهو شغال المهم فكونا الناس وجاء الحراس واخذوني انا وحميان الى قبوا تحت الارض وفي ناس صافين مثل صف الصلاة واذا بعضهم يولي بعضا دبره ماوالله اولى ظهر لمسلم الا في الصلاة وعمدت الى احد الكراسي ابحركه واذا مثبتينة تركة وستدرة انا وجلست احتري السلطان فاذا الحراس يديروني فلم املك الا الطاعة وبعد شوي جاء واحد معه انواع المأكولات قال تبي شي قلت وهل يرد الكريم الا اللئيم واخذت ابلع انا وحميان حتى ضفينا اللي في الصحن مشيت خشتي بكمي وقلت الحمد الله وحميان جالس يتاغر وبعد ماتعشينا قال الحساب قلت قبحك الله تاخذ من ضيوف السلطان فلوس وصارت مضاربة وقاموا الناس صياح وقام حميان ودفع الفلوس ستيمه كلش عليه المهم طفوا الانوار واذا بالخيل تهجم علينا مسرعة حتى والله كادت توطانا فقلت ويلك ياحميان ثكلتك امك انة الغزو فما قعودك وقفزت قفزة البادية الرجال نشمي وصرخت وانابو القراو وهجمت على الخيول ونا ادوس على الناس وتوطا بطونهم وما ان وصلت الى الخيل حتى ولعت الانوار وفر العدو من خوف بطشي هاربا وجاء الحراس السلطان ليخرجوني فردهم عني حميان فضحك حميان ولم البث حتى طفيت الانوار مرة اخرى ففزعت فما احسيت الا وامرأة قد مسكها واحد خبيث يحول ان ينال منها على مرى ومسمع الجميع وهي تستغيث النجدة فثارت الحمية في راسي واخذ العجراء واقبلت اريده فاختفى وعادت الانوار ورجع الصياح على وقلت طلعوني ابي الفكه انتم اهل فجور انتم اهل معاصي طلعت ورحت على القهوة وحميان جلس يناظر سنمة ويوم طلع الى والخدود والشفايف حمر تقول شارب توت . وللحديث بقية .

حسبي الله عليك ..

ياااخي ريح عيوننا وحط فواصل ونقط ومسافة بين سطر وسطر ... ياااخي أحولت عيوني هههههههههههههه

رهيييب والله السرد بس سو زي ماقلت لك أعلاه ..

وصفك للمسجون والناس تصدق عليه رهييييييييييييب ... مشكووووور لموضوعك

شكرا اخوى القروي وشكلك لازق في الشاشة تقرأ حرف حرف اكيد صدع راسك من التركيز المره الجاية اباصغر الكتابة ولازقها لازق يالله تجيب مكبر اخوي القروي تتوقع ان حميان عنده جواز في ذلك الوقت اونه يتسلل على الحدود يقولون جوازك اصفر قالب مع الشمس صحيح .